ونشوف دكتورة حياة قدامي صارلي تشنج وهي تشنجت بس سلمت عليها وهي سلمت عليا كانن نعرفوش بعضض المهم دخلتهم وقعمزو ف غرفة جلوس وني جري خشيت كوجينة ومعاي سهى اما سارة مع ام محمد مع الضيوف ، مهم جبنا اول شيء عصير طبيعي وشكلاطه قدمتهم اني
ام محمد : طبعا هادي ملاك مرة محمد ولدي
حياة شرقت وقعدت تكح
ام الولد : مشاء الله عليها
يلي قاعدين ام الولد وخالته واخته يلي هي حياة نهاري اسود
مهم مديت لحياة العصير طاح تبزع منها ف حوايجها
ام محمد : اسم الله ملاك وريها الحمام
اني : حءءاضر
طلعت اني وحياة قدام الحمام وقفنا كيف بنمشي شدتني
حياة : نبي نكلمك كلمتين Ⴢ̤ ملاك
اني ربعت ايديا وشبحتلها : تفضلي
حياة : نسبة للشيء يلي صاير قبل بيناتنا اسفه بجد ومنعرفش دماغي وين كان واقسم بالله اني وين شفتك توا حتى عرفت ان خوي البنت يلي يبيها هي اخت محمد
اني : ولا يهمك يلي فات مات خلاص وتوا حنبدو صفحة جديدة
حياة : وانشاء الله يصير نصيب بيناتنا
مر شوية وقت وناديت سندس باش تجي تقدم النسكافيه وكيكات خشت ومدت
ام الولد : تعالي بنيتي قعمزي جنبنا مشاء الله عليك
خالة الولد : حتى وليدنا مشاء الله عليه غزال وتريس بمعنى الكلمة وميرخيش اولى
اني وسهى جينا قعمزنا وجت حياة يلي كانت ف الحمام
ام الولد : الحق عجبتني بنتكم وزي م وصفها ولدي
حياة ابتسمت : اي
ام محمد : والله خلاص الشور شور خوها يسال عليه وهك ونعطيكم قرارنا
حياة شدت سندس وباستها : معرفتش ذوق حسن حلو هكي
اني قالت حسن سكتت قلت حسن حسن ولا لا بعدين استغفرت وطلعت الفكرة منن راسي
ام الولد : احني عيلة ال£)& وولدي شابح سندس وزي م قتلكم عجباته اسمه حسن ال)&)£
واهني سندس شرقت واني منن سندس زبطت انه حسن 🤦🏻♀️💔
المهم مر وقت والناس روحو وقعدنا نهدرزو
ام محمد : مشاء الله عليهم عيلته وهو شكله راجل منن كلامهم
سندس سكتت
سارة : تي امكك تكلم فيككك
سندس : خلي الراي لمحمد
وطلعت سندس الدار وني لحقتها
اني : حسن حسن ولا
سندس هزت براسها ايي
اني : وتصدقي انن اخته هي حياة يلي صايرة مشكله قبل معاها تخيلي يعني
سندس : حي ؏ جو
اني : بس شكلها تغيرت وبدت كويسه بس حسن شنوو
سندس : منعرفشش
اني : انتي تبيه ولا لا
سندس سكتت
اني : سندس قولي الحق تحبيه وتبيه ولا لا
سندس هزت براسها اي
سندس : بس الراي راي محمد خليه يسال ويستفسر بعدين ساهل بس اسمععي لو وافقو منبيش حد يعرف ان اني وحسن نعرفو بعض ولا شيءءء ؏ اساس ف نظرة شرعيه اول مرة بنشوفه
اني : حاضررر ارتاحي توا لن يجي محمد
طلعت وقعدنا شوية جي محمد امه تاخد وتشكر ف امالي العريس يلي هو حسن
محمد : به اني مش حنقتنععع لن نسال بروحي ونعرف
ام محمد : اسمه حسن ال£)&(
محمد : بهه تو نشوف ،
سارة : تعرف امه وخالته واخته راقيات وقنينات لابعد حدود
محمد شبح لامه : غريبه تعرفيهمش
اني : محءممد بنقولك اخته نعرفوها
محمد شبحلي : منهي
اني سكتت
محمد : قولي
اني : دكتورة حياة
محمد وقف : شنووووو حياااة وهادا ناقصصص اني نعطي اختيي لخوهها
اني : محمد اهدا ومتتسرعششش قصدي مشكله صارت قبل وتمت شن دخل خوها باش تظلمه وتظلم سندس
محمد : طبعا لا وسكرو موضوع
سندس سكتت وطبست راسها
محمد شبح لامه : مستحيل فاهمه
ام محمد : تي شن دارتلك اختهه وانتي خيرك توا وين تحككي وتقولي نعرفهها
اني سكتت ومحمد ناض خش غرفة وسندس دموعها بدو ينزلو
اني : سندس اسس تو نكلمه محمدد الولد مرات كويس مليشي علاقه باخته
ام محمد : منن قالك تفتحي فمك وتقولي نعرفوها استغفر الله
اني نضت لمحمد ف دار لقيته ينحي ف حوايجه ويقربع
محمد : متفتحيش فمك معاي
خش محمد الحمام
واني قعدت نراجي فيه شوية بعدين خشيت كوجينة كنت مدايره كيكة جبتها ف صفره وحطيت معاها كابتشينو وجيت ساويت دار شوية لن طلع محمد مداير فوطه ويشبحلي جبت كيكة وكلته وهو قعد يشبحلي باستغراب
محمد : شنفي
اني : شنو شنفي حسستني اني مش رومنسية بكككل
محمد خدي الكيكة ووكلني اني وابتسم
اني : قعمز اشرب كابتشينو
قعمز محمد ويشرب ويفنص فيا جيت حضنته وقعمزت جنبه
اني : ممكن تهدا
محمد : انني هادي خلاص
اني : باهي شوف راهو منن كلام حياة ليا امبكري تغيرت واعتذرت شن ذنب سندس تقطعلها بنصيبها مرات الولد كويس مشاء الله عليه غير انت فوت مووضوع حياة فكر ف اختك ومستقبلها اسال ؏ الولد حرام راهو كسرت قلب سندس منن رفضك ؏ خاطر حياة
محمد تنهد
اني قعدت نلعب بلحيته : شنوو محمد
محمد : ارجعي قوليلي شن اسمه هوو
اني : حسن ال&)£)£
محمد : تمام
اني بستت محمد وكيف بنوض للعيله شدني منن يدي وحضني
اني : محمءءد
محمد : صارر هالدلع هادا كله مصلحهه بسسس
اني : مش مصلحهه بعدين نتفاهمو توا خلي نفرح العيلة
محمد : متتاخريش
اني : حاضر
محمد طلقني ومشيت للعيله فرحتهم بعدها خشيت كوجينة فـჂ̤ شوية ماعين قعدت نلم فيهم لن جي محمد حضني منن تالي
محمد : تاخرتي
اني : محمءءدد اهفتتت ف كوجينة احني را
محمد : ف كوجينة لا ف دار لا مفهمتش وين بالضبط ، هيا بوسة وحدة بسسس
اني : محمممد راهو نفصللل
خشت ام محمد وهو طول طلقني
محمد بصوت واطي : هو ف دار يخشو وني عابي ف كوجينة مش حيخشو نهار احرف
محمد طلع وخلاني بروحي قدام امه وني خشيت بعضي
_____
عند مالك كان يوكل ف داليا هو وريان 🧸♥️
داليا : مالك ياسر والله شبعت
ريان : لا لا حبيبتي مفيش حاجة اسمها شبعتت بتاكلييي غصبب عنكك
ماالك : داليا راهو حامل وبالتغذيه فكري ف يلي ف بطنك
داليا : اوففف
قعدو يوكلو ف داليا
_____
سندس كانت ف غرفتها شدت نت فتحت فيس لقت رسالة منن حسن ف ماسنجر
حسن : شني سندس
سندس : صدمتني الحق مش مصدقة
حسن : سندس انني عرفت ان يلي درته معاك قبل غلط وحابب نصلح غلطتي ونبدو صفحة جديدة وكان صار بيناتنا النصيب تبدي ليا ، انتتي شنو رايك
سندس : اممم مشعارفه
حسن : نبي رايك بصراحه سندس موافقة ولا لاا ؟
سندس : اني موافقة
حسن : وخلاص هادا يلي نبيه
سندس : مازال خوي يفكر قاعد
حسن : خلاص وانشاء الله خير
سندس : راه قتلهم ؏ اسااس نعرفكش ونديرو نظرة شرعية
حسن : عادي اصلا هادا يلي نبيه نتفاهمو فيس تو فيسس
سندس : حاضر
حسن : غير نحي بلوك منن ايميلي تانني وخنهدرزو غادي
قعدو يهدرزو شوية وحسن مشي رقد سندس قعدت شاده نقال وبطير منن الفرحه
_____
بعد مرور يومين ♥️
فـჂ̤ صفرة العشاء
ام محمد : وليدي شنصار
محمد : ف شنو
ام محمد : ف الوليد ؏ سندس سالت ولا لا
محمد سكت شوية
سارة : شنو محمد
محمد : معجبنيش
ام محمد : كيف اهيا معجبكش امه يوميا تتصل
محمد شبح لامه : والله سالت الولد مش تمام وبس قالولي كيف دار راس مال وبدي يخدم قبل لا خدمه لا قدمه
ام محمد : وكان يعني !! توا شنو ميهمناش قبل
محمد : قوليلهم لا وخلاصصص
سندس : علاش محمد
محمد : شنو علاش
سندس سكتت وجايه بتنوض
محمد : مكانك كملي ماكلتك انني نبي مصلحتك نبيش شيء غيرهها
ام محمد : تي محمد زيد فكر الولد مرات قبل مش كويس بس توا اكيد تغير
محمد : كل حد باصله وهو كان مش كويس مستحيل يتغير يعنني
كملنا ماكله واحني ساكتينن بعدين توزعنا كل حد غرفته مشيت لسندس لقيتها تبكي
اني : معاش تبكي
سندس : حسن قبل كان مش كويسس بس توا والله كويس وهلبا وتغير
اني : اممم امسحي دموعك اني خلال هاليومين تو نقنع محمد باهي معاش تبكي
خشت ام محمد
ام محمد : معاش تبكي محمد حيوافق
اني : عمتي متقوليلهمش ان رفضنا خليني شوية نتفاهم مع محمد ونقنعه
مشيت خشيت غرفتي لقيت محمد راقد وعاطيني بظهري
اني : محمد
محمد : همم
اني : غدوا منن بعد الخدمه بنمشي لمالك وبنطلعو ومعاي سهى
محمد : ؏ وين
اني : بنشمو سوق نتدهورو شوية
محمد : به
مهم تمرقدنا وتاني يوم مشينا خدمه بعدها طلعنا ني وسهى مشينا حوشنا
اني : مهم نوضو بدلو هيا العصر ياذننن
سهى : بنخش حمام " حشاكم"
داليا : ههي خنوض نبدل اطلعي منن ممر قدامك الحمام سهى
مشت داليا تبدل وسهى خشت حمام وني وريان قاعدين
ريان : منن بكري ني موتيه روحي
اني : ريتي حسن
ريان : خير امه
اني : جي خطب سندس
ريان : شنوو
ريان طول ركبت دارها وني مشيتلها لقيتها مقعمزة تشوف ف مرايا ودموع ينزلو منها
اني : علاش تبكي مش متحبيشي
ريان : اي منحباش ومنن قالك نبكي فـჂ̤ شيء هش عيني
اني : اي متحبيشي بس متبيش تشوفيه مع غيرك
ريان حضنتني وتنهدت : هو خلاني نبعد ᘓɹ̇ᓄ عليه بس هو مش كويس كيف سندس
اني : لا لا حسنن تغير وهلباا يا ريان بس محمد لما سال عليه قالوله قبل مش كويس كان ومحمد رافض وسندس متدمرة نبي نقنعه
ريان مسحت دموعها
اني : اسسس ياسر ارضي بالنصيب خلاص حسن توا بحح وانتي درتي هالشيء بيدك
ريان فجاءة مسحت دموعها وبدت تضحك : ونبي ميته عليه اننني حبيبتي الف غيره يتمنانني مش واقفة عليه طز فيه وفي يلي جابه ويتهنى السنفور تو نصفقله ف عرسه ، يا متبكيش على فرقتهم وعلى فرقتهم رجالة خونه صنعتهم ووه
اني شديت خدودها : ايوا هي نوضي نطيرو
مهم مشينا ركبنا سيارة ؏ سوق مخدمين اغنية شيرين " الوتر الحساس " وني نغني
اني : يعاملنني بطيبة واحساس يدلعني قدام الناس بيعرف انني رومنسية بيلعب ؏ الوتر الحساس
ريان : واوو ملاك هايمة مع محمد وترقص وجو تشعر بانها بين يدين محمد😂
سهى : اس اس خليها هايمهه
فـჂ̤ ولد كان ف سيارة جنبنا نزل روشن : غني غني عليك جمال وحركات ودلع اني فنصت فيه وسكرت روشن وقعد يلحق فينا نزلنا سوق وهو ورانا
الولد : غير هاك الرقم
ريان : بنفصل ف امه را
سهى : حي كان يسمع بيه محمممد
اني : اس اس فوتيه
الولد : تي شني متبيش تاخدي الرقم باهي اعطيني رقمكك اقل شيء
اني : خوي فوتني ونبييي
مهم كملنا لودان ف سوق وهو نفخهم كيف بنطلعع منن سوق جي ولد صغير شد فينا يبكي
اني : خيركك
الولد : رحت منن ماما
اني شديت يده : باهي قولي شنن وينها شن لابسه ولا شن اسمها ووين خليتها خلي ندور عليها
الولد : حافظ رقمها انني
اني : باهي هاك نقالي كلمها
اني اعطيت للولد نقالي وهو اتصل بامه فجاءة سكر الخط ورجعلي نقال
الولد : خلاص هديكا ماما لقيتها شكرا يا ابلة
الولد مشي واحني ركبنا سيارة مشينا مطعم وطلعنا للشط شوية ، وجبت معاي عشاء منن برا ووصلت داليا وريان بعدين مشيت الحوش وكيف فتحت باب محمد لقيته قدام وجهي
محمد : سنه نتصل مترديش خير عمكك
اني : والله م شرين هي
محمد : شوفي مكالماتت تاخرتتي هلبا
سهى خشت ومحمد استلمني
محمد : تقول معندكش والي
اني : خيرنا محمد عاد
محمد : لا خيرنا لا هم
اني فتحت شنطه وخديت نقالي شفته لقيت خمسة مكالمات
اني : شكله صامت
محمد : اي اي شكلهههه خشي خشي
اني خشيت طول الدار بدلت حوايجي وحدفت نقالي قعدت نساوي ف شعري خش محمد فاصل
محمد : استغفر الله
اني : خيركك شن جايك اليوم فاصل هكي !!!
محمد سكت
اني : ندوي معاكك فـჂ̤ حماره تتكلم
محمد : ملاك متخلينيش نفصل فيكك
اني : حلوة اهياا لو بتجي فاصل منن خدمه هكي معاش تخدم وريحناا كلنا نخدمو وتاعبين شن مفيش كان انتي
محمد فنص فيا اني طول منعت مشيت كوجينة نحط العشاء جتني سهى
سهى : اني منعت خليتك قدامه♥️😂
اني : ونبي فكيني منهه جاي فاصل ويفش غله فينا
سندس : مملاكك
اني : عيونها
سندس : كلمتي محمد شنصار
اني : فوتيه توا فاصل مخاطريش نقربه منن بكري يسب ويلعن
سندس : اي منن روحح ممن خدمه فاصل ، وامي زادت شحناته تقول وينهم تاخرو هالبناتتت
***
محمد كان راقد ف سرير ونقالي محذوف جنبه وصلني مسج قراه هو وانصدم بعدين فـჂ̤ رقم اتصل
محمد : الووووو
الخط طول فصلل واهني محمد ناض يعيط
محمد : ملاككككككككككك
**
كنت ف كوجينة سمعنا صوت تقربيع ف باب شارع وف نفس وقت محمد عيط
اني : اسمم الله شنفييييي
سندس : خنشوف منن ف باب Ⴢ̤ ساتر تقربيعع
اني طول مشيت لمحمد
________
مالك : داليااا شن نسموهه لو جي ولد ولا بنت
داليا : خليها ؏ ربي
مالك : تخيلي توام الله
داليا : عينك شنن توام ماه مش حضرتك يلي بترضع وتشمل اني بنعلق فيهم
مالك : بالعكس يدي ؏ يدك ورجلي ؏ رجلك
داليا : اي كلكم تقولو هك بعدين انني نعلق
مالك خش الحمام وداليا شدت نقالها خشت ؏ فيس شبحت رسائل انصدمت ؏ طول مسحتهم ومالك طلع منن حمام هي توترت وحذفت نقال
مالك : خيرك
داليا : خيرنني
خشت ريان دار تبكي
مالك : شنفي خيركك
داليا : ريونتتي
ريان : عندي امتحانن ومش حنجاوب
داليا حضنت ريان
داليا : اس اس الطب يبي حد كاسح وقلبه قوي وانتتي كاسحه وتقدريه ارتاحي توا خلي نلعبلك بشعرك ونزيتهولك وفيقي فجر اقري ارتاحي
مالك باس راس ريان : اي اي وني نطلع نجيبلك شكاليط ونجي اضحكي
ريان مسحت دموعها وضحكت : بوينو ونبيي
مالك : هادا غير تبكككي انه الوهم ودلع البناتت يا تشيباني
مشي مالك وداليا قعدت تلعب لريان بشعرها وهي متوترة
__
اني : خيرك تعيط شنففي
محمد : شنففففففي وتساللللللي
جت سهى لبدت وراي
سهى : محمد خيركك
**
سندس فتحت الباب لقت تهاني واماليها دخلتهم
سندس : نورتونا يا خالتتتتي
**
سهى سمعت صوت خالتها البرا سكرت الباب تاع غرفتي ني ومحمد
محمد : نكلم ف امكك شنهو يلي ف نقالك هذااا
اني : تتتي شنووووو شنوو فهمنني
محمد حذفلي نقالي وكان مفتوح ؏ رسالة قريتها مكتوب فيها " وينن يا عسل امبكري ؏ اساس جتكورة وتبيش تعدلي اهو حصلتك يا سموحة محلاك كلك ؏ بعضك ربي يحفظك وخلاص "
اني : شنهادا
محمد : شنهاداااا صاررررررر وتسالللي ف امممي شوفي رقمكك لمنيي عاطيتيه
اني : والله م اعطيت رقمي اقسم بالله
سهى : ملاك هو ولد واحد يلي نفخهم ف جرتك
اني طول خطر ؏ بالي الفرخ صغير خشيت ؏ سجلات لقيت نفس الرقم يلي اتصل بيه الولد الصغير هو نفسه رقم يلي بعتلي رسالة
______
فلاش باك ♥️
الولد : اسمععع بنعطيك رقم احفظهه وبرا لهديكا البنت قوللها رحت منن امي نبي نتصل بيهااا وكلمني ؏ الرقم يلي بتحفظهه ونشريلك شكاليط وحلوة صوف ويلي تبيه
الولد الصغير : حاضر
الولد : وبعد تتصل قوللها اهيا ماما واجري متخليهاش تشدك
الولد الصغير : قبل اشريلي
الولد : حاضر
الولد خش محل وشري شكاليط للعيل الصغير واعطاهوله والولد قعد يحفظ ف الرقم بعدين جاني
______
اني : سهى العيل الصغير لما اتصل بامه اتصل برقم هالولد وهو نفسه باعتلي رسالة
سهى : حححي حقاا
محمد : تتي نساللل ف امكمممم شن توشوشو هادا شنووو
اني كيف بنوريه الرقم هو خدي نقالي وحذفهولي
سهى : محمد اهداا خالتي اهنني مش هكي تنحل الامور تو نحكيلك شنصاررررررر غير اهدا
محمد : تي شنو بتحككي الاخت اعطت رقمهها مفيش سبب يجبرك تعطيهه
اني شبحت لسهى ودموع ف عيوني : سهى اشرحي للاخ محمد اني بنطلع بنسلم وبنقدم ضيافة
اني مسحت دموعي وطلعت
______
تهاني : شن كل هالعياط خيره محمد
سندس : ااه لا لا يتفرج ؏ كورة عادي
شوية طللعت اني نبتسم وواضح عليا بنبكي خلاص العبرة خانقتني مهم سلمت عليهم
اني كيف بنطلع بنخش كوجينة
تسابيح : انني ديرلي كابتشينو بالنوتيلا مانشربش فيه الا هككي
تهاني : واني قهوة عربية
اني قربعت الباب وابتسمت : حاضرر
_____
سهى : اي محمد وهادا يلي صار شن ذنبها ملاك تكشخ عليها وتهزبها هكي
محمد : اقلبي وجهككك توااا نعرف شن ندير انننني نبي رقمه الولد
محمد قعد يدور ؏ نقالي : تتي وينه نقالها هي
سهى : اهو حذفته غادي
محمد مشي شد نقالي انشق كله طبعا وكان مسكر منن الحذفه محمد فتحه وخدي الرقم ف نقااله سهى طلعت جتني ف كوجينه
سهى : تبكيش مرة خوي تو يعرف غلطته محمد واهو شكله ماشي للولد خدي رقمه
اني : شنوو تي شن يمشيله اهيا ، غير خليك جنب القهوة شوية ونجي
مشيت لمحمد لقيته يتكلم بنقال
اني : شن بدير متديرش مشاكل فوتهه
محمد : نفوت مشاكل صار مليكش علاقه تو نوريه العسل شن شكله اننني
اني : محمءءد
محمد : الووو
الولد : ايوا
محمد : عجباتكك هلبا يلي امبكري عاكستها وبعتتلها الولد الصغير يا عيل يا فرخ الحراممممم
الولد : منني انتت وشن داخلكك
محمد : اني قباض الارواح يلي بنقبض روحك اليوم شوف كانك راجللل تعالالي بعد ساعههه ف الميدانن يلي جنب الشط باهههي
الولد سكر ف وجه محمد ، محمد قعد يعاودله دارله بلوك شكله
محمد قام نقالهه منن جديد يتصل
محمد : ايواا محموود بنبعتلك رقمم توا نبيك تحدد موقعه والاسم وكلشيء بالتفصيل تو نبعتهولك ف رسالة الرقم
محمود : حاضر دكتور
اني شبحت لمحمد وطلعت قلبت وجهي رجعت مع خالة محمد
__________
عند مياس مقعمزة ف غرفتها اتصلت برواد
رواد : هااااا
مياس : خيرك هكي تدوي قصدي ليا منن امس مكلمتكش ويوم مدورتنيش ونتصل بيك هكي ترد
رواد : مادخلكش هكي اسلوبي هي تفضلي يا ستي شنتبي توا
مياس : سلامتك بنسال عليك قبل
رواد : حمدلله لاهي ف خدمتي والله
مياس : اممبه
رواد : صحابيي كلهم تزوجو تعرفي ف توا بتوتي روحك اني بنتزوجك خلاص معاش نتحمل اكثر عرسنا نبيه شهر جاي باهي
مياس : شنو رواد خيرك قصدي اني قاعده نخدم ونبي نكون مبلغ كويس نقدر نتزوج بيه نبي مليون شيء نبيه عرس قنين وحلو خيرك هكي بعدين شوف عمري واختي قاعده
رواد : تي قتلك انني نتحمل كل المسؤلياتت
مياس : رواد قداش بتتحمل انتت حتني نبي ندير حاجات
رواد : باهي اسمعي نقولك حاجة
مياس : شنو
رواد : اقعدي مع امكك واختك احسن باهي اني اسبوع جاي بنقرا فاتحتي كان بتتفضلي ومنن يوم لا نعرفك لا تعرفيني ومعاش تجربي تكلميني
رواد سكر ف وجه مياس وهو دارلها بلوك قعدت تتصل وهو ولا كانن وتبكي لن خشتلها امها ومياس حكتلها
ام مياس : خلاص بنيتي اهدي نوعدك تو نمشيله رواد
مياس : شن تمشيله يا امي معقولة هنت عليه
_____
كنا مقعمزين نشربو وناكلو جي اخ محمد خاطم لابس شرط اسود وكانتيرا بيضاء وطالع متعفلق
ام محمد : يا ولد ويننن
خالة محمد : ولا تقولي فـჂ̤ ناس قاعدين معاهه تعال سلم
محمد شبحلها وفنص : كان العزي بالطلبة الله لا يرحم منن ماتت
محمد طلع وقربع باب شارع نبي نلحقه وترددت قعدت ؏ اعصابي وخلاصص
ام محمد : وينن ماشي
سهى : هادا يا حنة ..
سهى حكتلهم القصة وناضو يفنصو فيا
تسابيح : الغلط منك
اني خبطت ايديا ف بعض : اي اي شن الغلط مني قولي منن وين خلينا نتناقشو
اني نضت خشيت كوجينة لحقوني سندس وسهى
سهى : فوتيها فوتيها
اني : همي ف محمد بنموت شنصاير فيهه
سندس : اتصلي بيه
سهى : تو نكلمه هي
سهى كلمت محمد سكر ف وجهها معاش يبي يرد
اني الله Ⴢ̤ ربي
______
محمد حددولهً موقع الولد بالضبط واعطوه اسمه مجرد م وصل الحوش لقي قدامه سيارة مدرسة فيها ولد خبط ؏ الروشن الولد شبحله ᘓɹ̇ᓄ فوق للوطا مردش محمد خبط الروشن بونيه كسره وفتح الباب ونزل الولد
محمد : انتتت علي ال£)£)
الولد : لا لا والله ما اني
محمد قعد خانق الولد بيد واليد تانيه يتصل بالرقم يلي عنده وفعلا شرين نقال الولد واعطاه طريحه
محمد : ف جديد لما تبي تعاكس بنتت وتاخد رقمها اعرف منن هي قبل فاهممممم
جو ناس يحزو محمد ركب سيارته ورجع الحوش
سندس : حقا قولو مبروك لملوكه حتبدا عمة داليا حامل
تهاني : شنووو
اني نخصت سندس
ام تهاني خشت بعضها وشبحت بنتها تغير وقريب تبكي : والله توا بنوضو نروحو هداكا هو تو ناخدو تاكسي برا
سهى / غير خليكم
تسابيح : لا لا هداكا هو
وكيف بيطلعو لقو محمد حوايجه دمه يده مصابة وفمه دم شكله واكل بونيتين هكي
ام محمد : محممد خيرك
محمد : خيرني شنفي كويسسس
ام محمد فنصت فيا
اني خشيت كوجينة وقعدت نبكي وخلاص مقدرتش نشده ونحضنهً ولا شيء
محمد : اممي عاد خليني نخش نرتاح
سندس: محمد يدك
محمد : اخرط خرررط انني خاش دار بندوش
خش محمد دار وسكر باب
سهى : ملاك خلي الكوجينة عليا بريله
اني : منيش ماشيتله خليه
سهى : غير خشي دار معاه هو شكله بيموت عليك لما مشيتي تبعك بعيونه لن وصلتي كوجينة ودفنا وخش دار
اني تنهدت : تمام
خشيت دار لقيته كيف طالع ممن الحمام درت روحي نرتب ف كومدينا جهة روائح وحاجات الشعر وهو مكلمنيش ابدا ولا ني كلمته
محمد : ملاك
اني مرديتش
محمد : حبيبتي
جي محمد شدي يدي ني نحيتها
محمد : حوايجي واتيات تاع خدمه
قبلً نحددهولهً ونوتيله فيهم
اني قربعت الصنة : مدخليش فيك تقدر تطلع بروحك
محمد : حءءاضر
مشي محمد يطلع ف حوايجه ويده ميقدرش يدير بيها شيء طلع بدلة وسورية مقلوبة قعد يعدل فيها مقدرش بيد وني كنت مركزة معاه هو شبحلي اني طول قربت منهه قعدت نعدل ف سورية هو شدني وطيحني طول ؏ سرير وجي جنبي وسكر عليا معاش قدرت ننوض
اني : حول وراي ستين حاجة
محمد : منبيش نحول اني اسف
اني : اي ديما دير عملتك بعدين انني اسف
محمد : والله ما تعرفي الشعور يلي ركبني يا ملاك نهبل عليك اني والله نموت عليك واهو ربيته ولد الكلب معاش يقدر يتحرك
اني : لا والله شكله هو معاش قدر يخليك تتحرك
اني شبحت ليد محمد
محمد : والله الا لا كان ف سياره وني كسرت مرش بيدي وبس وباقي تلقيه ف مستشفى
اني : وطالعله بكانتيرا وشرط جو اني مردف شن هادا توا هادا شكل دكتورر
محمد : ماه الدكتور وصلو ف مرته يدير العار وقتها فاهمه وندير اكثر وشكلها طلعات سوق بروحك حنلغيها بكل اني
اني : دير يلي تبيه
اني :
محمد قعد يدغدغ فيا بيد وحدة وني نفلقت ضحك
محمد : قولي مش زعلانه قوللي مش حنرخيك
اني : محمد ياسر والله م زعلانههه غير نحيييي
محمد وقف اني نضت جبت عدة الاسعافات عقمتله يده ولفيتهوله وقتله يخش يدوش نجيبله شيء يلبسه
بعد شوية وقت هك
اني : حميده نبيك ف موضوع
محمد : ادوي
اني : موضووع حسن
محمد : ᘓɹ̇ᓄ حسن
اني : يلي يبي سندس
محمد : سكرناه هالموضوع
اني : اسمعننني سندس طلعت شابحاته الولد قبل ف جامعه وقتلي قبل كان مش كويس بعدين تغير وبدي كويس قصدي شنفيها يا محمد لو نعطو شخص فرصه تانيه
محمد :..
اني : خليني نكمل ! قصدي ربي بروحه يقبل توبة ويعطي فرص منن احني باش منعطوش فرص وهي دنيا تجارب خلي سندس تشوفه بالك فعلا تغير وبدي كويس
محمد سكت
اني زدت اعطيته كلام ساعه وني ندوي وننقنع
محمد : اممم به اني حنوافق بس بشروطي وني نعرف كيف نتفاهم معاه وكيف نجيبه بس لو حسيت انه يلعب حنطلع بروح جد امه
اني ضحكت : اي اطلع بروح امه وحتى يدك التانيه فوتها
محمد : عادي شن وراي اني
محمد : خنطلع نقوللهم تو امي تضربلي زغروطة عارفها
مهم طلعت اني ومحمد لقيناهم يهدرزو
محمد : امي الولد يلي يبي سندس كلميه الخميس يجي للنظرة الشرعيه
ام محمد ناضت تزغرط
محمد شبحلي : شن قتلك اني
سندس ابتسمت ومحمد ابتسملها ورجع خش دار
________
نسرعو الاحداث شوية
يوم الخميس خشت سندس بالقهوة لحسن هو مجرد م شافها طول وقف كانت لابسة جمبسوت بيضاء وشعرها شاداته قرن ومش مدايره مكياج هلبا بسيط هكي بناتي محمد طلع
حسن : قعمزي قعمزي
سندس : تفضل قهوة
حسن : مع ان نصها تبزع ف صونيا بس عادي مقبولة منك
قعمزت سندس وحسن شد يدها
حسن : نبيك ليا حلالي يا سندس ما صدقت خوك وافق
سندس ابتسمت
حسن : نحبكك
سندس : امم
حسن : نحبك قلنا خيرنا عاد
سندس حضناته : كان تعرف قداش كنت نصلي باش تكون ليا نحبك هلبااا
حسن طلع منن جيبة باكو صغير فيه خاتم مكتوب عليه " white heart " القلب الابيض بالانجليزي صغيره وقنين هلبا لبسه لسندس
حسن : ربي يحرمنيش منك
مر شوية وقت وروح حسن واحني قعدنا نهدرزو ؏ سندس ومحمد ف دار خشيت عليه لقيته يتكلم ف نقال وعاطي الباب بظهره
محمد : اي اي سيارته كيا سيراتو بيضاء بعد طلع منني وين مشي بالضبط
محمد : باهي ميه ميه خليك مراقبه بسس واي تفصيل يصير قولي عليه
محمد سكر ولاد لقاني قدامه
اني : معقوله تراقب فيه تعرف لو سندس عرفت حتزعل هلبا محمد غير اخلاقيه هاللقطه
محمد : مش اول منن يديرها اننني ويلي يبي مصلحة اخته ضروري هكي يدير باش لو لعب بديله ؏ قولتك نخسر يدي تانيه
اني سكتت شوية : باهي شنصار معاكك تفاهمت معاه
محمد شدني : خنطلعو برا ونتفاهمو ونحكيلكم
اني : اوك
طلعنا برا
محمد : حددت موعد للخطوبة باذن الله جمعة جاية ونبي شيء هكي يقيم القدر ويحكو الكل عليه
ام محمد : انشاء الله Ⴢ̤ وليدي اني متفاءله بيه خير
محمد : وفضانيه الرجالة حتكون الثلاثااء باذن الله
سهى : ووه نبو سوق نبو مليون حاجةً محمد شبحلي : مفيش شيء اسمه سوق بروحكم معاي ولا خليكم ؏ الاون لاين
اني : خنوض نديرلكم عصير ليم بالنعناع مصقع هككي
وكيف نضت جي مغمى عليا قامنى محمد وقعد يفيق فيا وكلهم جنب راسي لن نضت وبديت نوعى شوية شوية
_________
يوم الجمعة ♥️
فايقين بكري يلي هو نايض ويعول ويوتي ، طبعا ف فضانية الرجالة تفاهم محمد معاهم وكلشيء وشرط عليهم انها ضروري تكمل قرايتها وعادي تخدم بعد زواج وعرس مش توا يراجو سنتين اقل شيء هما وافقو ؏ اي شيء شرطه محمد وقاللهم حوش بروحها قالو اي حوش بروحها بس حيكون فوق امالي حسن لاكن مفصولين ؏ بعض طبعا صاحبة هالشرط ام محمد عادي ابي بنتها بروحها وني تحشيني معاها حتى محمد قاللها هكي دارت فيها حرجانه معاش كلماته يومين ف نهاية قتله مرتك تعبيلك ف راسك عليا وووه كله ف راسي عادي عادي بنسكت شن بنقول يعني
اني : شنكلشيء واتي بنات
داليا : ارتاحي كلشيء تمام شكلك مريض هلبا انتي
اني : غير فوتيني اهم شيء سندس شن
مياس : سندس امورها طيبة
اني : مياس عرفت يلي صار مع رواد نبيك ف موضوع بعدين ضروري نهدرزو
مياس تنهدت : حاضر
كنا ني ومياس وميار وداليا ودنيا وصحبات سندس وشوية جيران كنا واتين خلاص نراجو ف ناس
ام محمد : اهمي اهمي شكلهم جوو
محمد كان واقف ف فم باب وصوت تبيب شكلهم جو مهم استقبلناهم رجالة ف مربوعه الخارجية ونساوين خشينا غرفة التقعميز اني كنت لابسة قفطان اسود لاصق دانتيل منن الايدين وظهر ومدايرة شعري تسريحه ف بداية قدمنا العصير وشكلاطة ونهدرزو وصوت اغاني وهياجة وسندس ف دارها لابسة قفطان مشماشي منفوخ عريان ᘓɹ̇ᓄ فوق ويلمع وكعب ذهبي واكسسوارات ؏ ذهبي وشعرها تسريحة
حسين توام حسن كان ف سيارته لوطا لن جي حد خبط سيارة هو طول نزل وشبحله كان
أنت تقرأ
ويبقى الامل
Romanceالدكـتورة مـلاكٌ : واجهت هلبا صعوبات ف حياتي الحق ومعرفتش معنى الاستسلام الحياة تبي ᘓɹ̇ᓄ يكافح ويكون صنديد اما المرخي مش حيلقى غير الوجع والهم وكل انسان يمر باختبارات وامتحانات صعبة وهلبا ! المشكلة مش اهني ! المشكلة ان هل حيكون قوي ويقدر يجتازهم او...
