ويبقى الامل

الحلقة 44

مجرد م طلعت هكي نلقى لافته كبيره عليها صورتي مكتوب عليها مكافحة السرطان ولافتة تانية مكتوب عليها قسم الملاك ♥️ طبعا كنا ف قسم الاورام والمرضى كلهم مدايرين دائرة حول الغرفة ومحمد ف الوسط وداليا ومياس وعيلة محمد كلهم واقفين ريان دفتني للنص لمحمد وقعدت واقفة حاطه ايديا ف فمي وعيوني مفتوحات ؏ وسعهم
محمد قعمز ؏ ركبته وفتحلي باكو فيه خاتم اني خلاص جتني جلطه
محمد : راهو رجليا طابو ليا ساعه مقعمز وانتي ليك ساعة فتحة فمك شني مني تقبلي تكوني مدامتي يا انسه قصدي يا مدام محمد
اني ضحكت بعدين تغيرو ملامح وجهي : ومرضي
محمد : وخيره مرضك اصلا نقولك شيء انتتي منن نوعيه يلي متمشي الا بالسيف هاتي يدك ونبي
محمد خدي يدي ولبسني الدبلة جت سندس مدتله باقة ورد احمر اعطاهالي ، وناضو كلهم يصفقو شوية هكي مالك جاب طاولة عليها تورتة كبيررره هلبا قصيناها
محمد ابتسم : منن اليوم هادا قسمك الخاص كله صورك انتتي وكفاحك وبروحك وقعدتي قوية وصابرة اني نحبك نحب قوتك نحمد ربي طيحني ف وحدة زيك
ريان : اني اعطوني تورتة وبسلامتكم تمعشقو بعيدد
اني : تو نوريكك بعدينن
مهم تلمدو عليا المرضى قعدت نحكيلهمم ؏ المرض والمدة وشنصار ونهدرزو ونضحكو ومحمد جنبي شوية هك اختفي هو خش لدكتور عمر
محمد : شني عمر
عمر : مازال شوية بسس
محمد : تمام
عمر : متوتر هلبا شكلك
محمد : هلبا هلبااا
محمد قعمز ف كرسي ويهز جنب عمر
عمر : هدي روحكك
محمد اووف
حنان : عمررر اهمي صوررر
عمر شدهم وقعد يتفرج عليهم وشبح لمحمد
محمد : شنني ادووي راهو نرعش واقف ؏ ركبة ونص
عمر مد لمحمد صور يشوفهم
محمد : لا لا شن مادهم منءءقدرش منقدرش نشوفهم رجليا معاش قادر نوقف
عمر : محممد دكتور انت خيرك
محمد : صعب منقدرش
عمر ابتسم : غير شوفهم حيفرحوك هلبااا
محمد جبدهم ولقي الصورة سليمه تماما لن قعمز ف الارض عمر شده ومحمد يرعش
محمد : اااه يا ربيي تعرف والله كنت فاقد الاممل تماما
عمر : ربي كبيرر ومينساش ححد
محمد ضحك ووقف
حنان شدت محمد ودموعه ينزلو : تي توا وقت دموعع نوض خبرها فرحهاا حمدلله وخلاص
محمد طلعلي وقايم ملفات وناس كانو جنبي كان مكشر وجهه
محمد : النتيجة طلعت
اني : شنوو خيرها محمد
داليا : شنفي محمد
محمد : الصورة سليمه تماما مفيش ولا اثر للخلايا السرطانيه
اني قعدت واقفه مصدومه وبنات ينقزو ويحضنو فيا
ريان : وقولو حي على حمادي وحي على حمادي يلي هبلنا جاي وغادي ، ووووهعليا مبروكك مبروك فرحانه بنطيرر وشدني راني نبي نطيرر وشدنيي يا حميدة يا كبير
اني : محمد ليا وبسس
ريان: تفوو نغني فرحانتلكك
محمد جي حضني وباس راسي ومشي ومالك حضني ودموعه ينزلو وبعدين طلع
ام محمد : مبروك بنيتي وانشاء الله مالك ومحمد حيحددو العرس تقريبا اول الشهر توا محمد البرا يراجي فينا بنروحو نتقابلو
اني بستها : سلام عمتي
سلمو عليا سندس وسهى وسارة
سندس مشت حضنت ريان
سندس : نبيك ف موضووعع بنتصل بيك
ريان ابتسمت : اوككك منن عيوني
ومشو روحو وقعدو البنات ف القسم متاع الاورام مدايرين حفلة وتوزيع هدايا للاطفال وتورتة وماكلة وزينة محمد مداير هلبا حاجات
اني : دالياا وعمتي نبيكم ف موضوع شوية دنيا بري لريان ومياس
دنيا : حي ؏ توزيعهه اصلا كنت حنمشي بدون م تقوليلي 🌝😂
مشت دنيا
ام داليا : شنفي بنيتي
اني : خير يا عمتي غير خنمشو غرفتي ونحكيلكم يلي صاير
مشيت انني وداليا وامها لغرفتي وقعمزو
اني : هئحم كيف بنخش ف الموضوع
داليا : تي ادوي
اني : مالك يبي يتقدم لداليا ‏Ⴢ̤ عمتي ويبيها ؏ سنة ربي ورسوله وكلمني نكلمكم وكان موافقين باش يتفاهمو رجالة ف بعضهم
ام داليا زغرطت : الحمدلله يا ربي بنيتي الحمدلله اهو جاك عريس تقول غزالل
داليا ابتسمت وملامح وجهها تغيرو : وميعرفش شن صار معاي وسمعتي يلي تشوهت ؟ ومرته شنو ؟
اني : مرته طلقها ونسبة ليلي صاير معاك يعرف بكل شيء ومالك يعرف انك مظلومممه وحسام كذاب وباش هكي كلمني وقالي يبيك
داليا ابتسمت وطبست واسها
ام داليا : نسبة ليا انني موافقة وخوتها اكيد موافقين وخاصة بعد يلي صار يا بنيتي وكلام يلي مطلعه حسامم مخلينا مش قادرين نمشو ف شارع ربي يسامحه وخلاصصص
اني : لا لا خلاص توا يلي فات مات ، اعطوني رقم خوها لكبير ونعطيه لمالك يتفاهمو ، وقبل كلهه هادا رائي داليا اهم شيء
ام داليا : تي اكيد موافقة
اني شبحت لداليا : داليااا القرار قرارك تقولي باهي باهي لا لا متتحشميش وتخافي الموضوع ف حياتك را
داليا سكتت شوية بعدين تنهدت : موافقه اني
ام داليا اعطتني رقم ولدها الكبير وني طلعت ندور ؏ مالك باش نعطيهوله لقيته ف كافتيريا مع ريان ومياس
اني : مالك تعال شوية
ريان : لا مش حيجججي تبي شيء قوليه قدامنااا
اني : باهههي يا شلال ، جبتلك رقم خو داليا
مالك : ميه ميه كلمتيها هي رايها ورائي امها
اني : اي موافقين
ريان : فهمتش ؏ شن
اني : سكري فمك تو نفهمكك
مياس : شنفيي
مالك طلع نقاله ومليتله الرقم
ريان : شنوووو داليااا
جو داليا وامها ودنيا
مالك ابتسم : اهلين
ام داليا : كيف حالك وليدي خلاص حتبدا توا وليدي وراجل بنتي
مالك ابتسم : انشاء الله يا رب يتمم ؏ خير
ريان ناضت تنقز : حيي حييي مالك مالكككك وداليااا معقولة ووهعليا مش مصدقهههههه
ميار كانت تبتسم وملامح وجهها تغيرو ومشت ولحقتها اختها مياس
اني : اس اس سكري فمكك
****
ميار خشت الحمام تبكي
مياس : ميارر افتحححي افتححي
ميار : خليني خليننني
مياس : غير قولي خيرك شنفييي
ميار فتحت الباب وحضنت مياس
ميار : كلهم كلهم بيتزوجو وحتى منن اختي يلي اصغر منني وتوا داليا رغم يلي صار معاها الا لا قعدت كان انني شوفي م فـ‏Ⴢ̤ حد يشوفلي
مياس : اسسس تو هادا سبب تبكي عليههه مش شرط زواج
ميار : تي انني لا زواج لا حب مليت مليتت
مياس : اس اس
ميار : نبي نروح تواا تواا
مياس : امي البرا معاهمم خنطلعو ونتصل برواد يجينا
ميار : م نبي شيءءء توا تكلمي رواد توا
مياس : حاضررر
" اغلب البنات هك فكرهم خطوبة زواج وبس ميشوفوش للجانب تاني للحياة ! ميعرفوش ان زواج مسؤلية وشيء كبير ! قصدي عيشي حياتك اقري خليك مراءة مستقلة بذاتك عندها شخصيتها مكملة قرايتها ! تخيلي تتزوجي وتقضي قرايتك وبعد مدة تطلقي !! وين حتمشي بعدين ! كله حيجي ف راسك انتي !! حيشبحولك شبحات انتي الغالطة وزيدي عليها انك مش مكملة قرايتك !! ومش شخصية قائمة بذاتها ! حيشبحولك شبحات ضعف واستحقار لهذا اهم شيء اهم شيء شهادتكككك والباقي كله يجي بعد الشهادة معاش تفكرو بهالطريق السلبية زواج وحب ربي هو كاتب النصيب ويحدد ولو اخر النصيب اكيد لحكمة معينه "
******
داليا : ملوكه انني خوي برا بنروحو تمام
مالك : هو البرااا خنكلمه طول امالا
داليا طبست راسها وبدي احمر
ريان خبطتها : اووو بدينا ف جو متحشمة وامرك ابن عمي وووه😂😂😂😂😂😂😂😂😂
مهم قعدنا احني ف كافتيريا وطلع مالك ومعاه ام داليا البرا ام داليا ورت مالك سيارة ولدها ورجعتلنا مالك مشاله طق الروشن هو فتحه
مالك : اهلين
خو داليا " سعد " : اهلين
مالك  : زبطتني
سعد استغرب
مالك : تي مالك خو ملاك
سعد نزل وحضن مالك
سعد : اووو متغير هلباا كيف حالك
مالك : حمدلله بخير وانت
سعد : والله كويس وحمدلله ؏ سلامه اختك قتلي امي توا
مالك : الله يسلمك
سعد : شمداير اي
مالك : والله اهو جايك ف موضوع
سعد : شنو
مالك : الحق نبي نطلب يد اختك وجاي بلحلال
سعد : دنيا الصغيرة ؟
مالك : لا لا الكبيرة صاحبة ملاك
سعد سكت شوية
مالك : شوف نعرف ان يلي صار معاها مدة فاتتت صعب ، بس منحطوش اللوم عليها هي مش ذنبها قصدي انت كبرت وربيت وتعرفها هي شنو مش ذنبها لو واحد زي يلي كان خاطبها شوه سمعتها وني الحق نبيها
سعد ابتسم : ربي يكتر منن الناس يلي زيك نسبة ليا معنديش مشكلة ابدا حتى العرس غدوا نشوفهم هما عويله شن يبو ونرد عليك
مالك : خلاص تمم
داليا وعيلتها طلعو ؏ اساس وسلمو ؏ مالك زعميتك مش شابحينه وم يندرو ؏ شيء 🌝😂
ام داليا : خيره مالك شن يبي
دنيا قعدت تضحك : جو م تعرف شيء نبع الحنان
داليا نخصت دنيا
سعد : وخيرك سلمتي عليه مش كان معاك داخل
ام داليا : اااء ااء شنءءو
دنيا : اي لاكن امي مشبحاتاش فهمت
سعد : مالك يبي داليا وني موافق اهم شيء توا نلاقو حد يسترها وتبو الحق كلام مالك صح منحطوش عليها اللوم هي مش ذنبها
سعد شبح لداليا ؏ مرايا ‏: اسف وحقك عليا داليا بس صعبه الفكرة نلقاهم يتكلمو ؏ اختي والله صعبه واهو صبرتي وربي بعتلك واحد زي مالك
داليا ابتسمت
ام داليا : انني موافقه وراي الاخير ليك سعد
سعد : خلاص تمام تواا نتصل بيه اني
مهم سعد وصل اماليه حوش وخش مربوعه وخدي رقم مالك منن ام داليا
__________
كنا ف قسم الاورام نضحكو اليوم شبه م خدمنا شيء طبعا ومحمد جي، مياس واماليها روحو وداليا روحت ومالك روح بيستلم اوراق الطلاق منن المحاميه
محمد اشرلي متاع نبيك مشي غرفته وني انسحبت لحقته مجرد م خشيت الغرفة هو كان وراء الباب سكره جبدني حضني منن تالي
اني : محممد
محمد : اسسسس توا انتي ليا خلاص خطيبتتي
اني : محمءءد
محمد : اسسسس هاتي بوسة
اني : لاا
محمد : راهو ناخدها بالسييف
اني ضحكت وهو باسني
اني : قالو عرسنا بداية الشهر حقا مش واتيه لا فيلو لا شيء را
محمد : اي بداية شهر تي اني كنت نبي اليوم نقرو الفاتحة غير قلت خلي لبدايه الشهر وقتها شعر يكون اقل شيء رجع شوية خير م نقعد هكي نبي نطيح البنات في ف صالة
اني : مصحوجهكككك
محمد : واي للفيلو متخافيش حنبعتلك تفصيلات لمصممه ‏ᘓɹ̇ᓄ تركيا هلبا وانتي شوفي يلي يعجبك وحيوصلوهولك لاهني حنشروه باش يقعد ذكرى كل م نفتحو دولاب نشوفوه
اني : نحبك ربي يحرمنيش منككك حقا مالك بيخطب داليااا
محمد : والله مبروكك
اني : امبكري قالي جيت توا سالتها موافقة قتلي بيناقشو موضوع ويردو علينا
محمد : نحبكك نوضي توا روحي ياسرك تعبتي هلبا اليوم
اني : تي شن تعبت
محمد : ‏ᘓɹ̇ᓄ صبح ف قسم الاورام روحي قلنا
اني : حاضر
محمد طلقني وحطني مقابله وعيوني ف عيونه
محمد : نحبك
اني : نموتتت فيك
_________
مهم طلعت روحت قعمزنا ني ومالك وريان نهدرزو
مالك : خنمشي نرفعلها اوراق الطلاق ونفتك
كيف بيططلع اتصل سعد بمالك
مالك : الو
سعد : اهلين يا برو
مالك : كيف حال
سعد : اهو خنخش ف موضوع احني موافقين ع داليا
مالك : ميه ميه انني كانك عليا غدوا نقرا فاتحة بس بما ان هي تبي تعيش فرحتها اكيد ف حنخليه مع عرس ملاك
سعد : لا لا مفيش داعي اقرا فاتحة نحددودها طول مفيش داعي لهادا كله وبيني وبينك ظروفنا متسمحش مدة هادي فاتحة وخلاص
مالك : خلاص تمام امالا ميه ميه
سعد : نحددو موعد للفاتحه ؟
مالك : الجمعة
سعد : ميه ميه
سكر مالك وني قعدت نشبحله
اني : شن جمعة خوي
مالك : بنقرا فاتحة وخلاص
اني : شنوو ونبي نفرح بيك وجمعة هلبا مالك كيف بنلقحو نهار احرف حوش كله يبي تغير ودار نوم وكلشيء جديد مالك لا لا
مالك : اس اس صلي ؏ نبي كله يمشي
مالك جاي بيركب فوق
ريان : تي وينن ماشييي مش بتمشي لتهاني
مالك : ااه اي اي
ريان : ملوككي تنساش تقوللها ان فاتحتك الجمعة خليها تجي تحضر يعني تو تقول مش مذوق راجلي الاول
اني خبطت ريان : يا سوس
مالك : تي منن عيوني متوصيش بنشوف رياكشن " تعابير وجهها " متاعها
مشي مالك لتهاني وريان خشت تدوش وني وقفت قدام مرايا نمس ف وجهي
اني " متوقعتش روحي نتعالج معقولة اني والسرطان ااه يا ربي شكرا بجد اغلب الناس يظنو ان السرطان موت والموت سرطان بس لا نقدرو نكافحو هالمرض بالقوة بالايمان بالصبر بالنفسية الحلوة ضروري نضحكو واحني نواجهو فيه صدقوني اني كانسانه جربت هالمرض نعرف شن يصير وشن لا ضروري الانسان ايمانه يكون كبير ويكون مكافح وميضعفش ف نهاية الاعمار بيد الله ولو الانسان مماتش بمرض حيموت لسبب تاني ! نعرف ان الفكرة ان قصة مرض ف جسمك وخطير زي هكي تقهر وهلبا تقعدي تسالي ليش اني مش هما ليش ! بالعكس متقوليش هك ربي اذا احب الله عبدا ابتلاه وربما لما تصاب بهالمرض تتقرب لربي اكثر وتدعي اكثر وربي يبيك تدعيله وتتقرب ليه ، طرق علاج سرطان بغض نظر عن علاج اشعاعي كيمياوي او جراحي اهم شيء ايمانك بريبي اقتناعك بهالمرض وانه زيه زي غيره وهالشيء بيد الله وهادي نصيحتي ليكم السرطان مش موتت السرطانن كفاحح ونضال وصبر وايمان وقوة وعزيمه كل هالكلام يمثل اسم السرطانن مش الموت برائي الاغلب♥️".. يتبع