ويبقى الامل

الحلـقة 57 ♥️

ريان لادت ودارت الفلاش ف وجه الشخص ولقاته حسن وع طول ضرباته كف
ريان : تي تحشممم على وجهكك يا فاسد شنن تدير تحشممم
حسن : شن تعيطي انتتي ليا
ريان : تي شن تقولل خيرك انتت مرة خوك انني
حسن : انتتي ليا فاهمه نحبك نحبكك وميت فيككك خيرك تعذبي فيا زواجك منن خوي غلطة وزواجي غلطه درت هكي بنقهرك ونحساب روحي بنكمل بدونك ونصلح غلطتي مع سندس لقيت روحيي طايح ف الغلط اكثررر شن ندير
ريان : شن شنو تديرر خيرك انتت وربي متقلبش وجهكك منن قدامي نعيط نلمد الناس كلهمم
حسن : ناديهمم
حسن بدي يعيط : يا ناس نحبهاا
ريان سكرتله فمه : تي سكره فمكك اقلب وجهك برا الحوش تواا حسن منبصررش معاك
حسن : ولا اني نبصر ريان حرام عليك والله نتقطع يوميا وقت نشوفك مع حسين حاولتت ننساك مقدرتش
ريان : استغفر الله يا ربي وسندس سندس خيرها تحبك تموت فيك
حسن شد يد ريان بالقويه هي قعدت تحاول تفك يدها مقدرتش : اما سندس تي بسبببككك البنت معاشتش حياتها الزوجية متهنية بسببك انتتي
ريان : ابعد منني خيرك متبيش تفهمم حسن بالله عليك بالله عليك امشي
ريان دموعها بدو ينزلو
حسن : شن بالله عليك ، اني نترجا فيك نحبك نحبك افهممي وعارفك تحبيني وشفت هالشيء ف عيونك وقت خطوبتي اني وسندس وربي عارف كلشيء
ريان : عارف صار ! كنت نحبكك ليش الكذب وكنت نكابر بس توا خلاص كلشيء اندفنن اني حاليا مرة حسين مش اكثرر وانت راجل صاحبتي ومستحيل نبيع صاحبتي ولا نبيع راجلي
حسن : وخيرها صاحبتكك باعاتككك وخدت يلي تحبيهه
ريان سكتت
حسن ضغط اكثر ؏ يدها : ادووووي
ريان : مخدتش يلي نحبه كنا مسيبين
حسن : حتى لو مسيبين خيرها مشبحتش ليك ولمشاعركك!
ريان : مدخليش فيها لو سمحت ابعد يدك منني
حسن دف ريان وطلع متعفلق وهي سكرت الحوش كويس وخشت غرفتها تبكي " يا ربي ليش قلبي فرح وقت سمعت نحبك منهه شن هاالامتحان توا اني مع حسين ونبيه هو ، وسندس يا ربي ساعدنني"
رقدت ريان وهي تبكي
_____
مياس : ميارر فيي واحد يبيها
اني : الله الفف مبروكك
سهى : مبروكك😍 اي وشنصارر وكيف ومني
ميار : واحد كان يتعالج ف المستشفى
مياس : عجباته ميار وكلم امه جتني وكان واقف عليا رواد توا يسال عليهه وميار قاعده تفكر ويهبل الولد جنتتللل
ام مياس : تي تحشممي وخليك ؏ رواددد
اني : الف مبروكك ميورتتتي والعقبة نشوف صغارك
مهم مر وقت هدرزة وضحك روحنا حوش جبنا عشيء منن برا
_____
حياة كانت تقربع ف باب شقة ريان لن فتحتلها وهي تحك ف عيونها
حياة : تي وينك المغرب ياذن منن بكرري نتصلو ونتصلو وشيء مترديش وطلعتي راقده قريب نقلعو الباب
ريان : والله بدون م نحس رقدتتت
حياة مست راس ريان : عيونك منفخات وراسك سخون
حياة مدت لريان صفرة
حياة : مدرناش رز اميي دارت براك هاك
ريان : ابعدييه ريحتهه
ريان خشت حمام ترجع " حشاكم " وطلعت
ريان : مشعارف فجاءة بطني قلبت
حياة : خننزلو لوطا
ريان : لا لا تاعبه شوية بنرقد خشي نهدرزو
حياة : لا لا بنرقد حتني صبح خدمه
ريان : اي حتني بنننزل غدوا خدمه وكلمت حسين
طبعا حسين جاب سيارة لريان
حياة : خلاص تم نمشو معبعضنا قوليلي شن بتلبسييي باش زي بعضناا
ريان : خشي خشي نختارو ونتصلو بملاك بالمرة
حياة : مضنيتش تجي الخدمه
ريان : لا لا قتلي بنبدا
حياة : ميخليهاش محمد وهي حامل
وكيف حياة وريان بيخشو الشقه سندس فتحت شقتها
سندس : سمعت صوتكمم
ريان طبست راسها
سندس : خيرك ريونهه
ريان : ااء لا لا شيء بنوتو حوايج خدمه بسسس تعالي معانا
سندس : اممم حسن ميبيش تو نزيد نقنعه
ريان : ااه باهي هي حياة خشي
ريان دخلت حياة وسكرت الباب سندس قعدت مستغربه منن الموقف بس تجاهلت
قعدت ريان تهدرز هيي وحياة بيلبسو سروال واسع ابيض وسورية بلو هادي ووشاح ابيض حرير
حياة : اي حتني عندي ميه ميه
ريان : خنتصل بملوكتي نهدرزو معاها
________
طبعا احني تعشينا بعدها اتصلت بيا ريان قتلي ؏ خدمه ومحمد كان ف حمام يدوش طلع لابس شرط ومن فوق ولا شيء قعمز يتفرج ؏ تلفزيون جيت قعمزت جنبه
اني : محمد
محمد : عيونه
اني : نبي طلب
محمد : تدللي
اني : بنرجع خدمهه
محمد : ملاك سكريه موضوع اول شيء صغارك والحوش وزيديها حامل انتتي
اني : وشن يعني كان عندي صغار وحامل منخدمش وين العيب انن نخدم ! قصدي فيي هلباا ناس متزوجين بصغارهم ويخدمو وقادرين يوفقو بين الخدمة و الحوش
محمد : ملاك المرا همها راجلها اني نخدم شن ناقصك
اني : شن مرا همها راجلها !! مش هي مرا وعندها كيانها وشخصيتها !و وين مشكلة لو كانت ناجحة وف نفس وقت مهتمة بصغارها وعيلتها نوعدك مش حنقصر ف واجباتي بنخدم نص يوم اصلا
محمد بنبرة غليضه : ملاككك قلنا فوتي الموضوع
اني : قبل زواجج قتلي عادي خدمهه ومعاي توا كل همكك نهتم بيك وبصغارك ونقعد ف حوش وتعبي وسنين قرايتي راحو ؏ الفاضي عاددي مش هامكككك
اني طلعت برا دار وقربعت الباب مشيت لسهى نهدرز
سهى : خيرك فاصله
اني : محمد ميبينيش نخدم
سهى ضحكت : تي عاددي حتني اهو ايهاب قالي خدمه لا وشنفيها
اني : وخيرها الخدمه لا عيبب لاا حرامم حتني قريت وتعبت زيه علاش يخليني نقعمز ف الحوش
سهى نقالها شرين
سهى : الكبيده
اني : كبدي كبدي خنمشي نشوف شيء نديره
مشيت للبنات لقيتهم يلعبو ويتفرجو ؏ تلفزيون طلعت خشيت غرفتي قعدت نضم نطبق ف بطانيه ومحمد يجي ينحيها ويضحك
اني : محمد ياسر مرة خمسين نطبقها
محمد : خيرها العسل متعفلقه
اني : حول منني
محمد : منبيش نحول
اني : محمد اطلق يدي
محمد لصقني ؏ حيط وقعد واقف مقابلي
اني : شن تبي هييي نضم ولا نطيب ولا صغارك ولا شن !
محمد ابتسم وطبس راسه ورجع قامه وشبح لعيوني : دكتورة ملاك غدوا خدمة ساعه تمانيه تكوني حاضرة وعارفتيني تاخير منحباش
اني قعدت ننقز وحضنته : نحبككك هلبااااا
محمد : بشرط !
اني : قولي يلي تبيه
محمد : لو لقيتك تاعبهه وحملك مش هو حتىقفي عارفتيني مش ضد خدمتكك بسس انتتي حامل راعي هالشيء
اني : منن عيوني
محمد : وباش تمشي بسيارتك لان خدمة مش حنلحق نروح بيك ونرجع
اني بست محمد منن خده : نحبك هلباا
بجديات يا بنات ردو بالكم تتعبو وتقرو ف نهاية ياخدك واحد يقولك خدمة لا ! بالعكس خليك مرا عندها شخصيتها خدمتها شهادتها مش مجرد م يقولك خدمه لا تقعدي بين صغار وضمان وبس ازعلي هزبي فنصي بس ردي بالك تتخلي ؏ حقك خليك ديما طموحة وناجحة وشوفي لفوق بسس متخليش فكرك محصور ف الضم والطبخ والصغار زي اغلب بنات توا
________
ريان مع الفجر ناضت صلت وقعدت واقفة ف روشن تتفرج لن لمحت حسن كيف خاش يتمايل استغربت فيه هو قام راسه شبحها فوق وخش يتمايل وهي طول سكرت روشن ورقدت ف سرير
حسن كان سكران خش لسندس وهو يتمايل ويخبط ف حاجات لن خبط ف طاولة طيحها سندس انخلعت وجت تجري لقاته هو
سندس : حسن
حسن يضحك بطريقة مش طبيعيه : اوووء انتتييي
حسن فقد توازنه وطاح قعمز ف الارض سندس جت جري جنبه
حسن : حءءولي
سندس : حسن غير اس ونوض معاي دار
حسن : نحبءءنحبب انيي يا سندس
سندس : شنوو
حسن : يلي درتءءه ربي ردهولي
سندس مصدومه منن حسن وكيف روح سكران بس ساعداته رفعاته حمام دوشتله ورقداته ف سرير وهو يهستر ويقول " نحب  ونادم حاجات مش مفهومه " لن رقد وهي رقدت جنبه
________
ثاني يوم مجرد م فتحت عيوني لمحت محمد يفتح ف عيونه شبحتله وابتسمت
اني : صباح الورد
محمد باسني : صباح النور
اني قعدت نتكسل ونضت خشيت حمام غسلت وجهي وفمي توضيت وطلعت
اني : تتي نوض قاعد راقددد
محمد : باهي هي شوية
اني نحيت ممن محمد بطانيه
اني : نوضضض
محمد جبدني ورقدني جنبه
محمد : اهو علقت عليك خلي نرقدو شوية ونوضو خدمه لاحقة
اني : هادا غير منحبش التاخير
محمد : مفلحك ف تلقيحح
_______
ريان فاقت دوشت وتوضت صلت ودعت لربها وتفكر ف حسن وموضوعه وحسين وسندس وبدلت حوايجها وحطت شوية مكياج ولبست وشاحها وكيف بتطلع اتصل بيها حسين ابتسمت
ريان : صباحو ورد صوتك كيف فايق
حسين : اي والله كيف فتحت عيوني ، افتحي كاميرا
ريان فتحت كاميرا
حسين : ماشية اهم شيء شعرك دخليه
ريان : باهي فكرتني كنت بنلبس طاقيه فكني منن تطليع شعر مدام تحجبت خلاص مفيش داعي لحجاب النص هادا
ريان حطت نقالها وقعدت تلبس ف طاقية تحت وشاح وتكلم ف حسين
السترة وتغطيه شعر مينقصوش شيء منن الجمال بالعكس سترة ، ويا تحجبي حجاب صح يا متتحجبيش بككل
**
حسن فاق انصدم لقي روحه جنب سندس وراسه صداع مننغير ما يفكر فتح دولابه خدي تيشرت ومفتاح سياره وطلع برا شقة وهو قاعد يلبس ف تيشرت وكيف ففتح الباب لقي ريان كيف طالعه
حسن : وين
ريان مردتش ونزلت
حسن شدها منن يدها : ويننن
ريان : تي شن دخخلك فياا
حسن : دخلي ونص تي بسبب عمكك انني امس منعرفش شن شربت وشن خديتت مهم شيء نسانني فيككك
ريان سكتت ونحت يدها منن حسن وضميرها يانب فيها ونزلت لوطا لقت حياة بتطلع
حياة : صباح خير ريونتي كيف بنجيك
ريان : هييي ننزلو
حياة شبحت حسن
حياة : اسم الله خيره هكي شككلكك
حسن نزل ومعدلش ركب سيارته وريان وحياة ركبو سياره سايقه ريان مشو مستشفى وحسن وراهم ريان كانت ملاحظاته بسس حياة مركزتش
______
بعد مرور شهر ♥️
اني قاعدة خدمة وقدرت نوفق بينن حوش وخدمه مقصرتش ابدا وحملي كويس ، ريونتتي حامل قاعدة ف اول شهر وقاعدة تجي المستشفى بس مش يوميا ثلاثه ايام ف الاسبوع ومرات يومين♥️♥️ وعيشتها حلوة هي وحسين مهتم بيها هلبا ومرة مرة تتفكر حسن وتحس بتانيب ضمير هو يوميا يسكر ومرات يروح وميروحش ومجرد م يروح تستقبله سندس وتهتم بيه وكانت متحملة وساكته محكت لحدد اما ميار اخت مياس ف هي تزوجت خلال شهر وحاليا ف مصر هو ميبيش عرس كبير وهك خلاه سريع
مع جو الاربعه خمسة فجر♥️
روح حسن الحوش سكران ف يده شيشه يشرب قعد يقربع ف باب شقه سندس كانت زابطاته ف بدت متعودة عليه جت طول فتحت وهو دفها وخش قعمز ف صالون ويشرب اول مرة يشرب قدامها طلع حسن نقاله وقعد يتفرج ع صور ريان جت سندس جنبه
سندس : حسن نخش ندوشلك
حسن : ابعديي منني يا نحس كله بسبكك لو مش منكك راه توا انني مع حبيبتي ومتهني بيهها كله منكك
سندس تعودت منن سماع هالكلام ومعرفتش كيف تتصرف ولمن تحككي وهي طبعها هادي ، وريان بعد يلي صار بينها وبين حسن معاش قادرة تحط عيونها فعيون سندس
سندس كانت تعرف ان حسن يحب بنت تانيه بس يلي متوقعاتاش انن هالبنت هي نفسها ريان
حسن يبكي : نحبها نحبها والله نحبها ومتمني ربي ياخد روحي ولا نشوفها معع غيري
حسن خش ؏ الاستوديو وقعد يقرب ؏ صور واهني سندس ركزت ف نقاله وانصدمت شبحت ريان
حسن : نحبها وربي نحبها لو مش خوي بس ااه وخلاص راه خطفتها هادا يلي كاسرلي ظهري اني صح غالطط وبناوتي وكلب كنت بس وربي نحبها ااه يا حبيبتي وخلاصصص شن ندير كل يلي يصير معاي بسببي يلي درته ف البنات ربي ردهولي نستاهل انني انسان تافهه ونستاهل كل يلي يصيرلييي
سندس قعدت تبكي ودموع ينزلو ومعرفتش شن تدير حضنت حسن لن رقد ف حضنها سنداته ودخلاته غرفه رقد طول وصورة ريان ف يده
**
ثاني يوم فاقت ريان معندهاش مستشفى لقت حسين كيف بيطلع
ريان : حسين
جي حسين شد يدها وابتسم : صباح خير مبيتش نفيقكك طالع خدمه
ريان : فطورك
حسين : لا لا ارقدي ارتاحي ردي بالك ؏ روحك وع يلي ف بطنك انزلي لوطا تقعديش اهني بررحك
ريان : حاضر
حسين طلع وريان رقدت شوية وفاقت ضمت وبخرت
**
سندس مجاهاش النوم طول الليل م صدقت الشمس طلعت لبست عبايتها وطلعت تتمشى وهي مشعارفة وين تمشي ودموع ينزلو ف عيونها وخلاص
***
حسن فاق منن نوم فتح نقاله شاف صورة ريان وطلع برا شقة مركزش ف سندس قاعدة ولا لا وكيف بيطق لريان الباب هي فتحت
ريان بتسكر الباب هو حط رجله
حسن : اسمعيني رياننن
ريان: منبيش نسمع
حسن : نعرفك تكرهيني ومنن حقك انني حنقولك شيء وحنطلع برا حياتك بككل
ريان فتحت باب لحسن
حسن ودموع ف عيونه : اصعب شيء شخص تحبه ويمشي منن بين ايديك وانتي كنتي نعمة بين ايديا وفعلا دنيا بتدور واقتنعت بهالشيء ودارت بيا اااه وخلاص اني غلطت ولتوا قاعد نغلط مشيت نسكر وخشيت ف الحرام نحساب روحي بننسى مقدرتش ! ريان اسف لو درتلك الم وسببتلك وجع ! حنحاول نصلح غلطتي وحنسافر اني وسندس ونعيشو حياتنا برا
وكيف حسن بيمشي فقد توازنه وطاح ريان نزلت شداته ودموعها ينزلو
ريان : علاش تدير هكي وتزيد تعذبني
حسن : شن ندير يا ريان بنفكك مني خلاصص ربي يهنيك انتتي وحسين ويلي ف بطنك
ريان : نوض بالله عليك نوضضض
ريان ساعدت حسن باش يوقف قعد يشبح لعيونها هي طول خشت حوش وقربعت باب وقعدت تبكي
______
سندس قعدت تتمشى ومشت قدام شط قعمز وبكت لن عيتت ورجعت تتمشى وضايقة بيها الدنيا وقعت تفكر " اني غالططه نعرف منن اول حسن يحبها وهي تحبه ليش ليشششش قررت نكون وسيله باش ينسى ريان بيها انني حماره كنت لعبه وخلاص كنت وسيله باش ينسى ريان حبي عمي عيوني ، اصلا كيف فكرت ناخد واحد كانت صاحبتي تحبه بس حتني نحبه ااه وخلاص"
ردو بالكم ‏Ⴢ̤ بنات تخلي حبك لشخص يعميك ؏ هلبا حاجات تانيه مرات تكوني زي سندس ! م شرط تديري اي شيء ؏ خاطر يلي تحبيه ركزييي زين اعرفي منن تحبي ومنن تختاري ردي بالك تكوني وسيله لشخص باش ينسى بيك شخص تاني حتندمي وتتحسري هلباا
سندس تتمشى لن وقفت عليها سيارة فخمة هكيي وراقية وعالية نزل روشن
الولد : لو سمحتتتي يا اختتي
سندس مش منتبهه
الولد : يا هوو
سندس انتبهت : نعمم
الولد : نبيي سوق ال£)&(
سندس : ااه خش
سندس اغمى عليها الولد طول نزل حاول يفيقها مبتش ركبها سيارة
الولد : تتي شن هادا وين ماشي انني النهار الاحرف تي وين نمشي وني م نعرف شيءءء
الولد وقف سال مجموعة شباب ؏ اقرب مستشفى او عيادة وصفوهوله ومشي رفع سندس قعد يراجي فيها لن طلع الدكتور
الولد : شن دكتور كويسة
الدكتور : زوجها حضرتك
الولد : لا لا
الدكتور : انني كتبتلها علاجات عندها ضغوط نفسية كويس جبتها ف وقت كويس بداية ذبحة صدرية
الولد : ههي خونا راهو تموت البنت تحت ايديا بسسس
الدكتور : خش شوفها بدت تفيق
الدكتور مشي
الولد : تي شن هادا ومنين نعرفها تي شن هالبلاد الطقة
الولد خش لسندس لقي وشاحها طايح ودموع ف عيونها وهما منفخات وحمر منن البكي وهي كيف باديه ترمش
الولد : اختي انتي منن كيف نتصرف معاك
سندس وقفت وبدت تنحي ف تغذيه
الولد : اي غير اهديي
سندس : حوللل
سندس شعرها طاح ع وجهها لبست وشاحها زين وناضت طلعت
الولد : مرض
مشي الولد خلص حق المستشفى وطلع
_______
عند ريان مر وقت وجي وقت الغداء حسن مهناش وسندس كالعادة تتغداش معاهم يحسابوهاش برا الحوش بكل
كيف بيبدو غدي جت مكالمه لحسين
حسين : الو ، اا شننن اهو هههي جااااي ويننن ميه ميه
سكر حسين وجاي بينوض
ريان : ويننن
حسين : حسننن مداير عركه كبيرهه موس واسلحة بنمشيله
ريان : شنوو
حسين بيطلع
ريان : استنىى وينن حسيننن بالكك ؏ روحك بالله عليك
حسين باس راسها وطلع
_______
مالك : باب يطققق هيااااااا
كيف مالك فتح باب وانصدم وقت شاف
______
عند ريان ضربهم توتر ويتصلو بحسين ميردش حسن مغلق ويطقو ؏ سندس باب متبيش تفتح
حياة : زعما شنصار
ريان : بنمشي ندورهم بنموتت اني بطني خلاص نتحملششششش
ريان بدت تبكي وام حسن شادتها
مر جو ستة ساعات لن انفتح باب شارع وجو يجرو لقو وكلهم شهقو ..... شن تتوقعو ؟ استعدو الحلقة الجاية حتكون الاخيرة قراءة ممتعة ليكم حبايبـي ♥️ وكل عام وانتم بالف خير طبعا منقدرش نرد على تعليقات لان ايميلي يبي بريد وهكي اول ما نديره حنرد على الكل شكرا لتعليقاتكم الحلوة ♥️