ريان شبحت حسن كله دمم وقفت قدامه وشدت يده
ريان : حسن خيرك شنفيي
حياة : حسننن
حسن دموع قعدو ينزلو وخلاص وساكت
ريان بدت تخبط فيه : ادوووي حسيننن شنفييي
حسن قعمز ف الارض وقام عيونه وهز براسه لا
ريان : لا لا مستحيللللل
؏ جية سندس سمعت عياط وباب مفتوح كان خشت طول
ام حسن : لا ولدي متقولهاش حسينن لاا
حسن : اعطاكم عمره
حياة : حيعليا لا لا حسن تكذب خوي خوي يا حسن حيعليااا
ريان خشت حمام وسكرت باب عليها وقعمزت ف الارض وخلاص
سندس سمعتهم جت طول حضنت حياة وقعدت تبكي معاها وحسن قاعد محذوف ف الارض وحاضن امه ويبكي
**
فلاش باك
حسين وصل لمكان العركة خش طول يحز وشد حسن وحسن شيء مستمر يضرب وينضرب لن صار اطلاق ناري وطلقة جت ف حسينن ؏ طول شباب قاموه المستشفى ويلي ضربوه هربو طول
حسن كان سايق ومعاهم فراس وحسين ينزف جابوه للمستشفى متاعنا اقرب مستشفى ف طريقهم اني كان عندي عملية محمد شبحهم ؏ طول جرو بحسين لغرفة العمليات وحسن ف جنبه وشاد يده
حسين : ريانن ويلي ف بطنها ف رقبتك ليوم الدين يا حسنننن ف رقبتككككككك
دخلو حسين غرفة عمليات اني جيت طالعة نسال ؏ محمد شفت حسن مقعمز ف الارض ومتوتر جيته
اني : حسن
حسن شبحلي ودموع ف عيونه : خوي يا ملاك توامي داخل
اني : حسينن خيره شنفي
حسن : مضروب برصاصة
اني : شنوووو وعيلة يعرفو !!
حسن هز براسه لا خشيت غرفة عمليات لبست لبس خاص خشيت محمد كان يدير ف صدمات نحاهم منن يده ونحى " القلاقز " يلي لابسهم اني شبحتله
اني : لا لا لا مستحيللل يا محمممد مستحيللل
اني خديت صدمات وقعدت نديرله
اني : عللللي فيهمم ، لا لا يا رب مستحيل حيعليا يا محممد دير حل محمددد
محمد جي وراي وشد ايديا نحى صدمات واني انهرت قعدت نبكي
اني : محمد رياننن راهو حامل حي عليا يا محمددد
محمد : درنا يلي علينا ساعته تمت خلاص اهدييي
اني : حسءءن بيموت البرا را بيموتت
اني طلعت منن غرفة جري ؏ غرفتي وبكيت لن عيتتت محمد طلع قال الخبر لحسن وهو طول طلع قعد فراس معع محمد يديرو ف الاجراءات
________
مالك : غير قولي بس كيف درتهاا صغار المدام وينن
احمد : تي اما مدام بالله اسكت بلادكم هادي قريب دخلتتني ف حيط تتي اني ما صدقت تاشيرتي طلعت باههي كنت شاحن سيارة باش توصل قبلي السيارة وصلت مننن سنه فاتت وني اليوم وصلت تخيل يعني جيت كويس كنت متفكر المنطقة وبعض المعالم ، ماشيء بالخريطة وخلاصص وزيد عليها وقفت نسال ف بنت مشي داخت خديتها سالت ؏ مستشفى رفعتها طلعت ! رحت ف ليبيا واخيرا وصلت واخيرا ونسبة للمدام طلقتها وصغار تحت وصيتي وهي اصلا متبيش تشوفهم قاعدين معع المربيه تاشيرتهم حتعطل شوية قلت بما انن حصلت فرصه خنجي نشوف ريونتي وشن صاير بعدين نبعت وراهم
مالك : هادا كله صارر مشاء الله وليش طلقتها
احمد : هي بروحها تبي ركبها جن عليا
مالك ضحك : تي عليك وع بنت بلادك يا خوييي تتي فـჂ̤ واحد يضيع بنتت بلاده وياخد اجنبيه خيرك انتت واهو ضيعتهم الصغار كم عمرهم تواا
احمد : ثمانيه سنين زوز توام اولاد حمدلله بيبدو رجالة خلاص ، تي وين ملاك وصغارها وانتت وين صغارك
داليا : خنمشي نفيقهم راقدين
احمد : لا لا مفيش داعيي
مالك : وبوك شن نظامه
احمد : اتصلت بيه وقت عرس ريان قتله بتتزوج يوم قالي منعرفكمش قتله سلملي عليها يلي مربياتكك وسكر ف وجهي وحصلت رقمه بعد تسعين واسطه ف الليل ماخر اتصل بيا مرديتش عاودلي منن رقم تاني رديت قالي بتتزوج سكرت ف وجهه تي خايف منن مرته ومش هامينه اني ؏ اساس بيتصل وجو ونبي فكني منه اهو اختي تزوجت وانسترت وحمدلله هادا اهم شيء عندي
مالك : خنتصلك بملاك حتتفاجاء
مالك طلع نقاله اتصل هداكا وقت كنت نبكي ف مكتبي رديت عليه ونبكي
مالك : الو
اني : مءءالك
مالك : خيرك شنفي ملاكككك
اني : مات مءءات
مالك : تي مننهو يلي ماتت حي ؏ احمد العتبة
احمد : يا رسول ! منن قتلت انييي
مالك : ملاكك فهميني
؏ خشت محمد لقاني مش قادرة ندوي منن البكي قام نقالي خداه
محمد : ايوا
مالك : شنفي محمد خيرها ملاك
محمد سكت
مالك : تي ادوي
محمد : حسين اعطاك عمره راجل ريان
مالك : لا اله الا الله لا حول الله البقاء والدوام لله
محمد : اهو ني بنجيب العيلة وبنمشيلهم
مالك : اهو حتني ماشيلهم
سكر مالك وشبح لاحمد
احمد : شنفي منن مات
داليا : مالكك
مالك : حسين راجل ريان
داليا : شنووو
احمد سكت وحط ايديه ؏ راسه ومسح ؏ وجهه
مالك : داليا اني واحمد ماشين خليك مع صغار
داليا : لا لا بنمشيي بنمشي تو نتصل بامي تجيهم
مالك : تي تجي امك بعدين نوليلك خنمشي ني واحمد
احمد : هي هي
ركبو مالك واحمد سيارة ومشو
_______
محمد حضني وباس راسي
محمد : الموت حق كلنا ليها بدل ما تهدي ريان تبكي
اني : محمد صغيره ريان عروس وحامل تي شن دنبه يجي ؏ دنيا بوه متوفييي
محمد حضني وطلعني رفعني حوش بدلنا وكلم عيله ام محمد قعدت معع صغار ومشينا طول للعزي ، طبعا الشباب ومحمد طلبو الخيمة ودارو الواجب مقصروش لان حسن كان شبه ميت ما يندري ؏ شيء
_______
ام حسن تلقطو جيران عليها
حسن : ريءءان يا امي ريان
سندس كانت شادة يد حسن وتهدي فيه
ام حسن : مشعارفه خشت حمام يا ربيي عندها الحقق
حسن قعد يطق ف باب حمام وريان تعيط
ريان : خلوننني خلونني نبي نموتتتت
حسن : ريان بالله عليك افتحي انتتي حامل مش كويس ليك يا ريانن حسين مات بين ايديا يا ريانن ، حسين وصاني بيكككك يا ريان اخر كلمة قالهالي قالي ريان ويلي ف بطنها ف رقبتككك يا ريان افتحييي متعذبينيش
ريان فتحت وحضنت حسن وهي تبكي
ريان : حسءءءن اااه يا قلبييي
باب شارع كان مفتوح ومقابله بالضبط حسن وريان جو مالك واحمد قعدو واقفين ريان مجرد م فتحت عيونها لمحت احمد وجت جري حضناته
ريان : احممد خوي احمدد يا احمد نار ف قلبي راجلي خلانني ومشي سند ظهري يلي واقف معاي يا احممد يا خوييي
احمد : اهدي اهدييي
مالك عزى حسن : هادا احمد خو ريان كيف روح
واهني سندس انصدمت واحمد لمح سندس انصدم بس ؏ خاطر عزي ودوشة مفهمو شيء مجرد ان سندس عرفت انه احمد خوً ريان ، لاكن احمد يعرفش انن سندس سلفة اخته
شوية هكي جيت انني لقيت دنيا مقلوبة بكي عياط
حسن : الدفن شوية تانيه
احمد : بسرعه هادي
حسن : اوراقيه كملناهم بكري
محمد : فوتوه متجيبوش اهني بتصير مشاكل وعياطات
حسن : ولا اني جايبه اااه وخلاص
محمد : هدي روحك
____
اني شادة يد ريان
اني : ريان هدي روحك هادا حال الدنيا والله كلنا ليها ، كلنا بنموتو هادا واقع منهربوش منهه وشوفي حسين خلالك نسخه داخلك ، ادعيله حرام عليك تعذبي فيهه
ريان تخبط ف رجليها : شن نديرر يا ملاك انني بنموت راهو امي وبووووي وزيديهااا حسيننن
" الموت واقع وضروري نقتنعو بيه ونعرفو ان مفيش شخص حيدوم كلنا ماشين صح صعبة الفكرة بس هادي سنه الحياة ، سواء بكيت ولا لا مش حيرجع الدعاء بس حيفيد ♥️ اني انسانه جربت هالشعور ونعرف شن معناها ولتوا متاثرة منه بس بعدها حتبدي اقوى ، شعور شخص كان جنبك بعدها بدقايق جنازته تقهر وتوجع هلبا ♥️، متضعفوش ! الموت حق اذكرو الله وادعولهم بسسس مفي شيء حيوصلهم غير الدعاء وربي يرحم كل موتانا ♥️"
______
بعد ستة شهور ♥️
ريان قاعدة مع امالي حسن وهو مهتم بيها لابعد حدود مش منقص عليها شيء وسندس منن بعد وفاة حسين قعدت مع العيلة وساندت ريان كان مش صاير شيءء وبينها وبين حسن مفيش دوة ابدا
احمد استقر اهني وخدي الحوش يلي مقابل حوش مالك وجاب صغاره زوز ومربية
اني اهو حملي كويس وقاعدة
حسن : امي بنقولك
ام حسن : قبل مً تقول اني بنفتح معاك موضوع
حسن : قولي
ام حسن : ريان
حسن : نفس موضوع يلي كنت نبيك فيه
كانو مقعمزين ريان وحسن وامه وبوه وحياة وسندس ريان خشت حمام
ام حسن : نبيك تتزوج ريان
حياة : شنو
ام حسن : اول شيء وصية خوك متنساش تاني شيء باش الولد يتربى بيناتنا وانت خوه اولى بريان اكثر منن اي حد تاني
سندس مشت ركبت شقتها وحسن يتبع فيها بعيونه
حسن : نسبة ليا كنت نبيك فهالمووضوع انني منرقدش الليل وكلام حسين بين اوداني خايف يصير شيء غلط ليهم بعدين نندم طول حياتي ياسر يلي صار لحسين نسبة ليا موافق واحسن باش تقعد قدامي وشوفيها هي
ام حسن : خلاص ريان خليها عليا
حسن ركب لحق سندس وريان طلعت منن حمام
ام حسن : قعمزي بنتي خيرك
ريان : مشعارفة تاعبه شوية
ام حسن : ارتاحي باهي نبيك ف موضوع
ريان : قولي
ام حسن : زي م تعرفي اخر وصية لحسين كانت لحسن وقالله ريان ويلي ف بطنها بالكك مننهم
ريان : به
ام حسن : منبوش نكسرو كلمة حسين باش هكي حسن حيقرا فاتحته عليك
ريان : شنو
ام حسن : ريان اسمعيني بنتي حتى لو مش ؏ خاطري فكري ف حسينن الله يرحمه وفي يلي ف بطنكك فكري فيهمم
ريان سكتت
ام حسن قعدت تقنع ف ريان
______
حسن : سندس شديري
سندس كانت تلم ف حاجاتها ف شنطة
سندس : حسن تحسابني منعرفش بحبك لريان ولا كيف !! راه نعرف منن يوم وفاة حسينن نعرفك تموت فيهاا ايام تروحلي سكرانن ! وتوا ربي يهنيكم تزوجها ريان عندكم حق واني اصلا كنت حنطلب الطلاق غير وفاة حسين وهكي اثرت فيا وبس
حسن : شنو
سندس : اسميني اني معاش نبيك معاش مرتاحة معاك خلاص ونبي نطلقو باهييي
حسن : متاكدة
سندس : اي منبيش نكون حاجز وحنولي حوش اماليا خيررر
سندس : انني شنطتي واتية ممكن تنزلهم معاي بنمشي لاماليا لن يوتو اوراق طلاق
حسن سكتت وقام شناطيها
سندس : بنخش نكلم اماليك شوية
حسن : خشي
^*
ريان : مرة عمي سامحيني منقدرش مستحيل سندس شنو صاحبتي معقولة ننزل ضرة ؏ صاحبتييي
خشت سندس
سندس : ريانن مش ضرة ولا شيء
سندس ابتسمت وشدت يد ريان : انتتي حامل ووصية حسين الاخيرة هكي كانت ، ونسبة ليا ني وحسن حنتطلقو مش متفاهمين منن اول زواجنا ! بغض النظر ع ان حسن يموت فيكك يا ريان ومدايرك خلفية نقاله
ريان م انصدمتش كانت تعرف بهالشيء يلي جتهم صدمه ام حسن وحياة
_____
اني كنت نبدل ونساوي ف روحي بنلبس شخشير مقدرتش بطني
محمد شبحلي وضحك ونزل لبسني الشخشير ، بعدين جي وقفني وطلعنا للعيلة نهدرزو ونضحكو
لن طق الباب كانت سندس حطها حسن ونزللها حاجاتها ومشي يلود ف شوارع معرفش كيف يتصرف
محمد : شنو خيرك
سندس تبكي حضنت محمد
اني : حي سندس خيركك
خشت سندس قعمزت وهي تبكي ومحمد متوتر بيموت
محمد : معاش تبككي هادا حسن شنن دارلك ادووي وربي نمشي نقتل امه نلحقهه خوهه
اني : محمد اهداا
سندس : مش حسننن انني نبكي ؏ طياح سعديي
محمد : تي ادووي جايتنا بشناطيك شن فيي لاباااسس
سارة : سندس ادووي
طبعا سهى مفروض عرسها مدة فاتت غير ؏ خاطر وفاة حسين اجلناها
سندس وهي تبكي : اني كنت نكذب عليكم منن اول علاقتي بحسن مش كويسسة ومكناش طايقين بعضنا ابداا وتوا خلاص نبي نطلق عيتت
محمد : تي شن بجوك هو
سندس : محمد
محمد : انني منن بدايه قتلكم رافض قتولي لاا ونمييي شوفو شنصار توا
سندس : محمد اني نكرهه وهو يكرهني متفاهمناش خلاص واساس هو حيتزوج ريان
اني : شنووو
سندس : ااي هادي وصية حسين قبل م يموت وريان حامل ، اني تعبت معاش نبيهه حسن وتمينا
اني : وريان وافقت
سندس : ريان رفضت بس اننيي قتلها توافق لان بالاساس حنتطلقو
محمد وقف
اني : حبيبي اهدا
محمد : تي لا حبيبي لا نممي كله منكك انتتي اقنعتيني نوافق
طلع محمد وني قعدت نهدي ف سندس بعدين خشيت غرفتي اتصلت بريان لقيتها مش فاهمة شيء
_____
مالك : احمد عتبة بالرسمي انت ؏ هالبلاد
احمد خبط مالك
مالك : تي غير شوف مجرد م حطيت رجلك ف ليبيا حسين انلحس ؏ وجه الارض ، البنزين بدت حالة ضيء كان يهرب ثمانيه ساعات بدي 17 ساعه شوف توا منن امسسس عشرة الليل معاش جي لتوا العصر
احمد : شن يعني نرجع بريطانيا ولا كيف🌝😂
مالك : افضل
احمد : قاعدللكك وبنتزوجج اهني وبنستقر
طبعا احمد اكتشف ان سندس مرة حسن وطلعها منن راسه بككل مع ان مرة مرة يتفكر فيها
اتصل حسن باحمد
____
بعد مرور اسبوعين سندس وحسن تطلقو وحددو موعد يقرو فيه فاتحة حسن وريان
كنا معزومين ف حوش مالك غدي
**
اني : هيا محمدد تاخرنا
محمد يخبط : مع انن عنديش خلوق نمشي ننشوف حسنن
اني تعفلقت منن محمد لان قداش ليه يسحن ؏ حسن قصدي خلاص موضوع تم هما ماتفاهموش ومحمد شيء ينق تقول متحشم انن اخته مطلقة
اني نحيت وشاحي : نقولك شيء بتمشي برا اقلب وجهك متبيش تمشي موت انيي منبيش نمشييي تسحن ؏ حسن قداش ليك شن فيها لو تطلقت مننه وهما مش متفاهمينن !! طول مدة فاتت فاش غلك فيها وفيناا شن دنبها متفاهموش زي ما الموت سنة حياة عادي الطلاق كذالك وين المشكلة
العيلة تلمدو منن عياطي ومحمد ساكت ويسمع ما اعطيتاش فرصه يتكلم
سندس : ملاكك اهديي انتتي حامل
اني : ونبي فكيني ترا محمد لا يعرف حمل لا عمك نوم
خشيت حمام وقربعت الباب ومحمد قعد واقف يشبح للعيله
سندس : خيرك متبيش تفهم درهتلي كبدي تلوم فيها وين مشكلة لو مشيتت وواجهت حسنن بالعكس عادي عندي وربي يهنيه فرحتلههه اني كويسهه خيرك انتت
سندس مشت دارها
______
ريان : تعرفي متوترة وخايفه
داليا : شنو
ريان : سندس منبيش هالزواجة ؏ خاطر سندس انني واكلة همها Ⴢ̤ داليا بتقعد هكي بدون راجل
جي احمد خاش : وعلاش بدون راجل اني شن ندير
ريان : شنوو تو شن دخلك غطست ف طبيخه طول
احمد : تدوو ؏ مرتي
ريان وداليا شبحو لبعض باستغراب
احمد حكالهم موقف يلي صار يوم جي ليبيا
احمد : قصدي بجديات سبحان جمالها البنت وشكلها محترمة واهو ني نصيبها نراجي فيه
ريان خبطت احمد : باهي جيت منن اول حكيتلي
احمد : وشن بنقولك نبي سلفتك🌝😂 بس عندها شعر صلاة ؏ نبي وقت طاح وشاحها وساواته سبحان يلي خلقها وخلاص
ريان : احمد كانك مولي تافه شوية
احمد : مش شوية هلبا الحق طالع لاختي الغزالة😂
طبعا ريان جابها احمد بكري وحسن بيجيب عيلته بروحه
_______
محمد طلع لاد شوية ف شارع وجي الحوش لاني ف غرفة قارنة حواجبي ونتفرج ؏ تلفزيون جي قعمز جنبي
محمد : اسف
اني : معندك ليش تتاسف برا تاسف منن اختك يلي حرقت دمها طول مدة فاتت
محمد : اني نبي نضرب حسن وبس
اني : تي شن تضربه محمد فكني منك نصيب هي قصدي ويلي كاتبه ربي يصير ومرات ربي مخبيلها نصيب احلى شن عرفك انتتت ليش تلوم فيها بدل ما تساندها وتوقف جنبها
جت سندس خاشه
سندس : محمءءد اسفه عليت صوتي عليك قبل شوية
محمد وقف باس راسها
محمد : اني اسف ؏ يلي صار متزعليش روحك ني جنبك كنت متوتر مدة فاتت
اني جيت شديت يد سندس : ربي حيبعتلك النصيب الحلو تاكدي ربي مياخدش حاجة هكي وخلاص تاكدي ان حيعوضك بشيء احلى وشيء انتي تستاهلية
سندس ابتسمت : باهي شنو نمشو نبي البازينن
اني : شوفي خوك
محمد : اني ف سيارة نراجي فيكم توو ننزل فنو وانفال معاي
مهم مشينا وهدرزنا وضحكنا وسندس مشبحتش حسن بس تعاملها مع عيلته طبيعي جدا وتضحك وجوها مليح ريان حكتلي ؏ احمد وانه يبي سندس منن فرحة قريب طرت
***
يوم فاتحة ريان ، كانت ف حوشنا قرو فاتحتها داروها بسيطة بعدين جي حسن خداها لحوشهم كانت لابسة قفطان اسود منفوخ شوية منن فوق البطن للوطا واكسسوارات وشعرها تسريحة لبست عبايتها وطلعت جي حسن شد يدها ركبها اسيارة ورفعها الحوش وتطربيق العاب نارية ونوبة واغاني
خشت رياان الحوش وهي ساكتةة خشت دار نحت وشاحها وعباية وقعزت ف سرير ولا حرف جي حسن قعمز جنبها
حسن ضحك : قصتنا مستحيل تتصدق قصدي النصيب هلباا والله هلبا شوفي النصيب يا ريان كيف ردنا وربي نحبك ونموت فيك ومنقدرش ؏ فراقك ومشعارف كيف تزوجت غيرت ولا انتي كيف تزوجتي غيري ممكن اني يلي درت ف ناس ربي ردهولي طول مدة فاتت ف بداية خسرتك بعدين خسرت خوي ندمت هلبا بس ربي غفور رحيم وني كانت عندي فرصه تانية ف دنيا حمدلله مستحيل نخسرك منن جديد وحنعوضك ؏ كل شيء يا ريان
حسن باس راس ريان وهي حضناته
ريان : تعرفً حسن نبيش نتفكر يلي صار فيا فترة عرفت انك خطبت سندس مشعارفه شنصارلي
حسن : اسس يلي فاات ماتت
حسن باس بطن ريان : ويلي ف بطنك هادا ولدي وحنعيشو معبعضنا احلى عيشة نبيك فرحانه طول العمر يا ريان دموعك معاش نبي نشوفهم
______
بعد مرور عدة سنوات♥️
كنا ماجرين فيلا ؏ البحر كلناا ومعانا عيلة داليا ومياس ورواد هلبا مشينا كنا برا يلي يطيب ويلي يلعب حتى منن تهاني وتماسيح معزومين
محمد كان مقعمز قدام البحر ويلعب ف بناته يلي بدو ثلاثه افنان وانفال وايلاف طبعا ايلاف بنتي صغيره عمرها حاليا سنتين
جي مالك باولاده شادهم : اوو بو البنات مقعمز زي المربية
محمد : ؏ اساس انت حاط رجل ؏ رجل وتدخن ماه حالك ممن حالي غير انني بنات وانت اولاد وتي رروحك للمهر يا حاج بسسس
مالك ضحك : لا لا عيله مش بيناتنا مهر بعدين كل ما قل المهر افضل
محمد : تي بتاتي بالذهب متشوفش العيون زرق وشعر الاصفر
مالك : مفيش وحدة طلعت لبوها ولا لامها طول للجدة الكبيرة نسخه ملاكك غير حول لون عيون
**
ريان : حبيبي خلي نتمشو شوية
حسن كان يلعب ف حسين يلي عمره سنتين وهي حاليا حامل ف رابع شهر
حسن : ماه امي قالت مش كويس المشي
ريان : نبي نتمشو توا مدخليششش
حسن ابتسم : حاضر هي تفضلي يا مدام ، تعاللل يا بطل
حسن قام حسين فوق ظهره وشد يد ريان ومشو
**
سندس كانت تتمشى هيي واحمد شادة ف يده وهي كذالك حامل ف اول شهر وصغار احمد يلعبو قدامهم ، عاشت احلى عيشة مع احمد فعلا الدنيا نصيبات شوفو سندس شن شبحت ف دنيا ف نهاية نصيبها كان احمد يلي برا ليبيا بكل طبعا استقر اهني
احمد : حبيبتي نولو شايفك تعبتي
سندس : لا لا عادي
احمد وقف وشد وجه سندس بين يديه وباسها
سندس : نهارك ابيض يا احممد تحسابنا ف بريطانيا
احمد : شنفيها مرتي وحر انني
قيس : شفتك بووي را
احمد : لمني طالعين الملاعين اهمممي
سندس : بوهم احممد وخالتهم ريان شن تتوقع
احمد : وامهم سندس فعلا شن تتوقعو بالله بيجو عاقلين طبعا لا
_____
كنا مقعمزين انني وداليا وسارة وام محمد ودنيا وام داليا وخالة محمد وتهاني وتسابيح
وسهى وراجلها ايهاب يتمشو يتمعشقو تزوجتت وميار وراجلها يتمشو ومياس ورواد يتمشو طبعا رواد ومياس قاعدين متزوجوش نهاية سنة هادي عرسهم
داليا : كلهم يتمشو قعدت كان انيييي وينن مالك حتني بنتمعشققق ترا
داليا مشت لمالك
داليا : كلهم يتمعشقو خيرناا احنننني تواا تطلعع وخلي صغار يعومو اهنيي
مالك ضحك وشد بيدها ومشو وخلو صغار يلعبو اني لاحظت الحزن ف عيونن تهانني وكيف تشوف لمالك نظرات ندم وحسرة
اني : تهاني عادي تجي تساعديني
تهاني : ههي
خشيت اني وتهاني كوجينة شديت يدها كان واضح عليها الندم
اني : تهاني يلي درتيه ربي رده فيك وربي مينساش حد داليا نيتها صافيه حصلت مالك وانتي صفي قلبك ونيتك ربي تو يبعتتللكك النصيب
تهاني حضنتني : اسفهه ؏ كل يلي درتهه
اني : يلي فاتت مات وحنبدو حياة جديدة
**
ريان وحسن كيف جو هي لمحت تسابيح
ريان : وووه هالتماسيح
حسن : ووه ؏ طولة اللسان😂
ريان : خيره لساننني
حسن : يبي نتش وقص
ريان : اسسس بسس تسخف فيا قاعدة هككك تشوفف للصغار ومتزوجين بروحهها
حسن نقاله شرينن كانت فراس صاحبه بيجيهم وصفله حسنن الممكان وسكر
ريان : جتننني فكرةةة نحشوهااا لفراس يمشو معبعضهم بالك تصاحبنا وتبدا كويسه عجبتني الفكرة بعدين نكلمه فراس
حسن : ميه ميه اصلا يدور ؏ عروسه فيها م تعبنا روحنا اهي تماسيح ؏ قولتك
**
اني كنت نطيب ف كوجينة وتهاني طلعت خش محمد حضني منن تالي وباسني
اني : محمد
محمد : بنبدو عاد محممد حول محمد عيب ناس
اني : توو اني هكي نتكلم
محمد ضحك : ااي
اني : باردد
محمد : ربي يحرمنييش منكم الجمعة الحلوة هادي بسببك يا ملاك نحبك ومنقدرش بدونك انتتي عمود الحوش بدونك نموتو وربيي جبتلي هالبنات وانتتي توا معاي
محمد لودني عليه وباس راسي
محمد : كلك ؏ بعض حلو
اني : شنتبي محمد اكيد مصلحه
محمد : دايب ف مرتي وين مشكلة
جت ريان ومعاها حسن منن روشن كوجينة
ريان : وقت عشققق ف كوجينة شن جوو المتزوجين جدد اهوا
اني نحيت منن محمد
اني : بارده اهيا
ريان : غير اسمعي جبتلك عريس لتماسيحح فراس صاحب حسن
محمد : الولد بيهرب راه بيصيرلهً زيني
حسن : تي لا لا اصلا يدور قداش ليهه
اني : ميه ميه بعدين نكلموهم امالا
اني : خنمشو نعوموو
حسن : هههي حميدةة مننن يوصل روما
محمد ضحك : متقدرنيش راهه اهو جايك Ⴢ̤ كاسح
حسن نحى فلينته ومشي ومحمد لحقه
ناضو يتجارو
ام محمد : لا اله الا الله شنفي
دنيا : يتسابقووو منن يخش قبل شكلهم
سارة : دارو هزة ارضية
حياة وام حسن كانو داخل طلعو ؏ جري حسن ومحمد
حياة : نحسابه يوم القيامة😂😂
اني : هي هي نوضوو نخشو كلناا
مالك شد داليا خش هو وياها واحمد وسندس
اني : هي ريان خشيي
ام حسن : لا لا حامل ريان
اني : تي عادددي
ام حسن : ريان وسندس لاا
ريان : سندس خششتت خيرني نيي
اني : هي حياةةة عزايزنا الحلواتتت جيبو كراسيكمم جنب البحر
خديتهم كراسي وقعمزو وريان جنبهم حسن لمح ريان جاها حسن : تي هيا خيرك
ريان شبحت لامه
ام حسن : لا حامل
ريان غمزت لحسن
حسن : غير هيا اممي خليها يا عسل اخر مرة شوفي امي كيف عسل طول قتلي باهي هي هي حبيبتي
ام حسن : ..
حسن : منورهه يا حاجة
حسن شد ريان وخشو
**
اني : ههي تهاني وتسابيح قعدتو انتم بس ؏ خاطري هيا
تهاني : هي نبدل ونجيي
تسابيح : مخاطريش اني
اني : غيرر نوضي جايبتلك عريسس سمحح باش تتعرفو بعدين
تسابيح : تبصرري
اني : والله هييي نوضيي
تسابيح ابتسمت ومشت تبدل
خشينا بحر وبدينا عاد الاخ محمد يغرقني يطلقني يغرق سارة يطلقها يغرق سندس مرحمناش
اني : مخليتلك امه البحر باههييي
احمد : بنتت عمتتي فصلت فصلتت
سندس بخت ميه ؏ محمد : ماهه البارد هادا
ريان كانت شادة ف ظهر حسن وتضحكلي
اني : اي اي زيدي جو شادة ف راجلي نعرفش نعوم برو مرتو كلكم واشربو مية البحر
تهاني : خليكك ملاك
اني : بنشوف صغاررر
سارة : تتي يلعبو فوتيهم
اني : بندخلل افنان وانفال بالعوامات
وفجاءة جي محمد منن ظهري غرقني لحيوان بعدين شدنيي وبدي يجبد فيا الغريق لنن رجليا معاشش وصلو الارض بالسيف عليا شديت ف ظهره
محمد : تي ارخخي روحك
اني : ردنننني محمد بنموت
محمد : مفيشششش
اني نشبح لاحمد وناشرله يجي وهو يقولي لا
محمد : قولي نحبكك
اني : نحبكك ونموت فيك غيررر ارفعني ليهمم شوف افنان تاشرلك تعالل برا جيبهم هياا وراسس حمادي
" وهادي رواية انشاء الله تكون عجبتكم والفكرة وصلت ، حكاية كلها تتمحور ؏ مرض السرطان وكيف قدرت ملاك تقاومه وكافحت هلبا مياستش مفيش ياس معع المرض كافحت واجهت وغلباتهه عاشت حياتها طبيعيه تزوجت جابت صغار ! بالعزيمة كلشيء يتحقق ! وزيدوها ان الطب يبي كفاحح ديما يبي قرايه ! باش تقدر تبدي دكتورة ينحكى بيها ! ريان حبت واحد لن بسبب عنادها خسراته بس ف نهاية نصيبها لاد ورجعتله ! سندس يلي حبها عمي عيونها !! وخلاها تكون مجرد وسيلة باش ينسو بيها شخص تاني بس نيتها بيضاء حمدلله جاها نصيب حلوو زي احمد ! ومش معنى تتطلقي يعني خلاص دنيا انتهت بالعكس حياة جديدة بعد الطلاق وعيشي عادي طالما انتتي ع حق ، تهاني بسبب نيتها السوداء خسرت مالك واهو ندمت مشش شرط تتزوججي تديري سمم ؏ عيلة راجلك خليك طبيعيه المحترم يُحترم ، عماد وحنان توا متهنين ! رغم ان عماد حب ملاك هلبا بس قدر يتغلب وينسىى ! الدنيا مش واقفة ع حد وعمرها ما كانت حد !! الدنيا تستمر ! والحب تجارب مرات تصادفك ف حب زي محمد ومرات لا ! متفقديش الامل اهم شيء قرايتك نجاحك شهادتتتكك تكوني نفسك ك سيدة اولى والباقي كله يجي " ونسبة لناس يلي يلقو ف نسبة احباط هلبا لما يقولو احني نقرو طب او بنخشو طب نحب نقوللكم متعدلوش عليهم بالعكس اقرو واجتهدووو وعادي ارسبو مرك اتننين تلاته اربع بس متغيريش حلمك وتتحطمي الدنيا تجارب " وانشاء الله تكون عجبتكم رواية رواية شكرا لاصحاب التعليقات الحلوة وانشاء الله حننزل رواية جديدة يومين جايات ♥️
أنت تقرأ
ويبقى الامل
Romanceالدكـتورة مـلاكٌ : واجهت هلبا صعوبات ف حياتي الحق ومعرفتش معنى الاستسلام الحياة تبي ᘓɹ̇ᓄ يكافح ويكون صنديد اما المرخي مش حيلقى غير الوجع والهم وكل انسان يمر باختبارات وامتحانات صعبة وهلبا ! المشكلة مش اهني ! المشكلة ان هل حيكون قوي ويقدر يجتازهم او...
