#عراقي_الهوى
للكاتبة ام مصطفى
ج٢
البارت ٢٧
فردوووس
راهب التحق صار يومين وكل شويه اخابرة ادري مو رجع ناطق شكوو رحت بعد
-لج اني طالع بس ع مود ناطق ليش هذا مو وطني مو كاعي مو عرضي الي استشهدوا مو اخواني مو عراقيين شلون حجي هذا
-والله من خوفي عليك راهب الشهداء تجر مال الحشد البارحة اثنين بمنطقتكم جابوهم
-اه منو ولج خاف اصدقائي
-مااعرفهم بس عمي وراغب يعرفوهم وراحوا للتشيع
-الله يرحمهم اخابر راغب واشوف منوا
-لا تغيير الموضوع راهب ارجع فدوه
-ارجع لو جنازه الكم لو مصوب مو اني اكعد مثل النسوان بالبيت واتفرج
يله سدي عندي شغل لا كل شويه مخابرة
راح اقفل مبايلي عدنة واجب نريد نطلع
-وين تروح واجبيش يخليك تقفل مبايلك
-طالعين لمكان بي متفجرات ولازم نغلق المبايلات لان ع الذبذبه اذا دك مبايل تنفجر علينا احتمال اكو هيج نوعية متفجرات
-عزززة راهب صدك تحجي لا تخبلني تريد تموت انتحار هذا
-فردوس كافي تقللين من عزيمتي صدك النساء تضعف همم الرجال
-انت تريد تموت ادري بيك
-اما حياة تسر الصديق او ممات يغيض العدا اموت شهيد وارفع راسكم شكو بيها اتمنيها الي
-يمةة راهب مفكرت بيه بهمسه
-والله مشتاق الها اريد اروح اشوفها
-عزززة منيه راهب
-همسة
-وك منوا منهن
-اووووووو انتي بطرانه فيماالله سلميلي ع امي
وسدةة
عزه العزاني
رجعت دكيت مغلق
كعدت كعود ادك والطم لابيه انزل جوه واحجيلهم ولابيه اسكت احس حيلي انهد
صعدت فرقد لازمه بيدها همسه
شافتني
ماما شبيج
وج بتي جني ارجع افتر بالبيوت اني وياج
اوويلي ع حضي الماكعد يوم
ماما شكوو
ماكو شي بنتي بس اخذي همسة وانزلي ولا تحجين شي خليني هنا واليسئلج علي
كولي راسها يوجعها وفوك
اي نازله بس همسة تريد لعابتها تلعب بيها
طلعيها بديلابها وروحي
رقية باجر موعد الجلسة
ومحمد يدك مااجاوب
تالي دزلي رساله شطولها
كلي لو اطلكتي اخذ الولد منج وتحلمين تشوفيهم
تره لا اول ولا اخر واحد يزوج وانت صوجج ماارتاحيت وياج ابد من ازوجتج لهسه مشاكل واجي تعبان تتلكيني بالمشاكل والطلايب
هملتي نفسج حتى نوم متنامين يمي ليل نهار تخدمين واني اخر اهتمامج
اني لا عبالج كرهتج
اني احبج ومتمسك بيج لهسه
رقيه ارجعي واجرلج بيت لو فوك اصعدج واطلعلج درج
فكري رقية فكري واني حاضر الج
قريتها مدري اضحك مدري ابجي
امداني وامدة قسمتي العوجة فوكاها هو طلع مقابل علي المشاكل منين غير من خواتك الي انت اطيتهن مجال يدخلن بحياتنه
هملت نفسي ليش غير صاير مو بيت مضيف اهلنا ليل نهار اخواتك وجهالهن ورجولتهن يمي اطبخ وانفخ وحدي واركض من الصبح لليل
لا وجماله يعوفن جهالهن يمي ويطلعن وي رجولتهن يتونسن
تالي طلعت موزينه اسكت متقبل احجي متقبل حرت وياك يا محمد.
زينب
طلعت الجوزات بقت بس انفيز لتركيا
سعد صفى كلشي اخر شي باع سيارته
