ويبقى الامل

الحلقة 11

عماد نزل قسم الاورام يدور فيا يحسابني غادي ويسمع خبر يصدمه معاش عرف يتحرك🤦🏻‍♀️💔
جت ام ليان تجري وشدت ف عماد
ام ليان : دكتور دكتور بنتي راحتت بنتي مشت فيها وين وين ملاك قوللها مش وعدتيني بنتي حتبدا كويسة علاش علاش الموت خداها مني ‏Ⴢ̤ ربي ليششش ليششششش
جت دكتورة حياة شدت ام ليان وحضنتها
ام ليان : خلاص خلاص اهدي لو بنتك قاعدهه تتعالج عندي راه مصارش هادا كله قتلكم دكتورة ملاك قاعدةة مبتدئة
عماد جاته صدمه معرفش يتحرك ولا شن يدير لقي القسم كله مقلوب بكي وعياط
_______
مياس شبحت ايهم قدام وجهها دارت روحها شبحاتاش وجاية بتنزل شد يدها
مياس : رد بالك تفكر تشد يدي او تقرب مننني منعرفكش اني خلاص نسبة ليا انت ميتتت
ايهم : مياااءءس
مياس : حووووول
مياس دفت ايهم ونزلت هي ورواسي ساحة لوطا لقت ايمن صاحب رواد مقعمز
مياس : بنمشي نساله
رواسي : ؏ شن
مياس : ؏ رواد
رواسي : اركحي ‏Ⴢ̤ فرخه كنكك
مياس : بنممشي
مياس شجعت روحها ومشت لايمن ، ايمن كان مقعمز ف كرسي ومطبس راسه جت مياس
مياس : اهلا
ايمن قام عيونه فيها
ايمن : اهلين
مياس : كيف الحال
ايمن : حمدلله
مياس : فـ‏Ⴢ̤ اختراع اسمه وانتي مش حتنقص منك لو قلتها🌝♥️ مهم اني كويسة
ايمن : شنوو
مياس : لا بنسالك رواد وين
ايمن ابتسم : وشن تبي فيه
مياس : تي هيا ي راجل
ايمن : ي راجل 🌝😂😂😂😂!!!! رواد انتقل مدرسة تانيه معاش يبي اهني
مياس : وعلاششش
ايمن قام عيونه فيها : مفروض انتي اكثر وحدة تكوني عارفه ليش
مياس : اممم نبي رقمه ايميله اي شيء
ايمن : وعلاش
مياس : بنتصور جنبه سيلفي تي شن يعني نبيه بنكلمه
ايمن ابتسم
مياس : تي هيا بالتريسس
ايمن ضحك : وراس امي م كنت حنعطيهولك لاكن ؏ خاطر بالتريس هادي بالذات حتاخديه😂😂😂😂😂😂😂 تقول منكلمش ف بنت زحح ، عندك ورقة ولا اي مصيبة سجلي رقمه فيه
مياس : لا لا كل حاجاتي فوق اعطيني نقالك نكلمه
ايمن : اوك
ايمن اتصل براود قعد ينادي
مياس خدت نقال ايمن : عادي نمشي ورا ساحة نبي شوية خصوصية تخافش مش حنخنبه🌝😂
ايمن : خودي راحتك ‏Ⴢ̤ قدر
مياس مشت وراء مدرسة ولحقتها رواسي
رواسي : خيره مردش
مياس : اصبري بنعاودله
قعدو يعاودوله قريب ستة مكالمات مردش لن ف السابعة رد
رواد : تي شن فـ‏Ⴢ̤ خير امكك ‏Ⴢ̤ راجل مرديتش مرة معناها مشغول مشغول شنفييي
مياس : ااءسفهه كنت نبيك بس لو مشغول تو نسكر عادي
رواد زبطها من نبرة صوتها المميزة : لا لا انتي بالذات نفضي روحي ؏ خاطرك
مياس ابتسمت : شنجوك
رواد : كويس وانتي شن امورك واخيرا شرفتي المدرسه
مياس : كيف تعرف
رواد : م فـ‏Ⴢ̤ شيء يخفى عليا وني الشخص يلي نهتم بيه كل شيء نعرفه عليهه
مياس ابتسمت : رواد
رواد : عيونه
مياس : استاحشتك
رواد : شنوووو
مياس : والله استاحشت وجهك وعراكي ليك🌝😂
رواد : لا لا شكلي نودع اني شن طلع عندي مرض خطير وبنموت اليوم ‏ᘓɹ̇ᓄ صبح يلي هو يتصل بيا مستاحشكك
مياس : شن شكلهم هلباا هماا
رواد : لا لا نقصد امي وخواتي وانتي فكرك راح بعيد🌝😂
مياس : ممكن ترجع المدرسة ؟
رواد : صعب
مياس : رواد اسفه ؏ كل كلمة قلتها ف حقك اني كنت غبيه والحب معمي عيوني
مياس بدت تبكي
رواد : لا لا مياس تبكيش امسححي دموعك اني نتمنى الموت ولا نشوف دموعك نازلات ! متبكيش م فـ‏Ⴢ̤ شيء يستاهل دموعك وايهم ميستاهلش
مياس : كرهته بدت نظرتي ليه مختلفهه بعد عرفت كلشيء داره مشعارفه لما نشوفه تدره كبدي
ايمن يعيط ‏ᘓɹ̇ᓄ بعيد
ايمن : رصيد بوووووي ‏Ⴢ̤ اخوان الرصيد الرصيد
مياس ضحكت : باهي شوية ايمننن ‏Ⴢ̤ راجل خيركك
رواد : خير بوه ايمن
مياس : يبي نقاله الرصيد قال😂
رواد : رصيد امه قوله روح ‏Ⴢ̤ بتاع سهام🌝😂
مياس : ايمننن قالك رواد روح ي بتاع سهام
ايمن جي يجري خدي نقال ‏ᘓɹ̇ᓄ مياس
ايمن : تو نوريك
رواد : تتي ‏Ⴢ̤ راجل ردلها نقال
ايمن : منيش راده
رواد : تتي هييي وراس ايمن الغالي هيا🌝😂
ايمن : غير لاني طيب حنعطيها نقال بس وقدامكم دقيقتين
رواد : هي
ايمن اعطى مياس نقاله
مياس : تو نعطيك رقمي ونروح نهدرزو
رواد : دقيقه هي
رواد فتح نقاله تاني باش يسجل رقم مياس
مياس : ٠٩٢(:&؛&:@
رواد : ميه ميه اهو درتلك رنة وسكرت
مياس : اوك نروح نتصل بيك رد بالك ؏ روحك
رواد ‏بابتسامة : حاضر وانتي
سكر رواد وقلبه طاير ‏ᘓɹ̇ᓄ فرحهه
ايمن : ههي انتي وهي الجرس ضرب حصصكم🌝😂
مياس : منوررر ‏Ⴢ̤ صقر ليبيا
ايمن : لا لا مش طبيعيه انتي ملبوسة ولا شنو
رواسي نخصت مياس : عيبب مش قدامه
ايمن : لا لا مقدمك هي وصلت حتى بالتريس 😂😂♥️
رواسي ومياس ضحكو وجري ؏ حصصهم
_____
محمد : هي قلبي م تبي شيء اني كملت اموري وماشي
اني : سلامتك رد بالك ؏ روحكك
طلع محمد ومشي واني قعدت ف غرفتي جاني عماد
عماد : شنو مسمعتيش
اني : شنو
عماد : ااه محمد جي جي
اني : اي شفته😂♥️
خشت حنان
حنان : ملاك متزعليش انتي عارفة ان الموت حق وكلنا حنموتو ف النهاية
اني كنت شادة طاسة كابتشينو ف يدي وع طول وقفت : شنو شن شن تحكي حنان ادوي
حنان : مسمعتيش !!
اني : شنوو
حنان : امممم ليان
اني : خيرههها
حنان سكتت
عماد شبحلي شبحة حزن اني ؏ طول طاسة طاحت ‏ᘓɹ̇ᓄ يدي وغطيت بايديا وجهي وقعمزت ف ارض
اني : لااا لاا ‏Ⴢ̤ ربي لاا مستحيل
عماد جي شدني : اهدي ملاك
اني : عماد مستحيل مستحيل
اني نضت نجري ؏ قسم الاورام لوطا لقيت سريرها فاضي مشيت شوية لقيت امها مقعمزة ف ارض وتبكي وع طول نطيح ونجي دايخه عماد قامني رفعني غرفتي رقدني ف سرير ووقف ؏ راسي هو وحنان عماد قعد شاد يدي
عماد : ملاك ملاكك فيقققي اهدييي
_________
عند المريض يلي درتله عملية ازالة كلى تنحى منه البنج وبدي يعيط لن جو عيلته داخلين
الولد : الالممم الالممم زاددددد زادددددد
الولد حس بحاجة غريبة والخياطة
جت الممرضة تجري " كانت مدايرة العملية معاي تمدلي ف الحاجات وتساعد فيا "
الممرضة : شنفي اهدا اهدا
ام الولد : ونبي سستر شوفيه خيره يعيط والالم زاد
الممرضة : عملية ازالة كلى طبيعي حيكون فـ‏Ⴢ̤ الم تحمل
الولد : شنوووووو
كان فـ‏Ⴢ̤ واحد واقف وناض يعيط كان خو المريض
خوه : شنوووو ازالة كلىىىىىى
ام الولد : كيف كيف ازالة كلى العملية كانت ازالة زايدهه شندخل الكلىىىىىىىىىىى
خوه : وووويينن وينننها الدكتورة بنت الحرامم يلي دارتها العملية
خو الولد بدي يخبط ويكسرر
خوه : توااا بترفعينني للدكتورة
وهجم ؏ الممرضة
الممرضة : اهدا اهدا اكيد فـ‏Ⴢ̤ سوء تفاهم توا نرفعك لغرفتها
مشت اللممرضة وعيلة الولد كلها لحقتها
_________
اني قعمزت ف سرير وعماد شاد يدي نشرب ف ميه وقاعدة مش متقبلة الصدمه كيف البنت البريئة يلي كنت نعالج فيها توا خلاص معاش فـ‏Ⴢ̤ معقوله !!
فجاءة هك جاني هجوم وخشو عيلة المريض خوه ؏ طول هجم فيا الا عماد وقف قدامه
خوه : شننن يلي درتيههه كيف تسمححي لروحككك تديري لخوي عملية ازالة كللللى والعملية المطلوبه ازالة زايدهههه ‏ᘓɹ̇ᓄ وين ليكك الححققققق
عماد شد خوه : اهدااا اكيد فـ‏Ⴢ̤ شوء تفاهم
اني كنت نبكي شوية هك وقفت : ازالة زايدة شن العملية كانت ازالة كلى
عماد سكت معاش عرف شن يدوي
حنان : لا مستحيللل
ناض خو المريض يخبط ويعيط
خوه : حتتعاقبو كلكم تي لما نسكرررر امههها المستشفففى
خش دكتور مازننن بعد م الخبر انتشر ف نص المستشفى
مازن : اهدا مش كل شيء هكي ينحلل والدكتورة لو غالطة حتتعاقب وتاخد جزاتها
خوه : مش تتعاقببببب وتاخد جزاتهاا تي المستشفى كلهها لما نسكر امههههاااااا اننني !! دكتورة تتاجر باعضاء الناسسسسسس اهني اي لما تشووفو
عيلة المريضة دارو دوشة هلبا ف المستشفى وخدوه روحو بيه اما اني قعدت مع حنان معاش فهمت شيء كنت حاضنتها وخلاص ودموع ف خدييي
اني : حنان شن ندير والله عملية كانت ازالة كلى اقسم بالله شن طلعوني نتاجر بالاعضاء
**
ف غرفة اجتماع اعضاء ادارة المستشفى جي محمد يجري
محمد : شنفي شن يلي سمعته هادا
مازن : قعمز ! الحق هادا يلي صار مكنتش متوقع هكك
عماد : تتي اكيد سوء تفاهم
حياة : مش سوء تفاهم الموضوع واضح قصدي والملف هي استلماته وعملية كانت مكتوبة ازالة زايده هي دارت ازالة كلى هادا اكبر غلط يطيح فيهه الدكتور وبسببها سمعة المستشفى حتتشوه
حياة شبحت لمحمد
حياة : محمد شنو
محمد : وينها ملاك نادوها هي
ايهاب : اساسا الملف وينن نشوفوه
حياة ابتسمت : اي خلي تجي وتجيب ملفها
عماد : اني تو ناديها
ناض عماد جاني الغرفة وشد يدي
عماد : متخافيش ملاك اني جنبكك تعالي يبوك اعضاء الادارة ، جيبي معاك الملف متاع العملليه للمريض
اني مسحت دموعي ومشيت خديت الملف قريت الاسم ؏ طول جبته
خشيت الغرفة
مازن : قعمزي دكتورة ملاك
اني : منبيش نقعمز واهوا الملف تقدر تقرا
محمد مكانش حتى يشبحلي ولا اي شيء تقول غريبهه عليهه ، بكل برود خدي الملف ‏ᘓɹ̇ᓄ يدي !! وفتحه بعدها شبحلي ‏ᘓɹ̇ᓄ فوق للوطا
محمد : العملية اهني ازالة زايده !! هادا غلط انتي درتيهه متقوليش ملف ما ملف
محمد حذف الملف لدكتور مازن وقراه اني ؏ طول خديته منه وقعدت نشبح وجتني صدمه شني اني انحولت معقولة ازالة زايدة قريتها كلى لهدرجه اني عمياء
حياة : شن سكتتي تبكشتي
مازن : اسفين دكتورة ملاك بس القرار الوحيد يلي ممكن ناخدوه توا حنوقفوك ؏ خدمه وغدوا حيجو وزارة الصحة ؏ خاطر هالموضوع وتقدري تتفاهمي معاهم هما بس نسبة بينا احني معاش عندك خدمه بيناتنا
اني : شنووووو
مازن : شبح لمحمد
محمد هز براسه اي وطلع
اني : بسسءءء
مازن : ولا حرررف
اني ؏ طول طلعت غرفتي قمت حاجاتي ولحقني عماد
عماد : اهدي كلشيء ينحل اقسم بالله متبكيش اني نوعدك حنلقى حل وعد مش حنخليك هكي ‏Ⴢ̤ ملاك ، شوفي اني قاعد ف المستشفى ف حالة صار اي شيء تو نتصل بيك باهي متخافيش
اني كنت نشبحله ودموع ف خدي وخلاص ‏ᘓɹ̇ᓄ جهة ليان ومن جهة محمد يلي كسرني كيف معقولة يكذبني !!!!
عماد : افتحي نقالي نكتبلك رقمي
اني اعطيت عماد نقالي وكتبلي رقمه وقبل م نطلع ‏ᘓɹ̇ᓄ مستشفى خشيت لمحمد ف غرفته
اني : معقولة ! لهدرجه معندكش ثقة فيا !!
محمد كان ميشبحليش اساسا
اني : ندوي معاك محمد !
محمد : منبيش نسمع صوتككك وع م اعتقد قالولك تطلعي ‏ᘓɹ̇ᓄ مستشفى ولا الباب هي خلي علاقتنا ؏ جنب والخدمه ؏ جنب
اني : نكرهههك نكرههك
اني قربعت باب دار محمد وطلعت
جوري : قصدي متعرفيش تخدمي مفيش داعي تخدمي م ترفعي الناس ف دهيه وهي طريق السلامه حبيبتي درب يودي ما يجيب🌝😂
اني شبحتلها ‏ᘓɹ̇ᓄ فوق للوطا وركبت سيارتي ومشيت خشيت حوش مالك مهناش ؏ طول داري وطحت ؏ سرير نبكي