#عراقي_الهوى
للكاتبة ام مصطفى
البارت ٢٨
رقية
تليفوني بالبيت بقى وذهبي وفلوسي
حتى عباتي جايبيني بلة عباية
بس ردت مبايلي ردت اطمن ع محمد خطية مالة ذنب وجمالة راغب اتجاوز عليه
اوف اذكرت من دخلن علي للغرفة وهجمن يربي شلون موقف همزين خلصت منهن مستحيل ارجع بعد تعبت
دخلت زينب
ها رقية صباح الخير كعدتي
اي هسه
شلونه راسج هسه صار زين
لا احسن بس عبالك مورم كلة
اي مو شويه خياطات غير
منو عدنا
سكينةة جاية من الصبح كعدت لكيتها بالمطبخ يم امي
ها خطية اكوم اسلم عليها واغسل وجهي
اكولج زنوبه اطيني من ملابسج اريد اشطف جسمي ريحة ديتول تكتل بيه وماعندي ملابس
-اي كدامج الملابس فوتي واخذي اليعجبج
كمت فتحت الكنتور
اسم مبايل زينب يدك
كالت هذا محمد
درت وجهي احس روحي انسلبت من سمعت اسمة باوعت بوجها ساكته
كال شنو هسه اجاوب تجاوبين
لا جاوبي انت شوفي شيريد
اوكي
فتحت خط وفتحت سبيكر
الو صباح الخير
هلو محمد صباح النور
شلونج زينب
زينة
رقية شلونها بالي يمها
زينه احسن من فضل الله
اكدر احجي وياها
مااعرف خل اسئلها
اشرتلها براسي شنو
اشرتلي بيدها لا لا
نايمة كوليله وتاشرلي
كتلة نايمة هسه بعدها
-لا مو نايمة بس متريد تحجي وياي موو
الصدك اي متريد تحجي وياك نفسيتها تعبانه تره السويتو بيها مو شويه
-زينب اطينيها اريد بس احاجيها
اشرتلي لا لا
كتله متقبل
-متقبل زين لعد جاي اني
وين جاي عفية راغب هنا لا تصير مشكله
سد الخط بوجهي
يااا عزه سد الخط هذا بس لا يجي ويعلك وي راهب ماعنددة تفاهم ابد متأثر بافلام الاكشن
-عززه شسوي ولله تعبت وكرهت روحي من المشاكل ياربي اخذ عمري وخلصني
حبيبتي اسم الله عليج
انطيني مبايلج خل اخابره احجي وياه
رقية
دكيت عليه
جاوب
الو
حجيت بصوت تعبان الو محمد لاتجي فدوه مابيه حيل مشاكل
رقية شلون صرتي
اني زينة
رقية احجيلي الصار بالصدك الصدك
صدك انت غالطة ع رنا وطاردتها
ومن زهراء كايلتلج ليش غالطة عليها وهي ضاربتج
اووف محمد عفية لا تحجيلي هيج انقهر بالزايد واكره نفسي شلون عشت وي اهلك هاي الفترة كولها
-احجيلي الصار
-الصار هو باختصار ........
راهب زرت كربلاء وبتت بيها.
شلون ارتاحيت نفسيا. خلصتها زيارة ودعاء وقراءة قرأن وتسبيح
عشت اجواء روحانية اني كلما تضيك الدنيا بيه اعتكف واتقرب لله اكثر
التقيت بولد هناك من كربلاء كمنا نسولف ع السياسة وع مجلس الحكم بذاك الوكت وع الاحتلال الامريكي
ارتاحيت بالسوالف وياه
حلفني اروح وياه لبيتهم
ابات عدهم كتله والله اني طالعة روحي من البيت جاي هنا اريد اشبع زيارة
-ليش خيرك
والله زوجتي صار شهر ونص توفت ونفسيتي تعبانه
-الله يرحمها. لعد باجر تجي تتغدى يمي باجر شوكت انت. ترجع
والله ابات هم هنا وع الجمعة اغبش للنجف وارجع للبيت
هاي هي تجي يمي باجر
انطيني رقم تليفونك
سجلته يمة وترخص وراه.
استغربت من اهلي محد اتصل علي بس زينب
كلت اخابر امي
دكيت متجاوب رجعت خابرت رقية متجاوب
اتصلت ع ابوي كال بوية طالع وزينين امك وزينب بالمطبخ مو يم مبايلاتهن
ها لعد سلمنه عليهن وسديته منه
رقية
حجيت لمحمد كولشي وحلفتله ع كل كلمة
تخبل بالزايد كال شسوي هسه شصرف اني والله صاير مثل بلاع الموس وياجن تعبت رقية ارحمني
واني شلي علاقة ؟
رادت السيت اطي الها واخلصي
شنو غير مالت عرسي ومستعزة بيه. يعني تلفن ملابسي كولها مايصير هيج استغلال وياريت يشكر يرجعن الملابس
-يعني هسه عاجبج الي يصير
-انت شنو تحملني ذنب شي ممسويته
-والله كرهت روحي
راح اجي اجيب مبايلج واجي
-لا لتجي
-شنو خايف ومااجي
-راغب عصبي متهور خل يجي راهب وعود تعال
-عصبي ع روحه اني جاي اشوفج واخذج يجوز وياي
-شنو تاخذني بهاي السهولة هالكد رخيصة اني عندك
-يعني اذا ارجعج للبيت رخصتج يعني
-طبعا كرامتي وين اني
-كرامتج ابيت زوجج
-وينه بيت زوجي اني ماعدي بيت زوج اني مجرد خادمه الك ولامك واخواتك
رقية هالحجي ميفيد اني جاي ولا تكبرين الموضوع
الموضوع هو جبير بس انت تحاول تصغره معقوله هالكد رخيصة اني عندك
-اوووو حضري نفسج جاي
وسدة بوجهي
زينب جانت يمي
كالت خطية ميعرف شيسوي
هو منو الخطية اني لو هو.
هسة كوليلي شسوي
ماادري خلي يجي يجوز تنحل
مااعتقد
انطيني ملابس خل اغسل وابدل
اخذت الملابس وطلعت
سكينه شافتني
يمةة شصاير بيج الله لا يوفقهن وحوش مو بشر
شسوي الحمد لله ع كولشي
امي كالت تعاي تريككي حتى نروح
للعيادة هاي بيها خوش سونار ودكتوره
نشوف وضع الطفل
يوم مو هسة
هذا محمد خابر يكلي راح اجي وخاف راعب يتعارك وياه
اوف وينك خوية راهب محتاجتك
عوفن راهب بحاله ممنوع وحدة تخابره وتكلة
لا مااخابره بس والله محتاجته
