#عراقي_الهوى
للكاتبة ام مصطفى
البارت ١٢
خلصت الخطبة ع خير وجنت حيل فرحانه
شي جديد وتغير بحياتي وكلما اذكر حجايات محمد انت حلو دخلتي كلبي خابريني
جنت ابتسم تلقائيا
دخلت جوه بغرفتي استحي اطلع اباوع بوجه اخواني وابوي مااعرف ليش
نزعت الفستان والبنات اجوي يمي
بنات عمي وسكينه وزينب
يشاقون
سكينه كالت
رقيه الله يساعدج خمس احموات يمةة شلون راح تحمليهن وكلهن ممزوجات حق زواج
امي سمعتها
-سكينه اسكتي شلون يعني العندة اخوات ميزوج لو الناس تتبرة من بناتها
هي البنية متبقى اول ع تالي تزوج وتروح لبيت زوجها
-شبيج ماما نشاقة
-لا تشاقن هيج
كتلها اصلا مبينات حبابات ومثل مكالت ماما محد يبقى كولهن يزوجن
-اي قابل شنريد احنه
بدلت ملابسي ولبست دشداشة مال بيت
بيت عمي راحوا
وخالي هم صاح ع مرته وه جنان
الي ماشلت عينها من راهب وين مايفوت تروح وراه
هم طلعوا
بقت بس سكينه وجهالها كالت ابات يمكم
بالليل اتصل محمد علي
شلونج رقية
-الحمد لله زينه
رقية حيل فرحان اني اليوم احس شي حلو صار بحياتي وهو انت واتمنى يكمل هالشي وياي
-ان شاء الله
-خلي اكولج شي اني من شبيت ليكت نفسي يتيم الاب وبركبتي اخواتي الخمسة وامي
لازم اشتغل واعيشهم تركت دراستي واشتغلت الف شغله ماكو شغله مجربتها
حتى علاليك بالسوك بعت ع مود اجيب لامي مصرف ....
فاريدج من اولها تعرفين اخواتي وامي بركبتي ومسؤولات مني مووباجر دكولين شعلينا ومعلينا
اني هذا وضعي وحالتي المادية ع كد حالي
اذا قبلتي بيه اخليج ع راسي واقدرج ومراح اقصر وياج بشي اذا كدرت الله شاهد علي
-ان شاء الله
-يعني قابله بوضعي
-يعني عادي مدا اشوف شي بيك يخليني مااقبل اذا ع الفقر
الله يكول خذوهم فقراء يغنيهم الله
وذا ع امك واخواتك فهالشي احلى مابيك
قابل الواحد يتبرة من اهلة من يزوج
وان شاء الله امك امي واخواتك اخواتي
-الله شنو هالاخلاق خجلتيني والله اتمنى كون عند حسن ضنج ......
زينب
بيوم الاحد داومت
طبعا كمت كلما اروح للمدرسة اتلفت يمنه يسرة اتخيل هادي يراقبني من بعيد
بس مدا اشوفة وين
فبذاك اليوم صدوقي مراح مريض جان
وعفته ورحت
من دخلت كالعادة سعد واكف
خبلني هالولد يعني شنو هالاصرار العندة من ناحيتي معقولة يحبني واني ما مبادلته بشي
من طلعت هم جان واكف بركن المدرسة
شافني هالمرة تحرك مشى
خفت لا يمشي وراي وتصير مشكلة
كمت امشي واتلفت
اي والله وراي
اخاف احجي هادي يشوفني
شسوي اشرت لكوستر حتى اصعد
صعدت شو هذا صعد وراي
يمةة كلبي وكف دخلت كعدت بالكشن الاخير لان جانت الكدام مقبطة
ختلت نفسي كلش بزاوية الجامة
