#عراقي_الهوى
للكاتبة ام مصطفى
البارت ١٤
يمةةة عززه العزاك شلون يربي شمسويه بدنياي
يعني واحد اخبل من الثاني
رجعت ليوره سويت نفسي مو اني همزين مية زينبيات بالمتوسطة وهم الدوام صباحي ومسائي
يعني مراح تنعرف منو زينب
بس خفت لا يجي واحد من اخواني لو هادي واكيد يعرف
بسرعة جريت نفسي وفتت للمدرسة
اطكط باصابعي
بعدين كلت لحد ينتبه علي واصير موضع شك والمديرة مترحم عدنا رسا دكول جيبوا ولي امركم
كعدت بالصف طلعت الكمياء لان عدنا امتحان وبديت اراجع
طبت اسماء
عززة شفتي الخبل شمسوي
اشرتلها اششش وج اسكتي
تعاي اكعدي ع الرحلة
نسوي نفسنا نشرح
كعدت بصفي وراسي بالكتاب وااشر ع السطر باصبعي
الله عليج هاي سوايه يسويها شنو ذنبي اني البارحة تدرين شصار بيه ورة مطلعتوا اهلي شبعوني بسط وراغب عرف وصارت مشكله شكبرها
وامي شدت وياي حتى المدرسة بطلتني
وراهب كوه رجعني
فدوه ابوس ايدج تكوليلة اذا يحيني المفروض يخاف علي
كوليله زينب دكول امسحها فدوه
لج من البارحه كلي بعد مااكدر اروح للمدرسة اخاف عليها خاف خوانها يشوفوني ويعاندون وياي
بس راح اسوي شي اخليها كلما تطب وتطلع تذكرني
كتله شنو
كال علامة اخلي ع مكان وكفتي
ماتوقعت هيج يكتب لج هذا يحبج بخبال بالعافيه عليج وين تلكين هيج حب
-وج مااريدة مستغنيه عنى بس يفكون ياخه مني والله استحي من اخوي راهب
كمت ابجي
ياا ليش تبجين
تعبت والله ايدي وصفحتي كلها توجعني البارحه راغب ضربني عليها
وراسي مورم ميلزم حتى الحجاب من خليته ع راسي احسه سجين ع جرح
مسحت ادموعي وبصوت مقهور
اني شنو ذنبي من الي صار بالله
رحت بالرجلين
عفيه ابوس ايدج تطلعين هسه وتروحين
اله يجي يمسح
-شيمسح
-الكتابه
-يااا المديرة جابت صبغ رشاش ومسحها الحارس وراحت
رفعت راسي صددددك
-اي والله هسه واني طابه شفت الحارس يرش صبغ ابيض عليها
-يمةة الله يبشرج بالخير
جريت نفس الحمد لله ياربي
اكولج عود كليله زينب دكول مشكور مقصرت خوش فضحتني
-هو قصدة يثبتلج هو يحبج
شوفي كال مااوصل بعد اخاف عليها
-لا هواي يخاف
كومي مني روحي لصفج
خليني اركز
الف الحمد لله ياربي من خلصت ع خير.
كوه ركزت وجاوبت
وطلعنا
مشفت سعد والكتابة ممسوحه
طلعت امشي وصلت للشارع
وصوت وراي اوكفي
التفتت راغب تفاجأت بجيته
وكف بصفي
واشر كية صعد وصعدت كعدت بصفة
كمت ارجف خايفة
محجة ابد ولا كلمة وشكله ضايج
وصلنا كال نازل
نزل ونزلت وراه امشي وخايفه خاف صار شي خاف قرة الكتابه
يبووي رعب رعب مو عيشة ساعة السودة ع هادي وع سعد
تندمت بكد شعر راسي ع حبي لهادي
كمت اغم بروحي شلون جنت احبه
طلع انسان اناني وميحب بس نفسه
دخلت للبيت
رقيه تفاجئت بطبتنا سوه
شكوو زينب
-ماادري اجاني للمدرسه وجايني
-وخوما شاف هذا الولد
-لا مجاي ولا بجي بعد اصلا
-ليش
-دكول اسماء يخاف عليج
-اي عفيه خوش ولد
كتلها بكلبي لو تدرين الخوش ولد شسوه اليوم جان مكلتي هيج
