ويبقى الامل

الحلقة 37

مياس وخرت لقت روحها حاضنه مراء كبيره ف العمر مياس طبست راسها ووجهها بدي احمرر
مياس : ااء اااءء
وناضت مياس تجري لدارها ورواد مفلوق ضحك جت ام مياس
‏ام مياس : يا فرخهه منني طق الباب
وكيف شبحت الباب ام مياس لقت رواد ومعاه المرا سلمت عليهم ودخلتهم
ام مياس قعدت تشبح ف شبحات لرواد متاع منن هادي
رواد : هئحم طبعا عادي عمتي ربيعه يلي ربتني اعتبرتني ززي ولدها واكتر ، واليوم مشيتلها بعد صلاة شفتها وحكيتلها عليكم وع مياس اصرت الا تجي معاي تشوفها
ام مياس ضحكت : اهلا وسهلا بيك تشرفناا
ربيعة : تسلميلي ،
ام مياس : ميارر نادي مياس
رواد : تي هي شبحتنا ناضت تجري😂😂😂
ربيعة  : شكلها شويطينه
ميار : حاضر
خشت ميار لمياس لقتها تمشي وتجي تمشي وتجي متوترة
مياس : حيعليا شن صار وشن فيي ومنن هاديي يا ربي
ميار : غير خيرك اهدي
ميار قالتت لمياس منن تكون هالمرا
مياس : اسمها ربيعه صار تيي عطها طبيعه تطبعها ؏ الحيط بدل م نحضن رودي حضنتها بعدين انني نبيش حد يشاركني ف روادييي مننن هادي ومنوين طلعتتت معمره حكالي عليها
ميار : اسسس عيببب ف مقام امهه قالك تحشمي وبري سلمي عليها كويس
مياس : باهههي شعري مواسي
ميار : لا حول الله تي اطلعي
طلعت مياس وهي مطبسه راسها منن الحشمة ؏ الموقف يلي صار
مياس : اءءهلين
ربيعه : مشاء الله كنتي عسل وشكلها حشوميه هكككي
رواد : لا حشوميه لا شيءء تو تشوفيها ؏ الحقيقة غير اعطيها دقيقتين تاخد عليك😂😂😂😂
مياس فنصت ف رواد
رواد : هاا بدت ف تفنيصاتهها
ميار خشت كوجينة ولحقتها مياس حطو الغداء تغدو وهدرزو
_____________
عند ريان مالك قامم تهاني طول لبسوها عبايه ورفعها مالك المستشفى اما ريان قعدت ف الحرش متوترهه
**
مالك : شنن دكتورة طمنيني شنفي مرتي خيرها هي كويسه
الدكتورة : حمدلله مدامتك كويسه  بس نعتذر خسرت الجنين
مالك : شنووووو
مالك حط ايديه ؏ راسه
الدكتورة : مرتك تحتاج لعنايه هالمدة تقدر تخش تشوفها بس حاليا غايبه ؏ الوعي شويه وتفيق
مشت الدكتور ومالك قعمز ف الارض ودموع ينزلو منه
____________
سندس اتصلت بمحمد مكالمه فيديو رد عليها
محمد : اهلا
سندس : حميدتتتي استاحشتكككك والله استاحشتكككك هلبا خيرك متكلمش فينا بككل ومتردش واخيرا رديتتت معقولة مرة ف الاسبوع بس حرام عليك مستاحشينكككك
سندس طلعت البرا لامها وخواتها ومعاهم تسابيح وخالتها
سندس : ماماااا شوفي محمد
امه شدت النقال
ام محمد : وليدي امتى بتروح مستاحشينك
محمد لحيته زادتتت وارهاق تحت عيونه ملامحه بدت بارده هلبا كلامه شوية بسرعه ما يتنرفز
سهى : محممد شنهادا تدخننن
ساره : حي ؏ جو محمممممد
محمد : سكرو سكروو عندي م ندير
ام محمد : يا وليدي والله هالملاك الحرفة ما تستاهل هادا كلههه ارجعلي تربححح ونخطبلك توتو شوفها اهي مقعمزة جنبي
محمد شاد سبسي ف يده : تتتي شن هادا كرهتوني ف ام حياتتي معاش نحب نتصل بيكم ككل م نكلمكمم نفس السيره تي ارحمونننني ارحمونننننني شن هادااا
سكر محمد وحذف نقاله وكمل سبسي ورا التاني
**
سندس : ضروري تفكروهه هي طلعت خاينه خلاصصص اخطوهه انني حتى ريان فتتها مننن يلي داراته ملاك
ساره؟: تستاهل حتى خوها لزها
سهى : حقا شنجو تهاني
تسابيح : اهو كويسه خنتصل بيها تجينا تهدرز
تسابيح اتصلت بتهاني اكثر مننن مرة يعطيها خارج التغطية قعدت تحاول مع مالك
___________
خش مالك لتهاني ووجهه احمر وهي كيف فايقه مدتله يدها بدون م تدوي وابتسمت
مالك شد يدها ودموع ف عيونه
تهاني : انءءا كويسه
مالك طبس راسه : انتتي بس يلي نراجي فيه راح خلاص
تهاني : شنووو شن تقول مالككك
تهاني قعمزت : مالك بالله عليك قولي تكذب شن تقول مالك لا لا يكذبو انني انتي حامل شريت حتى السرير وفكرت ف الاسماء لا لا يا مالك لا لا حبيبي بالله عليك قولي تبصر منقدرش منقدرش نتحمللل والله ما نقدر يا مالك لاا
مالك حضن تهاني وهي قريب تموتت منن البكي والندم ، خشت الممرضة
الممرضة : تقدر تدير اوراق الخروج حالتها كويسه
مالك هز براسه تمام
شرين نقال مالك كانت تسابيح
مالك : الو
تسابيح : اهلا مالك كيف الحال
مالك. : كويس
تسابيح ‏: اي حتني كويسه🌝♥️ وين تهاني نتصل بيها خارج تغطيه
مالك : احني ف المستشفى
تسابيح : شنوو مستشفى وليش
مالك : تهاني طاحت وخسرت يلي ف بطنها
تسابيح : شنوووو وين ويننن اما مستشفى وين
مالك : توا بندير اوراق الخروج ومروح بيها الحوش
تسابيح تمام تلقونا غاديييي
سكرت تسابيح
تسابيح : وووهعليااا وههههه ؏ اختتتي وين نلقاها انني ف روحي ولا ف اختي يلي خسرت يلي ف بطنها ليها كممم سنه تراجي
ام تسابيح : شنووووو
وبدت تعيط
ام تسابيح : ارفعونني ليها توااا
تسابيح : هيا اممي نوضي نمشولها الحوش كيف طالعهه منن المستشفى هي
سندس : استنو خنكلم السواق نمشو كلنا
ساره : سياره وحدة متسدش
سهى : جزء بمشي مع السواق وتانين تاكسي
سندس : محمد قال ممنوع تاكسي بعدين سياره كبيره تسدناا كلنا ونركبو فوق بعضنا
ام محمد : هي هي نوضو البسو
ام تسابيح : اااه يا بنتي وووهعلياا اننني منن بنتي
___________
رواد : هههي م تبو شيءء انني بنمشي خليكم هدرزو براحتكم وانتي امي امتى م تبي تروحي كلميني نجي نروح بيك بنمشي للشباب
ربيعه : باهي وليدي رد بالك ؏ رويحتككك وانا اصلا نبي نتعرف ؏ كنتي اكثر
ربيعه مست لحيه رواد وهو باس يدها وباس راس ام مياس وطلع مياس لحقاته بتوصله للباب كانت متعفلقه ومربعه ايديها
رواد : شني منني مفيش حضن سممح ززي متاع امبكري😂😂 والله شكله كان حلو غير ججي ف عمتي ربيعه
مياس : تي انتت معاش فيي الا الشبشب باهي !!
رواد : والقيمان متنسيش
مياس : شنووو
رواد قام مياس فوق وهي كانت طشه بكل قدامه
مياس وهي تضحك : نزلنني نزلننني والله نعيط رواددد اهفت
رواد : ولو مبيتش ننزلك شن بتديري
مياس شعرها كله جي ؏ وجهه رواد وعيونها ف عيونه لن جت ميار
ميار : روادد نقالءءك
وشبحتهم وطول اعطتهم بظهرها
رواد : ااء ااءء مياس مياس قتلي فيي عنكبوت ف الحيط وهي ملحقتاش عرفتي تبي تنظف قتلي
ميار : نقالك نقالك هااككك ، اي اي مشاء الله النظافة منن الايمان طبعا😂😂😂
ميار مدت لرواد النقال وهي عطياته بظهرها
مياس جري خشت دارها وميار اعطت رواد النقال ومشت وهو طول طلع مياس لما سمعت باب شارع تسكر جت طالعه لحقت ؏ رواد ف دروج
مياس بصوت واطي : يا حشمتككك يا متاع العارر تعالل نبي نتصور معاك
رواد : وطالعههه هككي بتوته وطالقه شعرك
مياس : تي سيلفي هوو
رواد : تتتتتي خشييي
مياس خشت ومدت راسهاا منن الباب : باهي اهنني
رواد : جيتك هي
خدو سيلفي
مياس : اعطيني زبونك بنتصور بيه لقطات وهككي
رواد شد زبونه بيده وهو لابسه وضم مياس ليها وحطه عليها
رواد : هكي احلى نكونو لابسينه الزوز
مياس خدت صوره ووجها احمر رواد باسها وناض جري
رواد : خشي وسكري الباب
مياس : حاضر
رواد غمزلها ومشي
_________
عند ريان كانت تراجي ف تهاني بتوتر لن فتح مالك الباب وخشت تهاني تعيط وتبكي ومعاها امها وتسابيح وعيلة محمد طبعا درسو سياراتهم معبعض تلاقو ف فم الباب ريان كانتت ف كوجينة قدرتش تطلععع منن لما سمعتهم يبكو بعدين تشجعت وخشت عليهم ف وسط الحوش تهاني شبحت لريان
تهاني : اطلععععي البرااا انتتتي قتلتي ولددي انتتتي دفيتيني بالعاننننننني كم ليكك تقوليلي بنقتلك ونقتتتل ولدكك مالكككك بنتت خالك هادي هيي دفتني والله دفتني وتهذذ فيا يوميا وسامته واساله تسابيح
تسابيح : اي ‏Ⴢ̤ مالك ديما تهدد ف تهاني غير تهاني ساكته متقولكش
تهاني وهي تبكي : يا مالك ديما تقولي بنفرقك ؏ مالك باش ناخده انني وتوا قتلتي ولدناا يا مالك قتلاااته
ريان : مصحوجهك شن تخرطي مالك زي خوي وبسسسسس ، ‏Ⴢ̤ مالك اهو نقولك تهانني تخون فيكك ومع واحد تاني وتتكلم معاه فيديو ودوة تفاهه حشاكك
تهاني : م سد قتلتي يلي ف بطننننني مازال تكذبي اااه ‏Ⴢ̤ ربي
مالك وقف قدام ريان وعيونههه شرار : تعرفي تقلبي وجهككك مننن قدامممي معاش نبي نشوفك قدامممممممي فاهمهههههههه شن ذنبه عيل صغير نعرف تهاني متحبيهاش وكلشيء بس مشلدرجه تدفيها مفكرتيش فيا ف العيل يلي ف بطنها تي تفو عليككككك
ركبت ريان دارها لمت حاجاتها وطاحت ؏ سرير تبكي واتصلت بيها انني
اني : الوو حبي
ريان : الءءءو
اني : ريان خيرك تبكي ولا شن
ريان : ملاك لو تعرفي شنصاررر اااه يا غيبتكك
ريان حكتلي يلي صار وجتني صدمه
اني : شنووو والبيبي لا حول الله
ريان : اقسم بالله ما دفيتها هي تخون فيه زي م قتلك
اني : حقيرهه هالتهانيً
ريان. مالك قدامهم يا ملاك قدامهم مسح بيااا
اني. : تي خيره مالك خيرهه اسمعي معاش تقعدي فيه الحوششش تعاليلي توا انني عند دكتور عماد تو نوصفلك الشقة وندورو حوش ناجروه نقعدو فيه انني وانتتي معاش تبكي امسحي دموعكك واهدي وتعالي هي
قعدت نتكلم معع ريان شوية ووصفتلها حوش عماد باش تجيني ومشيت حكيت لدكتور عماد ؏ يلي صارلها
اني : اي وهادا يلي صار ف نبي توا ندور حوش للايجار
عماد : اما ايجار سواء انتتي او ريان زيكم زي عبير والحوش كبير وفاضيييييي ويسدنا
عبير : حنزعل منك راه
اني : بسءء متجيش
عماد : شنهي يلي متجيش انتتي امانه عندي ولعند م تتعالجي بالكاممممملللل خلاص حنسلمك لعيلتك وديري يلي تبيه
_________
ريان جابت حاجاتها وجت نازله ، جت عينها ف عين مالك وشبح شناطيها ولا تكلم معاها ولا وينن ماشيه ولا شيء شبحلها وبسس
تسابيح : درب يسد.م عاد يردد
طلع ريان ركبت سيارتها وجتني حوش عماد
_______
نسرعو الاحداث شوية تاني يوم كان موعد صورتي فقت متوترة لبست سروال واسع برتقالي وسورية زيتي ف برتقالي ووشاح برتقالي وطاقية زيتية وشنطة وكعب ؏ الزيتي وريان كانت ماشية معاي طبعا الليل كله راقده ف حضني وتبكي وخلاص  ♥️ مهم مشينا مستشفى ودرت الصورة وقعدنا نراجو ني وريان ودكتور عماد ودكتور عمر
ريان : متقلقيش روحك كله حيكون تمام نحبك
اني : تي نموت فيككك
ريان حسن اتصل بيها سكرت ف وجهه
اني : خيرك ردي
ريان : يحسابه بمزاج بوه يتصل بجوه ويكلمني بجوه تغير هلبا ونبي فكيني اني منضعفش قدام الحب ابدااا وع جثتي وحسن ميهمنيش فوتيه
________
مالك خش غرفتي قعمز ف سرير يتامل ف سقف ويتفكر فيا جت تهاني شدت يده
تهاني : ساعهه ندور فيك وينك

تهاني : نووض اني جنبك وام صغارك
مالك : زعما صح يلي درته اختي!
تهاني : اي اي صح متعدلش واحسن لزيتها تي مفروض قتلتها نوض نوض خنمشو ناكلو جيعانه وني تعبانه شوية شدني نوضي
مالك شبح لتهاني وهي دارت روحها تعبانه ومشقادرة تنوضي
مالك : اصبري نقيمك دار مش قلنا معاش تطلعي ارتاحي
تهاني : ندور فيك كنت ماه
مالك قام تهاني ورفعها دار وغطاها وقعمز جنبها
_________
طلعو الصور دكتور عمر وهو مبتسم شدهم وني وريان واقفه مقابلتهم وتوتر بيقتلني خلاص
________
مياس وميار طلعو شوية المحلات
مياس : نتصل برواد مردش عليا وهو طلع ومعاش روح هالخرا
ميار : تي محلات ف راس شارع عادي
طلعو مياس وميار وفي سياره كلها شباب قعدو يلحقو فيهم وكل م يخشو محل ينزلو الشباب يلي فيها وراهم
الولد : تي انتتي ‏Ⴢ̤ عسل غير عدلي
مياس : عليك تفاههه
مهم مياس وميار خدو حاجاتهم وروحو وكيف خشو الزنقة سياره الاولاد قعدو لاحقينهم وقف الولد بالسيارة جنب مياس وبدي يمشي بالشوية معاه ؏ حسب مشيتها ومطلع راسه ‏ᘓɹ̇ᓄ الروشن يعاكس
ويمد ف الرقم وشاح مياس طاح والولد فتح شنطتها حطلها الرقم وهي فصلت
مياس : تي حوووول يا عيلل شن هادااا
كانو فـ‏Ⴢ̤ سيارتين عالليات مظلمات لكسز اسود لونهم سكرو ؏ سيارة الولد ونزل رواد وفنص ف مياس وسلاحه ف يده
ميار : سرععي مشيتك
مياس : ححي ؏ جد اصللي ملقاش يجي الا لما طاح وشاحي ولما فصلت بري بسرعه بسرعههه
ميار : نزلههم بالسلاح مجزرة باذن الله
ميار ومياس قعدو يتجارو ويشوفو تالي شن بيصير
رواد : فـ‏Ⴢ̤ شيءء خونا
الولد / نعم
رواد : بتديرلي فيها متوحششششش
رواد بدي يضرب بالرصاص ؏ قومات السيارة والسيارة كان فيها ثلاثه اولاد نزلو قعدو لابدين لوطا ورواد وصحابه ضربو سياره الولد يلي يعاكس مياس بالرصاص قدوها كلها
رواد / ف جديد عاكس اختك باهي قيموهم المقر الكلاب اهممي خلي يتربو ويبدو تريس بالككك ! عندي موضوع بسيط بنديرهه
المهم قاموهم ومشو ورواد ساق سيارة بروحه ومشي لمياس وميار لقاهم شادين الشياط يجرو وقفلهم
رواد : اركبو
مياس وميار وبدون حرف ركبو ميار قعمزت التالي ومياس كيف بتركب التالي رواد شبحلها بالمرايا