ني : يلي تدوي عنا وتدوي عنا شوفي تاريخك Ⴢ̤ حنة😂♥️
شرين نقالي كانت ريونتي ♥️
اني : يا حيوانهه
______________
مياس كانت راقدة وتشبح للصقف تراجي اتصال او رسالة ᘓɹ̇ᓄ ايهم يلي كان ف هديكا اللحظه يكلم ف خمسين بنت🤦🏻♀️♥️
ميار : تتي ارقدي يا فرخه كنك
مياس : اي بنرقد شوية
ميار : ترجي فيه يكلمك ! والله ماه مكلمك
مياس : اسكتي مش ناقصه
شرين نقال مياس طول انخلعت شداته ورجعت حذفاته وبدت تبكي
مياس : مش هو مش هو مشفاهمه ليش هكي يدير علاش يعذب فيا !! شن درتله شن !
ميار ناضت حضنت اختها : اهدي اهدي الموضوع يستاهلش را اكيد حيتصل بالك انشغل ف خدمه اى شيء باهي ᘓɹ̇ᓄ يتصل ردي
مياس : بنت نفاخه معاي ف فصل فوتيها
" نصيحة ليك يا بنت حواء متعلقيش افكارك وامالك ف راجل ! اوك حبي الحب مش حرام ولا عيب ! بس مش لو سيبك تبكي تحبطي ᘓɹ̇ᓄ روحك !! علاش هادا كله شن هو اكسجين ! لا اهم شيء وجود امك وبوك جنبك غير هكي زايد ! لو كلمك عادي مكلمكش برضو عادي كلمك ببرود حتى انتي تبردي اكثر منه دموعك غاليات ؏ يلي جابوك وربوك اما هو مش حيعدل عليك بولا شيء حافظي ؏ قرايتك وصلاتك باش تكوني روحك صح وبسس ! اما هو زايدد بيه ولا بلاه انتي حيه ! "
_________
اتصل بيا محمد توترت ورديت
اني: الءءو
محمد : وين وين الصوت العالي شن هالهدوء
اني سكتت
محمد : شني مدام ملاك محمد ؟ مش ناويه تدوي
اني : لا
محمد : باه خليك ساكته هكي
اني : نحبك هلبا محمد فوق كل شيء اوعدني مش حترخي بيا بكل ؟
محمد : والله يعتمد ؏ اسلوبك هادا🌝😂 نبصر نبصر وعد ؏ الموت حنكونو معبعضنا !
اني : ربي يحرمنيش منك يا اغلى شيء عندي
محمد : تعشيتي ؟
اني : لا لا مالك بيوصل عيلة تهاني وبيجيب عشاء
محمد : اني مخاطريش نطلع البرا بكل
اني : نوض كول
محمد : معنديش نيه ف شيء عندي شوية خدمه ؏ لابتوب بعدين بنرقد
اني : طبعا بترقد واني مش ف قاموسك
محمد : لا بنرقدو واحني نكلمو ف بعضنا😍😂
اني : حقا ريان بنت خالي جاية ᘓɹ̇ᓄ بريطانيا بعد غدوا يعني ني غدوا بنمشي جامعة بنرتبلها امورها
محمد : تمام
قعدت نهدرز ني ومحمد لن سمعت باب شارع انفتح سكرت ونزلت لمالك وتهاني حطينا العشاء وكلنا ساكتين وشبحات متبادلة بين مالك وتهاني ♥️
اني : مالك ريان جاية بعد غدوا باش هك ني ماشية جامعه غدوا بنرتب امورها
تهاني بدت تكح
اني : Ⴢ̤ ساتر Ⴢ̤ ساتر
مالك : شن فـჂ̤ مانعع!!
تهاني : لا لا خيرني مدويتش انني انشاء الله توصل بالسلام
مالك : اني نمشي نجيبها امالا
اني : لا لا اني عندي ديوتي بنمشي غدوا ثمانيه ف الليل يتم دوامي تمانيه صبح تاني يوم وهي وقتها تكون جت نخطم ؏ المطار نجيبها♥️
مالك : تمام
كملت عشاء ومشيت داري وتيت شن بنلبس Ⴢ̤ حنه شديت نقالي شوية بعدين تفكرت ننزل نرتب مكان تعشينا🌝😂 لان اكيد الاخت تهاني مش حتدير شيء
______
ف نفس الوقت بعد م اني ركبت داري ناضت تهاني وحضنت مالك
تهاني : والله نحبك هلبا ونوعدك معاش حتتكرر انشاء الله نموت لو عاودتها باهي مالك خيرك هكي معاي ! كلمني اشبحني هزبني اضربني دير يلي تبيه تسكتش نحبش سكوتك
تهاني باست راس مالك
تهاني : نحبك هلبا والله
مالك بدي يوكل ف تهاني وهي توكل فيه ضاربين الجو🌝😂 كملو ماكله وقعدت حاضناته وتهدرز
تهاني : نعرفش كيف قدرت نعيش بدونك هاليومين
مالك : ولا اني
وجيت اني نازلة نعيط
اني : مالككككككك
وخشيت وشفت الشوفه🌝😂
؏ طول اعطيتهم بظهري
اني : نحسابكم كمءءلتو العشاء بنلم
تهاني : لا لا ملاك اركبي دارك اني تو نضم امشيء ارتاحي ♥️
اني : سلاما ربي ᘓɹ̇ᓄ قول رحيم
اني ف خاطري هادي تهاني ولا شن ، لاكن ᘓɹ̇ᓄ حشمة الموقف ركبت بدون ولا حرف وطحت ف سرير شادة نقالي نهدرز ؏ ميار ♥️ وداليا لن جاني مالك اني قعمزت ؏ سرير وجي قعمز جنبي شد يدي
مالك باس راسي : تعرفي ان معنديش غيرك ؟
اني هزيت براسي اي
مالك : تعرفي صعب عليا فكرة انك بتطللعي ᘓɹ̇ᓄ الحوش او حتعيشي مع شخص تاني بس هادا الواقع ويلي حيصير ونسبة ليا نشبح ف محمد انسب شخص راجل تريس قد المسؤلية مفيشي ولا عيبب نقدر نطلعه وانتي شنو
اني طبست راسي
مالك : موضوع مفيشي حشمة خودي راحتك
اني " ف خاطري اي اي نبي العرس اليوم قبل غدوا😂😂" : مالك انت شن
مالك : وشن ليا ساعة نخرط ونشكر اني
اني : اممم اني موافقة مالك بس منبيش ولا شيء توا عرس خطوبة لا لا مش وقتهم بكل
مالك : تمام ♥️ ارقدي ارتاحي توا
طلع مالك وخش داره وني طفيت ضيء رقدت ف سبات😂 محمد اتصل بيا مليون مرة بس مرديتش راقدهه
___________
ثاني يوم ♥️
رواد شاد عصاة ويخربش بيها ف الارض : يا راجل دبت اني
ايمن : لا حول الله نفختهم را
رواد : اسمها مياس االاسم بروحه كارثه
ايمن : ᘓɹ̇ᓄ وين عرفت
رواد شبح لايمن وضحك : م فـჂ̤ شيء يخفى عليا لخبطت بنت وسالتها جابتلي كلشيء عليها😂♥️
ايمن : كونان قلهو الله احد
رواد طيح العصاة : بسسسسس ولد ال£)£) يلي اسمه ايهم هاداا يلعب بيها زفتتت ومشهدر بيها وبسمعتها استغفر الله Ⴢ̤ ربي
ايمن : خلي يضرب جرس الاستراحة ونوضو نديرو دورة
رواد : انت دير ف الفصول اني بنركز ؏ ساحة وشوف باقي شباب
استنو شوية هك ورن جرس مشو رواد مشاء الله كان طول وهيبة وشاد سلاحه ف يده ويدور وبنات مدرسة كلهم عليه
كان رواد يدور مشي للساحة الخلفيه لقي مياس شاده ف يد ايهم وتدور جي يجري شدها ᘓɹ̇ᓄ يدها وجبدها منه
رواد : خير بوك انتي متبي تفهمي تشبحي ف يلي تديري ف امه صحح !! راسك هادا شن فيهه قولي شنوو
جي ايهم شد رواد ؏ اساس : كنك يا راجل انت
رواد خبط ايهم بونية جابه طايح مغمى عليه
مياس طول نزلت ف الارض شداته : شن درت خيرك انت شن تدير تي نكرهك نكرهك يا ناس شن هاللصقههه يا ربييي
رواد طلع السلاح وحطه قدام وجه مياس
رواد : شوفي واحد ᘓɹ̇ᓄ الاثنين يا حتمشي ᘓɹ̇ᓄ اهني يا اهوا حنفضيه ف راسك وراسهههه ونديرلك العار
مياس وقفت وبدت توخر وتشبح لرواد شبحات استحقار
رواد : وشوفي منبصرش معاك ف جديد نلقاك معاه !!!! ريتي الادارة حنشهدر بعمككك قدامهم ويوصل موضوع لبوك وعيلتك وخوك ابراهيممم يلي يخدم ف )£)& ونظمي امورك
مياس كانت ف صدمه وناضت تجري للبنات مشت جري لصحبتها رواسي حضنتها وقعدت تبكي وحكتلها كلشيء صاير رواسي كانت واقفة مع رواد لانها تعرف كل يلي يدير فيه ايهم بس مياس تبيش تفهم ولا تقتنع
رواسي : خلاص خلاص عيونك جفن ياسر تبي الحق كلام رواد صح را ايهم ما يصلحش بيك
مياس دفت رواسي : انتتي زيهم حاسديتيني ؏ خاطر ايهم يتمنو فيه كلهم !!
رواسي : شوف شوف اقعدي لن تلقي روحك بروحك وم حد معبرك !
**
ركبت مياس الحصص وقلبها يضرب تبي كيف توصل ف ايهم تعرف شن صاير فيه ᘓɹ̇ᓄ وراء خبطة رواد ،
**
ف الحصة الاخيرة
ايمن : انت مش حترتاح لن تفضح هالولد قدام حبيبة قلبك
رواد : وهي متبيش تفهم
ايمن : لاكن امبكري قوية خبطته خبطة وقعدت تفيق فيه بالكفوف🌝😂😂😂😂
رواد : فـჂ̤ فصل عنده حصة رياضة توا نوض دير دورة عليهم
ايمن : تي برا اقلب وجهك نوض انت
رواد : استغفر الله
ناض رواد يدير ف دورته ولقي ايهم شاد ف يد بنت وماشين وراء الساحة ؏ طول ركب فوق
**
مياس " الاخيرة عنده رياضة زعما شن يدير حبيب قلبي "
فجاءة جي رواد داخل
رواد : لو سمحتي Ⴢ̤ ابلة ، نبو الطالبة مياس ال)£)& ولي امرها لوطا
الابلة : مياس انزلي
مياس طلعت مع رواد
وصلو عند نهاية دروج رواد وقف وهي وقفت قدامه وربعت ايديها
مياس : نبي نفهم ليش تدير هك ! عارف نكرهك ونكره وجهك وشكلك وكلشيء ولما نشوفك نستبشر بالشر اني
رواد ابتسم : لا حول الله هادا كله
مياس : متمنيه ربي ياخد روحك ونرتاح ومفهمتش شن دخلك فيا ولا باي حق تتحكم
رواد شد يدها بالقوية وجبدها وراه
رواد : تو حاضر ᘓɹ̇ᓄ عيوني شوفي معاي حاجة وف ستين الف دهية بعدين
مياس : اطلقني اطلقني الزفتت
رواد قعد شاد مياس لن وصلو لايهم يلي لقوه مع بنت وواخد راحته مياس انصدمت وايهم ؏ طول وقف
رواد : شفتي هادا يلي تنبحي بيهههه
رواد خنق ايهم : شوف اني معاش نفهم لعب الفروخ اهوا توا بتدوي ام كل شيء عندك وهادي مني يلي معاك ومياس شن تكونلكك توااااا
البنت : ايههم
رواد بصوت عالي : مكانكككككككك
ايهم : كنكك معاي انت
رواد : لا الباين انت مش حتفهم باللتي هي احسن
رواد اعطى ايهم كف خلى دموعه ينزلو وحطله السلاح قدام وجه
ايهم : نزله نزله والله نحكيلك كل شيء
ايهم شبح لمياس : مياس انا مش متاع حب را وكل يلي يقولو فيه عليا صح وانا كل بنات مدرسة نكلم فيه ونلعب بيهم وانتي وحدة منهم
رواد خبط ايهم بونية : وتقول فيهها
مياس شدت رواد : مفيش داعي انك تلوث روحك بشخص زي هك
رواد : لا لا مازال متمش Ⴢ̤ مياس كمل احكييي ؏ المخدرات احكي ؏ كل يلي مدايرهه
ايهم قعد يبكي ᘓɹ̇ᓄ الخوف
رواد دفل ؏ وجهه : تي والله حرام فيك كلمة راجل
مياس ناضت تجري وركبت فصلها
رواد بيلحقها جي رجع لايهم : راجعلك متخافششش راجعع
________
اما اني ضربتها نومة فقت هك نرمش ف عيوني نلقاها ٢ ظهر نضت نتكسل ؏ راحتي😂🤦🏻♀️♥️
نقالي طفي شحن لقيته حطيته ف شحن خشيت حمام غسلت وجهي توضيت صليت بدلت ونزلت لوطا لقيت تهاني ضامه ومبخرة وحاطة غدي ف نار مشاء الله مشاء الله حمار مني بيموت اليوم🌝😂
اني : مشاء الله تهاني ناشطه اليوم
تهاني : اي فقت بكري مع ملوكي درتله فطوره ومشي وحطيت غداء ؏ نار
اني ابتسمت وف خاطري ياريت ديما عراك🌝😂
اني كيف بنركب
تهاني : وينن
اني : والله بنشد شوية نقالي وماشية جامعه
تهاني : اههها قولي بتكلمي محمد
اني رجعتلها وابتسمت : اي بنكلمه شبه خطيبي توا عاد
ركبت داري وخليتها تسحن مجرد فتحت نقالي محمد اتصل وبدي يعيط
محمد : ميته ميته ولا شنو ᘓɹ̇ᓄ امس وني نتصل ᘓɹ̇ᓄ امسسسسسسس
اني : حبيبي والله كنت تاعبه رقدت وملياش هلبا فايقه را
محمد : هادي الفيقة انشاء الله ، عبيت عليك بتشدي حوش
اني : استاحشتك ونحبك
محمد : نموت فيك
اني : وين انت
محمد : والله شوية هكي طالع فـჂ̤ ادوية بنستلمهم للمستشفى وعندي موعد ف عيادة خاصة جو ساعه ساعتين نروح
اني : اممم اوك اني بنمشي جامعه
محمد : وليش
سكت شوية محمد بعدين : ااه اي اي تفكرتك
اني : شوية بنوض نبدل
محمد : اووكك بالك ؏ روحك
سكر محمد وني مشيت بدلت لبست سروال واسع ابيض وسورية لونه وردي فاتحه ووشاح ابيض ودرت شوية مكياج خديت مفتاح سيارة ومشيت وتهاني ف دارها كانت كلمت مالك قتله بنمشي ♥️
وصلت جامعة درست ونزلت لقيت شوية بنات سلمت عليهم كانو يقرو معاي وهما قعدو يعاودو بس اني حمدلله تجاوزت كل هالمراحل ونجحت
وكيف ماشية انضربت ف ولد طيح قهوته باهي لي سروالي متلبزش راه قلبتها ؏ عمها
اني : شن خونا ركب اربعه عيون لو متشوفش قريب رحنا فيها
الولد : لا لا مدام عسل زيك مستحيل يصير شيء شني مني نحصلو الرقم
اني : Ⴢ̤ عليك تفاههه
اني مشيت طول للعميد سلم عليا كويس واستقبلني كان يحبني هلبا ♥️
حكيتله ؏ ريان وكلشيء
العميد : خلاص امالا اول م تجيبيها ناخد اوراقها وكلشيء متخافيش عليها تهني
اني : شكرا بارك الله فيك
العميد : شني وين تخدمي توا
اني : ف مستشفى ال)&)&
العميد : مشاء الله احسن مستشفى اهني
اني ابتسمت هدرزت معاه شوية وكيف بنطلع لقيت سندس
سندس : شن جابك اهنني
اني : بنت خالي غدوا جاية ᘓɹ̇ᓄ بريطانيا جيت رتبت الامور
سندس : كويسس تعالي نخشو كافتيريا نعزمك ؏ شيء
اني : ههي 😂♥️
خشينا كافي
مهم طلبنا وقعمزنا جي ولد سلم ؏ سندس
سندس : شنجوك حسن
حسن : كويسس امس رقدت اسف
سندس : ولا يهمكك ،
حسن : شن مش ناويه تعرفينا ؏ يلي معاك😂
طبعا كان نفسه التافه يلي قريب بزع القهوة عليا كنت نشبحله ᘓɹ̇ᓄ فوق للوطا
اني : هو انتتت
سندس : شن تعرفيه
حسن ضحك : لا لا غير توا وهي جاية خبطنا ف بعض قهوتي تبزعت
سندس ابتسمت : هادي خطيبة خوي
اني شبحتلة شبحات فخر هكك
حسن : احح سعده وخلاص ، قصدي اهلين تشرفت بيك ، هي م تبي شي سندس ؟ بعدين نكلمك
سندس : سلامتكك
ومشي حسن
اني : محبيتاش
سندس : بالعكس وقت تعرفيه حتحبيه😂♥️
أنت تقرأ
ويبقى الامل
Roman d'amourالدكـتورة مـلاكٌ : واجهت هلبا صعوبات ف حياتي الحق ومعرفتش معنى الاستسلام الحياة تبي ᘓɹ̇ᓄ يكافح ويكون صنديد اما المرخي مش حيلقى غير الوجع والهم وكل انسان يمر باختبارات وامتحانات صعبة وهلبا ! المشكلة مش اهني ! المشكلة ان هل حيكون قوي ويقدر يجتازهم او...
