ويبقى الامل

الحلقة الثانية

خديت مترد مشيت عبيته وكنت نجري تقول باتمان بسرعههه وني نجري ومحمد طالع ‏ᘓɹ̇ᓄ حمام نخبطت فيه طاح المترد تكسر وشكلاته كل طرف ف مكان ركزت لقيته محمد تبكشتتت
نزلت لوطا نلم ف المترد
اني : شن هالغبااااء لا حول الله تقول مش بني ادممم جبل استغفر اللهه ‏Ⴢ̤ ربي
نزل محمد شد يدي
اني : تتتي حوللل
محمد : ولو مبيتش نحول
اني : خليك عادي امالا
محمد : ؏ اساس متعفلقه ومتبيش حتى تشوفي عيوني
اني : مش متعفلقه اموري طيبة اني
محمد : ااي واضح باه اشبحيلي
اني : ولو منبيش نشبحلك
محمد ضغط ؏ يدي : تبييي وغصب عندككك
اني شبحتله
محمد : لااا نذووب هككي اني نخبط راسي ف الحيط ولا شنووو
اني : مبردكك
اني وقفت ومحمد وقف وشاد يدي
محمد : شوفوها كيف زعلانه ، باهي انتي عفلقتيني شن ندير
اني : مش موضوع تهزبني وتعيط لهدرجه قصدي ولد معاي ف دفعه كان وقف سلم وسالني كم سؤال ؏ الحالات مفيش داعي تجي يا قرانديزر زمانك وتخبطه وتهزبني فسدت علينا الخميس ويلي قهرني اكثر لا بعتت رساله لا هم ولا هاماتكك اني
محمد باسني ؏ راسي
محمد : عارفيتني نحبش حد يقرب منك نهبل بعدين مرتي انتي
اني : اي اي زيد خودني باللسان المعسل هادا
محمد : اسمعي شنرايك نكلم خوك ؏ علاقتنا توا
اني : لاااا محممد رد بالكك مش توا
محمد : امتى باه
اني : اني تو نقوله بطريقتي محمد اهدا مش هك طول
محمد : اول مرة نشوف بنت تقولل للولد متجيش تخطبني🌝😂
اني : باش تعرفني نادرة
محمد : باررردة
اني : سي محمد مش ناوي تطلق يدي ؟
محمد : اي مش ناوي
محمد جبد توكه متاع شعري
اني : ‏Ⴢ̤ باردددد
محمد : نبيه ديما مطلوق
اني : مبرد وجهك توا ساعه باش نلمهه
داليا كانت تنادي عليا
اني : برا براا يعنشكلككك بتفضحناا خنلم المترد
محمد : خليه تو نلمه
اني : اي مشاء مترد كان عندي شن رفعه عندك باش تكسر
محمد ابتسم : نحبك
اني : تي براااا
محمد : نحبك قلنا
اني : نموتت فيك
محمد مشيء وبدي يعطي فيا باص عيون ويبتسم
جت داليا لقتني نلم ف المترد ومتحشمة ونضحك بروحي وشعري مطلوق
داليا : اسم الله عين عين
ركزت فيا داليا لقتني ذايبهه
داليا : لا هو المووضوع مش مترد🌝😂
اني : نحبهههه
داليا : تو صبح مش هامك وعادي 🌝😂 احكي شنصارر
اني : خنوتو غدي ونحكيلك لمي معاي بدل م واقفه زي العمود
داليا : خليتي يلي كسره معاك يلمه مالي ومالكم
اني : لا راجلي م يدير شيء 🌝♥️ الكلاب يلي زيك عادي يديرو
داليا : هي دوري ‏ᘓɹ̇ᓄ يلم معاكك
اني : تعالللي اسفه خلاص معاش تتعاود 🌝😂
مهم حطينا الغداء وتسابيح واختها يشبحولي من فوق للوطا وام محمد تتغزل فيهالتسابيح مهم لمة كانت دراه كبد لو مش وجود داليا ودنيا جنبي ومحمد ف مربوعه راه تفجرت🌝♥️
تم يوم كل حد روح حوش اخر الليل رقدت شديت نقالي ♥️
محمد : اي شن غدوا خلاص بتجي مستشفى ولا
اني : اي باذن الله
طبعا اني كنت نتدرب ف مستشفى غير متاع محمد وبديت نخدم بس محمد اصر ان نحول معاه باش نبدا تحت عيونه 🤦🏻‍♀️♥️
محمد : المستشفى بتضلم غدوا معناها
اني : اي ‏؏ خاطر اني جيت هلبا ضيء متاعي وضيها🌝😂
محمد : نحبك
اني : ضروري يقاطع دوتي ويقولي نحبك
مهم قعدنا نهدرزو اني والاخ محمد لن حضرته رقد كالعادة ف المكالمة مهم سكرت وتمرقدت حتني😂🤦🏻‍♀️
_______
ف نفس وقت عند تهاني
تهاني : الو تسابيح زي م قتلك قاعدة تكلم ف محمد را توا تاكدتت مسيبوش بعض يتوهمو علينا بري حرشي امك تحرش اختها ال )£)
تسابيح : الله مصحوجها اهيا شديها ، ف نهاية خالتي تبيني اني لمحمد
تهاني : اي اي وني تو ندور طريقة نكشفها قدام مالك
طلع مالك ‏ᘓɹ̇ᓄ دوش
تهاني : اي تسابيح يوصل حتى مالك يسلم عليكم هي سلام
سكرت تهاني وحضنت مالك♥️
مالك : مسرع استاحشوك اماليك كيف روحو😂
تهاني بعدت عليه : اي وشن فيها يعننني
مدت تهاني شواربها ؏ اساس زعلت وتمرقدت
______
تاني يوم فقت لبست سروال واسع برتقالي وسورية مخططة اسود ف هلبا الوان ووشاح حريري برتقال درت شويه مكياج نزلت لوطا لقيت مالك فايق يوتي ف فطوره
اني : نحي نحي تو نوتيه وين تهاني هانم🌝♥️
مالك : فوتي مشاكل
اني : حاضر غير حول تو نوتي فطوري وفطورك
قعمز ماالك ف كرسي وني قعدت نوتي ف فطور
مالك شبحلي
اني : شنوو خيرك تشبح
مالك : م وافقتيش
اني تنهدت : مالك قتلك مش وقته موضوع زواج هادا
مالك : قصدي الولد كويس مشاء الله عليه خو صاحبي ونعرفه زين يعني متاكده نرفض ؟
اني : اي ارفض
مالك : متاكدهه را تندمي
اني قربعت صونيه : ‏Ⴢ̤ ربي مالكك بالله عليك ف جديد اي حد يجي ارفض ؏ طول بدون م تقولي اني موضوع هادا مش حاطاته ف بالي بكككل ومنبيش لا ننخطب لا نتزوج كل همي خدمتي توا يلي بديت فيها نبي نكون روحي بعدين كله يجي
اني حطيته لمالك نسكافيه وخديت نسكافيه ف طاسه وطلعت ؏ طول وجهي احمر نرعش لبست كندرتي وجيت راجعة كوجينة حضنته وبسته
اني : اسفه عيطت بس اني نحبك نبي نقعد معاك توا ، تو يجي يوم تفتك مني😂
مالك : معقولة اني نفتك منك تحسابي هاين عليا تطلعي ‏ᘓɹ̇ᓄ حوش ؟ غير ف نهاية هادا يلي بيصير ، مهم ناقصاتك حاجة ؟
اني : لا لا سلامتك
طلعت جري فتحت باب سيارتي وسماء سماء ارض ارض مبتش تنفتح السيارة طلع مالك
مالك : خيركك
اني : مبتش تولع
جي مالك يحاول معاها شيء شيء متبيش وقت جدها هو ماه🌝😂💕!
مالك : استني نبدل ونوصلك
اني : لا لا وقتتتت مفيش نركب تاكسي
مدت تهاني وجهها ‏ᘓɹ̇ᓄ باب كيف الجن
طبعا احني عندنا جو جنان بعدين الشارع يعني واخدين راحتنا😂🤦🏻‍♀️
تهاني : شنفففي
مالك : سيارة ملاك تبيش تخدم ، خودي مفتاح سيارتي بري بيها تو ندبر كيف نمشي اني
تهاني : شنووو لا لا مالك عندي مشاوير مهمة توا بعدين ..
تهاني دارت روحها تكت ؏ باب : انت عارفني تاعبه نبي نعاين توا معاش نقدر ظهري
اني : اي اي مرة خوي ظهرك ‏ᘓɹ̇ᓄ النوم الهلبا بسلامتك😂😂😂
اني ضحكت : هي مالك بايي نتلاقو بعدييننن
وع طول طلعت خليت مالك يشبحلي متاع تو نوريك حطيتيني ف مشكله مع تهاني 😂🤦🏻‍♀️مجرد م مالك لاد لتهاني لقاها حاطه ايديها ف نصها
تهاني : ريت ريت اختككك شن قصدهااا
وقلبت وجها خشت دارها
__________
مشيت خشيت المستشفى مشيت للرسبشن 🤦🏻‍♀️💕
اني : انا الدكتورة ملاك جديدة اهني
الرسبشن كانت بنت وشكلها اعوذ بالله مكياج تقول عرس بوها وروج فاقععع وشعر برا ومن تالي مركبه توكه كبيرهه تقول عندها راس تاني😂🤦🏻‍♀️وشبحتلي ‏ᘓɹ̇ᓄ فوق للوطا وتاكل ف مستكه : دقيقههه
قعدت شاده نقال ولا كانها
فجاءة نسمع ف ناس تصبح نتلفت نلقاه محمد لابس نظارات وماشي " تفكرت اغنيه حتى راجلي كله شموخ وهيبة ما يوطل ف الغيبة راقي وكلاس مش كيف الناس 😂😂💕" وقعدت هايمه فيه لن جي قدامي وصفق قدام وجهي
محمد : صباح الورد
وقفت البنت متاع رسبشن
البنت : صباح ورد دكتور محمد كيف حالك اليوم شمداير
محمد شبحلها وابتسم : صباح نور
اني شبحتلها ‏ᘓɹ̇ᓄ فوق للوطا : ليا ساعه واقفه ‏Ⴢ̤ بنت الكلب معدلتيش عليا
محمد : جدول حالات اليوم لو سمحتي ، جيبيهولي ف حجرتي
محمد مشي ورجع ‏ᘓɹ̇ᓄ جديد : لو فاتو دقيقتين ومكانش عندي مش حيحصل خير ، اي ملاك تعالي معاي
اني ابتسمت ابتسامه نصر وشبحتلها ودرتلها بيدي علامة اتننين متاع عندك دقيقتين بس 😂😂😂😂😂
محمد خش وخشيت معاه
محمد : قعمزي انتي بتكوني ف طابق ثالث شوية تجي دكتورة مروة نعرفك عليها
اني فنصت : دكتورةة وليش مش دكتور
محمد : شن دكتورر هادا بالك تبي دكتور
اني : اااي شن تدوي مع مرا وتبتسم لمتاع رسبشن وجوك شبابي
محمد : وتطولي ف لسانككك معاها
اني طول سكتت ، لا لا مش هك قصدي نحكي نغار عليك ‏ᘓɹ̇ᓄ بنات مش اني نبي دكتور فهمت وعلاش نبي دكتور وعندي انت كيف الغزال خاش عليهم امبكري وتصبح وتبتسم لن قعدت نغني " توحد لما تشوف الزين توحد لا تاخد بالعين😂"
محمد : اي اي زيدي عسلي دوتك ، خيرك مع جوري
اني : ‏ᘓɹ̇ᓄ جوري
محمد : تاع رسبشن🌝😂
اني : مشاء الله وعارف اسمها زيادة تي شكلها خرا ساعة واقفه تقولي دقيقه اعع محبيتهاش
محمد : ‏ᘓɹ̇ᓄ بدايتها مشكله هانم ملاك
خشت جوري
جوري : تفضل استاذ محمد
اني شبحت لساعتي : ثلاثههه دقايق مرور فـ‏Ⴢ̤ دقيقه تاخير
محمد : عادي عادي دقيقه مسافة طريق ومدام جوري عادي 🌝😂
وهديكا الجوري تضحك وتشبحلي شبحات : تسلم دكتورنا
طلعت جوري واني وقفت وفنصت ف محمد
اني : دكتووووورنننا وجووري عادي
اني قمت الدباسه وكنت نتكلم بيها
محمد : لا لا شن دباسه صلي ؏ نبي بس حطيها ف طاولة لا ترتكبي جريمه فيا
ناضلي محمد وشد يديا اني طول نحيت منها وجاية بنطلع شد يدي وردني مكاني
محمد : هششششش لما ندوي متمشيش
محمد شبحلي ‏ᘓɹ̇ᓄ فوق للوطا
محمد : اللبسة هادي اخر مرة تجي بيها
مسحلي محمد الروج ومدلي كلينكس ‏ᘓɹ̇ᓄ طاولة
محمد : اخر مرة تديري هالبلي
اني : واللهِ وجوري مدايرة مكياج عرايس وعادي واني هالشوية نقيتلي فيهم
محمد : واللهم جوري ملياش علاقه بيها تبيني ناخدها عليك ضرة م يحشمك شيء
اني ونمسح روج يلي ف فمي : مصحوجهههك
فجاءة طق باب وخشت دكتورة محمد كح ومشي قعمز ♥️
محمد : صباح الورد دكتورة
اني ابتسمت
الدكتورة : هادي هي ‏Ⴢ̤ محمد
محمد : اي هي ملاكيُ
الدكتورة مدتلي يدها : اهلا اني دكتورة حنان ♥️
اني مديت يدي وكلينكس فيها بعدين فقت ؏ روحي حذفته وسلمت عليها شكلها قنينه الحق ونازكه ومكياج خفيف وعطر قنين عجبتني الحق ♥️
اني : اهلين بيك وانا ملاك
حنان : اي اي محمد حاكيلي عليك😂♥️
محمد : خلاص حنونه هادي ‏ᘓɹ̇ᓄ يوم تحت رعايتك وتحملي هبالها مرة مرة هكي بعيد عليك تنوض عليها الحالة ف متدوريهاش خمسة دقايق بالكتير ربع ساعه وتبدا كويسه
اني : محمممممد
محمد : اهو اهو بدت الحاله
حنان : محمد ياسر ؏ البنت😂😂
خش واحد يضحك وجي حضن محمد وسلم ؏ حنان وقعد يشبحلي
حنان : هادي دكتورة ملاك جديدة اهني حتخدم ف القسم معانا ، وملاك هادا دكتور عماد
عماد ابتسم : نورتينا
دكتور عماد كان مشاء الله زين ورضا والدين غير نبيش نتكلم قدام محمد طول وعرض ولحيه سوداء جمال ♥️
اني بابتسامة : بوجودك ♥️
طق باب وكانت جوري تدخل ف مراء كبيرة ف العمر ناض محمد باسها ؏ راسها وقعمزها♥️
محمد : كف حالك توا يا امي
حنان : ههي محمد احني ماشين قسمنا سلام
طلعنا ركبنا اصانصير
عماد : اي دكتورة ملاك جديدة ولا شن
اني : مش جديدة جديدة ملياش هلبا متخرجه خدمت ف مستشفى بعدين انتقلت اهني
حنان : ياسر قصقصة وانت رايح زي ام ذكي🌝😂
عماد : منوره🌝😂
وكيف انفتح باب اصانصير جت بنت ناقزة
البنت : دكتور دكتور امي امي
عماد : وين وين
البنت ناضت تجري واحني جرينا وراها خشينا الحجرة المراء كانت كيف قادرة تتنفس خلاص متاع الاكسجين تمت والتغذية تنحت ‏ᘓɹ̇ᓄ يدها اني ؏ طول ركبت متاع التغذية
عماد : صدمات صدمات
جرت حنان جابتهم وجت
اني : لو سمحتو فضو الغرفهه ، دكتور صدمات مش حتنفع المرا مش مركبينلها لا تغذية والاكسجين فاضيه ننقلوها ؏ i.c.u "غرفة العناية الفائقة "
يلي مع المريضة يعيطو وييبكو وممرضات يطلعو فيهم نقلنا المريضة للعناية والحمدلله قدرنا نلحقو عليها طلعنا
نقزت فيا البنت
البنت : شني دكتورة بالله طمنيني امي شن فيها
اني مسحت ؏ راسها كنت حاسه بيلي تحس فيه لاني فقدت امي ما علينا بس بجد محلاه شعور كيف ينادوك يا دكتورة صح تعب سنين بس ف النهاية حتحصلي يلي تبيه متخليش حد يحبط ويخليك تتراجعي ؏ حلمك ف الطب♥️
اني كنت سرحانه شوي بعدين ركزت ف البنت
اني : امك كويسة تحتاج لشوية عناية وحتكون افضل صدقيني ادعيلها بس مجرد ساعات هكي ونطلعوها لغرفتها
مشينا غرفة
دكتور عماد وهو يشوف للصقف : شكلك قارية الطب برا دكتورة ملاك
اني : لااا
عماد : مشعارف ‏ᘓɹ̇ᓄ كلامك دوتك حسيت عندك اكسبيرينس " خبرة " هك
اني : يعني ضروري نكون قارية برا🌝♥️
عماد : المهم ربحنا دكتورة زي العسل معانا
حنان : ياسر ياسر يا متاع ام السعد غريبة اليوم ماصبحتش عليك
عماد : اعطيها خمسة دقايق و.......
وطول خشت وحدة تاكل ف مستكه ومدايره هداكا المكياج
البنت : عمودتي بالله الحقني امي امي بتموت تعرف معاش قادرة تتنفس برا معاي بليز يعني
عماد بصوت واطي : اذكر الشلال تشم صنته
البنت : شنو
حنان : اي اي اهو جاي نوض نوض😂
ناض عماد مشي وراها وشبحلنا شبحه متاع انقذوني
اني : شن القصهه
حنان ‏: هادي ‏Ⴢ̤ حنة خطيبة عماد سابقا هو سيبها متفاهموش وهي شوفي اسلوبها لا اسلوب لا منطق وعمادي يا وخيتي غزال ، بعد سيبها بدت كل دقيقه ف العيادة اهني وتوا امها رقدت اهني لصقو فيه لصقة شينه😂😂🤦🏻‍♀️