#عراقي_الهوى
للكاتبة ام مصطفى
الجزء الثاني
البارت الخامس
رقية
كمت الم بغراضي بجنطة الي احتاجهن
وملابس ابني
قررت قرار نهائي بعد ماارجع تعبت حييل مااعرف شلون احتويهم
والله عجزت كرهت روحي مشاكل بمشاكل ليل نهار ومحمد تغير مو الاول صار دوم وي اهلة واذا مو وياهم يكلي اسكتي ميخالف ..
جمعت كل غراضي وابجي
وهو جوة
بديت انزل ابني جوة عدهم
نزلت كال يلة امشي
رحت اخذ ابني جان عمتي دكلي لا متاخذيه ابنة يبقى عدنا
شنو يبقى عدكم ابني يرضع ع صدري
عادي نذبه ع ممه
باوعت لمحمد
محمد اريد ابني
جان يكول عوفيه يم امي
شلون اروح واعوف ابني شلون اكدر
امشي اوديج لهلج
مااروح اذا مااخذ ابني
اكلج امشي لا تخليني اضربج
عادي اضرب تعودت عليك
بس ابني مااعوفة سمعت لولا
كمت اصرخ انتوا شنو ماعدكم رحمه ماعدكم مخافة الله
اكلج لا تعلين صوتج علينا ترة زودتيها كلش امشي يله امشي بعدين نتفاهم
جرني يله امشي
كعدت بالكاع مااروح ابد
طلعت مبايلي
شسوين اخابر اهلي يجون شنو تايهة اني الكم
رجعيه يله لا تسوين مشاكل
لو تتعتذرين هسه من امي وتصعدين ترجعين
لا مااعتذر اني تعبت اريد اخلص اريدك اتطلكني
فتح عيونه علي وصلت للطلاك
اي لعد شعبالك مثل كل مرة اسكت تعبت اني بعد ولعبت نفسي من عيشتكم اطيني ابني بله مشاكل محمد اذا طلعت بله ابني ترة تكبر المشكلة
اكلج انت تهدديني شنو شو بله خل تكبر يله امشي
ع راحتك
جريت غراضي وطلعت
اجر تكسي
وذبني اباب اهلي
يمشي ويباوعلي كتلة مع الاسف ع كل ساعة عشتها وياك
دكيت الباب طلع ابوي
شافني ابجي
ها بوية خيير طبيبي
يابة طلكوني مااريدة تعبت منهم
طردوني واخذوا ابني مني
دخلت جوه
امي اجت تركض سمعت صوتي بالحوش
ها يمةة شنو شبيج
ولج يمةة تعبت مليت وتالي يطردني وياخذ ابني اريد ابني هسة
يااا ليش شصار وشلون ياخذون ابنج وهو يرضع ع صدرج
ظلام يمة ناس ظالمة
وين راهب اريد يجي اريد ابني
راهب بالمحل
هسه اخابرة
خابرتة امي واني كعدت ادك والطم ع ابني ابني اريدة
امي كالت لراهب
يمةة رقية جاية زعلانه وماخذين ابنها منها وتريدك
سدته كالت هسه يكول عشر دقائق واجي
شربتني امي مي
كالت شصار احجيلي
حجيت الها يمةةة تعبت مو بشر مدري شنو من طبع شحجيلج مصدكين
كل العيال هيج لو بس قسمتي هاي
وين جنت وين رحت من الخير للفكر وكلت ميخالف من الدلال للظيم وسكتت
بس كلشي اله حد صبري نفذ متت والله
خلصوني منهم طلكوني مااريدهم
يمة اسم الله من الطلاك شتحجين انت
اي يمةة الطلاك المن انوجد هو لهيج حالات تردون تموتوني لو اطلك
يمةة انت هسه محترك كلبج عود بعدين احجي
دخل راهب فحطان شبيج شكو
كمت حضنته راهب خلصني ابوس ايدك
طلكني مااريدة
شكوو رقية شصار
طردني واخذ ابني
شلوووون
اي والله خويه ذول مو بشر تعبت منهم والله
اهدي واحجيلي الصار
كعدت وحجيتلة كولشي مبقيت سالفة محجيتها
صارت عيونة براسة
كل هذا وساكتة يمد ايدة عليج فوكاها
اي والله خوية
راح ورجع
باوعلي وينة هسة هو
ماادري ذبني بالباب وراح راهب اريد ابني منك
هزلي راسة
طلع مبايله وخابر محمد وين انت
بالمحل هسه باوعت معزل هاا جايك اني لعد
طلع امي ركضت وراه ع كيفك يمةة بهداوة
لا تخافين مااسوي شي بس اجيب الطفل
