ويبقى الامل

الحلقة 30

حسن سكت
ريان : متقلقنيش ادووي
حسن : نحبكك
ريان : شنوو
حسن : عارفك حتسكتي ومش حتردي باهي بس والله نحبك ومتاكد ان انتي تبادليني نفس الشعور
ريان : امممم شن بنقولك حسن اني منبيش هالفكرة توا متاع الحق
حسن : شن فيها ريان اني صارحت ونبي نخش معاك ف علاقه مش عيب الحب عادي
ريان : نعرف عادي بس انءءا
حسن : لا انا لا هم ‏Ⴢ̤ ريان نحبككك افهمييي نحبكككككك
ريان حطيت يدها ؏ قلبها : مءءشعارفه
حسن : نحبك وانتي حبيبتي وحتبديي مرتيي باذن الله
ريان : توا بنسكر
حسن : باهي تهربي غدوا نحصل عليكك
ريان ابتسمت وسكرت الخط وكانت بتطير منن الفرحة قعمزت جنب مياس وميار وامهم قعدو يهدرزو
ميار : شوفو لقيت ف نت دورات تمريض خشيت سالتهم قالولي ف (&)
ريان : الله جنب مستشفى ملاكك شوفيهم
ميار : اي بنشوفهم
مياس : حتني معاكك ايوا
ام مياس : انتتي غير كلمي رواد قبل مرات يقولك لا
مياس حطت ايديها ف نصها : وبالك بنسمع كلامهه
ام مياس حطت ايديها ف نصها : وبالك مش حتسمعي كلامههه حيقرا فاتحتك يا حلوة
________
اني قويت روحي وطلعت منن غرفتي نزلت نشوف ف الحالات لوطا لن لقيت دكتور عماد
عماد : خيرك طالعه منن غرفتككك شن فـ‏Ⴢ̤
اني : دكتور عماد متعاملنيش كاني مريضة لو سمحت انني دكتورة ومنن واجبي نعالج ناس
عماد : غير اهدي قبل
اني تنهدت : نبي نقولك شيء
عماد : قولي
اني : خنمشو غرفتي ولا غرفتك نحكيلك
خشينا غرفتي كانت اقرب قعمزنا
اني طبست راسي ف الارض : كيف بنخبي الموضوع راسي حاير ‏Ⴢ̤ دكتور عماد متنساش ان المريض بعد ياخد جرعات كيماوي حيتعب وهلبا وهالشيء حيكون واضح عليا فيي ناس يتعبو ساعتين اربعه خمسة يوم كامل يومين وفي يلي توصل بيهم ويقعدو تاعبين المدة اسبوع منن الجرعة ! كيف الخدمة وعيلتي شن حيصير ! فهمني بس كيف حنخبي
عماد سكت شوية بعدين : اسمعي دكتورة شن رايك بعد تاخدي جرعة الكيماوي تمشي معاي الحوش وعيله قوليلهم عندي ديوتي وانتي حتجيك ف جرعه وحدة كل اسبوع بسس
اني شبحتله وفنصت : شن حوشكك
عماد : لا لا ما تفهميش غلط اني مش بروحي معااي اختي اكبر مني وحناي واني عادي اليوم يلي تجي فيه انتي لو تبي نطلع منن حوش نبات برا اهم شيء راحتك انت
اني فكرت شوية ف الموضوع وملقيتش حل غيره هزيت براسي حاضر
عماد : نوضي توا روحي
اني : شن نروحح مخديتش ولا حاله اليوم
عماد : غير بررري روححي وبعدين ساهل ، باش حتى تقولي غدوا عندي ديوتي
اني : اوك
قمت شنطتي وحاجاتي وجيت طالعه ني ودكتور عماد
عماد : حقا فـ‏Ⴢ̤ اوراقي امبكري دكتوره حنان قتلي نعطيهملك متاع مرضى ف غرفتي تو نشوفهم اني بدالك
اني : تمام وينها هي دكتورة حنان مشفتهاش
عماد : غير فوتي اي شيء توا روحي وغدوا ساهل
اني : اوك هي سلام
طلعت ‏ᘓɹ̇ᓄ المستشفى اتصلت بريان وصفتلي الحوش مهم خطمت ع محل جبت عصير وشكاليط وشوية حاجات ومشيتلهم طول وطقيت ؏ شقة سسنة قعدت نطق لن انفتح الباب
اني : حماره سنهه
ونلقى قدامي ولد طويلللل
اني : اءءسسفه
وف شقة يلي مقابلة ريان فتحت الباب
ريان : هيي احني اهنني
اني : ونبي سامحني وخيي مقصديشش
الولد ضحك : ولا يهمك
ريان انفلقت ضحك وني مشيت خبطتها خشينا وروني شقة تهبل الحق ♥️ بعدين قعمزنا نهدرزو
اني : عمتي لو فـ‏Ⴢ̤ اي شيء ناقصكم باش نطلع توا نجيبهولكم
ام مياس : لا لا ‏Ⴢ̤ بنتي صحيتي رواد مقصرش كل شيء وصى عليه
ريان : ختسلمه خايف ؏ حبيبته😂😂
ميار : ملاكك فـ‏Ⴢ̤ دورة تمريض جنب مستشفى متاعك اسمها مركز الامل
اني : تو نشوفها
ميار : خلاص شوفيها وردي عليا بنخش
اني : خلاص تممم هي ريونة خنروحو احني
ريان : هيي
ام مياس : غير خليكم شوية
مياس : اي خليكممم
اني : والله تاعبه منن خدمه وغدوا عندي ديوتي ف نبي نمشي نرقد
مهم روحت اني وريان خشينا لقينا مالك وتهاني مقعمزين
ريان : شني وين تماسيح اقصد توتو🌝😂
تهاني : روحتتت
ريان ركبت دارها وني خشيت قعمزت معاهم
مالك : غدوا موعدنا متاعع المستشفى
طبعا تهاني تتابع عند دكتورة
اني : باهي كويس وغدوا عندي ديوتي
مالك : كويس يعني مش حتمشي صبح ؟
اني : لا لا بنمشيي ماه واخدة هلبا توكات ومحمد مهناش ضروري نغطي عليه
مالك : امميهه تتعبيش روحك هلبا
اني ابتسمت : حاضر
مالك : شنجو مياس وميار وامهم حوش كويس ؟
اني : اي حلو هلبا
مالك : ناقصهم شيء نرفعلهم حاجة ؟
اني : لا لا امورهم تمام اني بنركب ندوش ونرقد تاعبهه
ركبت دار لقيت ريان ترقص قدام مرايا وفرحانه
ريان : ووهعليا بنطير فرحح
اني : خيركك ‏Ⴢ̤ فرخه
ريان : حسن حسنن قالي نحبككك
اني : امممم ردي بالك ‏Ⴢ̤ ريان
ريان : لا لا والله حسن تغير وهلبا قالي يبينا نرتبطو وووو
اني : وشن قتيله
ريان : مشعارفه نفكر قاعده
اني : مش كان يحب سندس
ريان سكتت : نسيته هالموضوع تو نساله
اني : حولي حولي خنخش ندوش ونبيي
اني خشيت دوش وريان قعدت تهدرز مع حسن ؏ ماسنجر
ريان : حسن بنسالك
حسن ‏: تفضلي
ريان : مش كنت تحب سندس كيف توا تقولي نحبك  سندس صاحبتيي ي حسن
حسن : اقسم بالله وربي م عمري قتلها نحبك صح كنا معبعض بس معمري حبيتها وبري اساليها لو يوم قتلها نحبك ولا شيء
ريان : اممم
حصن : شننن اممم قصدك بضيعي علاقتنا ؏ خاطر موضوع زي هادا !
ريان : موضوع شنو حسن قاعدين احنني
حسن : ميه ميهه اني توا بنسكر طالععع
حسن سكر نت ومعاش فتح
اني طلعت منن الدوش ملقيتش ريان شديت نقالي نهدرز مع محمد ؏ واتس ♥️ محمد بعتلي صورته اليوم
اني : اووو طالع جنتلل
محمد : باش تعرفي راجلك بسس ستة شهور هكي وتكوني ليا بس وف حضني وبس
اني : نحبك
محمد : نموت فيك ، اسمعيني تاعب للوح بنرقد
اني : اوك
محمد : حتى انتي ارقدي
اني : اي بنرقد حتني
محمد : تصبحي ؏ خير
مهم اني سكرت نت وقعدت نفكر هكي ! يعني اني مش معروف حنعيش ولا حنموت ! قعدت نفكر ف محمد ! واني لما نكلمه نخليه يتعلق بيا تخيلو نموت ! اووووف ‏Ⴢ̤ ربي شن ندير !
فكرت كيف حنقدر نخبي الموضوع لمدة طويله ! منن العيله وناس مستشفى ! فكرت ف شعري لو طاح لان مشش كل مرضى سرطان شعرهم يطيح ! بس تخيلو شعري طاح نضت قعدت ندور ف طواقي يلي يليسو فيهم تحت الاوشحة " ايوا هادا هكي كويس نلبسهم ديما " خشت ريان
ريان : خيرك شنفي
اني : شن هو يلي شنفي انتت وين كنتي
ريان : ااه كنت ناكل ف كوجينة
اني : امبهه اسمعي اني بنرقد نعسانه نبيش نتكلم بككل
ريان : اوككك
اني طحت ف سرير تمرقدتت ؏ طول
__________
عماد : وهادا يلي صار ف هي حتجي تقعد معانا
اخت عماد اسمها عبير : اي عادي عماد خلي تجي
جدة عماد : تنورنا وجعتني البنية يا حسرة عليها وخلاص
عبير : اي ربي يشفيها انشاء الله
_________
ثاني يوم فقت بكري لبست سروال واسع اسود ثلاثه ارباع وسورية بيضاء مخططة بالاحمر ووشاح حرير اسود وطاقية يلي تحت وشاح تغطي شعر لونها اسود وشنطة وكعب احمر
ريان : اووو طالعه طرف اليوم شن هادا ترا حييي لبستي طاقية تدينتي
اني : اييي شني مش عيب قررت نحافظ ؏ حجابي افضل هكي
ريان : ربي يهديني زيك🌝😂
اني : انشاء الله تي بدللي وراك جامعة
ريان : محاضرتي تبدا عشره االيوم
اني : باهي
مهم اني نزلت وريان رجعت رقدت لقيت تهاني ومالك يفطرو
مالك : تعالي افطري
اني : لا لا مانبيش بنمشي
مالك شبحلي وابتسم : شن هالجمال اليومم
اني ابتسمتله : اليوم لو مرديتش ؏ مكالماتكم معناها مشغولة عندنا هلبا حالات وعمليات
مالك : اوكك
ناض مالك باسني ؏ راسي : شوية وماشين احني
اني : اوك قولي شن يصير معاك
مالك : تمام
طلعت اني ومشيت مستشفى خديت حالتين ثلاثه بعدها طلعت بننزل قسم الاورام لقتني بنت
البنت : دكتورة
اني : نعم
البنت : امي
اني : خيرها
البنت : انتي درتيلها عملية المدة الفاتت بعدين احني حولناها لعند دكتور تاني وهو قاللنا كلام لا انني لا امي اقتنعنا بيه وجبناها اهني مرة تانيه
اني : عملية شن درتلها فكريني ، وشن قاللكم
البنت : درتيلها عملية ؏ الدماغ باش توقفي النزيف وعملية نجحت
اني : ااه حاجة مسعودة ولا
البنت : ايوا بس الدكتور دار صورة مرة تانيه للدماغ وقال نزيف موقفش ومنقدرش نديرو اي تدخل جراحي تاني
اني : ترا وريني صور كان عندك
البنت : دقيقه هي
البنت طلعت صور واعطتهملي اني شبحتهم
اني : بعد درتلها العملية طاحت مرة تانيه او شيء تحركت هلبا !
البنت : اي هي مجرد م دارت العملية معاش قدرنا نتحملو تكاليفف العيادة باش هكي خرجناها طول
اني : اكبر غلط هك خليتو نزيف يرجع بس نزيف بسيط تدخل جراحي بسيط ونقدرو نوقفوه ومتخلرهاش تتحرك بعدها ترتاح مدة باش نتاكدو ان النزيف وقف بالكامل ونسبة للمصاريف متخافيش اني نساعدكم فيهم والمستشفى كذالك يساعدوكم
البنت ابتسمت واني ابتسمتلها
البنت : شكرا دكتورة
اني : وينها امك خنمشي نشوفها
وكيف بنمشي اني والبنت جي دكتور عماد
عماد : صباح ورد منن بكري ندور فيك هيا دكتور عمر يستنى
اني : دقيقه بس بنشوف ام البنت درتلها عملية نزيف وهي طول طلعت نزيف رجع بنحددلها موعد تاني للعملية
عماد : لا لا
عماد شبح للبنت بري رسبشن قوليلهم نبي دكتورة حنان او ايهاب قوليلهم بعتتني ليكم دكتور ملاك وهما تو يساعدوك
اني شبحتلها : اني شوية ونجي
البنت : تمام
عماد شدني منن يدي ومشينا لدكتور عمر
عمر : وينن هالغيبة
اني : والله قاعدة نشوف ف حالات
عمر : هي موعدنا توا ؟
اني تنهدت وهزيت براسي اي
عمر : فـ‏Ⴢ̤ ممرضة حتجي معانا وهي حتعطيك الجرعة ومتخافيش ثقة وتقربلي وجديدة
اني : اوك
فجاءة خشت بنت هي الممرضة يلي حكي عليها دكتور عمر
الممرضة ابتسمتلي : انتي هي دكتور ملاك فعلا زي م حكولي عليكك
اني : ‏ᘓɹ̇ᓄ حكالك
الممرضة : بدون شكر دكتور عمر ودكتور عماد ليك المرضى كلهم يحكو بسيرتك جمال واخلاق واسلوب ياخدو ويشكرو
اني : مبالغين شوية
عماد : لا لا والله م مبالغين
عمر : اسمعو لوطا يا عماد قسم الاشعة قبل ؏ اساس بيديروله صيانة بعدين وقفو وهو توا قاعد مسكر ننزلو غادي نعطو ملاك الجرعات افضل لا حد شافنا ولا شيء
عماد : اي اي خننزل نجيب مفاتيح بسس
نزل عماد واني كنت متوترة نرعش وخلاصصص بنموتت
جت الممرضة شدت يدي : تقلقيش روحك كله حيكون تمام
اني ابتسمتلها نقالي شرين كان محمد طلعت برا شوية
اني : استاحشتك
محمد : تندري كيف فايق
اني : واضح منن صوتك
محمد / ف مستشفى انتتي
اني : اييي اليوم مشغولة وضغط هلباااا تعرف
محمد : باهي نعطلش عليك امالا تفضي دوريني
اني : اوكككي
سكرت ولقيت دكتور عماد جاي عليا حسيته مش قايم مفاتيح القسم قايم مسدس وبيقتلني مهم نزلنا لوطا ورقدت ف سرير وقعدت نلعب بايديا منن توتر عماد شد ايديا وابتسم
اني ودموع ف خدي : بنموت ؟
عماد : اهدي منن غير توتر صدقيني مفيش داعي للتوتر والدموع الكانسر ممش متعلق بالموت حتعيشي وتبدي احسن
الممرضة جهزت الجرعة وركبتهالي ف يدي واني كنتت نراقب كيف السم هادا يمشي ويخش لجسمي وحاسه بيه ومنحكيلكمش مكانش علاج ف دم كانت ناررر ف دمي شعور منقدرش نوصفههه تعبت هلبا بعد جرعة معاش قدرت حتى نوقف ولا نتكلم كنت نشوف فيهم بسس
عماد : دارين انتي خليك معاها باههي انني شوية هكي ونجي نروح بيهاا
الممرضة اسمها دارين
دارين : اوك
عمر : ردي بالكك منها
اني كنت شادة يد عماد يلي مطلقنيش بكل ومشقادرة نتحرك ولا نتكلممم كنت بنموت بسسس صعب الشعور فعلا صعب هادا وين حسيت فعلا بالم الناس يلي تاخد ف الكيماوي ربي يشفيهم كلهم
طلع عمر وعماد وقعدت دارين ف جنبي واني نتالم وخلاص
عمر : اسمعني حنعطيها دواء جيبهولها وتاخده بانتظام الى جانب علاج كيماوي واشعه وانشاء الله خير  ، محمد يعرف ؟
عماد : انشاء الله لا لا عمررر رد بالك ههي متبيش محمد يعرف نقالها وشنطتها عندي شوية هكي بنحاول نروح بيها
عمر : اي اي احسن
_________
عند ريان ف جامعه♥️
خشت مشت لفراس
ريان : صبحورددد حسن جي
فراس : لا مجاش
ريان : ميه ميه
ريان مشت " مدايرلي فيها زعلان ونبي طز والله ماني مدوراته ولا مكلماته وخلي يموت ترا "
مشت ريان القاعه متاعها لقت سندس تراجي فيها وحاجزتلها مقعد قعمزت ريان
ريان : صباح ورد حبي استاحشتكك
سندس : صبحخير اهلين حتنييي
ريان : وووه نسيت نجيب كابتشينو خنمشي كافتيريا ونجي ونبي نقالي وشيتاتي جنبكك
سندس : اوك
مشت ريان وخلت نقالها وحاجاتها مع سندس حسن بعت رسالة لريان " صباح الورد نحبك بعدين نتلاقو ف القاعة خمسة يلي فاضيه"
سندس شبحت الرساله و
___________
عماد كان يمشي ف الممر لقاته حنان
حنان : هاا اكيد طالع منن ملاك وينها هي نبيها
عماد : ااه ملاك عندها عملية
حنان : ايححح فييي حالات تبيها تشوفهم وينادو فيها لوطا
عماد : وين تو نمشي مكانها
حنان : امبههه برا غرفة سبعة وسبعين يبوها وقسم الاورام لوطاا وبعد تطلع منن العمليه خليها تدورني
عماد : اوك