كيف وشنصار شن درت بالتفصيل قول
محمد قعد يحكيلهم
ريان : محمد طلعت قرانديزر زمانك😂😂😂
حسن : هي شنو ننوضو احني
سندس كانت حاضنة محمد وشبحت لحسن بعدين ناضت
حسين : اي حتحني
مالك : هي داليا
داليا : بس ملاك تبيش تفتح باب
مالك شبح لمحمد وابتسم : خلوها لمحمد م تبي بينا شيء احني ، محمد نوض نرفعوك مستشفى راسك ورجلك
ام محمد : خيءءءره خيءرهم راسه ورجله
محمد : اممي خيرنا عاد ، لا لا مالك كويس ثلج يمشي الحال
حسن : متاكد
محمد : تي شن بيطري اني ماه دكتور بني ادميه نزبط 🌝😂
حسن : ميه ميه يا راس
سندس طلعت هي وحسن وام حسن وحياة وووراهم مالك وداليا ريان قعدت تطق ؏ دار اني نبكي مبيتش نفتحلها ساوت وشاحها وطلعت شدت ف يد حسين
ريان : ونبي طمني عليها محمد باهي
محمد ابتسم : حاضر
مشو نزلو ريان وحسين وحسن لمحهم شادين ايدين بعض خش بعضه ونار كلاته معرفش كيف يتصرف ركب سيارة وركبت سندس وام حسن وحياة ركبو مع حسين
سندس : حسنن عادي نتدهورو شوية
حسن بنبرة غليضه : تي شن ندهورو هادي عندي م ندير مش فاضي بيكك ولا نقولك انزللي اركبي معع حسين وروحي اني عندي م ندير
سندس شبحتله شوية
حسن : انزللللي
نزلت سندس ومشت ركبت مع حسين قتلهم حسن عنده خدمه مش حيروح
**
محمد كيف سكر شارع بيخش جت افنان تجري وتضحك
افنان : باااااباا استاحشتك
محمد قامها وباسها : بنتتي الحلوة
سهى : فنو انزلي بابا رجله توجع فيه
افنان حاضنه محمد : لاا ننبيه بابا
محمد : خليها
ام محمد : وليدي خش غرفتك ارتاح وشوف مرتك هات افنان ، تعالي حبيبة حناها ندوشلك ونهدرزو ونلعبو شوية
افنان مشت لام محمد وهو جي طق باب دار
محمد : ملاكككك افتحي
اني مسحت دموعي وفتحت باب وجيت قعمزت ف سرير هو جي قعمز جنبي
محمد : خيرك
اني : شن خيرني
محمد : معاش تبكي اني كويس
اني قعدت نبكي بالعبرة وحضنته محمد : شوف مشيتك علاش هكي صار فهمني اني بنموت ، شنصار
محمد حكالي يلي صار
اني وقفت قدامه ودموع ينزلو : وانتت شن دخلك بيهااا علاش تمشي معاها شن ليك علاقه عندها عيله هي انتت اب وعندك صغار وعندك انني لو صارلك شيء هي شوف توا رجلك هي احكي
محمد وقف مقابلني : معاش تعللي امهه صوتكك ، و
اني : معليتاش صوتتي !! تي فهمني بس شن ليك علاقه بيها عبير وشوف يدكك تحساب بتفوتها علياا شادة يدك وجاي طالع شاده فيكك
محمد ضحك باستهزاء : خيرك مريضة انتتتي ! شن نفوتها عليك اهو نوريهالك شوفيها
محمد مدلي يده
محمد : البنت ترعش ومتوترة وبس هادا يلي صار وتعرفي لو رجع بيا زماننن ونفس الموقف حنوقف معاها ونمشي بدالها وروحي فداها معاها
اني : لا تفكر ف بناتك يلي ما شبحو شيء منن دنيا ولا شيءء
محمد شدني منن يدي بقوية : وطالعه هكي امبكري ، تحسابيني مركزتش
محمد شبحلي منن فوق للوطا وطلق يدي وطلع وني طحت ف سرير نبكي وخلاص
**
ام محمد : وين يا ولد
محمد : نازل لوطا شوية وجاي
ام محمد : رجلكك
محمد : تي خلوني انشاء الله نموت
________
ريان خشت حوش ؏ طول للحمام بدلت قفطان يلي قتلها عليه وحطت شوية مكياج وبخت عطر وطلعت لقت حسين يتفرج ؏ تلفزيون جت وقفت قدامه ومتوترة هو طول وقف وقت شبحها
ريان : اسمع بنقولك شيء باهي
حسين : اني بنقولك اول شيء ، القفطان والشعر زايدين فيك النص
ريان ابتسمت: مع انني مفهمتش معناها بس شكلها مليحة ومش مسامحاتك لو كانت سبة ولا تلقيحة
حسين ضحك : معناها طالعة طرف هلبااا زايدك حلاوه
ريان : حي عليك سنونك ابيض منن حياتي اول مرة نشوف سنونك وضحكتك تعرف
حسين : شن قالولك فيا توحد ولا منضحكش
ريان : متضحكش كهكه تبتسم ديما بس وبدون سنون هكي
حسين ابتسملها
ريان : بس تعرف ضحكتك بسنون زايدين فيك النص
حسين انفلق ضحك ، ريان شدت يد حسين وقعمزاته وقعمزت جنبه وهي شادة يده
ريان : حسين انني اسفه ؏ كل تصرف غلط جي منني مدة فاتت منعرفش كيف كنت نتصرف معاك متدورنيش اني هكي طبعي نغلط نغلط ونفيقق ؏ روحي ف اخر لحظه باهي حسين متزعلش
ريان بدو دموعها ينزلو وملامح حسين تغيرو وقت شاف دموعها
ريان : اني بدون ام واب واستاحشت خوي خليك معاي ديما اني عرفت روحي غالطة
حسين حضنها : اس اس ليش كل هالبكي متعتذريش اني والله لا زعلان لا شيء وعارفك اهدي امسحي دموعك ياسر بكي
حسين رقد ؏ صالون وريان ف حضنه قعد يحاول يهدي فيه
___
اني بعد بكيت خشيت حمام دوشت لبست توتة سروال اسود اديداس فيه خط ابيض وتيشرت نص كم اسود فيه خط ابيض ومدايرة فوطة ؏ راسي جيت طالعة لقيت محمد راقد ؏ سرير شاد نقاله ونفس اللقطه راقد وسبيدروه ف سرير درت روحي منشوفش فيه بكككل هو كان لاهي ف نقال وف نفس وقت يشبحلي بالجنب مداير روحه يشوفليش اني جيت خديت مخدتي نقدرش نرقد الا بيها وجبت نقالي وشحن وسماعات وخديت الاستشوار وطلعت برا دار مشيت لغرفة افنان وانفال محمد قعمز ف سرير وخبط ؏ طاولة
محمد : ناقصه هي ماه
جيت حضنت افنان وانفال ورقدنا اني مجانيش نوم بكل كيف غفيت افنان فاقت مشت لمحمد لقاته مقعمز ف سرير وخلاص
محمد : فايقة لتوا تعالي لبوك تعالي
جت افنان حضنها محمد وقعد يشوف لصقف دار " زعما اني غلطت خيرني مجانيش النوم منقدرش نرقد وهي مش جنبي تي شن هالدوة هادي ارقد يلي يزعل بروحه يرضى بروحه لا معقولة تقول هكي ملاكك هادي نوض محمد شوفها استغفر الله خيرني نفكر هلبا خلي نرقد بس صح فعلا غلط يلي درته وهزبتها ؏ لبسه وهي كل همها اني مغباني
محمد نحى يده بشوية منن تحت افنان يلي كانت راقده وقعمز فسرير فكر شوية بعدين قام افنان وجاني ف غرفة حط افنان اني كنت نبكي مجرد م شفته حط افنان غمضت عيوني هو بيده مسحلي دموعي ومسح راسي اني شديت يده بستها زي الغبية
محمد اشرلي باش نطلعو هزيت براسي لا شدني منن يدي وطلعني خشينا دارنا وحضنته
محمد : اسف اتعفلقت بدون شيء
اني : نحبك هلبا معاش تخوفني عليك
محمد : وانتي معاش تمشي وتخليني اوعديني حتى متعاركين متمشيش وتخليني
اني نحيت ᘓɹ̇ᓄ حضنه وهزيت براسي اي ودموع ينزلو
محمد : ويلي ف راسك ؏ عبير نحيههه اي بنت مكانها كنت حندير هكي وحتى لو منعرفهاش ملاك باهي حبيبتي عبير ولا شيء نسبه ليا انتي مرتي وحبيبتي وحياتي وعمري كله وف جديد يصير م يصير يشدوني يقتلوني معاش تعاوديها وتجي المقر لا وطالعة بشبشبي معاها
اني ضحكت : لقيته قدامي
محمد : معاش تعاوديها
اني : منوعدكش اني معاك ؏ الموت سواء مقر ولا ف المحور ف مكان يلي انت فيه اني حنكون معاك ووراك ديما
محمد شد وجهي وباسني
اني : راسك عقمته
محمد : لا لا دوشت بس ومسحت دم
اني نضت جبت الاسعافات وعقمتله مكانه ودرتله فاشه شكله لما اغمى عليه انخبط ف حاجة جرحاته ودرتله شوية تلج ؏ ركبته ورقدنا بعدين
_________
حسن روح الثلاثه ف الليل خش غرفته لقي سندس عاطيه الباب بظهر يحسابها راقده خش بكل هدوء فتح دولاب
سندس : جيت
حسن : ااا كان فـჂ̤ خدمه موضوع سيارات وهكي استلمتهم مع الشباب
سندس : حسن بنسالك اني مدايرتلك شيء باش تعاملني هالمعامله ؟
حسن سكت
سندس : نسال فيك
حسن : ايحح توا بنبدو ف نكد تي مش ساد نكد خدمه وضغط ارقدي ونبي سندس نتفاهمو صبح راسي صداع
طلع حسن برا دار رقد ف صالون وتغطى وشد نقاله شوية جي شكل ريان ف راسه وشعرها وتصرفاته وزي فـჂ̤ حسرة ف قلبه وان يلي داره ف بنات ناس توا ربي ردهوله حس بنفس الشعور يلي لما يخون فيه البنات حس بشعور البنت يلي يضحك عليها ويكلم ف ستين غيرها ووقت تعرف شن يصير فيها"
________
كانو حسين وريان يلعبو ف سبواي بالشوط طبعا ريان اصرت عليه يلعب عيله قتلكم😂
حسين : تي ني نخسر منن اول مرة انتتي تشد معاك
ريان : باش تعرف بس تعلمم
ريان خسرت
ريان : والله الا عينك امالا
حسين خدي نقال وبدي يلعب ريان انفلقت ضحك
حسين : شنفي
ريان : وووهعليا ف اليوم يلي درت فيه حنة وغيرت روحي محمد شدوه انقلبت الدنيا وااك توا كيف فكرت ف الموضوع وقعدت نتامل كارثه معليشي
حسين قعد يضحك : وربي مهبولة هي
________
بعد اسبوعين
اني كلمت محمد ؏ موضوع حياة وقدرو يرجعولها رخصتها ورجعت تخدم ف مستشفى وريان وحسين حياتهم حلوة متفاهمين بدون مشاكل وحتنزل مستشفى وسندس تشوف حسن منن الليل لليل ومحكت لحد ، وميرقدش حتى جنبها
ريان مشت لسندس ف شقتها فتحتلها وخشت شبحت بطانيه ومخدة ف صالون وسندس كيف فايقه ريان دارت الحولة وخشت غرفة مع سندس وقعمزت
ريان : خيرك هك كئيبة ونفسيه ديما تي غيري جوك وانزلي لوطا تعرفي ؏ البشر وسلمي وهيجي
سندس سكت
ريان : خيرك ساكته شنفي صاير شيء ؟
سندس : حسن
ريان : خيره
سندس سكتت
ريان حطت ايدها ؏ يد سندس : ادوي سندس
سندس قعدت تبكي وتحكي لريان ؏ حسن ومعاملته
ريان حضنتها : وخيرك تتكلميش باهي حكيتي منن الاول
سندس : نحسابه حيتصلح بس هكي تخيلي يجي حوش اماليه وياكل ويمشي واني شنو يا ريان
ريان : غير امسحي دموعك وخلي ننزلو لوطا نغيرو جونا ونهدرزو ونضحكو وحسن قعمزيله هدرزي معاه
سندس : تي منشوفش فيه بككل
ريان : حاولي لما يجي
سندس : امم اوك
غيرت سندس ونزلت هي وريان لوطا
وكيف خشت ريان سمعت اغنية السوكني " يا الله يا ربي " ف نقال حياة جت خاشه ترقص وتسلم وتغني
ريان : يا الله يا ربي يالله يا ربي تم الحرب ف بلادي وناخد يلي نحب يالله ، يا ربي يا عالي قرب بيني وبين الغالي يلي نبيه يكون حلالي هاللي بيني وبينه حب يالله
حياة خبطت ريان : اما غالي هادا وخيره حسين
ريان : تي حسيني هادا راجلي الغالي
؏ خشت حسن وسمع ريان وشبح سندس دار الحوله بكل
ام حسن : ريونه اليوم زاهيتلها
ريان : خيرني عمتي اني ديما هكي
ريان حضنت شندس : ماه اليوم معاي سلفتي وحبيبتي سندس
ام حسن شبحت لسندس منن فوق للوطا وسندس متوترة وتشبح للارض : باهي يلي شفناها هيي تاني مرة نشوفها تقريبا كويس والله
سندس قامت راسها شبحت حسن يتبع ريان بعيونه بس مركزتش هلبا وطبست راسها والعبرة خانقتها
ام حسن : ريونه اليوم درتلك عصبان نعرفك تحبيه
ريان : وعلاش متعبه روحك حليلي ني خنشوف حسين وينن تاخر
طلعت ريان جهة الباب باش تغطية
ريان : ايوا حسين وينن انت
حسين : اهو ف طريق
ريان : تمام تتاخرش غدانا عصبان بنموت عليه بسرعه خير م تجي تلقاني كملته
حسين ضحك : صحتين
سكرت ريان جي حسن سكر عليها الطريق
أنت تقرأ
ويبقى الامل
Roman d'amourالدكـتورة مـلاكٌ : واجهت هلبا صعوبات ف حياتي الحق ومعرفتش معنى الاستسلام الحياة تبي ᘓɹ̇ᓄ يكافح ويكون صنديد اما المرخي مش حيلقى غير الوجع والهم وكل انسان يمر باختبارات وامتحانات صعبة وهلبا ! المشكلة مش اهني ! المشكلة ان هل حيكون قوي ويقدر يجتازهم او...
