ويبقى الامل

الحلقة 24

مجرد م خطموو منن قدام حسنن يليي كان بعيونه حياكل ريان دنيا دفلت ؏ الارض وشبحت لحسن باستحقار
داليا : حيي ؏ جد اصلككك انتتتي
دنيا بابتسامه : يستاهههل
_______
عند مالك كان مقعمز يتصفح ف النت لن طق الباب ومشي فتحه وشبح بو تهاني ومعاه تهاني
بو تهاني : شن بتخلينا واقفين هلبا هككي
مالك فتحلهم الباب : تفضلو
خشو غرفة الجلوس وقعمزو وتهاني مطبسة راسها وتبكي على اساس
بو تهاني : ‏Ⴢ̤ وليدي والله جيت باش نصالحكم قصدي متزوجين وليكم قريب خمسة سنين ومشاكل تصير بين اي زوجين مفيش داعي توصلها للطلاق
مالك : والله ‏Ⴢ̤ عمي ؏ قطع رقبتي معاش نردها تهاني واهوا عندي محامي بنتفاهم معاه ؏ موضوع الطلاق
تهاني انصدمت وشبحت لمالك : مالكك صح انني غلطت بس افهمنني والله لانني نحبك
مالك : اسكتتي ‏Ⴢ̤ كذابههه يلي يحب ميكذبششش وخاصة ف موضوع حساس زي هككك ! الغلط مش منك اصلا الغلططط منن امكك يلي ساعداتك ؏ الموضوع
تهاني سكتت
بو تهاني : ‏Ⴢ̤ ولدي غير زيد فكر
مالك : م عندي ليش نفكر اخر كلام عندي هادا هو
مالك وقف وبو تهاني وتهاني وقفو
مالك ‏: واسف الححق مفيش ضيافة اختي ف تركيا عندها مؤتمر وبنت خالي بايته البرا 🌝♥️
بو تهاني تنهد : هي اطلععي
روحت تهاني وبوها
__________
ف حوش عيله محمد ♥️
سندس بعد سمعت بيلي داره حسن لريان جبدت عليه معاش ترد ؏ رسائله ولا شيء ، وكانت مضايقة هلبا منن هالموضوع🤦🏻‍♀️🔥
اتصلت ريان بسندس
ريان : استاحشتكك
سندس : حتنني شنجوك
ريان : كويسهه اهو ، خيره صوتك مشش عاجبني
سندس تنهدت : غدوا نتلاقو ‏Ⴢ̤ حيوانه ونحكيلك
ريان : تم تمم نوصل حوش ونتصل بيك انني كيف مروحه منن سوق
سندس : اوك
سكرت ريان وخشت سندس ؏ ماسنجر لقت محممد متصل الان اتصلت بيه مكالمه فيديو هو طول رد
سندس حاولت تبتسم وتخبي حزنها : بوحميددد استاحشتكك الحوش بدونك اخيييي
محمد : عارف عارف اصلا انني نوارة الحوش
**
برا كانو ام محمد وام تهاني وتماسيح نقصد تسابيح وسارة وسهى يهدرزو ويقرمو🌝😂
ام تهاني : شنوو ملقيتوش حل باش يسيب ملاكك
ام محمد : تتي انني نبيه يسيبها ياخد ايي قرد تانني انشاء الله المهمم ههي لا
ام تهاني : شن قصدك اي حد تاني وبنتتي
ام محمد : اي اي نقصد اكيد توتو
سهى : اي تسابيحح مفكرتيش تكملي قراية
طبعا تسابيح بعد عاودت ثالثه ثانوي اكثر منن مرة معاش كملت قرايتها ياست 🌝😂
فجاءة جت سندس تتكلم فيديو هي ومحمد وني معاهم
سندس : ماماا شوفي حميده
ام محمد : تراا هاتي نقال
شدت ام محمد نقال وشبحتني اني ومحمد : اهلين ولدي كيف حالك
محمد : مستاحشكك بسس ‏Ⴢ̤ غاليه
ام محمد : شوفو وليدي كيف شخصية وهيبة ، تعالي توتو سلمي ؏ حميدة
تسابيح بسرعه نحت وشاحها وع اساس ساوت شعرها وكان زي الشمس المشرقة شكله المهم مجرد م جت للكاميرا اننني انفلقت ضحك وبديت نضحك باعلى صوت ونخبط ف يد محمد ومحمد يقرص فيا باش نسكت وانني كل م نسكت ونشوف لتسابيح نرجع نضحك😂😂😂😂😂 محمد دفني مهم وقفت مقابل محممد وهو يتكلم
محمد : ااي وين سهى وسارة
ام محمد : خيرها ملاك شن جاها
محمد : والله يلي جاها جاها الحق
ام محمد باست راس تسابيح : اهو سلم ؏ توتو ، سارة وسهى ملحوق عليهم
جو سارة وسهى سلمو ؏ محمد بعد مكالمه فيديو جو عشرة دقايق وني واقفة مقابل محمد ونتفكر شعر تسابيح ونضحك😂😂😂😂😂😂
سكر محمد وجاني
محمد : بنقتلكككك انني كويس شديت ضحكتي بالسيف
اني وكنت نضحك بدموعي : مش ساد وجهها تقول هداكا يلي ف رياضيات نسيت اسمه يلي منن فوق صغير ولوطا طويل عنده زوز قواعد 😂😂😂😂
محمد خبط راسي : شبه منحرف 😂😂😂😂
اني : وشعرها زي انتينه التغطيه 😂😂😂😂😂😂😂😂😂😂😂😂😂😂😂 وصوتها يلي تقول معزة مخنوقهه
محمد قعد يضحك معاي جي دكتور ايهاب
ايهاب : ضحكوني معاكم😂😂😂😂😂
اني : مشقادرة مشقادرة😂😂😂😂😂😂
شوية هكك جي دكتور عماد ومعاه حنان
اني منن الضحك وشاحي طاح ؏ طول قمته باش محمد فكني ‏ᘓɹ̇ᓄ سوه
حنان لمحت انن خرصتي الثانيه مهناش
حنان : وينن خرصتك الثانيه
اني مسيت وذني لقيتها مهناش
اني : ووووه نحبه هالخراص
محمد ابتسم وطبس راسه : كانن فيي حرب بالاكسسوارت فوق الحق 😂😂نوع جديد منن الحروب جت ف خرصة وحدة كويس اهم شيء سلامتنا
عماد : انني تاعب وكملنا ولا بنركب نتمرقدلي شوية
محمد : سلامات ‏Ⴢ̤ بتاع ام السعد😂😂
عماد ابتسم ومشي ركب الاصانصير وصل للطابق
وقعد يتمشي ف الممر طاح نقاله منه وكيف قامه لمح خراصي حطه ف جيبه وخش غرفته بدل
__________
مع جو 12 ف الليـل
كنت رابطه وشاح ف راسي الم مشش طبيعي كلمت مالك وريان وداليا هدرزنا شوية هكي نحيت الوشاح يلي كنت رابطه بيه راسي وساويت شعري طلقته كنت لابسة توتة لونها اسود وتوب اسود وفلينيه كت لونها ابيض طق باب غرفتي
اني : منني
عماد : عماد
اني لبست وشاح ؏ اساس غطيت شعري وفتفحتله الباب
عماد : خرصتك لقيتها طايحة
اني ابتسمت وكيف بنشدها الدنيا بدت ضباب قدامي واغمى عليا طحت ؏ عماد هو طول قامني رقدني ف سريري وغطاني وشاح طاح طبعا قرب منن وجههي قعد يمس ف شعري ويفيق فيا ويبخ عليا ف الميه لن وعيت انني مجرد م فتحت عيوني لقيته شادني ؏ طول بعدت وهو طول وقف
عماد : شنن فيك ضغط انخفض ولا شن صاير هبوط زي كل مرة
اني : لا لا انني كويسه غير تعب بس
عماد حطلي خراصي ف طاولة
عماد : متاكده م تبي شي
اني : لا لا سلامتك
طلع دكتور عماد وستر ربي محمد مشبحاش كان شبحه دوري شن يفهمهه ان اني اغمى عليا المهم مجرد م طلع دكتور عماد انني طول تغطيت وتمرقدت
_________
بعد مرور يومين احني طيارتنا كانت العشية لليبيا فقنا درنا اخر لقاءات فالمؤتمر وبعدها طلعنا مطعم بنتغدوا وبنروحو بعدين ♥️
عماد كان سرحان
حنان : هههي عميد ويننن
عماد : قصدكم بجديات توا بنروحو
حنان : اييي
عماد ومحمد ف نفس الوقت : وام السعد 🌝
ايهاب : حبيبة القلب يلي واخدة الروح😂😂😂😂😂
عماد خبط ايهاب وخدي بطاطا يوكل فيه : كول ايهاب كول احسنننن
حنان : بشوية 😂😂😂😂
____________
عند ريان ف جامعة كانت تتمشى ههي وسندس ♥️ جي حسن سكر عليها الطريق
حسن : ريان نبيك ف موضوع
ريان حاولت تتجنبه وتمشي يمينه سكر عليها طريق ‏ᘓɹ̇ᓄ جديد
ريان : تتتي يا زفت حوللل نبي نمشي مانبيش نتكلم معاك وماعنديش دوة معاك
سندس : ريان انا ف القاعة تلقيني
حسن شد يد سندس : حتى انتتي نبيك اصبري
ريان : مشاء الله شركة
حسن : ريانن
ريان دفت حسن ومشت وحسن كان واقف وشاد يد سندس قعد يتبع ف ريان بعيونه لن خشت قاعتها بعدين انتبه انهه قاعد شاد يد سندس شبح لعيونها
حسن : سندس
سندس : نعم
حسن : مشعارف وين عقلي لما درت هكي ننبي نعتذرلها وهي متبيش تعطيني فرصه
سندس تنهدت : اممم تو نقنعها تقابلك وتتكلمو
حسن : نكونن ممنونك وهلبا
سندس شبحت ليدها حسن طول طلقها مشت سندس لحقت ريان لقتها متعفلقه وتخبط ف شيتات
سندس : اهدي ريونه خيرك عاد
ريان : ونبيي فكيني منهه
سندس : حرام يبي يعتذر شكله تاب
ريان : شن بيتوب ونبي كان كافر ولا كيف فكيني منهه
سندس : اس متزعليش روحكك اضحككي ملاك اليوم مروحه
ريان ابتسمت : واخيراا😂😂😂
___________
عند حوش مياس كانو مقعمزين هي وامها وميار ورواد
رواد : الضرب زاد هلبا ضروري تطلعلو
ميار : بس طريق مسكرة
مياس : ونبي شنن نطلعو خلي نموتو ونلحق بوي خيرلي
ام مياس : ياسر حزن ياسر كابة انني امس شفت بوك ف الحلم وكان يعطي فيا ف شكلاطه مش كويس ‏Ⴢ̤ بنتي والله كلنا قلوبنا محروق بس نضغطو ؏ روحنا بالسيف
مياس ناضت وكيف بتطلع رواد شد يدها
رواد : قعمزي
مياس حاولت تنحي يدها مقدرتش
مياس : حووول
رواد وبتكشيخه : قلنااا قعمززززززززي
مياس طول قعمزت وعيونها معبيات دموع
رواد : لامتى هككي حتقعددي اننني حنكلم شباب ونتفاهمو وندورو كيف نطلعكمم وتو روحكم خلال الاسبوع هادا ، لان الطريق مسكرة
ميار : وانت بتقعد
رواد : اني بنوصلكم وببنولي
مياس : مصحوجهكك شن تولي هاددي رجلي ؏ رجلك فاهممم
رواد : ااااي باش يقولو جبان ووقت الدق هرب
مياس : تتي خيره هككي عقليتكك شن ناقصه نخسر حد تاننني انني متقوليش جبهة ما جبهة وقت تموت انتت بتترزى ف روحك
رواد وقف وطلع قربع الباب
ام مياس : خيرك هككي تتكلمي معاه موليه اخخي بكل
مياس طلعت وقربعت باب وخشت غرفتها تبكي
____________
عندي اني ركبنا طيارة اني جنبي حنان ومحمد وعماد جنب بعض وايهاب محذوف تالي معاه شيباني مهم هبطت طيارة وخدينا شناطينا كانت ساعة جو عشرة ف اليل وكيف طلعت لمحت ريان ومالك ريان ناضت تجري وني نجري حضنا بعضنا قداشش م كنتت مستاحشتها وكانت معاهم سندس جت سندس سلمت ؏ محمد
ايهاب : بشوية بشوية قتلتيهااا
اني بعدت ؏ ريان وجري نقزت ف مالكك
عماد : ليكم كم سنة مشفتوش بعض بالله حياة الغربة صعبه فعلا😂😂😂😂
ايهاب : هههي ‏Ⴢ̤ عيلة انني سيارتي برا بنسبقكم ؏ مستشفى
" اليوم ؏ اساس عندنا ديوتي"
اني وكنت حاضنه مالك : لا لا دكتور ايهاب انتت اكيد تاعب انني تو نمشي نشد
حنان : حتني كويس
محمد : لا لا ملاك وحنان وايهاب روحو اني والعميد نمشو
محمد شد عماد
ريان كلمتني فودني : لحقي ؏ عماد اكيد بيديرله سم ولا يقتله
اني : تو نحكيلك اس
ايهاب ابتسم وشبح لريان : يلي يوشوش فمه يلشلش
ريان ابتسمت وطبست راسها
محمد دف سندس : غيررر حولي خنسلمو ؏ بو نسيب
طبعا ريان خطمت ؏ سندس وجت مطار لقو مالك يستنا قبلهم
محمد سلم ؏ مالك
مالك : ههي نوصلكمم
محمد : لا لا انني سيارتي مدرسه برا
عماد : حتني سيارتي برا
حنان ابتسمت : كلنا بسياراتنا الا دلوعه خوها😂😂
اني حضنت مالك : ‏Ⴢ̤ عيني
سندس سلمت ؏ ريان : هي سلامم بنروح مع حميده
مهم كل حد ركب سيارته وني مشيت مع ريان مشينا اول شيء لحوش داليا خدت حاجاتها وسلمت عليهم بعدها روحنا خشيت دوشت لبست بيجاما درت شعري كودة فوق طلعت منن حمام لقيت ريان شادة نقالي وتقلب ف صور
ريان : مشاء الله مشاء الله السلفيات معع حميدة عبت الذاكرة ف كل مكان صور بس طالعين تهبللو ؏ بعضكمم
اني : ففي هلبا حاجات بنحكيهملك غيررر ننزل لملوكي شوية😂😍 ااخخ ‏Ⴢ̤ راسي يوجع
ريان : راسك هاداا قاعد ، تمم بري بسرعه حتني بنحكيلك
___________
عند محمد كان مقعمز جنب عيله ويهدرز
ام محمد : ‏Ⴢ̤ خيتي نجيه وليدي
سارة ‏: حميده شن جبتلنا
محمد : جبتلك الصبر شن قالولك ماشي سياحة هما ثلاثه ايام ؏ بعضهم، غير وسعي انتتي وهي جيت بنسلم عليكم وطاير مستشفى
سهى : ووه ديما ‏Ⴢ̤ مستشفى ‏Ⴢ̤ ملاك واخدينك مناا
محمد فنص فيها وطلع
_________
مالك : اختي الفصعونه صار منها😂😂😂
اني : مالك بنسالك
مالك ضحكته تحولت لحزن وتوقع سؤالي
مالك : لو موضوع العقرب هديكا طلعيه منن امه راسك بكككل
مالك ناض اني شديت يده
اني : مالك قصدي
مالك ركب داره واني تاففت وخشيت داري
ريان : قعمزي قعمزي
اني : شنوو
ريان : حسن
اني : خير بوه
اني : طلع منن سجن تعرفي
اني : شنووو
ريان : غير اسسس ومن وقت طلع يتقرب منني ويعتذر ويكلم فيا ؏ انستا مهبلني
اني : فوتيه ديري الحوله راك تردي
ريان ابتسمت : تي نعجبكك ، غير قوليلي محممد كيف امبكري حضن دكتور عماد هكي
اني حكيت لريان مهم اني قعدت نساوي ف روحي فمرايا ونهدرز اني وريان
اني : تعرفي كيف شدني قدامهم ف الاصانصير ووهعليا نحبه نحبه رياننن ريانن
اني قعدت ننادي عليها وهي متردش تلفتت عليها لقيتها ف سابع حلمه مشيت ساويتها وغطيتها
اني : تقول هي يلي كانت مسافره
مهم طفيت ضي وجيت رقدت وشديت نقالي خشيت ؏ فيس لقيت ايميل ميار صاحبتي مدايره خلفيه سوداء ومتصل الان اتصلت بيها ؏ ماسنجر طلعت ‏ᘓɹ̇ᓄ الدار ونزلت كوجينة
اني : الو ميار
ميار : ‏Ⴢ̤ هلا
اني : شنصاير فيك طمنيني لقيت خلفيه سوداء وسمعت ان فـ‏Ⴢ̤ ضرب ف منطقتكم
ميار بدت تبكي وحكتلي شنصاير فيهم وموتة بوها وخوها وع رواد يلي واقف معاهم وقتلي انهم حيطلعو ويجو اهني
اني قعدت نبكي معاها ونحاول نهدي فيها : وينن حتمشو به
ميار : والله قاعد مش معروف
اني : تعالو اقعدي معاي انني وخوي وبنت خالي بروحنا والحوش كبير قصدي يسدنا ونغيرو جونا
ميار : مشعارفه والله
اني : والله نزعل منكك ‏Ⴢ̤ ميار تعالي بالله عليك
ميار : خلاص نكلم اممي ونرد عليك
خش عليا مالك وني نبكي حضنته وحكيتله ؏ ميار
مالك شربني ميه : خلاص اهدي واصري عليها تجي اهني ولو اني مضايقك نطلع نمشي اي مكان معاش تبكي زفت ياسر خلاص
اني وكنت نبكي بعبرتي : لما تحكيلي ؏ بوها وخوها تفكرت اممي وبوي ‏Ⴢ̤ مالك
مالك يمسحلي ف دموعي ويهدي فيا : اسس خيرني ني منقص عليك شيء اهدي ملاك حبيبتي خيرنا عادد نوضي نوضي اركبي دارك ارقدي ارتاحي
مهم اني ركبت داري شرين نقالي كان محممد
محمد / وينن ‏Ⴢ̤ مزة
اني : كيف بنرقد انت وينكك محمد تعبش روحك هلبا قصدي هلبا عليك مروح منن سفر وطول ديوتي
محمد ابتسم : متخافيش عليا انني كويس انتتي صوتك مش عاجبني كنتتي تبكي
اني : لا لا
محمد : كذابهه
اني انهرت وقعدت نبكي وحكيت لمحمد ؏ ميار
محمد :خلاص اسس ملاك متخلينيش نجيك الحوش تواا
اني : اخخخي ؏ الموت ‏Ⴢ̤ محمد البنت تكلم فيا وتبكي بعبرتها
محمد : هادي الدنيا كلنا ليها وانتي بدل م تهديها تزيدي تبكي خلاص امسحي دموعك غمضي عيونك الحلوات وتغطي واحلمي بقارس احلاممك بسسسس اكيد اول م غمضتي عيونك شفتيني
اني ابتسمت : لا لا شفت جيلاطي بنكهة فراولة ااه وخلاص توا مصقع يبرد ؏ القلب
محمد : شوف تافههه جيلاطي صار ميه ميه اني يلي مكسد ومضيع وقتي نكلم فيك وعندي حالات بعدين يجيني دكتور مازن يقولي محمد راقد ف العسل مع حبيبته وهي حبيبته كل همها كرشها
اني ضحكت وسكرت وتمرقدت بعد جو ساعتين هك نفيق بالنقال يشرين رديت وني راقده
محمد :  انزللي اني لوطا
اني : اي ف مستشفى
محمد يضحك : تي انزللي انني لوطا قتلك
اني نضت مخلوعه : شنوو كيف لوطاا
محمد : غير انزلللي ، وردي بالك تنزلي طالقة شعرك جو نانسي عجرم البسي اي بلي
اني لبست بدلة صلاة وجري نزلت مخلوعة فتحت باب شارع طبعا احني عندنا نظام جنان بعدين باب الشارع الخارجي مهم خش محمد ف جنان ومدلي كيسة وابتسم
اني خديتها
محمد حط ايديه ف جيوبه ويضحك
اني : هادا شنوو
محمد : معقولة مدامتي الحلوة تشوف جيلاطي ومنجيبولهاش
اني حضنته : ربي يحرمنيش منك بككككل
محمد قرص خشمي : هي خشي صقعع بنرجع مستشفى انني
اني هزيت براسي حاضر ومشيت وجيت راجعه بست محمد ‏ᘓɹ̇ᓄ خده وجري خشيت وسكرت باب ومحمد طلع وسكر الباب الخارجي ركب سيارته ومشي اه ‏Ⴢ̤ قلبي كمية الفرحة يلي جتني هديكا اللحظه
________
بعد مرور اسبوع♥️
حسن يوميا يكلم ف ريان ويبعتلها رسائل وهي مبتش تعبره ابدا واني ومحمد علاقتنا كل يوم احلى منن يلي قبلها وصداع ودوخه بدت يوميا تجيني وميار ومياس اليوم بيجوني باذن الله ومالك قاعد يوتي ف اوراقي طلاقه منن تهاني
عند ريان ف جامعة
ريان حطت شيتاتها ف قاعه
سندس : خيرك جيتي متاخره
ريان : كيف فقتت خنمشي كافتيريا ونججي
طلعت ريان كافتيريا وشبحت حسن شدها
حسن : ريان اسمعيني
ريان : متمنية ربي ياخخد روحي ولا روحك ويريحنا بالله عليك حول منن ججنبييي
ريان مشت كملت طريقها وحسن قعد واقف قدام كافتيريا جو زوز اولاد قدام ريان مبوش يخلوها تمر كانو يضايقو فيها ليهم مدة
ريان : تتي حولو
الولد : ولو مبيتش نحول شن بتدير يا حلو
الولد الثاني جبد منن ريان كابتشينو متاعها وطيحه ف الارض وحسن لمحهم جي يجري ووقف ف وجهه الولد
حسن : شني شبوب انتت وهو عندكك شيء عندها
الولد : خيرك وخيي ناوي الشر مدخلككشش
حسن خبط الولد بوني طيحه ف الارض
ريان شدت حسن : فوتهم متدورهمش حسنننن
حسن هجم ؏ الولد تاني ، الولد تاني ؏ طول طلع لحسن السلاح قعدو يتعاركو شوية لن صار اطلاق ناري
______________
عندي اني كيف خشيت مستشفى متاخرة سالت ؏ محمد وعماد قالولي ف عمليه لمحت دكتور ايهاب ‏ᘓɹ̇ᓄ بعيد سلمت عليه سلام حواجب
ايهاب : بعدينن نبيك ف موضوع غير توا عندي عمليهه
اني : تم
مهم خشيت غرفتي رتبت اموري باش نستقبل الحالات