#عراقي_الهوى
للكاتبة ام مصطفى
البارت ٢٤
رقية
بسرعة من سمعت عمتي هيج حجت رجعت ليوره وطبيت لغرفتي نزعت عباتي علكتها بالتعلاكة وره الباب
وجريت دشداشتي لزمتها بيدي دخل محمد
ليش رجعتي اني كلت نروح
حجيت ابرود
محمد خلص عفيه اني مااريد اروح مابلازم تره
وبعدين اشو فجأ راسي وجعني راح اناملي ساعة مالي خلك الخطبة هوسه
كمت انزع والبس وهو متجتف كبالي
تالي طلع ركع الباب حيل كمزت منه
كعت ع الجرباية وخليت راسي بين رجليه
اوف يربي شيخلصها شلون تخلص ماادري
خابرت امي كتلها يوم مااجي محمد صارت عنده شغله ومكدر يجيبني تعذريلي من بيت عمي
-ليش يمة ادزلج راهب يجي ياخذج
-لا لا متسوه ان شاء الله ع خطبة الولد اجي
-ع راحتج بنيتي
سديته منها ضليت افتر اخاف اطلع من الغرفة
بس لازم اطلع ابدي اسوي عشة
باوعت ع الساعة ٢ ونص بعد وكت
خل انام شويه وتهدأ الاوضاع واطلع
زينب
اكلك سعد خطبة هادي شدكول اروح لولا
-لا تخليني بالنص تردين ترحين روحي ماتردين ترحين لا ترحين
اني ماعدي اشكال
بس لو تبقين بدروسج مو احسلج
-اي اني هم اكول هيج ابقى ادرس عندي كمياء السبت
لعد اكعدي اقري ...
رحت لمي يمةة مااروح روحي انت
يااا شجاجن ذيج متجي وانت متجين
يوم عندي امتحان وماالحك
ومنو يبقى يمج
ناطق فوك يكول مااروح اريد ادرس
والله بيفكم بعد
راهب
هاا شنوو مترحين زينب
لا والله مااروح روحوا انتوا عندي باجر امتحان خاف ماالحك
ع راحتج لعد
راغب نزل لابس
كتله انت مستعد برسم الخدمة
اي قابل شعندي غير بيت عمي
ها ولك هيج صارت هاي من اولها هيج
هههه لا اشاقة
يله يوم خل نتوكل
اخذتهم ورحت لبيت عمي
رقية
صار العصر كلت خل اطلع
طلعت الملم بالبيت
كلهن كاعدات كبال التلفزيون يباوعن ع مسلسل تركي
ويكرزن حب
محد باوعلي
عمتي بالمطبخ
دخلت يمها عمة شنسوي عشه
باوعتلي
سوي كباب عيني
رادت تطلع
رجعت كالت رقية عفية عليج من تكفيتي الشر ومارحتي والله انت بت اوادم طلعتي
ابتسمت الها
ورحت فتحت الثلاجة بديت اطلع البصل والكرفص وباقي المواد واثرم
كملت كلشي لحد ماصار المغرب رحت صليت ورجعت اكلي
طب محمد باوعلي بالمطبخ اكلي جان ضايج كلي سويلي عشه وجيبيه للغرفة
هزيتله اراسي اي
كمت اكلي باذنجان وكباب وطماطة احنه هواي
احس ضهري انفصم ع فد وكفة
حطيت صينيه لمحمد وديتها
جاي اطلع تعاي تعشي
لا بس اصب العشة الهم
-وهنه ماعدهن ادين ويصبن
صاح بصوت عالي عوفيهن هنه يصبن ووتعاي تعشي
طبعا الغرفة بابها ع الصاله وهنه كلهن بالصاله وكلهن سمعن رجعت كعدت بس ارجف من الخوف يربي عيشتيش هاي امدة حضي اي والله
كوه اكل.
خلص شلت الصينيه وطلعت
بعدهن ياكلن عمتي تباوعلي
غسلت مواعينه ورتبت المطبخ وطبيت
كال طفي الضوه وتعاي يمي
اي هسه بس اغير ملابسي تبللن من المواعين
غيرت ملابسي واجيت بصفة
جرني عليه
رقية هم يجي يوم واتعبين وتعوفيني
-اني لا مااتعب عادي حبييبي محد مات من الشغل اني جنت شايله شغل البيت كله علي زينب كلشي متسوي يعني خفايف وعادي عندي يعني
-ياريت ع الشغل وبس رقيه اخاف تهجين من المشاكل
-لا ان شاء الله مدام انت وياي تهون شسوي هاي قسمتي والله كريم
