ويبقى الامل

الحلقة 56 ♥️

حسن : اسمععءي
ريان : شنوو
حسن شد ريان وهي طول نحت يدها خبطاته تيرو ف رجله
ريان : رد بالككك تحاووول تعاودها
ريان دفت حسن ورجعت مع العيله وهو قعد واقف مصدوم معرفش كيف يتصرف ولا شن يدير
_______
اني كنت ف حمام شوية هكي طلعت متعفلقه ونخبط قعمزت ف صالون وغطيت وجهي بايديا ونبكي لن جي محمد منن الخدمة
سهى : هلا حميده
محمد : اهلين
ام محمد : خش وليدي بدل ارتاح شوية مبين وتي الغداء
محمد : وين ملاك امالا
سهى : مشعارفه حطت غدي ؏ نار وخشت ممكن تدوش
محمد خشلي لقاني نبكي جي قعمز جنبي وحضني
محمد : شنفففي غير صلي على النبي اهدي
اني كنت نخبط ف حضن محمد
محمد : تي اهديي ملاك عادد فيي حد ضايقك ؟ ولا قالك كلمة فهميني يا بنتي شنفي
اني : لاا
محمد بعدني منه ومسحلي دموعي : اول شيء اسكتي ولا حرففففف
اني سكتت وقعت نشبحله
محمد : حتى نفسس لااااا معاش تنزلي دموع اهدي هكي وقولي خيرك
اني : طلعت حامل ، كنت شاكة ودرت جهاز الحمل طلع اي
محمد ابتسم وباس راسي : وفي حدد يرفض نعمة ربي عليه ؟؟ علاش كل هالبكي باهي هالخبر يطير منن الفرحة
اني : محمد مش زعلان يعني
محمد : وليش بنزعل مدامك حبيبتي ومرتي حامل شن نبي اكترر بالله وانتتي ليش كل هالبكي
اني : محممد شوف افنان وانفال تي انفال قاعدة صغيره يا محمد معقولة كيف حنقدر نهتم بيهم معبعضهم شن ندير يا محمد اااه وخلاص
محمد : تو هادي مشكلة ربي اعطانا نعمة وانتي ترفسي فيها شوفي ناس يلي معندهمش بكل شن يديرو ؟ ونسبة للاهتمام كله يجي معبعضنا نتعاونو ونربوهم واني اصلا نبي الحوش كله صغار انشاء الله عشرين
اني : اي عشرين باش اني نعلق فيهم وف نهاية يطلعو يحبوك
محمد باس راسي : قداش م فرحت منن هالخبر انيي
جت افنان تجري حضنت محمد
افنان : باابا جيت
محمد : ااي جيتت
اني : فنو وينن انفال
افنان : تلعب ف الالعاب
اني : خنمشي نجيبها بنبدللها
محمد : لا لا خليكك مدة هادي اهتميلي بروحك شوية وفكينا منن قيم رزين انتتي حامل متنسيش وتعبيني زي قبل
افنان قعدت تشبح لمحمد هو ركز لقاها تشبحله ابتسملها : شفتي ماما حامل بتجيبلك اخ ولا اخت مدة جاية ، ضروري نسمعو كلامها ومنتعبوهاش بكل واي شيء تبيه نجيبهولها
افنان ابتسمت ونزلت منن محمد حضنتني
افنان : حتى اني نبي نكون حامل باش تجيبولي يلي نبيه جيبولي هلبا العاب وهلبا شكاليط
محمد فتح عيونه : لا لا بنتك خطيرة
اني : هسس تعالي
مهم طلعنا للعيلة كلمتهم بموضوع حملي واتصلت داليا خبرتها وانتشر الخبر
ام محمد : كولي كولي ملاككك عبي بطنك
اني : والله ناكل يا عمتي
سهى : متحشمة على اساس😂🌝
اني : والله ليا معاكم قريب عقد وبنتحشم😂😂😂
سارة : لا لا جو دلع قدام حميدة جو حامل
اني خبطتها : اخسس
______
ريان : ووووهعليا قداششش م نحبه العصبان
ام حسن : والله ملاك فرحتلها هلبا ربي يهنيها وامتى بنشوفه عندكم ‏Ⴢ̤ حسن وحسين
ريان شرقت وقعدت تشبح لحسين وهو طبس وياكل
حياة : اااي نبو حوش كله يتعبى صغارككمم
ريان : اي قتيلي حياة شنجو خدمه اني بننزل يومين جايات معاككك
ام حسن : اي ريونه انزلي خير وكملي
ريان ابتسمت : اي حتى سندس معاي
سندس ابتسمت بعدين شبحت لحسن لقاته يفنص فيها طبست راسها
حسين : اني بنركب فوق نبدل وندوش
حسين ناض
ريان : استنانني نركبو مع بعض غير نغسلو ماعين
حياة : لا لا اركبو تو نغسلهم اني
ريان : والله
حياة : متحلفيشش اماعين العشي عليك اهمي خليهملي
ريان ابتسمت : منوره
جت ريان شدت يد حسين وركبو حسن طول ناض وراهم بدون ولا حرف وركب شقته شوية هك لحقاته سندس لقاته مكسر نص الحوش
سندس : خيرك شنفي
حسن شد سندس منن شعرها : خير امك انتتي تلحقي فيا تعاتبي فيااا
حسن دف سندس وهي طاحت خبطت راسها ف الدولاب وهو مركزش فيها طلع طول
**
ريان : اي شنتبيي
حسين : شن شن نبي
ريان : نقصد شنن تبي تبدل
حسين ابتسم : اختاريلي انتتي هي
ريان : امممم اصبر شوية هيي هو الجو نو باهههي البس شرط هادا الاسود ومعاه تيشرت اديداس ابيض قنين باهههي
ريان كانت واقفة ؏ دولاب حسين وهو وراها يشبحلها ويضحك
ريان : شن رايككك
فجاءة جي حسين حضن ريان
ريان : بسم الله خلعتنني يا راجل
حسين : ضروري يا راجل مفيش حسين حسونه راجلي ممنوع😂😂😂؟
ريان : ااي
***
بعد مرور عدة ساعات
سندس كانت ف غرفتها تبكي بعد لمت التكسير يلي داره حسن وضمت الحوش " يا ربي شن هاالامتحان يلي حطيتني فيه علاش شن درت اني خيره حسن هكي يعامل فيا "
؏ خشت حسن سمعها تتكلم " شن ذنبها هي خيرني نفش ف غلي فيها  ! "
جي حسن رقد جنب سندس يلي عاطياته بالظهر ومسح ؏ راسها وباسه
حسن : اسف سندس والله ضغط خدمه وتعب بلاد فدد وضيء وخاشه بعضها
سندس لادت وحضناته " مفيش شخصية بدل ما تفنص وتهزبه لا "
حسن : اسسس خلاص خلي نرقدو توا معاش تبكي حبيبتي
حسن قعد حاضن سندس ويلعب بشعرها لن رقدو الزوز
___________
عندي اني مر يوم عادي جدا ، تاني يوم فقت بكري وتيت الفطور طلع محمد خدمه وكنت بنمشي اني وسهى للمزين نديرو شعرنا ومنيكير بديكير وشوية تغيرات هكي
اني : ايوا حميدة توا اني وسهى كيف طالعين
محمد : ردي بالك ؏ روحك ومسجل نقصيه صوت وسوقي بشوية
اني : اوك
مشينا مزين درنا شوية حاجات هك بعدين ريت وحدة تقص ف شعرها قصدي والله توححمت عليه هي مشعارفه جي ف خاطري
اني : سهىى جي ف خاطري نقص شعري
سهى : معقولة يهون عليك
اني : خاطري نقصه
سهى : براحتكك
اني : بنقصه خلاص
سهى : بجديات تدووي
اني : ااي
مهم نضت حجزت وقصيته مدرج جهة مع نهاية رقبتي وجهة معع بداية رقبتي وغيرت لونه بلاتيني عجبني هلبا بعدها جيت واقفة قدام المرايا وتفكرت محمد
سهى : طالع عليك يجلطططططط
اني : سهىى نبي نرده
سهى :  شنو
اني : محمد بيقتلني كيف تفكرته
سهى : وامبكري جايتني عليه شنصار توا🌝😂
اني : لا لا منقدرش نروح هكي مستحيل
سهى : تي شن مستحيلل
نقالي شرين قمته كان محمد
اني : لا لا مستحيلل نرد
سهى تضحك : ردي
اني : شن بنقوله
سهى : بيشوفه بيشوفه را
اني رديت ؏ محمد
محمد : وينن
اني : ف مزين
محمد : لا عروسه اليوم معناها روحي خلاص مغربب
اني : اي حاضر اصلا كيف طالعه
سكر محمد وصلحت وشاحي كويس وركبت سياره روحنا وريت شعري للعيله
ام محمد : حرام عليك قصيتيه
________
حسين : اني بنمشي ثلاثه ايام مصراته
ريان : وليشش
حسين : عندي خدمه غادي
ريان : هلبا
ام حسن : اي برا وليدي مربوحه وريونتنا تقعد معانا
ريان قرنت حواجبها وناضت كوجينة شوية لحقها حسين
ام حسن : وانتت شنجو خدمتك
حسن : والله اهو ماشية
ام حسن : وخيرك مش ماشي مع خوك
حسن : كنت بنمشي بس بما انه حيمشي بنقعد اني اهني شن حوش يقعد بدون راجل وبوي مريض زي ما تعرفي ، بنوض نغسل ايديا بعتت
**
حسين : خيرك نضتي
ريان : بتمشي حسين هلبا ثلاثه ايام
حسين : انني عارف همك ف شن
ريان : ف شن
حسين قرص ريان منن خشمها : تفكري ف منن بيلعب معاك سبواي
ريان ضحكت : والله الا لا بنستاحشكك
ريان حضنت حسين وهو حضنها خش حسن
حسن : ااء اسف
مداير روحه كيف جي وهو واقف ساعه يسمع ف كلامهم
ريان وخرت منن حسين وطلعت
________
محمد خش وجت افنان تجريله وني سمعت صوته جري الدار لبست طرحة الصلاة وطلعت
اني : شنجو
سهى : خنوض نحط العشيء
اني : هي هي اهوً جايه معاك
نضت جري وراء سهى حطينا العشاء وجينا بنتعشو
محمد : شن سر طرحة الصلاة اليوم
اني ضحكت : لا لا كنت نصلي
محمد : ف شن تصلي العشاء ما اذنش والمغرب ليه سنه ونعرفك حريصة ؏ اوقات صلاة
جت افنان جبدت طرحة الصلاة منن تالي وتضحك
افنان : بابا شوف شعر ماما الجديد زي يلي ف المسلسل
اني : يا بنتت الكلبببب
واهني الصدمه ف وجه محمد لن وقف ومعاش عرف يتكلم ولا يسكت
اني : ااء اااء
محمد : هادا شنوو
اني : بنقوءء
محم بصوت عالي : هاداا شنوو
اني قمت الموس منن طاولة
اني : تقرب بنقتل روحي
وجري ؏ داري ومحمد لحقني ركبت فوق سرير
اني : محممد والله ننخص روحي بالموس را
محمد : انخص خلاص راح شعرك راح كلشيء انني بنقتللكك
ام محمد تضحك : وليدي هي حامل اهدا خليها
اني : اي اي توحمت ؏ شعري شن ندير مش كويس انني ف شهور اولى يا عمتي تكلميي قولييله عادي نتوحم
محمد : وتتوحمي ؏ شعرك ومغيرة اللون مشاء الله روسية نزلت ف ليبيا تي شن هاداا تي ف جديد معاش تحلمي تقولي ممزين
ام محمد : غير فوتها وليدي
محمد : وتضحكو تضحكووو وعادييي
محمد استغفر وطلع برا الحوش واحني انفلقنا ضحك مهم روح محمد متاخر اتصلت بيه مليون مرة يسكر ف وجهي لما جي رقد ؏ سرير وشد نقاله طلعت منن حمام قعمزت جنبه
اني : وينك منن بكري نتصل
محمد مردش
اني : محمد نكلم فيككك وشن راكب بسبيدروك كم مرة نقولك دار متخشش بسبيدرو
اني نحيت لمحمد سبيدروه ومتكملش هو بكل
اني : محمد نكلم فيك خيرك متردش وين كنت
محمد ساكت
اني سحبت نقاله
محمد : ملاكك راه طايرتليي منكك فكيني منن وجهك اليوم
اني بست محمد منن خده
محمد : شن تحسابيني بهالحركات بنقولك عادي قصيه حولي
محمد خدي نقاله منني ورجع يتصفح اني سكتت شويه بعدين نضت نعيط
اني : ااء بطني مشعارفه شنفي محممد نوض حبيبي مشعارفه
محمد شبحلي بربع عين بعدين رجع كمل تصفحة اني كملت نتالم
اني : اااي محمد حيعليا خلااص بنموتت محمددد
محمد ركز ان الالم زاد وجي شد يدي
محمد يرعش : خيرك شنفي اصبري دقيقه خيرك
اني : بنموتتتت محمد
محمد : نكلم دكتورءءه عبير باهي دقيقه هي تحملي شنفي زعما خيرك انتي
اني نضت نضحك ؏ محمد : وووكعلياا محمد شكلك يضحك فعلا زي ما قالو تقول مش دكتور😂😂😂
محمد فنص فيا : تضحكي
اني : شنني فيها لو درتلك هكي عادي حتى انت ديما تديرلي خلاص حبيبي ارضى اسفه
اني بست لحية محمد وهو ابتسم
محمد : يلي رحمك انك حامل والا كليتي طريحة نباشة قبور
جت افنان تحك ف عيونها
افنان : ماما نبي نرقد جنبكم
محمد : تعالي تعالي نشوف شعر بنتي الحلو مشش زي امها
جت افنان حضنها محمد هي منن جهة وني منن جهة تانيه قعدت نمس ف لحية محمد
محمد : اهيا بنحلقها ؏ صفرر
اني : مصحوجهك باش نقتلك
افنان : لا لا بابا نحبها لحيتك
محمد ضحك : لعيون بنتي بس بنخليها
اني : كذب خايف شكلك يبدا زي القرد ماه
محمد : تي نوضي نوضييي ضروري تاكلي طريحة انتي
________
ثاني يوم حسين مشي مصراته صبح وريان نزلت لامالي حسن كانو قاعدين ومعاهم سندس
حياة : الرز تم خنبعتو يجيبولنا
ريان : لا لا عندي رز فوق تو نركب نجيبه
وكيف ريان بتطلع الضيء هرب
ريان : اخرط عاد للفجر تاني معناها
حياة ‏: زفت شحني عشره
ريان : تو نولعه المولد خلاص تعلمت ككيف خنركب نجيب الرز
ركبت ريان وخلت باب شارع مفتوح
ريان : تي وينه الرز والله كان عندييي ، اهوااا
جي حد حضن ريانن منن تالي
_______
اني : ههي نراجي فيكم ف سيارة
ام محمد : هيي
مهم ركبنا سيارة ومشينا لحوش مياس عازمينا غديي وجت داليا ، قعمزنا ؏ صفرة الغدي
اني : شن مياس مفيش خدمه يوم
مياس : مخاطرناش نمشو يوم تعب واااي اصلا عندنا خبر حلو ليكم
اني : ااي شنوو
مياس ابتسمت وشبحت لميار
مياس : ادوي ادوي
اني : تي قولوو
اني شبحت للمفرخ : افنانن وطي صوتتتكك احسن ما نجي نقتلك فالحة كان تعيطي شن هادا
ام مياس : خليهم بنيتي يلعبو
اني : تي قولو شنفي
مياس :..