ويبقى الامل

الحلقة 42

ريان ضحكت : نوضي نوضي ارفعيهوله جري
حنان : اسمععي
ريان : لا اسمعي لا همم ربي هكي بعت الملف معاهم شن نديرو لا اعتراض على حكمه هي بري ارفعيه
حنان : بس احني شفناه ومتجيش نرفعوه لمحمد وهي قالت لا
ريان : حنان متركبيليش السكررر ، تخيلي مثلا مضربتيش فيك ومطاحوش ومشفتهمش ماه كنتي رفعتيهم لمحمد هي سنفوره حنان بري قوليله خير م ندير ايميل وهمي ؏ الفيس ونحكيله كل شيء متركبوليش السكر
حنان ضحكت : هييي
مشت حنان لمحمد وريان جتني
اني : خيرك توزعي ف ابتساماتك
ريان : اا لا لا شيء الامور لوز فرحانه ان اخر جلسةة ، حقا مقتلككش منن كلمني
اني : منن
ريان : حسين توام حسن قتله ماه ناقصة هي ، بس تعرفي محترم مش زي توامه قريب يعبد البنات😂
اني : وشن يبي يكلمك
ريان: شيء شنجو وشنخبار قال نسال بس
****
عند محمد جاته حنان حطت الملفات قدامه طبعا ملفي حطوه تاني ملف
محمد : قعمزي قعمزي
محمد شبح اول ملف
محمد : شوفي اهني حالته تسمحش نديروله عملية
حنان ترعش وخدت الملف منه : اي اي متحتاجش
محمد : تي خيرك انتتي ترعشي شنفيك
حنان : ااء لا لا دير يلي يريحك
محمد ابتسم : اي ماه قتلك خليك معاي دولاب تي نبي رايك اني حياة بشر هادي مش لعبهه
محمد خدي تاني ملف لقي سرطان دماغ وحالة متقدمه : كانسر اهوا حوليه لدكتور عمر افضل
محمد كيف سكر الملف ولقي الاسم ملاك ال)&)&) وجاته صدمه وقعد يرعش
محمد : حءءنان حنءءان شن هءءادا ملاك ملاك شنفي
حنان بدت ترعش
محمد : يا حنان ندوي معاك ملاك ملاك هالشيء عندها ! حنان متسكتيش
حنان هزت براسها اي ناض محمد وقف قدامها
محمد : شنيء شنيء اني وين وينننن اننني نكلم ف امكك اني ويننن
محمد خبط الدولاب برجله : ندوي مع بوككك وينن اننني ملاكككك
حنان : محمد محمد اهدا
محمد : تتتي شن نهدا كيف نهدا شن تخرطي انتتي شن نهدا هاددي
محمد عيونه دمعو
حنان : محممد برا لملاك تلقاها ف غرفة دكتور عماد واليوم حتاخد جرعتها شوية تانيه وحتاخدها برالها
محمد : وشوية وبتاخد جرعتها وانني زي الطرطور اهنني !!!!!
محمد خدي الملف وطلع جري لغرفة دكتور عماد مجرد م هو خش اني مسحت دموعي
محمد حذف الملف عليا اني منحساباش الملف متاعي
عماد : تتي ‏Ⴢ̤ راجل
محمد : انتت بالذات بتسكر فمكككك احسنن
محمد شبحلي وعيونه كلهم دموع
محمد : لهدرجه اني غريب عليك !!! لدرجة تكوني مريضه سرطان واني نعرف بالصدفة وهادا الشكل هادا يعرف واني قاعددد
عماد : محمءءد
ريان شدت دكتور عماد وطلعاته بالسيف
ريان : تي خليهم يتفاهمووو
عماد سكت
***
محمد : ندوي معاك انني جاوبيني
اني كنت مقعمزة ؏ سرير ومطبسة راسي ونبكي
محمد : متسكتيش تبكي تواا تبكي اني يلي مفروض نبكي نهايتها طلعت اني البراننني ! طلعت انيي يلي منسواش شيء عندككك ! اني تدمرت بسببك وتقوليلي نكرهكك ! وانتي مصابة بسرطان ! علاش ملاك كيف قدرتي كيف جاتك القوة تخبي عليا
محمد قرب مني نحالي وشاحي ومس شعري يلي كان خفيف هلبا وضعف ؏ قبل وني شعري كان كل حياتي ومحمد يحبه هلبا ، محمد باس راسي وقعمز ف الارض وحاط راسه ؏ رجليا وني نمس ف شعره ولحيته
____________
ام تهاني : كويس افتكيتي منهم الزوز
تهاني : اي واخيرا تعرفو ملاك زي م قتلكم عندها سرطان هههه اكيد توا حتموت ومقالتش لا لمالك ولا محمد وهما يحسابوها تخون فيه مع هالدكتور ، وريان سقدتها قلت انها طيحتني عليك فكه
تسابيح : ااي وحصلي الدلع كله انتي😂😂😂😂
مالك سمع كل حديثهم وبعد م فاق ؏ روحه مسح دموعه وخشلهم
مالك هجم ؏ تهاني ضربها ولا امها لا اختها قدرو يحزو عليها
مالك : ضربت اختي بسببكك باههي معمري مديت يدي ؏ بنتت واهو جبرتيني نمد يدي عليكك منن جهة تعرفي بمرض اختي وساكتهه توقعتك شريرة صح توقعتك متحبيش ملاك بس معمري توقعتك تكوني بهالقدر منن الحقارة ! قصرت معاك ف شيء لدرجه تتمني لاختي الموت !!! وهادا كومم وعلاقتك مع عبسي كوم تانني
تهاني جتها صدمها
مالك : وانتتتي طالق بالثلاثههه ،
وكيف بيطلع جت تهاني شدت يده وتبكي
تهاني : مالك لا والله نحبك منقدرش نعيش بدونك اقسم بالله نحبك
مالك اعطاها تيرو : انني ماشي لاختتتي !!! ومنبيش نجي اهني نلقاكم ف الحوش !! والا حتطلعو بالشرطه
طلع مالك وجري للمستشفى خش يجري زي المهبول لقي ريان مع دكتورة حنان جي شد ريان طول
ريان : انتت
مالك : ملاك ملاك وينن ملاك اختي مريضة وين
ريان : صباح الورد يا غالي
ريان شبحتله ‏ᘓɹ̇ᓄ فوق لللوطا ودموعها نزلو
حنان : تعال نرفعك ليها
مالك : جري ونبي نرعش معاش قادر نقيم روحي انني
_______
اني : محمد ياسر
محمد حضني ويبكي : شن هو يلي ياسر نعرف توا انك مريضة توااا علاش علاش هادا ماه ليش اخترتي عماد ! بشني احسن منني هوو علاش يا ملاكك خليتيني نموت عشرين موتههه
اني : نحبك نحبك اسكتتتت خلاصصص محمد متدمرنيش
محمد : تي شن مندمركش قتلتيني يا ملاك قتلتيني
وفجاءة خش مالك لقي محمد مقعمز ف الارض ويبكي وجي مالك وقف قدامي ويبكي اني قلبي تقطع
مالك : ملاك ملاك منعرفش نقولك سامحيني نقولك ادفلي عليا منعرفش شن ندير يا ملاك ! اني اني ، ظهري انكسر متقوليليش يا ملاكك
مالك قعمز ف الارض جنب محمد واني نزلت قعمزت معاهم حضنتهم الزوز هما يبكو واني نبكي
اني : مبيتش نقول باش ميصيرش هكي مبيتش نضعفكم يا مالك ومحمد كنت عارفة لو انتم عرفتو حتضعفوني وني منبيش نضعفف نبي نكمل علاجي
محمد : تي شن علاجج توا تسافري معاييي ملاك او نبدل السرطان ويجي فيا عادي اهم شيء انتي يا ملاك انتتي
خشو حنان وريان
ريان : خلاص ياسر قصدي يا ناس منبوهاش تبكي ونفسيتها تتاثر خلوها تاخد اخر جرعة اليوم
مالك : وانتي تعرفي وساكته
مالك وقف وشبح لريان
ريان : ماه لو حضرتك حتصدقني راه جيت لاكن للاسف توتو اهم منا
مالك ريش لتهاني شعرها : انتي عندي معاك دوة بروحنا
حنان : محممد نوض ياسر غلط يلي تدير فيه
محمد : شن يلي غلط يا حنان اني بنتقطع توا
اني : حبيبي بالله عليك نوضي ياسر والله نتعذب هلبا هكي
محمد وقف ومدلي يده وقفني مدلي وشاحي لبسته وحضنت مالك
محمد وعيونه حمر : امتى بدت تاخد ف كيماوي ومنن المسؤل عن العلاج
حنان : دكتور عمر
محمد : مشاء الله عمر يعرف واني لا
ريان : خدت ف بداية جرعات بس الخلايا تحولت منن حميدة لخبيثة وهادا تاني كورس جرعات واليوم اخر جرعة
محمد تنهد : تمام  متعطوهاش الجرعة لن نجي وين ملفها هي
محمد شبح للسرير قام الملف ومشي داره اني خلاص النار كلتني نبي نمشيله ومعرفتش كيف مالك وجماعة جنبي
اني : مالك وريان اكيد فيي دوة بيناتكم
ريان: لا لا م فـ‏Ⴢ̤ شيء بيناتنا
مالك ريشلها شعرها وحضنها : وربي انتي اختي
ريان قعدت تبكي وحضناته : حيوان توا اني بنقتل ولدك معقولة
مالك : كنت حمار وتهاني طلقتها
اني : شنوو
مالك : رميت عليها الطلاق توا بالثلاثه يا ملاك تعرف بمرضك وتخون فيا وهلبا دوة نتفاهمو بعدين توا بتحكولي كل شيء ووين كنتم
اني : اني بنرتاح شوية حنان تنزلكم كافتيريا وتو تحكيلك هي
مالك كان شاد يدي باسها ونزو لوطا دكتور عماد طبعا طلع الشارع بكل ، اني طول خشيت لمحمد لقيته مقعمز ؏ كرسي ف غرفته وحاط ايديه ؏ وجهه خشيتله قعمزت ف الارض وشديت ايديه
محمد شد راسي : علاش يا ملاك ليش هو عماد
اني : هو يلي كشف عليا اصلا باش عرف مرضي محمد نحبك ومحتاجتلك
اني بست يد محمد وهو وقفني وحضني
محمد : اني معاك للموت يا نعيشو معبعضنا يا نموتو معبعضنا فاهمه
اني هزيت براسي اي
اني : لو متتت متتزوجش عليا
محمد : سكري فمك اني توا طالع بنرفع ملفك لاكبر اخصائي اورام ف ليبيا توا اتصلت بيه موجود ونتفاهم معاه ونجي ناخدو اخر جرعة وني نعطيهالك زيادة فاهمه معاش تبكي نحبك هلبا اننني
اني : ترا عاودها
محمد ضحك : نحبك نحبك نحبك ع الموت انني معاك
محمد دموعه نزلو اني مسحتهوله وجاية بنبوسه حول راسه وقعدت نحاول مقدرتش نوصله
اني : محمد بدون جوو نزل راسك
محمد : لااا يلي يبي الورد يتحمل شوكه
اني كيف بنمشي شدني منن يدي وقامني بسته وحضنته ورجليا ف الهواء معلقات هو شادني ااه يا ربي قداش ما كنت محتاجه هالحضن
محمد : فاتحتي حنقراها الاسبوع هادا فاهمه بالسيف عليك
اني : ولو متت متعالجتش
محمد : عادي نموت معاك ونقروها ف القبر ونندفن جنبكك هي انزلي خنمشي اني
هو نزلني ومشي وني نزلت كافتيريا لقيت ريان ومالك وحنان يهدرزو
_______
محمد طلع لقي عماد البرا قعد ياشرله متاع بعدين نتفاهمو وركب سيارته ومشي
______
ريان : مالك اهي جاية علينا متبكيش ودير روحك فرحان متحبطهاش
جيت اني قعمزت مالك شد يدي باسها وقعد يشوفلي ويبتسم وقعد شاد يدي
ريان : الجرعهه
اني : لا محمد قالي استني لن نجي مشي رفع ملفي لدكاترة تاننين
مالك : علاش مقلتيش يا ملاك
اني سكت
مالك تنهد : وينه عماد هادا
فجاءة جي دكتور عماد نادينه وقف مالك سلم عليه
مالك : وشكرا ؏ كل يلي درته مع اختي
عماد : ولو دكتورة ملاك زي اختي
حنان : خيرك قعمز
عماد : لا لا حجزت تذكرة توا
حنان : شنوو كيف توا
عماد : اي والله توا
اني : وكيف بهالسرعة
عماد : والله خلاص ضاقو خلوقي ويا ملاك انتتي خلاص حتتعالجي باذن الله وجنبك الكل
عماد ابتسم ومشي لحقاته حنان
حنان : علاش علاش بتمشي
عماد : شن تبيني نقعد معاش نقدر نتحمل حسيت روحي انسان تافه نحب شخص مش ليا نحب ملاك وكنت واعدها ناخدها لو محمد تزوج بس خلاص محمد تريس ومستحيل يرخي بيها توا خاصة لما عرف ف اني نسافر خير
حنان دموعها نزلو : واني خيرني اني نحبك شن بندير
عماد انصدم ‏: نوعدك لما نرجع حنكون انسان تاني صعب الشعور نعرفه ، اي وقولي لملاك مفتاح حوش عندها
حنان : اممم واماليك مفكرتش فيهم
عماد : عبير وامي قاعدين لو تبي تاخد حاجاتها اني بروحي بنسافر ومرة مرة نبعتلهم شن يبو ووصيت عليهم هلبا ناس
حنان تنهدت وشدت يد عماد هو طلقها ومشي اني جيت بنودعه لقيته طلع
_________
مر وقت وني نراجي ف محمد مجاش
عمر : ملاك خلاص وقت جرعة
حنان : خوديها متسكريش راسك ومحمد نتصلو بيه مقفل
اني : لا لا بنراجيه
مالك : ملاك اسمعي الكلام
اني : اوووف
كنا ف غرفتي فجاءة خش محمد لابس طاقية وداهش شكله يجري
مالك : حمدلله ؏ سلامه
محمد : شني تاخرت هلبا زحمة الحلاق هو اخرني
حنان : وقت تحليق هو
محمد حول طاقيته كان محلق ؏ صفر
حنان : شن جو الحداد اهوا وووه محمد تضحككك
عمر : بوحميد
محمد رجع لبس طاقيته : انت نبيك بعدين ف موضوع ضروري ، هي شن نمشو ناخدو جرعة
اني : اي ننزلو لوطا
محمد : لا جرعتك اليوم حتاخديها قدام المرضى يلي كنت تعالجي فيهم باش يعرفو دكتورتهم وقوتهم وكيف هي شجاعههه
اني ترددت شوية
مالك : ااي صح كلامهه
محمدً مدلي يده اني ابتسمت وشديتها ومشينا لوطا وناس تجمعو عليا يسلمو
البنت : دكتوررة خوي يبيك
محمد ابتسم : الدكتورة عندها جرعة تاخدها وبعدين تتفاهم معاكم
البنت : شنوو كيف
خشينا غرفة
محمد : فضوها اني بنعطيهالها الجرعة ونركبهالها
دارين : دكتور محمد وتيتها الجرعة
محمد : خلاص اني تو نركبهاله
عمر : ميه ميه يا برنس
محمد : خليك البرا عمر نبيكك
حنان : هي نطلعو
اني رقدت ؏ سرير وشاده يد مالك
ريان : ملوكي هياا
مالك تنهد وطلعو قعد محمد ركبلي جرعة وجي شد يدي وقعمز ف سرير جنبي الجرعة بدت تمشي ف جسمي اني حسيت بيها بس محمد كان جنبي شد يدي وباسها
محمد نحى طاقيته : شوفيه بالله كنت بنحلق حتى لحيتي غير قلت مرات تخبطيني
اني ضحكت : باهي يلي جت ف شعرك تعرف لو مسيت لحيتك راه قتلتكك
محمد : انتي خسرتي شعرك وحتني هكي درت زيني زيك مفيش فرق
اني : اقل شيء اني قاعد شعري غير خفيف مش انتتت صفررر هكي
اني شبحت للجرعة هو رجعلي وجهي مكانه
محمد : اسسس متشبحيلهاششش اخر وحدة خلاص
محمد قرب منني وباسني : توا بتكملي جرعاتك وبترتاحي اسبوع ف الحوش مفيش خدمه وبنرجعو نديرو صوره ؏ راس وني متاكد مش حنلقو شيء
محمد باسني منن جديد : وبعدها بنقرو فاتحتنا
محمد باسني ‏ᘓɹ̇ᓄ جديد : وتعيشي معاي ونجيبو صغار حلوين زيككك
اني خبطته : صار بتتزوج وبتقرا فاتحتكك وبتحمل وبتعاين عنديي تي راهو قتلتها وقتلتك
محمد ضحك : مستحيل اصلا
اني ضحكت : تعرف محسيتش بجرعتي
محمد : اسسس معاششش تتكلمي عليهها انتي توا ف حضني وجنبي انني وبس فاهمه ؟
قعدت مع محمد لن خديت جرعة وهو يهدرز لن رقدت بعدها طلع لقي مالك مقعمز ف الارض وجنبه ريان
مالك : محمد شنفي شنصاير
محمد : خدتها جرعتها وخلوها ترتاح
مالك : دكتور شنقالك ؏ ملفها
محمد تنهد : نسبة للصوره الاولى ‏Ⴢ̤ مالك منكدبش عليك سرطان منتشر وهلباا وقالي شبه مستحيل تتطلع منها بس اني عندي امل ملاك مستحيل تضعف وتخليني ومرضى متاعها جنبها اهو ف توا خلوها ترتاح اسبوع ف الحوش بعدين نرجعو نديرولها صورة ونتمنى وقت نديرو هالصورة اااه وخلاص يكون م فـ‏Ⴢ̤ شيء
مالك تنهد : اخخخ وخلاص كيف اني موثقتش فيها كيفف
محمد : غلط منني
ريان : لا لا انتم زوزز غالططين
محمد : بدل م تهدينا وتقول لا قتلنا زوز غالطين وخيرك مقتيلناش انتي
ريان : هي مخلتنيششش شن نديرر
مالك تنهد : مهم محمد نروح بيها
محمد : اي شوية وروحو بيها
مالك : امالا خنمشو نجيبو حاجاتكم منن حوش عماد ونجو ناخدوها
ريان : اوك
محمد : فكرتونني وينه هوو
جت حنان
حنان : محمد محمد شنصار
محمد : غير فوتي شنصار عماد ويننن
حنان : سافر
محمد : شنوو
حنان : طيارته توا هك قال
محمد : ميه ميهه لو التاشيرة متاعه ناقصه اي شيء يبيه كلموني بس اني نتمله الموضوع وقوله يعطل مدابيه ياخد راحته واحذفو ورا طيارته سبعه رشادات
حنان : حرام عليك
محمد : اس حنان اس
مهم ريان ومالك مشو جابو الحاجات وجو المستشفى
مالك : محمد شن ناخدوها
محمد : اي اي تو نجيبها السيارة هي
مالك : تمام هي
ريان : انني بنركب سيارتي ومالك بسيارته وسيارتها هي شنو
محمد : غير روحو بيها اني سيارتها نجيبها ،
مالك : خلاص تمام
محمد : نكمل خدمه ونجيبها السيارة
ريان : اهيا مفاتيح السيارة
محمد : اي حقا مالك نبيك ف موضوع
مالك : موضوع شنو
محمد شبح لريان
ريان : ؏ اساس بتخبو عليا ميه ميه تو نمشي السيارة🌝
مشت ريان ومالك شد محمد ويتمشو بيجوني ف دار
محمد : .....
مالك : ....
محمد : ...
مالك ضحك : خلاص ميه ميه
خشو غرفتي محمد قامني ومالك معاه للسيارة لقو ريان ف سيارتها وني ركبوني مع مالك ومشو بيا الحوش ؏ طول محمد قعد ف الخدمه شوية
________
عندي اني فقت منن النوم لقيت غرفتي كلها دبابيب حمر وورد احمر فتحت عيوني لقيت مالك مقعمز ف كرسي جنبي
اني : شنهادا
مالك ابتسم : والله كسدت انني ومحمد قلنا نعبو دار ملاك الحلوة هكي
اني حضنته : نحبكك
فجاءة نسمعو صوت تقربيع ف الشارع مشت ريان وانصدمت وقت شبحت