ويبقى الامل

الحلقة 39

بعد تبادل نظرات بيني وبين محمد لمدة خمسة دقائق محمد ابتسم ابتسامة بالجنب
اني : لو سمحت حول مش اخلاقي يلي تدير فيههه
محمد : ولو مبيتش نحول ! نسالك سؤال
اني : لو سمحت حول ومتسالني شي ومنبيش نجاوب ؏ شيء يا ابني قتلك انني منحبكش شن الحب بالسيف
محمد : حاضر غير اننني قلت للكل ؏ خطوبتي فهمتي وقلت بنكلمك انتتي باش تستقبليها زين غدوا حتجي المستشفى معاي فهمتي ونبي انضباط واستقبال حلووو منن الكل خاصة اعضاء الادارة
اني : شنوووو
محمد : شن شنو
اني حولتله ايديه وشديت روحي ودموعي بالسيف
اني ابتسمت : باهي ربي يهنيك امالا يا خوي
محمد ضحك وطبس راسه بعد قام عيونه فيا : خوك توا ، مش راجلك وكلشيء
اني : قبل توا خلاص اي ونتشرف بيها خطيبتك
محمد : تتشرفي بيها ؟ هي اصلا بنجيبها خصيصا باش تشوفك انتتي مثال ؏ الخونه
الاصانصير انفتح ؏ الطابق الخامس انني درت الدور الثالث منن جديد وكيف بيتسكر خشت حنان قلبت عيونها عليا وسلمت ؏ محمد وني اعطيتهم بظهري ودموعي نزلو
حنان : حميده شنجوك
محمد : والله كويس حنونه انتتي شنجوك
حنان : كويسه اهو
محمد : اي غدوا بتجي معاي خطيبتي
محمد جي مد راسه عليا لقاني عاطياته بظهري
محمد : اي خطيبتي وبتخدم معانا اهنني
حنان : باهي كويس حميده احسنن فكك منن الخوانين ربي يبعدك عليهم وخلاص الله غالب الرباية لو مجتش منن الاول مش حتقدر تحصل عليها وهادي قلة تربيه بس
انفتح الاصانصير وني طول طلعت وخشيت غرفتي وبكيت بكيت لن عيتتت لا شفت حالات لا عمك نوم
__________
ف نفس الوقت عند ريان
ريان ربعت ايديها وشبحت لحسن منن فوق للوطا وضحكت
ريان : وتسال فيااا طبعا نختار صهيبببي
حسن : حاضررر
مشي حسن ف حاله
صهيب : شن يلي قلتيه مش تحبيه
ريان : صهيب مهما كان نحبه انت خوي ونعزك وما يعوض مكانك حد واساسا حسن يلعب بديله بدي وني مش بمزاجه منضعفش ع خاطر حبي
" مفروض اي بنت هكي تدير وتقوي قلبها بوك وامك مجابوكش باش تبكي وتزعلي ع خاطر واحد ميستاهلش بالعكس عيشي الدنيا صح بجوك ويلي يفوتك ياخد سوكك واهمي زايدين تفكري ربي بعدين امك وبوك والباقين زايديننننننن مفيش واحد فيهم حيدوم لهذا ركزي ع ثقه امك وبوك وكيف مدللينك وبس اما الحب كلام فاضي عدا الحب يلي مع شخص يكون يستاهل فعلااا"
ريان : هي سلام صهيب توا بنمشي للمستشفى لبنت خالي غادي باهههي رد بالك ع روحكك نتلاقو وتو نكلمك ع فيس
صهيب : مفهمتش تضحكي وعادي
ريان خبطت قصي : شن تبيني نبكي ووهعليا سيبني ووهعليا يا ربي شن بندير تي شن هو اكسجين حمدلله قاعدة نمشي وما نقص مني شيء بالعكس امالا فكه راحت دولة يا بالك هو
__________
عند حسن تعفلق وطارتله واستغرب يحساب ريان فعلا تموت فيه ومعاش تقدر تسيبيه ويحسابها زي باقي البنات بمزاجه فـ‏Ⴢ̤ هكي نوعيه شباب بمجرد يشوف بنتت. تموت فيه خلاص يستغلها وهي تضعف بالعكس غلط كبيررررر خلي قلبك حديد وما يهزك ريحك كل يجوك بعدين مهم حسن لمح سندس مقعمزة ف كافتيريا بروحها
حسن " صار هيي هكي تو تشوف كيف حنجيبها زي الكلبة تجيني " حسن جاها
حسن : اهلين وينن مطوله الغيبة
سندس : ااءهلا حسن
حسن : عادي نقعمز
سندس : تفضل ، راه اني وريان معاش نقعمزو معبعض هلبا يعني كان تحسابها بتجي
حسن : مقدمك ريان سيبنا ، تي جاي ؏ خاطرك اصلا
سندس : شنو امتى سيبتو
حسن : ايحح لينا هلبا وتبي الحق كنت نجري بيها مجرد وقت وخلاص تي اني مستحيل نلقى زي طيبتك وقلبك الابيض
سندس سكتت وقعدت تشبحله خنست منه ؏ اساس يكذب حسن لمح هالشيء منن عيونه مشاء الله خبرة ف البنات حسونه دكشنري اي شيء يفهمه
حسن : تبي الحق انني ف الاول حبيتها بس لبسها واسلوبها اخي تحساب مفيش غيرها ف الدنيا ف فتتتها
سندس : اها باهي اني بنمشي توا
حسن : وين وين خليك مستاحش هدرزتك وربييي
سندس وقف حسن شد يدها وهي رجعت قعمزت
حسن : ؏ خاطري شوية وبري نهدرزو حبتين وخودي واعطي معاي
_________
كنت مقعمزة ومستمرة نبكي لن اتصلت بيا ريان
اني : الوو
ريان : ارفسسس يا عيادد شن هادا ديما تبكي ووتتتنهقي تي خير بوك
اني : وين انتءءي
ريان : انني ف مستشفى وين انتي
اني : ف غرفتي تعاللي
ريان : باههي
مشت ريان لقت محمد كيف طالعع منن الاصانصير ويده سبسي اعطاها باص عيون ورجع كمل طريقه هي جتني لقتني حاطة راسي ؏ طاولة ونبكي
اني : خطب خطب وبكل صحة وجهه جاي يقولي غدوا خطيبتي بتجي باش تستقبليهاا تخيلي هكي يقوليييي
ريان : اسسس اهدي اهديي
اني : تي شن نهداااا
طق عمادد الباب وخش لقاني غارقه بكي
ريان : تعال تعال شوف شن صاير اني بنعطيها طريحه هالغبيه
اني : عماد عماد محمد خطب وغدوا خطيبته بتجي
عماد : اي سمعتتت ونحسابك مسمعتيش
اني : تي شن مسمعتش جاننني ويضحك ويقولي باش تستقبليها زين شن يبيني نفرشلها الورد والله نقتلها اقسم بالله
اني : وبتخدم اهني فوقها
اني رجعت نبكي
عماد : اسسس نوضي اغسلي وجهك وهيا الجرعة توا
ريان : ملاكك اقسم بالله متنوضيش وتبطلي بككي الا لما نمشي نقوله وخليه هو يجي يعطيك الجرعه باهي !
اني : لالاءء خلاص سكتت اقسم بالله خلاءءص
اني نضت غسلت وجهي ومشيت مع عماد وريان
نزلنا بالدروج طبعا حنان لمحتنا قعدت تلحق فينا وين نازلين
حنان : زعما وين ماشيين
مهم احني خشينا الغرفة ورقدت قسم فاضي طبعا
حنان : تي وين مشوووو اهمييي
حنان سمعتنا نهدرزو
عمر : ملاك شكلك باكيه
ريان : اااي ااي بكت لن عيت
عمر : ليش به والله ما كويس ليك شن فايده كيماوي ونفسيتك صفر قوي روحك عادد نبو نقتلو السرطان نبو نحاربوه مش نعطوه فرصه يفوز علينا
اهني دكتور حنان جتها صدمه لما سمعت وخشت
حنان : سرطانن شنوو
جت حنان قمزت ف سرير وشدت يدي
حنان : مءءلاك قوليلي فهميني شن قصة
عماد : مش ليك مدة تنبحي واحني خوانين وشن مشعارف وتفنصي ؏ دخلة وع طلعه وماشية تعبي راس محمد علينااا وتديري فيها سوس وانتتي مشفاهمه شيء هي تفضلي عرفتي توا ملاك خيرها عرفتي انن ملاك مخانتش محمد كانت تاخد ف جرعات كيماوي
ريان : اي تاخد فيهم وتروح مع دكتور عماد تقعد مع اخته وحناه غادي ولتوا قاعده عنده وني قاعده معاهم مكانتش تبي حد يعرف وهي زي حماره خسرت محمد مبتش تقوله ؏ مرضها باش ميتاثرش
حنان قعدت تبكي وحضنتني
عمر : اخررط
ريان : ارفس يا عيادد
عمر ضحك : ؏ قولتك ارفس يا عياد وخلاص
ريان : تي حنان معاش تبكيها وتبكي تي هكي حالتها تتازم نحي خلي يعطوها جرعتها
مهم بعد حضن طويل اني رقدت ؏ سرير وشاده يد دكتورة حنان
حنان : محمد ضروري يعرف
اني : لا لا ردي بالك اقسم بالله ما عاد نكلمك ردي بالك تحكيله
حنان سكتت
مهم اعطوني الجرعة وقعدت نهلوس شوية لن رقدتت قعدت ريان معاي وباقين طلعو
حنان : دكتور اسفه
عماد : ولا يهمك
مشي دكتور عماد كان حرجان منن حنان
حنان " زعلان منني تو نرضيه غير خليني نكلم محمد اووف تي كيف اني وعدتها باهي يا ودي خلي نلمحله والولد بيخطب وبيتزوج نهاري مستحيلل
ناضت حنان تجري تدور ؏ محمد لن قالوله ف غرفته مشتله"
محمد : خيرك داهشه
حنان : تي باهي يلي لقيتك سنه ندور ف بوك اني
محمد : خيرك
حنان : اووف بنقولك شيء وضروري تسمعني للنهاية فاهمم
محمد : قولي
حنان : اسمع تعرف السبب يلي ملاك خاناتك فيه مع عماد
محمد قربع طاولة : ومتنبيش نعرف وسكري امه الموضوع
حنان خبطت ؏ طاولة : خبط عادي حتني نخبط شنفيها كلنا نعرفو نخبطو ونعلو صوتنا قصدي اسالها ؏ سبب خليها تعترفلك اكيد فيي سبب باش هي دارت هكي
محمد : وسالتها قالت تحب عماد تكرهني شن نديرلها
حتان : تو فكر بالعقل ملاكك بتحب عماد وتخليك تي كم ليكم سنه معبعض تفكر ‏Ⴢ̤ محمد مستحيل تكذب عليك راههه خليها تعترفلكك
محمد شبحلها بربع عين : وشن يخليك متاكده هككي
حنان : ااا لا لا شيء غير طيبتها وضحكتها وكلشيء وحبها ليك وكيف تحكيلي عليك مستحيل تخونك انتت شن خاسر خليها تعترف وبسس
محمد : باهي يا ودي حندير يلي انتي تبيه تمام
حنان : ايوا هكي تمام ماه حرام قصدي
محمد : مع اني كرهتها
حنان : كذاب
محمد ضحك : كيف عرفتي كذاب
حنان : عيونككك وقلبك نحسه بيطلع نسمع ف ضرباته لاهني، مهم لو تبي شي نساعدك فيهه اني موجودة
محمد حط يده ؏ قلبه وضحك وحنان مشت
محمد قعمز " شن يلي قالاته حنان زعما ملاكء بس اخخخ وخلاص شن صاير فيا اني
محمد طلع سبسي منن جيبه ودخن
مهم خديت جرعتي بتاع كيماوي وبديت نوعى شوية لن فقت لقيت روحي احسن بهلبا روحت بيا ريان طول وعماد قعد
_________
عند محمد روح بكري منن المستشفى وهو يفكر ف كلام حنان
محمد : اسمعو
ام محمد : شنو
ساره : ها
محمد : عصا نوضي انتي وهي بدلي خطوبتي توا
سهىى : شنووو
سارة : لا لا مستحيل تبصر شكلككك
سهى : والللههه توااا
محمد شبحلهم وملامح وجهه جديه : شكلي يدل ؏ اني نبصر ؟
سهى هزت براسها لا
سندس : محمد تبصر انتت مرة فاتت جيت غدوا خطوبتي اليوم جيت بعدين خطوبتي ابصر ف الثالثه بتقول خطبت ولا شن
محمد قرب ؏ سندس : ف زواجتي الثانيه باذن الله ناوي ناخد اربعه اني
سارة : اي معناها الرابعه بتقول بدلو بنجيبو مرتي الجديدة ‏ᘓɹ̇ᓄ المستشفى جابت
محمد : عندكم ساعه بسسس كلشيء واتتي اني نازل ندخن ساعه وبنجي يلي واتي بيمشي مش واتي خلوه يضم الحوش
ام محمد : بتقتلني انتت
محمد : نبع الحنان نرجع لملاك تبي ؟
ام محمد : لا لا خلاص يلا يا بنات هلمو بدلو
سندس : صار هلمو توا بديتي تدوي عربي فصحة
سارة : مشاء الله محمد يخليك تدوي هندي بدون م تحسي بروحك منن عمايله
محمد ضحك ونزل
________
حسن ف الكافي كان مقعمز ف سيارة ومعاه بنت شاد يدها
حسن : تي مستاحشك زح خليك
البنت : حسونتي روح بيا عندي مليون موضوع تعرفف
حسن : باهي زح ساعة تنقي ؏ اممييي
ريان كانت خاطمه بالسيارة شبحت حسن ف السيارة ومعاه بنت جت عينها ف عينه البنت ركزت انن حسن يشبح  مشي شبحت
البنت : خيرك وين تشبححح منن هاددي
حسن ضحك : تي وحدة نجري بيها
ريان : زفت سيمافرو معاش يبي يمشي غير شوفي هالشينة ووهعلياا ملقاش الا وحدة شينه زي هكي
اني كنت راقده ف كرسي ومانشبح ف شيء
اني : شن ترعي
ريان : ارقدي ارقدي سيبت اني وحسن توا شوفيه بسرعه ف سياره مع بنت ويتمعشق وحالته حاله مسرع زح
اني ضحكت : قتلك حسن هادا يلعب بديله
ريان : والله الشينة خداته نور العين الشينة خداته بسبع امواس قلبي قطعاته
اني : صار نور العين
ريان ضحكت : لا لا الشينة عليها هي حسن غنيله يا خوان يخونك ربي ويخونك ربي فـ‏Ⴢ̤ حادث معاد تصبي
اني : حرام عليك
ريان : تي شوفيه بسرعه قاعد بشبحلي يحسابني بنجري نقوللها حسن ليا
مهم سيمافرو مشي واحني تحركنا
ريان : فات عليك شكلها
ريان : اجعنك يا خاين العلاقة تقعمز فـ‏Ⴢ̤ كرسي الاعاقه واجعنك يا خوان الحب تشرق ف جغمة سنتوب
اني : قتلتيهه توا هادا شكل وحدة تحب فعلا
ريان ضحكت : شندير حبيته فعلا وطلع هكي فوتيه ونبي😂😂😂 اني مش بتاعت الكلام ده لا حب بلا عمك نوم
_________
عند عيلة محمد مشو للبنت وشبحوها وقعدو يهدرزو
ام البنت : والله بنتي اليوم الصبح تعرفو جت حكتلي ؏ محمد هادا وقتلي عنده مستشفيات وعقارات وديما البرا ومشاء الله عليه وقتلي يبيني وبنكلم بابا مشي اني كلمت الحاج قالي عادي نتعرفو بيه المهم كلم الحاج واني الحق قتله الخطوبة اليوم ديرها هو قال اقرب وقت للخطوبة طول قتله اليوم بصراحه محمد عجبني اسلوبه قل هو الله احد شفت صوره ف الفيس الازرق هادا
سندس : مشاء الله شكلهم ما صدقو طاحو ف واحد
البنت : انتي اخت محمد صغيره ولا عاودولي اسماءكم باش نحفظكم هه
ام محمد : مشاء الله عليها كنتي والله حتني محمد صدمني جاني توا قالي اليوم
ام البنت : الله غالب هه صغار ويبو بعضهم خنستعجلو والعرس تو نحددو ولو تبو منن الاسبوع الجاي عادي يعني
ام محمد : شن اسبوع جاي مازال لن نوتو روحنا
ام البنت : اي اي شوفو محمد والحاج شن يتفقو اهم شيء حوش بروحها ولا
ام محمد : اي اكيد محمد عنده فيلا يكمل فيها
ام البنت : فيلا مشاء الله بنجي نسكن عند بنتي شكلي
سندس : ايام ملاك ممنوع حوش بروحه كيفف حوش بروحه ولاا
سهى نخصت سندس : سكري فمك امي حتقتلك وانتي تلقحي منن تحت لتحت
ام البنت : اي شكله مشاء الله محمد فلوسه وراثه ولا شنو
سندس : همها فلوس بس اهيا
ام محمد : لا لا والله تعبه هو فلوس بوه والورث قسمه ؏ خواته اما يلي ليه كله منن وراء خدمته ربي يحفظه وليدي الغالي
ام البنت : اي اي مشاء الله واضح عليه هكي جنتل وشخصية
محمد قعدو يهدرزو وحكاية ملل خش محمد لبس البنت الدبلة ولا تصور معاها لا شيء طول طلع بعدين
سندس : شوفي محمد حتى ابتسامه ميبيش مش زي لما خطب ملاك بيموت فرحه توا شوفيه جاي بحوايج خدمه عليك لعب مفرخ غلط يلي تدير فيه امي محمد لملاك وبس
ساره :سكري امه فمك خير ما نحطك جنب التورته
_______
مهم مر يوم عادي وني متنكده نفكر ف محمد وبيخطب ووهعليا جتني جلطه يا ناس معقولة حميدتي بيخطب راهو بنهبللل ، مهم تاني يوم فقت مشيت مستشفى كالعادة خشيت عمليتين درتهم وطلعت ركبت الاصانصير وجي محمد حط رجله وركب
اني بنطلع شدني منن يدي ردني لن تسكر الاصانصير
اني : استغفر الله شن لعب صغار هادا لو سمحت منسمحلكش
محمد : منن قال طالب رايك بناخد امورك اننني ف مواضيع خطيبتي فهمتي هي اليوم جاية نبو استقبال قنين منك وضحكة
اني : اي استقبالي بسم
محمد : شنو
اني : مش فاضية عندي خدمه
محمد : متنسيش المستشفى جزء منها ليا يعني اني نقولك شن تديري وشن لا
اني : به كمل
وفجاءة الاصانصير وقف والحكاية ظلمت اني ولعت فلاش نقالي
محمد : علاش درتي يلي درتيه
اني : استغفر الله تي قتلك هكي منحبكش تي بمزاجي مش بمزاجك
محمد : نساللللل فيك ليششش
اني : ومنيش مجاوبه علي صوتك اكتر
محمد جبد نقالي وطفى فلاش وحكايه بدت ظلام
اني : محمد جيبه بدون دراه كبد
محمد : منيش جايبه
محمد بدي يدير باصوات غريبه وتخوف وني انخلعت ؏ طول حضنته وقعدت شاده فيه مسافه وهو ساكت ولا حرف لا حضني لا شيء لن جي الضيء وني وعيت ؏ روحي وجبدت نقالي وبعدت منن عليه
محمد سكت شويه بعدين وراني الدبلة : شنرايك ف دبلتي حلوه
واني اهني خلاص انغمت عليا ومعاش قدرت نوقف حسيت بدوخي ونجي طايحه ؏ محمد هو شدني وقعمزني ف الارض وقعمز جنبي باس راسي وشد يدي وني دايخه
محمد : ملاك ملاك
محمد مس راسي ويدي وحركه العروق وبدي يشوف ضغط ولا سكر
لما وصلنا الطابق وقف وقامني والاصانصير انفتح لقي حنان قدام وجهه
حنان : هيي شنفي دخلها اهني دخلها
محمد حطني ف سرير ف غرفه فاضيه كانت
محمد : بنطلع متقوليلهاش محمد جابك اهني قوليلها لقيناك ف الاصانصير محذوفة بروحك
حنان : تي خيرها شنفي
محمد : لا لا متخافيش فحصتها ضغطها شكلها مرتفع قيسيه واعطيها ابرة تو ترتاح
طلع محمد ومشي غرفة التحكم
محمد : منور
الولد : وقفت الصانصير زي م قلتلي
محمد مدله فلوس وضحك وطلع
محمد كان يراقب فيا وزابطني بنركب الاصانصير ومتفق مع الاولاد يلي ف غرفه تحكم ً
________
اني فقت لقيت حنان تنادي عليا وعيت شوية وقعمزت
اني : كيف شن جابني
حنان : لقيتك مغمى عليك ف الاصانصير وهو مفتوح
اني : كيف كنت مع محمد
حنان : مشعارفه م لقينا حد معاك
اني : معقولة فاتني
حنان : شكلك ترعي
اني : غير حولي خنمشي نشوف حالاتي خير منن هالمرض
***
ريان مشت جامعة خشت كافتيريا لقت حسن يهدرز ؏ سندس شبحتله وضحكت وقعدت تغني
ريان : يا خواننننن
جي صهيب خبط سندس ؏ ظهرها
صهيب : صباح الفل يا فل ، حي شوفي سندس جنب مني مقعمزة
ريان : اطلع اطلع فوتها تو نحكيلك
**
حسن : شفتي كل مرة مع ولد
سندس : متدورهاش
حسن : امس اتصلت بيك خمسين مرة مرديتيش
سندس : اها رقدت
حسن : مدخليش اليوم بتسهري وبنهدرزو تعرفي صورتك لتوا خلفيه نقالي
طبعا حسن حط الصورة الصبح ؏ اساس كل م يلاقي بنت يحط خلفيتها ويوريهالها ؏ اساس
حسن فتح نقاله وراها لسندس وهي عيونها بدو قلوب قلوب وضحكت وتحشمت
سندس : خلاص اليوم نسهرو هي عن ادنك محاضرتي
حسن : تي خليكك معقولة محاضره اهم مني
" ردو بالكم ‏Ⴢ̤ بنات مجرد م يكون الولد مش معدل ؏ قرايتك وينصحك تفوتيه وتكلميه او تمشي معاه ازبطيه ميبيش الخير ليك وع طول ارخي عليه لان لو تهميه راه هماته مصلحتك وبسس مش ؏ خاطر تقعدي معاه وتفوتي قرايتك"
**
ريان : الحق سندس هي بدت معاش تدور وفاتتني نصبح عليها تدير الحوله صارت مشكله بين خوها وبنت خالي ؏ اساس قبل يبو بعض وسيبو بعض توا وهي بعدها فاتتني شن بنجري وراها حتني رخيتها
_________
عندي اني خشيت غرفتي وكيف بنطلع نشوف حالات خش واحد قايم باقة ورد كبيرةة لونها احمر نوع يلي نحبه اني واني ضحكت وشديتها منه
اني : هادي لياا
الولد : اي بعتها دكتور محمد قال لحبيبته وروحه وكلشيء
فجاءة خش محمد
محمد : تي لا لا خوي غلطت قلت لحبيبتي ونور عيوني خطيبتي يلي جايه توا ف طريق انت غلطت شكلك
الولد : استاذ انتت
محمد : منور منور تقدر تمشي خلاص
مشي الولد وجت حنان يلي متفقه مع محمد
حنان : حي تهبل ملوكه الباقه ‏ᘓɹ̇ᓄ جابهالكك
محمد قامها منني قعدت نتصارع ني وهو لن جبدها
محمد : تي غلط الولد جابها لملاك وهي متاع خطيبتي يلي جايه توا
شرين نقال محمد طلع ورد
محمد : ايوا انتي جنب رسبشن هي يا مرتي اني طالعلك
محمد سكر وشبحلي وضحك
محمد : هي مدامتي جت ضروري تمشو تستقبلوها وتقولوها نورتي وهكي
اني : مش فاضيه
محمد شد يدي
محمد : توا بتمشي انتتي وحناننن هادي اوامر مش طلباتتتت
حنان : ملوكه هيا نمشو نشوفوها بس ونجو مش خاسرين شيء
محمد : اي وضيفوها حاجة
اني : انشاء الله سم الله يبعتلها الهليكه مهم مشينا ومشي محمد قبلنا لما وصلنا جنب الرسبشن سلم عليها وشد يدها وكانت عاطيتنا بالظهر مجرد م وصلت اني وحنان وانصدمنا وقت شفناها