#عراقي_الهوى
للكاتبة ام مصطفى
البارت ١٧
رقية
بالليل خابر محمد كال الصبح امي تجيج تشتريلج نيشان
-ليش مو اني وياك
-سوالف نسوان وفرفرة بالسوك مااحبها
-زين انت اطيني شكد محدد للنيشان واني اشتري ع راحتي علويش امك متعبه روحها وياي
-لا هي تريد تروح وياج بعد
-ها ع راحتها هسة شوكت تجي
-باجر ب ٨ الصبح يمج دكول من وكت نروح لان فره ورانه بالسوك وخاف نتأخر
-يله هاي هي
ثاني الصبح كعدت من وكت
كلت لامي ترحين وياي
-شكو رايحه وياج انت ورجلج روحي مابيه حيل افرفر بالسوك
-مو عمتي راح تروح استحي اروح وحدي وياها
-عليمن بنيتي هي مثل امج راح تصير روحي تعودي عليها
منو يبقى بالبيت واختج ايدها مصبوبه
متكدر تسوي شي
روحي وتعذريلي
-ان شاء الله
بدلت ع السريع
خابر محمد كال راح نوصلكم
ليش انت جاي وياهم
اي غير اوصلهن الج
منو هنه
امي وندى اجوي
ها اي همزين اجت ندى استحي وحدي وي امك
ديله راح نوصل تحضري
ماعدي شي لابسه ومنتظره
وصلوا
طبت عمتي سلمت ع امي
ومحمد سلم هم ع ابوي وامي
جان يوم جمعة الولد نايمين فوك
جنت حيل مستحيه منهم
صعدنا تكسي ومحمد واكف يمي حبيبتي فلوس تكفي وزايد وديتلج اشتري اليعجبج معليج بيهم
اي شي ترديه اشتري ولا تخلين بنفسج شي
-حبيبي الله يخليك الي
-ويخليج الي
وصلنا للسوك نزلنا
اول مدخلنا ع الكوزمتك
كالت عمتي اشتري مكياج شنو تستخدمين انت
جان بوكتها بودرة ام التاج استخدم
وخذت علبة ضلالات دوف جبيره
وشامبوا وعطور وبودرة جسم
اخذت ٦ اقلام حمرة
مشط ومرايا وعلبة للمكياج
هنه واكفات بس اني ااشر للولد
جان ندى دكول
راح تشترين المحل كوله شنو
التفتت عليها
لاحبي بس اشياء الاساسيه الي احتاجها
باوعتلي بنظره مدري شلونها
بعد جنت رايده اشياء مكدرت اشتريها من الكوزمتك
كلت اخذ سكينه واشتري ع حسابي جنهن ضاجن
حاسبن الولد وطلعنا والوجوه مكلوبه
واني استحي ووحدي
كمت اباوع بوجوهن واوزع ابتسامات
دخلنا ع محل ملابس الداخليه
اخذت هم اشياء اساسيه
وعجبني روب كلش حلو ستن بصلي
جان سيت كامل
لهسه اذكر سعرة ٥٠ الف
وندى جان دكول صدك تحجين تره احنا مو تجار ناس ع كد حالنه
شنو روب ب٥٠ ع كيفج عيني ويانه
كتلها مابلازم نداوي لا تتعصبين مااريده
عمتي جابت واحد ع ذوقها خلته بالعلاكة
بعد محجيت
انكسر واهسي
طلعنا لملابس الطلعة ونفس الشي شنو يعجبني غالي لو موحلو
وهنه ع ذوقهن يشترن
ولا اخذت شي ع ذوقي غير المكياج
رجعت مقهوره حيل للبيت
كلهن ماحلوات ومو لبسي ولا ذوقي
شلون راح البسهن
حيل انقهرت
كعدت احجي لامي ومقهورة
امي كالت يمةة خطيه ماعدهم هم واحد لازم يقدر ضروفهم والملابس تجي كلها وره العرس اهم شي الولد ورجلج زين ابوج يمدح بيه واخوج هم
وهاي سوالف ثانويه
بس ماحبيتهن الملابس شلون البسهن بعد
يمه اكل مايعجبك والبس مايعجب الناس
هنه مو عجبنهن هاي هيه انت راح تلبسيهم الهم وبعدين انت ماعيازه عنده خير من الله ملابس
امممم
