#عراقي_الهوى
للكاتبة ام مصطفى
البارت الواحد والعشرون
رقية سديت المبايل
وشبعت بجي بالغرفة فكرت اكوله لراهب وافسخ الخطبة
بس وكف بعيني محمد ماله ذنب حباب ومؤدب وابد مغثني بكلمة وحده ويحاول يسعدني حتى لو ع حسابه
كعدت بالغرفة ومتت بجي مقهورة
عمري مامغثوثه هيج
صح احنه ع كد حالنا واخواني متشددين
بس عمرة محد هيج سمعنا حجي عايشين واحد يحترم الخ
هذا الحجي مالتهن غريب علي حسيته زرف كلبي وانهضمت والله هاي من اولها هيج وتالي شلون
خفت حيل وترددت اكوله لراهب لو اسكت
رجع خابر محمد
جاوبت بس صوت واشهك بجي
-بعدج تبجين رقيه الله عليج كافي هسه اوصل للبيت واتصرف اكيد اكو سوء فهم كافي عليج الله لا اهلج يشوفوج
-مااكدر محمد الكلام جان حيل قاسي
واني ممتعوده عليه ماادري محمد افكر افسخها للخطبه مثل مكالت اختك نخربها
-اختي شنو بكبفها اني
لج اني مصدكت صرتي الي وخطبتج انت متعرفين شنو معزتج بكلبي
اني بطبعي مااعرف اعبر عن مشاعري واحجي مثل ذول الشباب شلون يتغزلون
لان ماعندي سوابق
بس اكولج شي واحد احسج انت وي النفس يصعد وينزل روحي تعلكت بيج
رقيه مااريد اسمعها منج مره ثانيه
اهون عليج زين اني شنو ذنبي
-انت مالك ذنب بس صعبه والله كلام قاسي خايفة محمد خايفه شلون اعيش وياكم
-اني موجود وتخافين
راح افوت للبيت وصلت
عليج الله كافي اني بس اتفاهم وياهن اجيج كبل سويلي غده يله اتغده وياكم
-هلا بيك
زينب
بالليل كلت لامي يوم باجر ياخذني سعد نشتري ذهب
يكول من المدرسه واخذج
-شنوو يمة لا عيب ماعدنه بيت تجين للبيت وغيري ملابسج وروحوا بس اسئل راهب بالاول
نزل راهب امي كلتله
زينب تريد تروح تشتري ذهب هي وخطيبها
-اي خل تروح هو زوجها بعد احرص مني عليها صار بعد
ها لعد اكللها تروح
يمةة خل تروح
شبيك ضايج
-نفسيتي تعبانه وروحي طافره ادري بس اني من اريد ازوج كلها تنسد بوجهي
-يمةة اخذ بت خالك والله كاتلة نفسها عليك شلك بالسادة دخيل بختهم شايلين خشمهم ع الناس دوم يصيرون
-استغفر الله شتحجين يمةة دسكتي عايزج اني
التفت علي
زينب روحي باجر بس اعكسي اخلاق اخوج من اطلعين وياه
خوش فهمتي ان شاء الله
لا تخاف اخت راهب
والنعم
دك ع جتافي وطلع يتنفخ
خطيه راهب اووف كون تصير شغلته
رجعت خابرت سعد كتله ارجع للبيت اغير ملابسي ونطلع
كال ماكو شكال
ضلينا نسولف بوكتها لوحده بالليل
بديت اخذ واطي وياه بالحجي والله طلع حباب وحنين ومثقف
حيل انعجبت بشخصيته ثاري صدك خبالاته بس وياي
الصبح لبست وطلعت
هم شفته واكف
صاحلي كانما يتباهة اني خطيبته
صباح الخير شلونج
جان لازم وردة حمره بيده
كال هاي من حديقة بيتنا جبتها الج
اخذتها شميتها شكرا ريحتها طيبه
يله اروح لا اتاخر
اوكي انتضرج
