#عراقي_الهوى
للكاتبة ام مصطفى
البارت ١١
من طلعنا الفجر بوجهنا رحنا لمنظمة الهلال الاحمر
انطيناهم المساعدات الي جمعناهم وفلوس هماتين
خلينا بكل ضرف ٢٥ الف
كالوا تره الجماعة بدوا ينزحون
والامريكان ناشدة العوائل والاهالي بالنزوح
اكو ناس تطلع واكو لا باقين بالفلوجة
احنه راح نروح للنازخين هسه الناس الي جاي تطلع
اتفقنا وياهم
انطونا باجات ويلكات بيها علامة الاهلال الاحمر ع اساس احنه وياهم
طبعا خوفا علينا من الامريكان والسيطرات
طلعنا
والطريق طويل وع طولة منتشرة امريكان
وكل شوية توكفنا سيطرة
وكل ما نوكف يم سيطرة اقرة الاية القرانية
وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ (9)
ارددها بكلبي اكثر من مرة
ونعبر السيطرة
الى ان وصلنا لسيطرة دخول مدينة الفلوجة جانت قوات جدا كبيرة متواجدة هناك
طبعا نزلنا وشافوا هوياتنا
ودخلنا لبوابة المدينة
نشوف العوائل شلون تنزح وتطلع
واكفة سرة
المشهد جان يبجي الصخر
شنو ذنب هالعوائل هيج تتبهذل
شنو ذنب الاطفال والنساء
الموقف جان جدا محزن
بدينه نوزع المساعدات وي فريق الهلال الاحمر
جان اكو رجال شايل طفله مضروبه شضايه بجسها وتبجي
اخذوها للطبابه يعالجوها
اباوع عالطفله شلون تبجي من شدة الالم
يارب رحمتك
مأسات شفت حالات يرثى لها
ياربي يمته نرتاح ليش احنه من دول الدول هيج يصير بينا
يمته نرتاح خلصنا عمرنا حروب بحروب وحصار وموت
اخخخ يالعراق هل اراك سالما منعما ...
رجعت وطول الطريق احس نفسي مخنوك ونفسيتي تعبانة من الي شفتة
مع الاسف يهود تذلنا وسفة تمنيت اكدر افوت ويه الولد جوه واقاوم وياهم ....
يذكر احصلت معركة الفلوجة الثانية في النصف الثاني من رمضان 1424 هـ، الموافق نوفمبر 2004 - كما هو معروف – بعدما ضاعفت القوات الأمريكية تعزيزاتها 7 مرات عن المعـركة الأولى في أبريل 2004،وبلغت أعداد جنودها أكثر من 15ألف جندي، مقابل حوالي 5000 مقاتل كانوا متحصنين داخل المدينة
رجعت للبيت
اهلي لكيتهم ع نار كاعدين
تلكوني بفرحة عبالك صار سنة مشايفيني وامي تحضني وتبجي
-يمةة سالم مابيك شي
-يمة ماكو شي لا تخافين
بس تعبان رحمة ع والديكم اريد انام راسي صاير طبل
صعدت فوك راسا لغرفتي نمت ع وجهي تعبان ومقهور ع الوضع هناك شنو ذنب هاي الناس هيج متبهذلة ومتهجرة من بيوتها احنه اسبوعين كعدنا يم اختي شبعنا ضيم
الله يساعدهك
تمنيت اكدر اجيب عائلة عائلتين وياي
بعد
اسبوع
رقية
اندك الباب وطلعت افتحة اشوف
ام محمد واخته ندى وبعد بنيه شابة هم وياهن
-اهلا تفضلو تفضلوا
بسرعة فتت جوه
فتحت الباب وشلت كتب صدوقي بالكاع
تفضلو تفضلو
-زيتب ياا منو جاي
زينب صيحي امي هاي ام محمد صديق راهب
هاا
فاتت زينب
تصيح امي
واني دخلتهم للصالة جوه
