#عراقي_الهوى
للكاتبة ام مصطفى
البارت ١٥
رجعت للبيت وجسمي كله يرجف والله راسي انسطر مو حب هذا رعب عايشه رعب اخاف من راغب عصبي كلش
واخاف لا افقد ثقت راهب واطيح من عينه
تعبت والله
دخلت للبيت ابوي يحجي
لو بس اعرف شلون وكعتي وايدج انكسرت
اتزحلكت بويه كل شويه اكلك
رجعت ع فراشي
رقيه عفيه راح اتمدد اعذريني مااكدر اساعدج بالبيت
لا حبيبتي معذوره
-راهب وين
-راح بنفس التكسي للمحل -
هاا
خطيه راهب ضايج كلش ومقهور ع شغلته
-اي والله ميستاهل والقران راهب يارب يفرح كلبه
اكلج زينب محمد كل شويه يخابرني
علمود نطلع اشتري حلقة
ع ذوقي عود
بس اني شلون اعوفج واطلع ماادري
-لا حبيبتي عادي روحي ماعندي شي اني
زين شلبس
البس هذن
طلعت من الكنتور تنوره وبلوز جان ابو السحاب وردي
اي حلوات البسيهن
اممم
خل اخابره لعد واكله اي اروح
رقيه
رحت خابرت محمد ها حمودي
ها شنو بشري نروح
اي اي ان شاء الله نروح
-شوكت اجيج
بكيفك
وره الغده لان الوكت يركض بسرعةةبسرعة
اوكي انتضرك
سويت غدة ع السريع وي امي جانت امي مسويه كبة حامض شلغم
وبدت تصب التموا الولد
كلهم يحبون هاي الاكله
تغديت ع السريع ولميت السفره
غسلت المواعين
ورحت بدلت خابر محمد كال جاي
هاي اول جيه اله بعد الخطبه
بسرعة كملت
ومتلهفه لشوفته
امي اجت كالت اجوو
منو همه
خطيبج واخته
منو اخته شو مكال
ماادري هاي الصغيرة اصغر وحده
تعجبت شعجب جايه وياه هو كلي بس اني وياج
طلعت رحبت بيهم
هلو زهوره شلونج حييبتي بتوستها
هله بيج
محمد شلونك
الحمد لله
راهب طب سلم شاف البنيه وطلع
كال زهراء صممت اله تجي ويانه
كتلها تعاي قابل شعدنا
هله بيها حبيبتي صدك قابل شعدنا
كال يله استعجلي هسه بس اجيب عباتي
رحت اخذت جنطتي وعباتي
وطلعتا صعد تكسي ورحنا للسوك الجبير
بي محلات ذهب
زهراء لازمه ايد محمد وتمشي واني امشي وراه
اشرت ع تراكسود
حمودي اشتريه الي عجبني
اي مو تدللين
طلع ١٥ الف واشتراه
كال تاخذين واحد
لا لا شكرا مااريد
شنو شكرا دخذي ذاك الماروني يجنن يطلع عليج انت بيضة يضوي ضوي غير
كالت اخته
شنو قصدك اني سودة وجبتلي وردي
هم اريد ماروني
كلها لا مو قصدي
ولج انت تخبلين
ابتسمت الها حبيبتي اخذي اليعجبج
بس بداخلي ضجت شنو هاي من هسه جنها تغار
نمشي وتأشر مثل الطفل
وتحرجه واعرف هووماعده خطيه
كوه مجمع فلوس الحلقة
وصلنا للصايغ كال ادلي اختاري
انطاني مجموعة حلقات
اختاريت حلقة ومحبس طبك عجبتني جان موديلها جديد
طلعتها لبستها
كتله هاي حلوه مو
لزم ايدي ويباوع عليها وعلي
تخبل غير
يعني اخذها اي حبيبتي الي يعجبج
كالت زهراء ويع شنو هاي لا عيني ماعدج ذوق اخذي مسح احلى هاي مال معدان
جرت حلقة تاخذين هاي
كتلها بس اني عاجبتني
وانت ماعدج تره ذوق اخذي هاي
باوعت ع محمد
كال رقيه ع ذوقج
التفت ع زهراء هي عاجبتها انت معليج قابل راح تلبسبها
رجعت الحلقة بعصبيه
وراحت كعدت عود ضايجة
دفعنه فلوس ولبسها الي
واني هم اشتريتله حلقة ذهب لبستها اله
