ويبقى الامل

الحلقة الخامسة ♥️

تاني يوم فقت ستة دوشت توضيت صليت شديت نقالي شوية درت طلة بسيطة لقيتها سبعة جت🙂😂 نضت نجري بدلت وساويت روحي يا حنة شوية ميكب هك اتصلت بمحمد ننوضه
محمد : صباح الورد
اني : انشاء الله قاعد منضتتتش تي نوض سبعة ومعاها
محمد : شن نبي اكثر ‏ᘓɹ̇ᓄ نصبح ؏ صوتك العقبة م نصبح ووجهي ف وجهك
اني ابتسمت : ياسر ياسر نوض هيا🌝😂
محمد : المستشفى ليا نجي امتى م نبي 🌝😂
اني : بديناااا نوض تتاخر يا ويلككك
محمد : اهو نايض ويلي ف خلقتك متكتريش ‏ᘓɹ̇ᓄ امه
اني : حاضر
محمد : هي نايض
مهم اني كملت نجهز روحي ونزلت لقيت مالك يفطر
اني : صحتينن امس وينك
مالك : امس طماطم اخضر يسلم عليا الحق مشيت ندوره😂😂😂😂😂😂
اني : شنو
مالك : اسالي روحك شن ترعي ف اليل
اني : مستحيل اني م قلتش هكك
مالك : لا قلتتي
اني : مالك بنطلبك ف طلب
مالك : تفضلي
اني : رد تهاني اليوم
مالك سكت
اني شديت ييده وهو ؏ طول ناض
مالك : ضروري تتادب شويه يا ملاك انا ماشي خدمه توصلي خدمتك كلميني
اني : اوك
____
عند محمد بدل وكيف بيطلع لقي سندس
سندس : حميدة افطر
محمد : نسيتك بكل جامعة يوم نراجي فيك لوطا انزلي
سندس : اوكي
جابت سندس حاجاتها ونزلت لمحمد
سندس : متعدلش ؏ امي ‏Ⴢ̤ محمد عارفها انت وخالتي تعبي ف راسها
محمد تنهد : دواهم عندي متخافيش
وصلو جامعة محمد اعطى سندس فلوس
محمد : اتصلي بيا نجي نروح بيك
سندس : تمام حبيبي هي سلام
_________
مهم اني طلعت ركبت سيارتي مشيت خدمتي خاشه لقيت هالجوري الشينه شبحتلها ‏ᘓɹ̇ᓄ فوق للوطا وقلبت عيوني لقيت حنان ومحمد قدامي
اني : تي امتى كيف كيف وصلت قبلي فهمني كيف فيقتك كيف صار
محمد : بدلت ودوشت ووصلت اختي جامعه وحضرتك تتمختري بالشوية عليك 🙂♥️
حنان : صباحكً ورد ملوكه
فجاءة جت هالجوري
جوري : دكتور محمد..
وجت ؏ اساس مغمي عليها ف حضن محمد وهو ؏ طول قامها دخلها غرفه وزنلها ضغطها وهي شادة ف يده واني واقفة ونشبحله
محمد : شن فـ‏Ⴢ̤ انشاء الله خير
جوري : مشعارفه دكتور فجاءة هك راسي بدي رزين اسفه
اني : دلع اسمهه هادا الضغط متاعها طبيععععي
اني طلعت وقربعت الباب مشيت خشيت حجرتي وحطيت حاجاتي
حنان اشرت لمحمد متاع برا شوفها وهو ؏ طول جاني
حنان : شن جوري
جوري : لا لا توا احسننن دكتورة
جوري ابتسمت وناضت رجعت مكانها
،،
جاني محمد
محمد : خير عمك انتي طالعههه ومقربعه الباب هكي ؏ ‏ᘓɹ̇ᓄ تقربعيه
اني : مدخلكش فيا اني حرة برالها برا شد يدها وشوفها واحضنها وقيمها ماه طرطور اني مش مشكله
اني كنت نلبس ف بالطو متاعي
محمد جي شد يدي : نكلم ف عمككك لما نكلمك تثبتي وتشبحيللللللي فاهمهههه
اني : اطلقننني زفتتت
اني دفيت محمد وطلعت نشوف ف الحالات وخليت دمه محروق
ف كافي ف مستشفى 💛
عماد : ملاك خيرك اليوم والعة هك مش طبيعيه
اني : لا لا اموري طيبه
عماد : اي واضح واحد قالك ضغطه عالي قلتي عمليته الساعه تسعة🌝😂
اني : وين نندري بالله🌝😂 ساعة كم
عماد : تسعة الا ربع
اني : يا فالح عندنا عملية بعد نص ساعه
عماد : عملية شن
اني : تي عبد القدوس خيرك
عماد : اي اي
اني : شوية هكي بنوض نوتي الحاجات
فجاءة لقيت محمد وحنان جاين اتجاهنا
حنان : خيانات بدونااا
اني قربعت طاولة : عماد اني ماشية نشوف ممرضات وغرفة عمليات وحالة البيشنت لو تسمح بالعملية
اني ؏ طول نضت ومحمد يشبحلي
عماد : حتني بنوض
جي عماد لاحقني
حنان : خليها عندها حق عاد امبكري راه دموعها قريب نزلو وانت شاد يد جوري
محمد : تي شن ندير بنت اغمى عليها
حنان : محمد واضحه تدير ف جو ملاك تهدا كلمها توا قاعده فاصله
________________
ف جامعة ♥️
سندس مقعمزة وسرحانه ف ولد وهو يضحك ويبصر مع صحابه
فاطمة " صديقة سندس " : ووه وين
سندس : معاك معاك
فاطمه : انشاء الله قاعدة تفكري فيه مشناه يا ناسسس
سندس فنصت فيها
فاطمه : هو حلو بس تصرفاته شينه ومتاع بنات
سندس : نحبه ميته فيه
فاطمه : معاش كلمك !
سندس : لا اساس اني طيرته باسلوبي قعدت نقوله ‏ᘓɹ̇ᓄ وين جبت ايميللي ‏ᘓɹ̇ᓄ وين ، قالي لقيت بنت مدايرتلك تاق ف ستوري وني ضايفها وزبطتك وخشيتلك يا ربي ياريتني سكرت فمي
فاطمه : تي نوضي خنخشو كافتيريا ناخدو سم
ناضت سندس وفاطمه خشو كافتيريا
سندس : زوز نسكافيه تام
جي ولد : خليهم ثلاثه وع حسابي
سندس ؏ طول طبست راسها
فاطمه : لا لا منور خونا
الولد شبحلها باستحقار : شينة وتتكلمي مع هادا مدخلكش انا بنخلص ؏ سندس ، ولا شن ‏Ⴢ̤ سندس
الولد شبح لسندس ومد يده بيسلم
سندس سلمت عليه
الولد : ؏ فكرة ايميلك حلو ، تصويرك عجبني كان فيها كيف تاخديلي كم لقطه هكي😂😂🙂
سندس : عادي حسن
حسن : خلاص تمام
__________
اما اني كملت عمليتين درتهم وجي وقت ناخد راحة بنطلع لداليا خشيت حجرتي خديت شنطتي نسمع ف باب تسكر ، محمد خش وقربعه بالمفتاح
اني : شنفي ! محمد احني ف مستشفى
محمد وهو حاط ايديه ف جيوبه ويقدم عليا : ؏ ويننن. لابسه
اني : ماشية بنلاقي داليا ف كافي قريب اهني
محمد : واني كيف نعرف !!!!
اني : برا لحبيبة قلبك مش لاهي فيا انت
محمد جبد شنطتي وحطها ؏ كرسي : مفيش مشيء هي
اني : شنووووووو بمزاجككك هي
محمد قرب مني وعلى صوته : قلتتتتت مفيششش مشييييي ولاااا
اني سكتت شوية بعدين تفكرت موقف جوري ودفيته خديت شنطتي وكيف بنطلع
محمد باعلى صوت : ترا جربي اطلعي ‏ᘓɹ̇ᓄ هالباااااااااااااب وحتشوفي تصرف تاني
اني خفت منه قعمزت ف كرسي وغطيت وجهي بايديا وقعدت نبكي محمد جي قعمز ف ارض نحالي ايديا ‏من وجهي ومسح دموعي
محمد : هشششش ليش هادا كله ليش
اني : ماه حضرتك مشفتش شبحاته ليا وكيف تعامل فيا وانت وقت حاضنها وشاد يدها بالقصد هي طاحت عليك شن فيها لو كان طاحت عليا اني ولا على حنان علاش طاحت عليكك انت ؏ طول وانت م صدقت قمتها
محمد : يا قلبي يا عمري اني ليك وانتي ليا وهي طاحت شن بندير بنخليها ملوحه يعني
اني : اوكي قيمها ليش تقعد شاد يدها !
محمد : خلاص باهي نحبك اني وانتي خطيبتي ومرتي اني وبس ، غير شوفي شكلك كيف رايح وانتي تبكي😂
محمد قرص خشمي
اني : مبردكك
نقالي يشرين كانت داليا
اني : هادي داليا محمد ونيي بنمشي
محمد : باهي اسمعي نوضي نمشي نروح بسندس ‏ᘓɹ̇ᓄ جامعه بالمرة كلمتني ونخطمك ؏ كافي
اني : حنان بتمشي معاي
محمد : مشاء الله مخططة ومنظمة امورك اخر مرة تديري شيء بدوني
اني هزيت براسي حاضر ،
طق باب محمد طول بعد عليا
خشت حنان
حنان : بتمشيي
محمد : اي بنمشو معبعض نروحو بسندس ونحطكم ف كافي
حنان : تمام هي
وني طالعة ومعاي محمد وحنان ، وصلنا قدام رسبشن جي محمد شد يدي وشبح لجوري
محمد : جوري مواعيد عمليات غدوا حطيهم ؏ مكتبي انا طالع كافي وجاي هي ملاكي
شبحلي محمد وابتسم واني ابتسمت ابتسامة نصر هكي وشبحتلها ومشيت اما حنان قعدت واقفة ؏ جوري
حنان : فـ‏Ⴢ̤ بداية خطوبة قاعدين عادي عصافير حب الله يبعد الحاسدين بس وااااي لو سال عماد قوليله ف كافي
....
مهم مشينا لسندس ومحمد دارلها رنة اني كيف بننزل بنركب تالي مخلانيش هو شدلي يدي
اني : تي حوول
محمد يهز براسه لا
سندس ورقتله
سندس : خليك ملاك اصلا نبيش نقعمز قدام🌝😂 شنجوكم وشمدايرين
محمد : والله بخير
سندس : شنجو خدمة
محمد : حمدلله
سندس : شنجو العيلة
محمد : كويسين والله
سندس : محمد وكان اني وانت نعيشو ف نفس الحوش ؟ الله شهالعبط نسال ف البنات م اعطيتهمش فرصة يدو
اني : يستزرف الزريف 🌝😂 متدوريشيي اليوم اني ‏Ⴢ̤ سندس عازماتك ؏ كافي تروقي ونهدرزو مع بعضنا
محمد : كدابة عازمة داليا
اني : وسندس مدخلكش
سندس : مواضيع بين البنت وحماتها اعتقد منبوش برانية يتدخلو
حنان : لم سنونك محمد 😂😂🌝
محمد : ‏Ⴢ̤ بنات كلب راكبين سيارتي
مهم قعدنا نهدرزو وصلنا جنب كافي وكيف جايين بننزلو
محمد : اني بناخد نسكافيه وماشية نخليكم براحتكم تكملو ديرولي رنة نرجعلكم
اني : لا لا قعمز معانا
محمد : لا لا شن بنقعمز نص ستة بنات ولا خمسة هما 🌝😂
مهم نزلنا خشينا لقيت داليا سلمنا وقعمزنا كنت مقعمزة وقدامي طاولة فيها زوز شباب واحد يشبحلي قريب ياكلني كل م نقيم راسي نلقاه يشبح ونرجع نطبس ، اما محمد طلب نسكافيه وبان كيك وقعد يراجي ، جي الولد اعطاني منيو اخترنا
اني : اعطيني موخيتو وبان كيك
سندس : اني كيكة الانصهار
حنان : اني ناخد قهوة اكسبرس وكريب
داليا : موخيتو وبان كيك
الولد : حاجات حلوة زيكم ‏Ⴢ̤ حلوين
مشي الولد
اني : حمدلله يلي مسمعاش محمد كان وراه الحلوين شن شكلهم
مهم جت طلبيتنا وكلينا ، ومحمد كلي بس شكله يراجي فينا نكملو 🌝😂
يا بنات هداكا الولد ف طاولة يشبحلي ويغمز وياشرلي نكلمه نهار اسود محمد بيقتله وبيقتلني ،
سندس : وينهه
اني : متشبحيلاش طول
داليا تلفتت وبدت تضحك وهو عاد صدق روحك وخدي الوردة يلي ف طاولة وجابها وجي يهز ميحسابش ان اخر مشية حيمشيها🌝😂
اني : نهاري احرف جاي علينا نهار اسود محمدد
سندس : ايامم سودهه نودهه
الولد : هادي وردة لاحلى وردة ف كافي منورة والله جمالك ولا جمال ملكات الجمال تي شن هادا ، خودي الوردة خيرك متحشمةة ، اححي ؏ الجمال وخلاص
ونشبح محمد زي باتمان جاي يجري وشده ‏ᘓɹ̇ᓄ فلينته وطاح فيه اني كل ما بنجي نوض نحز تشدني داليا وبنات
سندس : تي تبيه يضربك اسكتتتي
اني : قتله قتلهه شدوههههه
قعمدو يحزو الشباب ومقدروش محمد شده عجنه عجنن ولد ناس وطلعه برا كافي وطاح فيه يحلها ربي توا
اني : تي نوضو خنخلصو وهيا نروحو
مشينا بنخلصو
الولد : خلص عليكم الشاب هداكا يلي معاكم
اني : تمام
طلعنا لقينا محمد الاولاد شادينه ويتحلف ف هداكا
محمد : سجل رقمممي ٠٩٢)&(&(ً وكانكك تريس وولد امكك اتصل بياا ‏Ⴢ̤ ولد الكلببببب
الولد كان طايح ف الارض ويتالم واحني قعدنا واقفين قدام سيارة لن جي محمد فتح سيارة واحني ولا كلمةةة حسيته بينقز يقتلنا
اني : محمءءد لو ممكن سندس تمشي معانا مستشفى تغير جوها
محمد وهو يخبط ؏ دومان : حناههها هديكا الحوووش ولا صوتت ولا كلمههه
اني : راءءسك دءءم
محمد : خليهه خليهه يننزف لن نموتت م حد دخله
حنان نخصتني متاع اسكتي ومحمد كان سايق بسرعه حط سندس ف حوش وجري خشينا مستشفى وهو طول خش غرفته وكان متعفلق بدي يستقبل ف المرضى
اني : نهاري احرف
حنان : تو يروق غدوا عندنا ديوتي را حنجو مع ثمانيه
جي عماد قايم طاسه قهوة ف يده
عماد : الخونه جوو
حنان : شنو🌝😂
اني : انت مهناش مع ام سعد 🌝😂
عماد ‏: حمدلله درتلها خروج خروج 😂😂😂 مراجعه بعد شهرين باذن الله
________
ف ساحة مدرسة
مياس : ايهم كنك هك معاي !
ايهم : يا عمري انتي ظروف والله انا نحبك
مياس طبست راسها ودموع ف خدها
ايهم : يانعليا ‏ᘓɹ̇ᓄ الجمال هادا كلـه
مياس ابتسمت : ..
فجاءة رواد متاع المليشيات جاي اتجاه ايهم ومياس ايهم شبحه جاي مشي هرب ؏ طول
ايهم : بعتالي نكلمك توا ماشيء للشباب
رواد : مش ليك الولد
مياس فنصت فيه : شن قصدك
رواد : طرابلسية انتي
مياس : مدخلكش
رواد وايديه ف جيوبه ابتسم : حيكون دخلي ! بس ابعدي منه الولد هادا لو متبيش مشاكل
جت رواسي شدت مياس
رواسي : مياس كنك هنا الابلة تنادي عليك ‏‏ᘓɹ̇ᓄ امبكري
مياس قلبت عيونها ؏ رواد ومشت
مياس : مبرد وجهه شن يدير هنا هادا !
رواسي : تي اسكتي هادم مدايرين دوريات ؏ مدارس كل مدرسه فيها فرقة فهمتي يا حمارة وهادا ؏ مدرستنا معاش تدوي معاها تطيحي ف مشاكل توا
مياس : تعرفي قالي ابعدي ؏ ايهم مش ليك وحتصيرلك مشاكل
رواسي كانت مخنسة ‏ᘓɹ̇ᓄ ايهم بس باش تهدي صحبتها وقفت معاها : لا لا غاير منه فوتيه ايهم مفيش زيه
،،
ايهم كان ف الساحه الخلفية ومعاه بنت تقرا ف فصله ويهدرز معاها وياخدو ف حبوب مايندرو ؏ شي ! طبعا ايهم معاود قريب خمسة سنين كبير ف العمر غير قاعد ف ثانوي !
__________