ويبقى الامل

الحلقة 19

عندي اني ♥️
محمد قامني
حنان : محمممد ارفعها دارهها خير
مالك : اي ااي
محمد قامني ومعاه مالك وحنان رفعوني داري والعيلة كلها ورانا
حنان : فضو دار شوية اكسجين ، محممد ضربات قلبها سريععهه جهاز  ضغط نبو
مالك : اطلعو اططلعو شوية
طلعو مننن دار قعدو محمد ومالك وحنان وريان
محمد كان يرقد فيا ف سرير ويتكلم معع مالك : مالك عندكم جهاز يقيس الضغط اهني
ريان : اي اي هي عندها
ريان مشت دولابي قعدت تنكت فيه وطلعتله الجهاز
ريان : هاكك
حنان قعدت تقيس ف ضغط ومحمد يبخ عليا ف ميه اني بديت نوعى شوية شوية ونشبح  لقيت محمد شاد يدي فوق راسي ومالك وريان وحنان ومقدرتش نتكلم
حنان : ضغطها طبيعي محمد
محمد : ونبض طبيعي يعني مستحيل يكون سكر
ريان : اكيد ارق را
مالك : اي متاكلشش ومن امس واقفة
محمد : متاكلش خودولها مغذيات شنن هي صغيره دكتورة وتعرف مفروض
ريان : شيء شيء مسكره راسها يلي ف راسها تديره
اني : محمءءد
محمد : عيونن محمد اهو اني جنبك
اني شبحت لمالك : مالك
مالك : اس اسسس اهدي خلاص خليك مرتاحه
حنان : خلوها ترتاح شوية
محمد : اي
اني : لا لا كويسة نبي ننزل
حنان : غير قعمزي
اني : اي نقعمز ويروح عليا الغني وكل شيء 😂!
اني قعمزت ف سرير ومحمد قاعد شاد يدي
حنان : احسن امالا خنلحق نصوركم كم لقطه بروحكم
ريان : اي اي
طلعو مالك وريان واني ومحمد قعدنا نتصورو
محمد كلمني ف ودني : طالعه تهبلي اليوم عسللل هكي زين ولا رضا والدين هادا
اني ابتسمت
محمد : اي اي ابتسمي بس هادا يلي عندك
حنان : محمد ياسر كلام وخلينا ناخدو لقطه زي الناس بعدين عاكس زي م تبي 😂😂
محمد حط ايديه ف جيوبه : ‏ᘓɹ̇ᓄ قالك نعاكس هي تعاكس فيا وتقولي لحيتك وواحد واني نقوللها عيب بس الله غالب🌝😂
اني ضربته : مبردك
حنان : اي اي واضحححح
بعد عدة ساعات كنا لوطا مقعمزين نهدرزو
تهاني : ماما لو سمحتي تعالي فوق بنوريك قماش شريته
ام تهاني : هي جايهه بنتي
ركبو تهاني وامها لدارها وقعدو يهدرزو
ريان كانت ف الكوجينة ههي وداليا
داليا : وين العبمبر
ريان : فوق ف دار ملاك
داليا : نبو
ريان : اهو تو نركب نجيب
ركبت ريان جابت عبمبر وكيف بتنزل تسمع تهاني وامها يتكلمو باب دارها كان مردود شوية
امً تهاني : شني الخطة ماشية صح كلهم مصدقين انك حامل
تهاني ضحكت : اي اي مصدقين😂 واني زيادة مدايرة الجو شوفي الاوشحة يلي منفخين بطني توا على اساس محصلة اخر دلع تعرفييي
ام تهاني : هيا هيا خننزلو تاخرنا
ريان جتها صدمه ومشت جري الكوجينة لداليا
داليا : منورة
داليا ركزت ف وجه ريان : خيرهه وجهك اصفر شنفيي
جت دنيا خاشة وشبحت لريان : ريانن خيرك
ريان : كان نقولكمم شن سمعتت
داليا : تتي اهدي شن سمعتتي
ريان : تهانني تهاننني مش حامل
داليا : كيفف
ريان حكتلهم شن سمعتت
دنيا : غبارههه
داليا : اس اس متقولو لحدد توا ،
ريان : اوكك
مهم مر وقت وهدرزنا وحددنا كل شيء والعرس بعد ستة شهور ، وروحو كلهم  ركبت اني وريان داري وبدلنا وقعمزنا نهدرزو
اني : خيره وجهك مش عاجبني شن فيي
ريان : بنقولك شيء وخايفه ومنبيش نخرب عليك فرحتك اليومم
اني : شنوو قولي
ريان : ملاك
اني : تتي احكي
ريان : تهاني
اني : خيرها
ريان : مش حءءامل
اني : شنووو
ريان حكتلي
اني : مستحيله قصدي كيففف
ريان: اي
اني : وتحاليللل
اني كيف بنطلع منن دار شدتني ريان
ريان : اهددي فكري ف مالك ولو سمع شن حيصييرر
اني : ههي توا وين
ريان : طلعت مع مالك
اني : تمام حولي بندور التحاليل يلي ؏ اساس دارتهم
خشيت انني لغرفه تهاني وقلبتها كلها لقيت تحاليل وصح هي حامل بسس الاسم مكانش تهاني كان اسم مريضة تانيه
اني قعمزت ف الارض ودموع فً خدي وجت شدتني ريان
اني : معقوله لهدرجه توصل بيها وخوي يناري عليه وخلاص فرحان بيطير ‏Ⴢ̤ ريان شن ذنبه يتوهم هككي وخلاص
ريان : توو بتقوليله ولا لا
اني : يا ربيي ساعدني وخلاص ، تو نعرف كيف نوصله الخير اني
ريان : صوت الباب يطققق
اني وريان بسرعه ردينا الدار زي م كانت وخديت نتيجة التحاليل معاي ، نزلنا لوطا اني حطيت نتيجة التحاليل تحت المخدة وقعمزت وريان مشت فتحت الباب جو مالك وتهاني خاشين وف يدهم حلويات
تهاني : هاكم هادم حلويات جابهولي مالك منن موزارت قتله خاطري فيهم على طول جابهملي نجيه حياتي
اني ابتسمت : اي اي قعمزي ارتاحي اكيد الحمل متعبك
مالك : قعمزي تهاني وملاك متعبيش روحك شوفي امبكري شنو صار فيك
اني شبحت لتهاني بابتسامة : مالك شن رايك ترفع تهاني تتابع عند دكتورة مشاء الله بطنها بدت تكبر شوية شوية
تهاني توترت
اني : اي جيبهالي ف مستشفى
مالك : اي والله فكرة
تهاني بتوتر : لا لا ماما قالتلي مشش كويس مش وقته توا
اني : مش وقته ولا خايفه تنكشفي انك مش حامل !!
تهاني : شنووو
مالك : شن تخرطي ملاك
تهاني : كيف مش حامل تي حامل ودرت تحاليل ووريتهم لمالك زيادة
مالك : ااي شفتهم شن هالدوة ملاك
اني طلعت التحاليل ‏ᘓɹ̇ᓄ وراء المخده واعطيتهم لمالك : مالكك زيد اقرا الاسم ! مرتك هادي كذابههه وكذبت وقالت انها حاممل وجابت تحاليل متاع مريضة تانيهههه ! وورتهولنا
مالك : شنوو
اني : كذابههه
ريان : وحتى بطنها يلي انتفخت ؏ اساس مجرد حوايج حاطتهمم مش اكثررر
مالك وقف وتهاني وقفت
مالك : علاااش هادا كله ! شن درتلك اني ! علاش خليتني نحلم اني حنكون اب ! خليتيني حتى نختار الاسماء ! علاش ‏Ⴢ̤ تهاني درتلك شيء غلط اني ! غلطت ف حقك يوممم
تهاني وهي تبكي : اي اي كل اهتمامكك اختك انني تقول حيط متهتمش بيا بككككل
مالك ضرب تهاني كف لن جت ملوحه ؏ الصالون
مالك : وجهكككككك معاااش نبي نشوفههه ف الحوشششششششششش بتقيمي حوايجكككك وحوش اماليكك طوللل ووراقي طلاقكك حيوصلوكككك
مالك شبحلي : انني ماشي نطلبلها تاكسييي شوية ويجي وطلعيهاا منبيش نروحح نلقى امهههها اهني
_________
ام محمد تشبح لمحمد ‏ᘓɹ̇ᓄ فوق للوطا : خلاااص فرحان توا متهني
محمد بابتسامة هز براسه اي
سندس : ربي يهنيك حميدة مشاء الله عليه ملوكه عسل
ام محمد : وخيرها بنتت اختي
سهى : اممي لو بتجي للحق ملاك احلى وانزك وارقى
سارة : الاقربون اولى بالمعروف
ام محمد فنصت ف سهى
سهى : بنووض نرقد اننني تاعبهه
سندس : حتنني واي غدوا مش ماشية جامعة لاا اني لا ريان عندنا محاضرة وحدة ومش مهمة
خشت سندس دارها وع طول اتصل بيها حسن حست بفرحة مش طبيعيه ف قلبها وردت
حسن : وين عليك العين
سندس : ملياش هلبا مروحه اليوم خطوبة خوي ‏ᘓɹ̇ᓄ صبح واقفة رجليا طابو
حسن : يا حليلي اكيد طالعهه غزالة اليوم ابعتيلي صورتك وقوليلي شن لبستي
سندس : صورتي
حسن : شني معندكش ثقة فيا ! باهي ميه ميههه مفيش داعي تبعتيها ومنوره عليها
سندس : لا لا والله نوثق فيك واكثر ‏ᘓɹ̇ᓄ روححي
حسن : به ابعتيها
سندس : اوك ، خليك ؏ الخط
خشت سندس ع واتس وبعتت صور لحسن ، وحسن شبحهم
حسن : محلاك تعرفي غزالة جسم وجمال
سندس ضحكت ضحكة خفيفه
حسن : يا حليلي منكك غدوا عندك جامعه سندوستي
سندس : مش حنجي تاعبه بعد غدوا نجي
حسن خشتله ف الخط بنت تانيه يجري بيها
حسن : اسمععي اممي تتصل بنرد عليها وبعدها طالع مع شباب
سندس ‏: اوكك ‏Ⴢ̤ قلبي رد بالك ؏ روحك
سكر حسن وطول رد ؏ بنت تانيه
حسن : وين يا عمري استاحشتك منن امبكري مشغول نفكر فيك
__________
تهاني كانت تبكي ومشت لمت شنطتها
ريان : التاكسي لوطا ملاك
اني ربعت ايديا وشبحتلها : علاش الكذب هلباااا
تهاني : حسبيالله ونعم الوكيل فيكك كلهه منككك يا (&)&
ريان : شوف تفاهتها
تهاني طلعت وقربعت باب وركبت تاكسي
ريان بضحكة : درب يودي ما يجيب
ريان شدتني وركبتي دار واول م وصلت سريري اتصل بيا محمد♥️
ريان : اني خاشه حمام بندوش
خشيت الحمام
اني : الو
محمد : نحبك
اني : خيرك😂
محمد : تي نحبكككك
اني : نموت فيك شن جاكك
محمد : خيره صوتك تاعب
اني : لا لا حياتي كويس صوتي
محمد : منن قلة الماكلهه ف جديد ترا نسمع بيك مكليتيش
اني : حاضر حناكل
محمد : شنففي صوتك ممش طبيعي
اني حكيت لمحمد تهاني
محمد : اللههه بنت خالتي كيف طلعتت عقرب هيي واختها لاا وقال امي بتزوجهاليي تيي وقتها نديرلها حفرة ف الارض تمشي مع العقارب
اني : تزوج عينكك مفيش يا انني يا اقعد عانس وعددد اوعدنننني
محمد :  وعدد يا انتتي يا بلاش
هدرزت شوية ني ومحمد لن سمعت صوت باب كان مالك اني ؏ طول نزلتله
اني شديت يده : مالك
مالك سكت واشرلي متاع نمشي
اني : مءءالك
مالك خش داره وسكر باب
جت ريان شدتني
ريان : تعالي خليه يرتاح
خشيت ني وريان دار وتمرقدنا
_________
تاني يوم ♥️
فقت ‏ᘓɹ̇ᓄ نوم لقيت ريان راقده طقيت دار مالك مباش يفتح نزلت وتيتلهم فطور وبدلت وطلعت ؏ المستشفى♥️
اني وقفت ؏ جوري
اني : محمد جيي
جوري شبحتلي : عفوا دكتور محمد قصدك
اني : اي حميده ، ااه سوري انتي قوليله دكتور اما اني
اني ابتسمت ووريتها الدبلة
اني : ختشيبي 🌝😂
جوري : شنووو
جت حنان سلمت عليا بالبوس
حنان : صباح عسل عروستنا الصور طلعتهم جو يهبلوو بعدين نعطيهملك محمد قاعد مجاش
اني : اوككك امالا بنمشي نبدل
خشيت غرفة الدكاترة حطيت شنطتي جاني عماد
عماد : صباح الورد امس اتصلت بيك مرة مشغول ومرة مقفل ، كلمت حنان قتلي تلقاها ف غرفة دكاترة
اني : ااه اي امس ..
عماد : مستاحشك امس مشفتكش ولا كلمتك
اني طبست راسي
عماد : الحق نبيك ف موضوع
اني : تفضل
كنت نتكلم مع عماد ونساوي ف البالطو متاعي
عماد : ملاك اني منن شفتك ومش قادر نحول تفكيري منك طول اليوم ف كل مكان نفكر بيك ! وتاكدت اني معجب بيك ونحبك كيف انسانه طموحه ومبتسمه تحبي تساعدي الناس وحنونه ؏ الكل ! وحاب نتقدملك
عماد ركعلي ف الارض وطلع باكو منن جيبه وفيه دبلة
اني : عمءءا...
عماد : لو انتي وافقتي اليوم وقتي نجيب اماليا
اني قعدت واقفة مصدومه معاش عرفت كيف نتصرف
**
محمد : حنانن صباحك اني🌝😂
حنان : خاش وتبتسم انشاء الله خير😂😂😂
محمد : هادا كله ومتبينيش نبتسم
حنان : حبيبتك ف غرفة دكاترة
محمد : ميه ميه خنمشولها
حنان : هي
محمد وحنان جو للغرفة يلي اني وعماد فيها وكيف محمد فتح الباب وشبح هديكا الشبحة انني وعماد
__________
ف الجامعة ♥️
حسن : هادا يلي بنديره وبندم امها ؏ الساعه يلي جربت تتحداني فيها  ، هي اليوم مش جاية
فراس : وكيف عرفتت
حسن : سلم سندس الغاليه تجيبلي الاخبار ، غدوا بيجو😂😂😂😂 غير تعال خنمشو كافتيريا
فراس : ومن قالكك ان بيوافق
حسن : تيي بيوافق غصب عن بوه قبل خادمه مليون مره واخر مرة خوه شادينه انني طلعته بمعرفتي
خش حسن للكافتيريا وسلم ؏ الولد يلي يخدم فيها اسمه علي
علي : وين يا راجل
حسن : قاعد جايك ف خدمه ‏Ⴢ̤ مان
علي : تدلل انت الموس وانني اللحم
حسن : تزبطها البنتت يلي مدة فاتت جت منن بريطانيا شعرها اصفر وعيونها ملونات تقرا كلية البشري سيارتها نيسان عالية سوداء
علي : مشاء الله سي ڤي كامل ‏Ⴢ̤ حسونه
حسن : غير شني مني زبطتها
علي : ااي زبطتها ومن ميزبطهاش هي يلي ضرباتك تيرو
حسن شد اعصابه بالسيف : مش وقت امه التسهويك هههي يوميا تخش تفطر اهني
علي : وبهه
حسن : .....
علي : لا لا صعب ‏Ⴢ̤ راججل
حسن : ‏Ⴢ̤ راجل دير يلي قتلك عليه ومليكش علاقه
علي : اوكك ميه ميه
_____
عند مياس وتت روحها لبست سروال واسع ابيض ف اسود وسوريه حمراء وشدت شعرها قرن حصان
جتها امها
ام مياس : حطي شوية مكياج ف وجهك
مياس : امممي بالله اخطيني حرام عليكم
ميار كانت بتدير مياس بودرة مياس شدت يدهاً
مياس : قلتلكك منبيش ندير شيء عجبه هكي باهي معجباش يقلب وجهه
ام مياس : سكرري فمك خوكككك
جي ابراهيم داخل
ابراهيم : واتيهه! امسحي دموعك احسن م نطيح ف امك كفوف ونزيدك تواا ، وانتي ميارر نحي البلي يلي ف يدك خليها هكي تطلع وهيا الولد يراجججي
طلع ابراهيم
ميار بخت لمياس صنه ♥️
مياس وقفت : اااه ‏Ⴢ̤ ربي
ام مياس مسحتلها دموعها وباست راسها
ميار : تعاللي ارفعي القهوة هي
مياس : ونبي حطو فيها سم فيران
ام مياس ناضت بتجيب صفرة القهوة
مياس جت ف بالها فكرة : لا لا خليها انننني تو نجيبها
خشت مياس كوجينة ودارت قريب اربعة كواشيك ملح للقهوة وكاشيك فلفل احمر وخلطتها وساوت الصفرة وقامتها
ميار : شنن تديري
مياس : ههي هي جايه
خدت مياس الصفرة وخشت وشبحت ....