مساء الخير متابعيني رجعت الكم باحداث جديدة من الجزء الثاني من القصة اتمنى ان تنال رضاكم واعجابكم
#عراقي_الهوى
للكاتبة ام مصطفى
الجزء الثاني
البارت الاول
بعد مرور اشهر
زينب
سعد سعد
يلة اكعد شكد تنبل الساعة سبعة هم يله تلحك تتريك وتلبس
-اووو شكد اكره كعدت الصبح خليني انام بعد شوية
-باع منو يكول هيج الله يرحم ايام زمان من جنت اروح للمدرسة الكاك من السته واكف
شال المخدة من راسة وباوعلي
قبل اروح حتى اشوفج
كلبي يكعدني وياخذني الج مسير وليس مخير
هسة انتي وجبتج يمي شعدي مغبش
وجرني عليه
تعاي نامي عطلة عطلة
-لا بله منو انطاها بلة
-اني شنو مو بعينك دتعاي نامي يا عيني
-سععععد كوووم لاتشلع كلبي لا يفصلوك مصدكنا اتعينت
-الله لا يوليج ع اسلام كايم روحي اسلكيلي بيض بين مااكوم مشتهي سلك
-سالكة
-سويلي بيض وطماطة مشتهي لحد مااكوم
-مسوية
-روحي جيبي كيمر عرب مشتهي البسي عباتج وروحي تلكيني كاعد
-اي عادي خل اروح للاسواق اجيبلك كيمر تدلل
بس خل اخلي مكياج واروح
رفع راسة منو يروح للاسواق
اني مو انت كلت
ورحت وكفت ع المراية اخلي باودر
وانت ماصدكتي
اي عادي عادي زوجي واحد كسول وتنبل مال نوم اني اجيبلة ريوك
رفع البطانية وكمز
امري لله كايم صار بيها مكياج ونزلة للاسواق
بس كلليلي انت وزير التربية مفتش عام بالتربية
اريد يوم اغيب اخذ اجازة متخليني ليش هيج
-ههههههه لا تصير كسول يله حبيبي كوم اغسل وجهك واتريك وروح لدوامك حلل خبزتك وراتبك ....
رقية
محمد عفيةةاليوم اخذني لهلي وياك
احس عندي وجع وتعبانة مابيه حيل كلشي اسوي ثكلت كلش
-مو ذاك الاسبوع اخذتج شنو يومية لهلج
-عفية محمد والله احس اليوم اجيب اخاف محد يمي
-ليش مو امي يمج لو كلش سويتيها عبالك كاعدة وي يهود
-مو هيج بس اهلي المستشفى قريب عليهم وامي تعرف بهاي السوالف
-ديله خلصي البيدج والبسي اخذج
-اي بس اغسل مواعين الريوك والبس
-ربع ساعة الج
-اي
بسرعة غسلت المواعين ولبست
اخذت جنطة البيبي محضرتها
امي فدوه اروحلها جهزتلي كامل ودزتهن الي بيد محمد
لبست عباتي وكوه نزلت الدج احس ضهري راح يطك ووجع عندي وثكل مو طبيعي لويات تروح وترجع
نزل محمد كدامي واني وراه
عمتي بالصالة
صباح الخير عمة
-صباح النور وين مكبعة بعباتج من الصبح
محمد جاوب
رايح اوديها لهلها
-ذاك الاسبوع عد اهلها شنو يومية روحة ردة للسدة
-يوم عدها وجع خاف تجيب
-واحنه ماكو مستشفى يمنا شنو لو بس يم اهلها
-لا بس هي تريد يم امها
-اي ليش لا وانت ع شورها امشي امداني ع هيج خلفة تمشي مثل الثور وره مرتك شتدكول انت وراها
-اووووو صبحنا من صباح الله خير امشي انت امشي يله فضينا
-اي روح لنسايتك مانعجبج انه لربيت ولغيري صفية
انكسر ضهري عليكم تالي صفيت لرقية
