#عراقيالهوى
للكاتبة ام مصطفى
ج٢
البارت ٢٥
رقية طلع الولد بعد وامي كلبتها مناحة
طبت زينب سمعت صريخ امي ودك وتلطم
راسا صرخت ووكعت بالكاع
ركضنا عليها كلنا زينب اسم شبيج زينب احجي
اصتكت لا حس ولا نفس
شالها سعد وركض بيها ركضة للسيارة
وابوي وراها وراني لكفت عباتي وركض صعدت وياهم
طول الطريق اظرب بيها ع وجها ماكوو
فقدت
وسعد حرك السيارة حرك حليها
دخلنا للمستشفى خليناها ع السدية وكبل للطواري
الدكتور كال شبيها
كتله سمعت خبر موزين
ضربها ابرة وخلالها مغذي وواكسجين
شويه فتحت عيونها وتباوع شافتني صرخت
مات ناطق
لا لا والله اصلا طلع عدل بس مصوب وامي تصرخ عليه
مصوب وين مصوب برجلة شبيج كولي يا الله خبلتيني
بوكتها قوية نفسي كوه لازمة دموعي يربي شجانه منين تجينه هالمصايب
يارب فرجها علينه بجاه كلمن عدة جاه عندك
الردهه بس نسوان وابوي وسعد بره
كتلها بس اطلع اطمنهم عليج وارجع
لكيت سعد يضرب براسه بالحايط
شكد انقهرت عليه ولا تهنوا بحبهم وبزواجهم اووف هادي صدك نفسك بيها وماشافوا راحةة
صحت عليه ابو شهم
اندار عليه
هااا رقيه بشري خويه
لا الحمد لله كعدت وفتحت وكتلها مابي شي
اي فدوه بعد اخوج حاجيها والله خبلتني لا تاكل لا تشرب وبس تحرك بكلبها والله موتتني شلعت كلبي يتريتني باقي بالسجن ولا طالع واشوفها بيهيج حاله
والله جاي اموت الف موته عليها
حقك والله بس شنسوي احنه حساسين كلش زيادة عن اللزوم ان شاء الله شدة وتعدي
اني بس خل ينباع البيت اخذها واشرد يوم ماابقى بالعراق مشفت خير بيه
رجعت يم زينب تناشغ وتبجي يمعودة شبيج
حصرة بكلبي خانكتني مجاي تطلع
والله تعبت رقيه تعبت من دم ولحم اني ليش هيج يصير بيتا شنو مسوين احنا
الله كريم زنوبه كولي يا الله
يكولون ان الله اذا احب شخص ابتلاه
وهذا بلاء وامتحان من الله يريد يختبر صبرنه
بس صعب الامتحان صعب والله تعبنا تره كلش
فردووووس
يبوووي البيت انكلب مناحة
وعمتي بس تبجي انوب سمعت مصوب وباقي بالمزارع وحدة
راهب يروح ويرجع يسكت بيها
يكول هسة شسوي فهموني شسوي
يارب مالي غيرك اخوي اريدة سالم ترجعة
لخاطر امي
اباوعله والله احسه كبر عشر سنين ليكدام
دنك ع امة يبوس بيها ويهديها يمةة كافي لخاطري لا اسوين بنفسج هيج كليلي وين اطي وجهي انت منا ناطق منا زينب منا تعبت والله كمت اتمتى المووت
اسم الله عليك وليدي بس مو بيدي والله
كلب والدة
دكت علي مرت عمار جاوبت
كالت هاي فرقد تحجي وياج
هنا بنتي صار عمرها عشر سنوات
الوو ماما شلونج
ها ماما فرقد حبيبتي انت شلونج
ماما مشتاقتلج ماما بابا مات
اي ماما الله يرحمة يارب
ماما تعاي اخذيني مالي غيرج بعد وحتى عمو علاوي كلي خابري ع امج تاخذج احسن
ماما لا تعوفيني محد يريدني يمه مرت عمو علاوي ماتريدني
وعمة وسن كالت خل تجي امج تاخذج
واني هسه يم مرت خالو عمار كاعدة
يمةة تعالي والله تعبت محد يريدني
سودة علي بنتي ان شاء الله اجيج
بس عمج يجي هو التحق بالجيش بس يجي اجيج
شوكت يجي يعني
هاليومين حبيبتي
هواي ماما
ميخالف يمةة تحملي
اطيني مرت خالج
جاوبت ها فردووس
اروحلج فدة بس هاليومين يمج احنه انمر بضروف والله بيتنا مكلوب كلاب مو حناي انفثد بسبايكر بس خل يهدأ الوضع هاليومين واجي بنتي امنة الله ورسولة يمج
حبيبتي مو تدللين بعيوني اخليها لا تخافين من ريحة عمار ها
فدوه لعيونج حبيبتي
