ريان : جيتت
سندس بابتسامة مزيفه : نورتي امممم حسن بعتلك رسالة
ريان كانت تشرب ف كابتشينو لن شرقت
سندس : Ⴢ̤ ساتر
ريان خدت نقالها وفتحت ؏ رسالة وسكرت نقالها وقعمزت ساكته
سندس : ريان انتي تحبيه ؟
ريان : ممشءءشعارفه
سندس : بجديات راه حسن تغير ونحسه يحبك هلبا
ريان : انتي متحبيشي
سندس تنهدت خش دكتور وسكتو قعد منتبهين للمحاضرة
__________
عند دكتور عماد مرو اربعه ساعات جاني كنت تاعبه هلبا
عماد : دارين شنصار
دارين : اهو قعده
عماد : اني بنروح بيها توا باش ترتاح
دارين : اوك
عماد : ساويلها حوايجها وحاولي كيف تدرقيلهاا وجها ولبسيها اهمي النظارات الشمسية
دارين : دكتور اني عندي عبايتي نلبسهالها وتطلع م حد ح يزبطها هك
عماد : وانتي شن بتقعدي
دارين : اني نلبس بدلة فوقها عباية نوصل اهني ننحي العبايه ؏ خاطر خوتي ضروري عبايه بس اليوم عادي تو نحاول كيف نتصرف غير اهم شيء دكتورة ملاك
عماد : نظمي امورك اني البرا
عماد طلع يستنى برا ودارين ساوتلي حوايجي وللبستني عباية ونظارات واني مش قادرة نوقف
دارين : دكتور كملت تعال
عماد شبحلي : ملاك تقدري توقفي تنسندي فيا ؟ الباب الخلفي قريب منن اهني نطلعو منه مش منن الباب الرئسي تقدري تمشي ولا نجيبلك كرسي متحرك
دكتور عماد شد يدي ودارين شدتلي يدي التانيه وقدرت نوقف ومقدرتش نمشي الا بالسيف قعدت سانده روحي ؏ دكتور عماد لن جاب السيارة وركبت طول ومحد شبحنا ورفعني حوشه مكنتش شابحه شيء وصلنا حوش دكتور عماد كانت عمارة كبيرة فيها اصانصير مهم نزلني دكتور عماد وانسندت فيه لن ركبنا اصانصير ووصلنا الطابق متاعه وكيف بنطلع منن الاصاصنصير معاش قدرت نمشي وطحت قامني وطق باب حوش فتحتله اخته دخلني طول
عماد : اسمعيني هي توا تاعبه شوية منن تاثير الجرعة وملاك زي اختي يا عبير ردي بالك منها ساعديها بدليلها حوايجها اعطيها اي شيء منك وخليها ترقد ترتاح
جدة عماد : حاضر وليدي وتيتلها شربة سخونه متاع خضرة كويسة تشربها
عماد : اني نازل بنجيب شوية ادوية ليها ونوريك يا عبير امتى تعطيهولها غير انني راجع مستشفى لا دكتور محمد لا دكتور مازن ولا هي ف ضروري نغطي النقص يلي صاير فـჂ̤ حالة صار اي شيء اتصلو بيا
عبير : تمام
مشي دكتور عماد جاب الادوية وشرح لعبير امتى تعطيهملي وجابلي شنطتي ونقالي حطهم جنبي ورجع مستشفى
______________
عند محمد كيف دوش وصلى الظهر وقعمز شوية ف الكرسي وحط يده ؏ قلبه " شنفي يا ناس الصبر صليت وصليت ركعتين لوجه الله ومن امس واني نصلي ونقرا قران بالك ربي ينحي الغمة شوية وشيء شنصار بس نبي نفهم ، ملاك ! خنتصل بيها ! تي لا لا هي قتلي مشغولة وضغط اليوم استغفر الله Ⴢ̤ ربي ، خنوض حتني نبدل ونمشي نشوف شنصاير ف العيادة "
______________
عندي ريان♥️
طلعت منن المحاضرة
سندس ابتسمتلها : بري للقاعه خمسة حسن يراجي اني تلقيني ف كافتيريا
ممشت سندس
ريان مشت للقاعه خمسة لقت حسن موتيهولها ورد احمر وجايبلها هدية
حسن وهو حاط ايديه ف جيوبه : حبيبتي واخيرا جيتي
ريان وقفت قدامه وهي مفنصه
حسن : تي خيرك
ريان : شن هادا يلي درته ! تندري ان رسالتك متاع صبح شبحتها سندس باهههي
حسن : تي ونبي سكري فمك منن عليا سندس سندس شادتها وراء امي قتلك منحبهاش شن بالسيف هي كل شيء يجي بالغصب الا حبني يا بني ادم ونبي تعالي
حسن شد ريان منن يدها بكل قوته
ريان : اطلقننني حسن الهم اطلقننني
حسن : وينها وين صاحبتكك يلي مدايرتلي فيها جو رية وسكينة
ريان : تي ف كافتيريا اطلقني Ⴢ̤ حسن ناس يشبحولنا
حسن كان ماشي ومتعفلق مجرد م وصلو كافتيريا قعد يشوف يمين يسار لن لقي سندس مقعمزة مشالها ومجرد م وصلولها طلق يد ريان وقعد يشبح لسندس
حسن : سندس اني وهمتك اني نحبك قتلك يا بنت ناس نحبك ونبيك
سندس هزت براسها لا
حسن شبح لريان : تفضلي هي البنت منحبهاش ولا هي تحبني
سندس : ريان اني منحباش حسن ولا هو يحبني انتي تخنسي هلبا
ريان شبحت لحسن ᘓɹ̇ᓄ فوق للوطا وطلعت وهو جي وراها مشو القاعة خمسة وهي قعمزت وحطت رجل ؏ رجل
حسن : لامتى حتقعدي ساكته
ريان : مشعارفه ، امتى م دماغي يقولي تكلمي
حسن : باهي انشاء الله باللطف عليك
ريان خبطت حسن : مبرد وجهكك شهدرت بينا قدام جامعه كلها
حسن : وعادي خلي الكل يعرف اني نحبك وين مشكلة
حسن باعلى صوت : Ⴢ̤ ناس نحبههههاااا
ريان : اس اس
حسن : باهي نبي نسمعها منك
ريان : شنهي
حسن : هي
ريان : تي شن هي هي
حسن : الكلمة
ريان : كلمة شنو حسونتي
حسن فنص فيها
ريان ضحكت : نحبك
حسن : ترا مرة تانيه
ريان : لا
حسن : تي غير هياااا
ريان : لا
حسن : رياننن
ريان : نحبك🌝😂
حسن : اهه وخلاص شكلك بتعبيني هلبا
ريان : شكلي هكي
حسن مد لريان الهدية خدتها فتحتها كان بارفان ومعاه دب احمر يقول "اي لوف يو"♥️
__________
عند عماد كان كيف طالع منن المستشفى لقي ايهاب ودكتورة حنان ♥️
عماد كيف بيمنع ؏ خاطر يتهرب وقت يسالوه وين ملاك
ايهاب : تعال تعالل Ⴢ̤ عميد
عماد : اخرررط
عماد دار ابتسامة ومشالهم
عماد : وين Ⴢ̤ قدر
ايهاب : قاعد وين ملاك اليوم
عماد : والله كانت عندها عمليات وشبحت الحالات يلي عندها وروحت
حنان : غريبه مشفتهاش
عماد : لا لا بري حتى شوفي الحالات يلي عندها كلهم خدتها تلقي عليهم علامه صح كلهم
طبعا حالاتي كلهم شبحهم دكتور عماد
ايهاب : اني مروح توا
عماد : اني كنت طالع بنجيب ميه نزلت لوطا كافتيريا لقيتها مسكره
حنان : وقت مرواح توا فـჂ̤ دكاترة تانين يشدو توكه روح
عماد : اي اي شوية وبنروح
ايهاب : اوك
طلع دكتور عماد جاب ميه ورجع
_____________
؏ طاولة العشاء ♥️
ريان : استاحشت ملاككك
مالك : اتصلي بيها
ريان : قالت مضغوطه هلبا اليوم نفضى نكلمكم
مالك : خلاص امالا تو تفضى تكلمنا
_____________
سندس كانت ف غرفتها تبكي تقرا ف رسائل قبل بينها وبين حسن وكيف كانت خفيفه وتبعتله ف صورها بمجرد انها تحبه حب ᘓɹ̇ᓄ طرف واحد بسسس وهو مشي معاها ومش مدورها كانت تبعتله ف صورها وتكلم فيه امتى م يبي هو ردو بالكم Ⴢ̤ بنات تطيحو ف شيء زي هكي مهما كنتي تحبيه ردي بالك الحب يعمي راه خليك ديما واعيه متخليش حد يهزك حطي بوك وامك قدامك ديما متخليش بوك يمشي بين ناس ويطبس راسه ديما ارفعيله راسه وخليه فخور بيك راه بوك قبل كل شيءء لا حبيب لا عمك نوم
______________
روح دكتور عماد وكان تاعب♥️ خش باس يده جداه
جدة عماد : استاحشتك وليدي تاخرت هلبا
عماد : ظهري بيتكسر تعرفي
عبير : عماد جيت
عماد : لا لا قاعد ف مستشفى هادا قريني
عبير : مبرد وجهك متتغيرش🌝😂
جدة عماد : حطي العشاء بنيتي خنمشي نفيق ملاك نشوفها نتعرف عليها مرة ولدي
عماد : لا لا ردي بالك تقولي هكي قدامها ملاك اختي وبس زيها زي عبير
جدة محمد : اي مداير روحك خوها صار نزبطك اني تحسابني منفهمش
عبير : حاضر
ف نفس وقت اني كنت كيف فقت ᘓɹ̇ᓄ النوم قعمزت ؏ سرير شبحت نقالي لقيتها ساعة عشرة ونص تتاوبت ولبست بدلة صلاة وسمعت صوتهم يهدرزو طلعتلهم
عماد وقف : ملاك كويسءءه انتي
اني ابتسمت : اي
جدة عماد : تعالي بنيتي قعمزي جنبي
اني جيت حضنتها وقعمزت جنبها
جدة عماد : نورتينا Ⴢ̤ بنيتي الحوش حوشك
لقيت عبير توتي ف صفرة وتجيب ف حاجات منن كوجينة
عبير : اهلين فقتتي شنجوك توا
اني ابتسمتلها : حمدلله شن نقدر نساعدك
عبير : لا لا كل شي واتي ارتاحي بس
جدة عماد : والله ماهي صايرة بتقعمزي اليوم نتعرفو عليك بعدين ديري يلي تبيه
طبعا نسيت نقوللكم فـჂ̤ مرضى سرطان يقعدو متااثرين بالجرعة حتى لمدة اسبوع كل شخص ومناعته فـჂ̤ يلي ساعتين ويبدا احسن فـჂ̤ يوم كامل فـჂ̤ يومين كل شخص ؏ حسب تحمله يعني وني حمدلله توا حاسه روحي احسن
قعمزنا نهدرزو شوية بعدين تعشينا لميت معاها صفرة وحلفوًً عليا منمسش شيء بعدينا قعمزنا نشربو عصير ونهدرزو ناض دكتور عماد
عماد : بنمشي نرقد اني
كيف ناض عماد وكان شاد نقاله
عبير : حي عماد كفر جديد يهبل
؏ طول طاح نقال عماد
عماد : لا حول الله الناس تقول مشاء الله فعلا شين وقوي عين
اني انفلقت ضحك
عبير حذفاته بالمخدة
عماد : බـي تصبحو
جدة عماد : تعالي ارفعيني داري خنرقد
اني : هي نوضي Ⴢ̤ عمتي وينها دارك
اني شديتها ورفعتها ددارها بعدين خشيت مع عبير بنرقدو اني وياها معبعض قعدنا نهدرزو شوية وهي ورقدت شديت نقالي لقيت دنيا مقلوبة محمد متصل سبعين مرة اتصلت بيه
محمد : لا لا واخيرا رديتي واخيرا دورتينا
اني : والله مشغولة يوم كله حبيبي وتوا روحت حوش دوشت ورقدت
محمد : وخيرك تدوي بصوت واطي هكي
اني : اا ماه ماه ريان راقده جنبي فهمت
محمد : استاحشتك هلبا مشعارف مغموم منن امس نفكر فيك متاكده انك كويس
اني ابتسمت : اي Ⴢ̤ قلبي والله كويسه
وف خاطري لو تعرف Ⴢ̤ محمد يلي صاير معاي مهم هدرزت مع محمد قريب نص ساعه بعدين كلمت مالك طمنته وكلمت ريان ورقدت
__________
عماد كان ف غرفته شاد صورتي متاع خطوبتي ني ومحمد ويتامل فيها " علاش الدنيا هكي اخي اكثر ناس طيبه هي يلي يصيرلها هكي ااه وخلاص لو تعرفي Ⴢ̤ ملاك كمية الحب يلي ف قلبي ليك متمني المرض جاني ولا جاك اني متقطع هلبا وقت نشوفك هكي ااه وخلاص عارف مهما ندير مش حنوصل لمرتبه محمد عندك وعارف ان اكثر شخص محتاجتيله توا هو محمد وان مهما ندير مش حنكون زي محمد بس ضروري يعرف هو وانتي متبيش اااخخ وخلاص شن ندير "
_________
ثاني يوم فقت الفجر صليت وقريت شوية قران ومعاش جاني نوم قعدت نتصفح ف نقالي وبدلت باش نمشي المستشفى لن فاقت عبير بالمنبه
عبير : صباح الخير خيرك فايقة
اني : صباح ورد خدمهه
عبير : بتمشي
اني : Ⴢ̤ عيني ياسر امس
عبير ناضت كوجينة جابتلي دواء وجت
عبير : تفضلي ، عدلت منبه باش مننساش
اني : قصدك فايقه ؏ خاطري
عبير ابتست
اني خديت دواء
اني : سامحيني تعبتك معاش قوليلي شنهو ف جديد تو ناخده خير م تقعدي تنوضي
عبير : لا لا مفيش داعي اني اصلا م عندي ليش راقده وبالاساس بننوتي فطور لعماد
ايم : خنوتي معاك امالا
نضت اني وعبير لقينا جداهم ف وسط حوش فايقه وتينا فطور وحطيناه لن طلع عماد
عماد : شن هالنشاط صباح ورد
عماد ركز فيا لقاني مبدلة وكل شيء
عماد : ؏ وين
اني : مستشفى
عماد : لا لا مفيش مشي
اني : شن مفيش امس ممشيتش
عماد : متنسيش مقايله لاماليك عندك ديوتي يعني مفروض توا تروحي
اني : عادي تو نعرف كيف نرقعها خنمشي مستشفى قبل نسوق سيارتي ونروح حوش بعدين نجي مستشفى
عماد : اي هكي خير
أنت تقرأ
ويبقى الامل
Roman d'amourالدكـتورة مـلاكٌ : واجهت هلبا صعوبات ف حياتي الحق ومعرفتش معنى الاستسلام الحياة تبي ᘓɹ̇ᓄ يكافح ويكون صنديد اما المرخي مش حيلقى غير الوجع والهم وكل انسان يمر باختبارات وامتحانات صعبة وهلبا ! المشكلة مش اهني ! المشكلة ان هل حيكون قوي ويقدر يجتازهم او...
