#عراقي_الهوى
للكاتبة ام مصطفى
البارت ٢٩
زينب
شفت شخص مرعب ع هيئة حيوان
بس الصوت صوت سعد
شبيج زينب شجاج
-وخر ابتعد مني منوو انت سعد الحكلي يمةة الحكيلي
تقرب مني بعد كمت اصره
اااااااه الحكوولي حطيت ادي ع وجهي واصرخ
-تخبلتي زينب شبيج يمعوده خرعتيني اني سعد شبيج
-وخر مني انت مو سعد انت وحش
سععععععععععععد وينك
اجه لزمني رجعت ليوره بهلع وخوف كلما يتقرب يخوف اكثر عيونه حمر بالطول وجه خنزير كلب او شيطان
يبووووووي الحكولي يمةةةة راهب خوية الحكلي
وخر مني فدوه وخر الله يخليك
-وج لا تخبليني شجاج وحشيش اني سعد
-لا مو شكلك سعد حلو انت شكل وحش
كمت اصرخ بهستريا
رجع مني ع كيفج لا تعيطين راح ارجع بس لا تبجين
احسة ابتعد مغمضة عيوني وارجف خوف مثل الكابوس
اسمعة يخابر اصعدولي بسرعة بسرععهععههة ويعيط
لا ياربي
اني صرت بزاوية وارجف وخالة ايدي ع وجهي
صعدوا امة وابوه اخوه الجبيرى ميثم
شكووو ولك
وخرت اديه شفتهم كبالي
الله يخليكم رجعوني لهلي مااريد ابقى هنا
باوع لسعد شصاير بس لا طلعت مو بنية
-اسس شنو هالحجي هاي اشرف وحدة شفتها بحياتي
البنية تخاف مني تشوفني وحش
شصار
دار ع امة ثناء صعدت للغرفة
شنو ليش مفتهمت
بت اختج الجلبة صعدت للغرفة
-اي سفطت الملابس وياي
-انييي شكلت شكلت مو محد يطب لغرفتي غييييرج ليش تكفريني
-هسة شصار
اندار علي خبلتن البنيه شوفن شسويتن بيها
شفت وجهه رجعت صرخت. اااااه طلعوه مني فدوه ابوس ايدكم
جان من يصد مني اكوم ارجف وارعب شكلة يخوف شراني عبالك يريد ياكلني
-اطلع وين سعد سعد سعععععععد وينك ليش هيج تسوي بيه مو اني احبك
شال الطابورة مالت الميز وضربها وكسر المراية
انوب خفت بالزايد كلت راح يهجم علي
ابوه يكلة شسوي تخبلت
وخرووا مني اكرهكم كلكم
شسويتوا الها
انتم وياي ليش تضروها هي شنو ذنبها
-ولك بابا منو يضرك انت ابنا وهاي مرتك فصرت بشي اني وياك كلي
-هاي مرتك واختها وبتها. اعرف كلش زين
لزم التحفيات كسرهن والله اهجم بيتكم هجم لو صار الها شي
جره اخوه كافي تخبلت خل نفتهم
اطلع جروه جر جتفه اخوه
-مااطلع ماأمن عليها يم هاي هاي عدوه مو امي
-ولك يمةة شمسوية والقران فرحانه بيكم ليش تتهمني هيج شجاك تخبلت
-انت كتلج لاتعزمين اختج وبتها عزمتيهن
كتلج لا تفوتين احد فوك وامنتج ع بيتي
وفوتيها انت كله منج خبلتن مرتي بسحورتجن مثل ما خبلتن رجل اختج
هذا الجنت خايف منه صار
زينب
اسمع وارجف انقهر عليه لان صوت سعد بس من اباوعلة ارعب واخاف منه واكرهه
جروه جر وبقت بس عمتي يمي تبجي
اجت حضنتني
والله يابتي اني مالي دخل بشي
سور سلمان ابن داوود عليكم
كومتني وتمسح بدموعي كومي بنتي شجاج
خالة اخاف هذا مو سعد اشوفة وحش هذا
خاله خابروا اهلي يجون ياخذوني
جنت احجي وارجف
اسم الله عليج بنتي دكومي نزعي بدلتج
اندارت فتحت السحابه
وطلعتلي دشداشة من الكنتور وتبجي
اويلي عليك سعد يمةةة
انطتني دشداشة كالت بدلي طالعة بالصالة
جنت اسمع صوت سعد واهلة بالصالة
طلعت سدت الباب نزعت البدله ولشتي كلها ترجف لبست ثوبي
انداريت اشوف بزون سودة يم الباب البزون تخووف وعيونها عبالك كلوبات لو ليزر وتضرب بعيوني
صرخت منها وهي واكفة كبالي
طب سعد يركض
كمت منا اشوف سعد بهيئة حيوان مرعب ومنا البزون
كمت اصرخ رااااااااهب خوييييييه ووكعت بالكاع .....
