ويبقى الامل

الحلقة 25

ريان شدت حسن : فوتهم متدورهمش حسنننن
حسن هجم ؏ الولد تاني ، الولد تاني ؏ طول طلع لحسن السلاح قعدو يتعاركو شوية لن صار اطلاق ناري
______________
عندي اني كيف خشيت مستشفى متاخرة سالت ؏ محمد وعماد قالولي ف عمليه لمحت دكتور ايهاب ‏ᘓɹ̇ᓄ بعيد سلمت عليه سلام حواجب
ايهاب : بعدينن نبيك ف موضوع غير توا عندي عمليهه
اني : تم
مهم خشيت غرفتي رتبت اموري باش نستقبل الحالات جتني حنان ♥️
حنان : شنجوك دكتورتنا
اني : كويسهه
حنان : شنجو راسك اليوم !
اني : احسن بهلبا
حنان : وترجيع ؟
اني : صبح توا رجعت وجتني دوخه هك بس شربت قهوة اموري لوز
________
عند مياس كانت توتي وترتب ف حاجات ف الحوش
ام مياس : يا بنات هيا رودي البرا
ميار : ههيي
ميار قامت شنطتها وطلعت ومياس سكرت الاضوية والابواب وطلعت
وكيف مياس فتحت باب سيارة تلقى سلاح قدامهاً
مياس عيطت
رواد : تيي شن فيي
ام مياس : شنصاررر
مياس : قيمه قيمهههه نحيهه منن اهني بككل مستحيل نركب معاه هالشيء
نزل رواد وقام السلاح حطه ف الكوفن وجي خاطم جنب مياس يلي واقفة ومربعه ايديها
رواد : اركبي اركبي يا بنت فرنسا
مياس : وكان صار شيء والمسدس اطلق نار بتجي ف ظهري ، لا لا اسفه منعرضش حياتي لخطر
ميار ركبت وقعدت تضحك ؏ مياس
ام مياس : تي اركبي يا فرخة احسن ما نجيككك
رواد قام مياس وركبها
رواد :  مطلبناش رايك بالسيف تركبي
مهم ركبو ورواد طول وقت يشوف ف مياس منن انعكاس المرايا
ميار : خنتصل بملاك نقوللها طلعنا
ميار اتصلت بيا وني كنت نهدرز مع حنان
اني : يا هلاا
ميار : صباح الوردد بنقولك طلعنا
اني : توصلو بالسلامه ‏Ⴢ̤ رب طمنينا عليكم مرة مرة
ميار : اوكك
سكرت ميار ورواد قعد يهرب بالسيف منن جهة الضرب ويدور ف طريق مفتوحه تشحورو هلبا
______
عن ريان لما سمعت الاطلاق قعدت تعيط الاصابة جت ف حسن ؏ طول حسن فقد توازنه ف هاللحظة جي فراس صاحب حسن والاولاد وقعدو يضربو ف الولد يلي ضرب حسن
وريان شدت حسن وسنداته عليها
ريان : حسن حسننن خليك معاااي اهيا السيارة
وصلت ريان سيارتها وحسن يلي مش قادر يمشي وبدي يفقد ف وعيه شوية شوية
ريان قعمزت حسن ف الارض جنب سيارتها
ريان : حسن حسن نمشي نجيب مفتاح سيارة ونجججي
ريان جري خشت القاعه شدتها سندس
سندس : شنفي خيرهم الاولاد متلمين غادددي وشن هالدم يلي عليك شنصار
ريان خدت نقالها ومفتاح سيارة وخلت شيتاتها وباقي الحاجات ودفت سندس وجري ؏ سيارتها فتحت باب سيارة وجت نوضت حسن ركباته وولعت سيارة وجري ؏ مستشفى المستشفى متاعي كانت اقرب وحدة عليهم
ريان كانت باقصى سرعة وشادة يد حسن
ريان : حسن حسنن خليك معاي حسننن
حسن : اااه ريانن اننءي اسف اقسم بالله اسءءف نادم
ريان : اس متعبش روحك وتتكلم ‏Ⴢ̤ حسن اني نسيت كل شيء خلاص نسيت كل شيء غير اهدا انتت وهدرز معايي
ريان وصلت قدام باب المستشفى ونزلت وجت فتحت الباب لحسن وبسرعة الاولاد جابو سرير ورقدو حسن وخشت ريان معاهم اني كنت نتمشى مع حنان ولمحت ريان جري حضنتها وقعدت نتفحص فيها
اني : ريان ريان شنفي شنصارررر ريان انتتي دم
ريان وكانت داهشة : حسنن ملاك حسن انصاب برصاصه
اني طول شبحت سرير لقيت حسن محذوف
اني : ‏جهزو غرفة العمليات
اني وحنان بدلنا وطول خشينا مع حسن
بعد مرور ساعة طلعت اني وحنان لقيت ريان مقعمزة ف الارض وترعش
اني حضنتها : خلاص اهدي
ريان : شنصار فيهه
اني : متخافيش الرصاصة طلعناها كويس يلي جبتيه ف الوقت
الرصاصة كانت ف كتف حسن اليسار قريبة هلبا ؏ شرايين القلب باهي مصارلاش شيء
ريان دمعة نزلت ف خدها
اني : كيف صار
ريان وهي تبكي حكتلنا
اني : اهدي خلاص مسؤلية حسن ‏ᘓɹ̇ᓄ اليوم نوضي روحي حوش اكيد تاعبه
ريان : لا لا نبي نكون جنبه لن يفيق
اني : لا لا نوضي روحي
ريان : حي شيتاتي وعندي محاضرات نسيت امهم بكل
اني : ااي نوضي ونوعدك اول م يفيق نعطيه يكلمك هو توا تحت تاثير البنج
ريان : اوكك
ركبت ريان الاصانصير
————-
عند سندس جاها فراس يجري
فراس : تي وينها صاحبتك هديكا البريطانيه وينها
سندس : تي خيرك داهش شن فـ‏Ⴢ̤ وخيرها ريان
فراسي : تي غير وينهاا حسن مضروب برصاصه معاها اعطيني رقمها اي بلي تاني بنكلمها وين طارت بيه
سندس : شنوو مضروووب كيف كيففف
فراس : تتي بتعطيني رقمها ولا نرتكب جريمه تانيه فيكك
سندس خافت وطول فتحت ؏ جهات الاتصال وع رقم ريان فراس جبد منها نقال وسجل رقم ريان عنده وحدف نقال لسندس
فراس فنص فيها : هالباردة هادي ، سنة ندور ف عمك باش نعرف هالدراه الكبد وين طارتت
فراس ركب سيارته واتصل بريان اني كنت كيف نازلة ‏ᘓɹ̇ᓄ الاصانصير ورديت عليه
فراس : تي وينكك سنه ندور كيف نوصل ف حضرتك وين حسن
ريان ابتسمت : قتلته
فراسي : متخلينيش نطلعلك منن النقال
ريان : مقدمك حسن دار عملية ونجحت وهو توا ف مستشفى ال&)&(
فراس سكر وكلم خو حسن وعيلته ومشي مستشفى
**
ريان كيف بتطلطع ‏ᘓɹ̇ᓄ المستشفى لمحت دكتور ايهاب جت عينها ف عينه ابتسمتله وركبت سيارة ورجعت الجامعه
________
بعد مرور ساعتين
كنت كيف طالعة منن غرفتي جي دكتور ايهاب
ايهاب : صباح الوررد
اني : صباح اللوز يا ورد وجوز شن سر هالابتسامه😂
ايهاب : تو تعرفي
اني : اي حقا قتلي تبيني ف موضوع
ايهاب : اي اي جايك ؏ خاطره
اني : اي ادوي
ايهاب : قريبتك هديكا ريان ولا شن سماها ربي
اني : اي خيرها
ايهاب غمزلي : اي واضح خيرها شني مني مرتبطة سنقل عزباء مخطوبة متزوجه
اني : لا لا سنقل ؏ حد علمي
ايهاب : قوية هادي ؏ حد علمي منن يعلم امالا😂 مهم بنت عاجبتني الحق ونبيها شوفي رايها هي كان هادا نجي نطلبها منن اماليها
اني : امها متوفيه وخوها ف بريطانيا وبوها متزوج ميندريش عليها حيه ولا ميته
ايهاب : ميه ميه انتتي اماليها معناها بتديريلي تخفيض وبدون مهر😂😂😂
اني ضحكت : خلاص نشوفها هي ونرد عليك
ايهاب : تم😂 شفتها امبكري اهني
اني : اي جت،معقولة عماد ومحمد قاعدين طلعوش ‏ᘓɹ̇ᓄ عملية
ايهاب : اي قاعدين عملية قلب اني بنمشي نشوف حالات
طلع دكتور ايهاب واني حسيت بدوخه وصدااع قعمزت ف كرسي شوية وخديت نقالي اتصلت بميار
اني : شني وين
ميار : اهو نلودو تقول. ف متاهه تعرفي
اني : باذن الله توصلو قلبي معاكم
سكرت منن ميار ومشيت لوطا لقسم الاورام
_______
ميار : رواد توا جينا منن اهني ولا🌝😂
رواد : وراس امي معاش فهمت شيء
مياس : اي اي طلعنا توا
رواد خلع مياس عيط وشبحلها : السلاح يلي تالي ناويك ‏Ⴢ̤ مياس
مياس : يعنشكلكككك يا دراه الكبد
مياس قعدت تخبط ف رواد
ام مياس : قعمززي خليه يسوق وليدي
ام مياس باست راس رواد
مياس : شوف الخيانه وني شن
ام مياس :  انتي بنتي ورواد وليدي
رواد سكرو عليه جماعة مسلحة بالسيارة ونزلول
رواد طول شد فرينو وفتح باب سيارة
مياس : بالله عليك لا متنزلش رواد لاااا
ام مياس : رواد لا
نزل رواد وقعد يشبح للولد قريب دقيقه بعدين خبطه ف كتفه ومياس طول فتحت الباب
مياس : رواددددد
رواد حضن الولد
رواد : تي وينن ‏Ⴢ̤ راس ليك وحشههه
رواد اعطى مياس باص عيون وفنص فيها متاع اركبي
مياس : جدري يرفعه خلعني
الولد : والله ليك وحشهه يا رواد وينن ‏Ⴢ̤ راجل
رواد : اهوا والله بنرفع عويله للغرب الحكاية خشت بعضها اهنني
الولد : شني مني طريق كويس
رواد : تي مسكره ‏Ⴢ̤ راجل كلها
الولد : وكيف تمشي بروحك كان طلعولك عصابه
رواد : مخليها ؏ ربي وسلاحي معاي
الولد : لا لا احني نمشو معاك ‏Ⴢ̤ راجل
رواد : مفيش داعي والله
الولد : تي عيب ‏Ⴢ̤ راجل ؏ الموت معبعضنا
جي رواد ركب ويبتسم
مياس : يا رب سلواح وقباض ارواح يا حيوان قلت خلاص حيقتلوك
رواد ضحك وشبحلها : لو ممتش منهم حنموت منن دعوتك توا
ام مياس : يا فرخه معاش تدعي عليه
ميار : رودي منن هادم
رواد : كانو معاي قبل ولما اني جيت شرق معاش شفتهم وتوا اهو بيمشو معانا ندورو ؏ طريق وف حالة تعرضنا لاي هجوم ولا عصابه
ام مياس : باهي كتر الله خيرهم
مشو سيارة مياس ووراهم سيارة يلي فيها الاولاد
_______
نزلت قسم الاورام جتني الممرضة
الممرضة : دكتورة الصورة متاع المريض طلعت
اني قمت منها الصورة وشفتها كانت صورة اشعاعيه لدماغ مريضة
اني : اوووف ضروري تحولوها " لنيورو اونكولوجيست " اخصائي اورام دماغ ، وفوراااا مفيش لعب الخلايا السرطانيه لاعبه ف دماغه كله وعملية جراحيه صعب التدخل
الممرضة : حاضر
خشيت لمريض ولقيته كيف بياخد جرعة كيماؤي ومش قادر يتنفس ولا قادر يفتح عيونه خديت الكاشف وفتحت عيونه قعدت نشوف فيهم
اني : ركبوله اكسجين وضروري يقعد ف الاقامة اهني معاش طلعوه برا المستشفى وجرعة كيماوي كم كان ياخد
الممرضة : جرعة كل يومين
اني : ديريله جرعة يوميه ، واعطيه مضاد Temodal "حبوب ينعطو لمرضى سرطان"
مهم مر جو ساعة وني نلود ف قسم الاورام
جتني حنان
حنان : الولد يلي مع ريان هداكا يعيط
اني : اهو راكبتله
اني ركبت لحسن لقيت امه وصاحبه البرا واقفين وطول خشيت غرفته
اني : اعطيه بنادول ركبيهوله وديريله مسكن
الممرضة : حاضر دكتورة
اعطو حسن الابرة وركبوله التغذية هو بدي يهدا تدريجيا لن سكت بكل ورقد
طلعت برا شدتني امه
ام حسن : شنصار فيه وليدي خيره
اني : لا لا كويس اعطيناه مسكن ومجرد م يفيق حيكون احسن ونطلعوه فوق الغرفة وتقدرو تشوفوه
ام حسن : الحمدلله
اني خشيت غرفتي نشوف ف ملفات العمليات متاع غدوا جتني ممرضة
ممرضة : دكتورة فـ‏Ⴢ̤ وحدة البرا واصرت انها تشوفك ومعندهاش لا موعد لا شيء قالت تبيك ضروري
اني تنهدت : اوك دخليها
واهني وين خشت واني ‏ᘓɹ̇ᓄ صدمه لن وقت
——-
ريان كيف وصلت جامعة نزلت منن سيارتها لمحتها سندس جتها تجري
سندس : تي شنصاير ف دنيا حقا حسن يبي يضربك بالسلاح مشي جت فيه هكي قالو
ريان ضحكت : فيلم هندي بدي غير تعالي نقعمزو نحكيلك
يندس : كتاباتك وشيتاتك عندي اهمي نضتي تجري زي مجنونه انتي
مشو قعمزو سندس وريان
ريان حكت لسندس يلي صار
سندس : ‏Ⴢ̤ روحي ؏ حسن
ريان : وهادا يلي صار
سندس : تي اني نقز فيا فراس قريب قتلني تعرفي
ريان قعدت سارحة شوية وتفكر ف حسن
سندس : هي ويننن نوضي شوية ويبدا الامتحان كويس يلي جيتي لحقتي انتي
ريان : ههي