ويبقى الامل

الحلقة 46

مياس : تي والله ما اني هوو ملاك تكلمممي
اني : مدخليشش انني هادا يلي يقول نحبككك
مياس : ؏ قيس محممد يعني😂😂
اني : لا عاد الا حميدتي 😂😂😂
مياس سكرت ؏ رواد وهربت الدار
_______
مالك فتح الباب لقي تهاني قدامه خشت دفاته وهي تبكي وتعيط
تهاني : معقولة نشوف فاتحتك ف فيس مالك نهون عليكك علاش هكي درت فياا عارفنني نحبكك والله نحبك ونادمههه
مالك : اطلعي البرا باحترامك احسنن م نستخدم اسلوب تاني
نزلت داليا وانصدمت شبحت تهاني شاده ف مالك وتبكي مالك شبح داليا واقفه وتهاني ركزت ان مالك يشبح مشي لقت داليا وهجمت فيها شدت شعرها
تهاني : انتتي ‏Ⴢ̤ خطافهه رجالهه حسبيالله ونعم الوكيل فيك خديتي راجلييي
مالك بعد تهاني منن داليا وجاي بيضربها شد روحه ف اخر لحظهه
مالك : شوفي حتطلعععي منن اهننني احسن لانني قاعد محترم روحي معاككك والا اقسم بالله نطلب الشرطهه توا
مالك طلع تهاني وسكر باب وجي حضن داليا يلي تبكي وركب بيها دار ، تهاني قعدت تبكي شوية قدام الباب وركبت تاكسي وروحت
____
مالك حاضن داليا : خلاص اسكتتي ، استغفر الله الليلة المباركه هادي شكلها مش حتمر ؏ خير ، تي منعرفش نسكت حد اننني اهدي داليا خلاص حبيبتي امسحي دموعك والله تهاني طلعت منن حياتي وتطلقت ودوة يلي قالتها مليهاش اساس منن الصحة
داليا : مش حتخلينا ف حالنا
مالك : والله تقرب اتجاهك نقتلها الله خلاص
داليا : وعدد
مالك : وعدد ، شوفي صوت بطني نسمع فيه جيعانن
داليا : نوض نوتيلك عشاء ؟
مالك : لا لا ملاك قتلي ؏ العشي اني بنسخنه بس امسحي دموعك ورتبي روحك وخليك اني نجيب العشي ونجي
داليا : نساعدك
مالك ضحك : لا لا اليوم وغدوا عليا لان باقي السنين لن نموتو انت حتادي هالخدمه بدون توقف😂😂😂
داليا ابتسمت ومالك غمزلها ونزل
_________
ثاني يوم
داليا فتحت عيونها لقت مالك مقعمز جنبها ويتامل فيها
داليا وهي تتكسل : صباح الخير
مالك : صباح الورد
داليا : منن امتى فايق
مالك : ايحح ليا قرون فايق ونتفرج عليك ووتيت فطور وانتي ولا كانك راقده وامس نهدرز معاك فجاءة لقيتك راقده
داليا : كنا مقعمزين ف صالون ولا
مالك : خنوض نجيب الفطور اغسلي وجهك واي حقا خففي منن وزنك شوية امس صارلي غضروف اني راه
داليا ضحكت وخشت حمام بتغسل وجهها
______
فقت نوتي ف غداء لداليا ومالك
ام مياس : صباح الورد
اني : صبحنور
ام مياس : شن كل شيء واتي
اني : اي كملت شوية ونوصللهم الغداء ونمشي ني ومياس الخدمه ميار وصلها رواد بكري
ام مياس : والخميرة راقده
اني : خميرتين ؏ اساس بينوضوو يساعدوني😂😂
ام مياس : طيح سعدهم توا ننوضهم ينكتو الحوش
مشت ام مياس لمياس وريان
ام مياس : نوضي انتتي وهي يلي نداددكم بصغارهم وانتم راقدين لتوا
مياس : يا امي متنسيش مخطوبة اني
ام مياس : بالك تحسابي الخطوبة كلشيء طيح سعدك الناس فالحه تضم تفيق بكرري عليك زمان اغبر معاش لقينا بنية تنوض بكري وتضم ولا بنية لابسة فراشيه
ريان ضحكت : عمتي اما فراشية توا طلقنا الشعر ولبسنا كايبوي ومعاه سورية
مياس ضحكت وخبطت ريان :فكرتيني باغنيه تعرفي
ام مياس : شن هالجيل نوضي انتتي وهيي نوضي
مهم ناضو مياس وريان مر شوية وقت ومشينا لمالك طقينا باب فتحتلنا داليا خشيت بستها
ريان : داليا شن هالجمال
داليا كانت لابسة جمبسوت مخططة اسود ف ابيض وطالقة شعرها ومدايرة مكياج وضامه الحوش ومبخراته
مياس : طرف طالعة
اني : حولو منهها وين ملوكي
مياس : طبعا تسالي ؏ خوك
اني شبحت للحوش ‏ᘓɹ̇ᓄ فوق للوطا وضحكت : باهي حوش نظيف كان هادا كنت بنغبرها عليك
داليا خبطتني : استاحشتك
ريان شدت داليا وبصوت واطي : غير قوليلي توا شنجو مالكنا معاك رومنسي ولا طالع لاخته نجيه
اني : ريان تحشمي
مياس : غير اسكتو خلوها تتنفس
اني : مهم داليا هادا الغداء باهي ردي بالك ؏ روحك بنمشو مستشفى اي باش مدة جايه تنزلي معانا وتبدي خدمه حبي ياسرك حوش
داليا : مالك يدوش خليكم شوية
اني : لا لا تاخرتتتت هي بنات
مهم مشينا وداليا قعدت ترتب ف الغداء لن نزل مالك باسها
مالك : وينها فرخه ملاك
داليا : مشو مستعجلين اي حقا قتلي مدة جاية تبدي خدمه عادي ؟
مالك ابتسم وقرصها منن خشمها : اكيد داليا زيك زي ملاك متضيعيش قرايتك
داليا ابتسمت
مالك : باهي يلي شفنا هالابتسامه الحلوة
__________
بعد مرور اسابيع ♥️
كان يوم حمامي فقت وتوتر خابطني ودنيا مقلوبة دارولي سيارة عليها ردي بودري ومشينا اني والبنات وسيارات هلبا اغاني وهياجة ورواد ومالك ، كنا ف سيارة ني ومالك وداليا وريان وحنان ، ورواد معاه ام مياس وميار ومياس وبنت شارعنا وهلبا سيارات درناه كبير وفرحت هلبا ف اليل كانت سهرية
ثاني يوم يلي هو الفاتحة كنا مدايرين غداء للرجالة وعزمنا محمد وصحابه وبعد الغداء ؏ طول بيمشو للفاتحة
داليا : حي ملاك خلاصص معاش بنشوف خلقتك
اني : داليا تعرفي توتر خابطني منن ساسسي لراسي
نقالي شرين كان محمد اني تحشمت ووجهي بدي الوان
ريان : احم احم وحتى راجلييي يدلل فيااا
داليا : هي بناتت خننزلو لوطا خلوها بروحها نوضو عولو
ريان : حبي ني ودنيا علينا الدربوكه مهمتنا
دنيا : ومحمد يا حبيبها خودها معاش تجيبها
اني شبحتلها وابتسمت : زيدي غادي تشاو عليك حميدة متاعي صقع عليك
دنيا : لا هكي وقاحه عاد قايمينها بيك وهكي تهزبينا
ريان : دنيا خنمشو ننضمو لعيلة العريس خير
داليا طلعتهم بالسيفف وسكرو باب وني رديت ؏ محمد وصوتي لا اراديا تغير
محمد : واخيرا اليوم مرتي
اني ابتسمت : نحبك هلبا محمد هلبا
محمد : نموت فيك
محمد : وفيت بالوعد ولا ، العقبة ما نشوفك ف المستشفى ووليدي ف حضنك
اني : وين انت
محمد : اهو خشيت نبدل زفت الحوش معبي خشيت غرفتي بالسيف بناخد حاجاتي وقالب وجهي تي كله بنات وعلقو عليا حميدة عريسنا وهم
اني : بناتتتتتتتتت
محمد : لا لا متخافيش خلايقهم متقدريش تتامليهم دقيقتين ؏ بعض بتشدي الكتحة وخلاص
اني ضحكت
محمد : باب دار يطق امي ، شوية وجاي للغداء اني
اني : اوك سلام حياتي
سكر محمد وني قعمزت ف دار
****
محمد فتح الباب لامه
ام محمد : شني وليدي واتي
ام محمد قعدت تسكرله ف سوريته وتلبس فيه وهو يبتسم
ام محمد دموعها نزلو وهو باس راسها خشت سندس ومعاها بنات يقربوهم
سندس : ويا نجيه ونجي امه يلي ؏ الرسول مسسمى
البنت : قولو حي على حمادي حي على حمادي يلي هبلنا جاي وغادددي وووو
سندس : عليه خميسة منن الرحمن يلي اسمه ف كل اذان
محمد كان يبتسم الابتسامه الصفراء ويكلم ف امه : النهار الاحرف فضيلي طريق امي طالع انني ماشي
_________
مهم مر وقت ووتي الغداء بعدين طلعو الشباب مشو الجامع للفاتحة محمد اتصل بيا يسمع فيا واني والبنات نغنو ونهيجو
ريان : راجل ماهو عيل طلع راجل ماهو عيل رفع راسك مابين الكل😂
اني : باش تعرفي حميدتي بسسس
داليا قرصتني : رزنني روحككك اسسس
اني : اااي
حنان : خليها خليها عاد عرسها وقريب تدير خمسة وتمانين سن البرا😂😂😂
***
عند الرجالة قرو الفاتحة وطلعو يسلمو ؏ محمد ويباركوله
مالك : الف مبروك
محمد : يبارك فيك نسيبي الغالي
رواد : مبروك غالينا
محمد : العقبة ليك يا صقر
*****
مر وقت هكك
ريان : جو جو يا بناتت الصقو ف رواشن
مياس : راسكم لوطا بس يشبحنا رواد يقتلني ني بعدين🌝😂
داليا : وووه شوفو ملوكي غادي
مياس : تتي وين رواد
دنيا : كل واحد لاهي ف همه ريونتي تعالي نشوفو طروف بالك تشدلنا
ريان : ملاكك شوفي محمد غادددي اهوا شاد ف يد الشيباني ويسلم باسه خمسين بوسه
اني : تي وينههه
ريان : تتي غادي
***
مالك : شني مني تخش تشوفها
ممحمد ابتسم : ياريتت
مالك : هي دقيقه
***
داليا : اس اس مالك خاش شكلهه
داليا شرين نقالها كان مالك ردت عليه
داليا : الو
مالك : حولي منن دوشه يلي جنبك يا داليا فضيلي المكان المربوعه محمد خاش بيشوفها
داليا : منن عيوني هي ننزلها ونتصل بيك تدخله
مالك : تمام
**
داليا : ملاك ملاك انزلي مربوعه محمد بيشوفك
اني : شنوو يشوفني
ريان خبطتني : ححسسستيني اول مرة
داليا شدتني وني نرعش نزلتني مربوعه وريان ودنيا غمزو لبعضهم مهم داليا شرينت لمالك وجي خاش هو ومحمد وكيف بيخش مربوعه شدوه البنات ريان ومياس ودنيا
محمد : شنفي تشبحولي هكي
ريان : لاا مفيشش شوفان الا يوم العرس معنديش بنت تشوفه عريسها
دنيا ضحكت : اااي زي م سمعت
مياس : حرام حرام خلوه يشوفها شوفو ملامح وجهه
ريان : خنفكر باهي اسمع سخفنني حنخليك تشوفها بشرط هدية تعطيني
دنيا : مش ريان بروحها كلنا بتعطينا
محمد : هدية شنو
ريان : هدية هدية
محمد شبح لمالك : مالك تفاهم عاد
داليا : ‏Ⴢ̤ بنات خلوه بدون دراه كبد🙂💔
دنيا : انتي اس
محمد : اسمعي م شريت هدية لحد
مياس : محمد حتى حق الهدية يشكرو فيه
محمد طلع منن جيبه فلوس مدهم لريان
ريان : بسسس
محمد زاد طلع
ريان : معقولة
محمد قعد يدور ف جيوبه معاش لقي
محمد : هادم بس يلي معاي توا
ريان : لا لا م يمشيش علينا هادا مفيش خلاص تو تشوفها يوم العرس
ريان حطت الفلوس ف جيب محمد
ريان : هي هي توكل
محمد شبح لمالك
مالك : متشبحليش محد قالك دير فيها كريم بكري ووزع فلوس م خليت حد للنوبه تستاهل توا تفاهم معاهم نظم امورك
مياس : خلاص محمد حظ اوفر ف المرة القادمه
محمد تافف وجاي بيطلع داليا غمزتله وقتله استنى مهم طلع وقف قدام باب ومالك طلع يعول مع الاولاد
**
جوني بنات خاشين
اني : تتي وينه
ريان تضحك : مخليناشي يخش
اني فنصت : شنووو
مياس ضحكت : اهربو اهربو بتتفجر فينا
هزبو البنات
اني : داليا شن يرعو هادم مبردهم تافهين اهممي زفتت وااك
اني ركبت غرفتي وقربعت الباب
**
داليا لبست بدلة صلاة وطلعت لمحمد بدون م حد ينتبهلها
داليا : اسمعع البنات توا خشو تو نهربك وندخلك تخشلها دار الخزين تلاقو غادي الله غالب
محمد : نهار الاحرف مرتي ومنشوفهاش تديري فيا عمل خير
داليا : بس حتني عندي شرط
محمد : اخرط عاد اسمعي هدية اني مش فاتح مكتبة الوفاق اليوم را
داليا : لا بس نبيك توعدني وعد
محمد ابتسم : شنو
داليا : منبيكش تزعلها بكل
محمد : منن عيوني غير خليني نشوفها
داليا : تعال ‏ᘓɹ̇ᓄ الباب منن خلف امالا
محمد : تم
مشي محمد الباب منن تالي فتحتله داليا وخلاته يخش غرفة الخزين وجتني لقتني نبكي
داليا : تي سكري فمككك نوضي اهو محمد ف غرفة الخزين م حد يندري عليه انزلي بسرعه شوفيه قبل م يشوفوه باقي البنات وينحسو عليك
اني ابتسمت وعيوني دموع : الله
داليا : هيا جري
اني نضت جري ؏ غرفة الخزين لقيت محمد عاطيني بظهره جيت حضنته منن تاله وهو شدني قامني ولاد بيا ونزلني باسني
محمد : اليوم مدامتي يعني
محمد حط راسه ؏ راسي
محمد : ربي يحرمنيش منكك
اني : نحبكك
محمد : هي شن مني ناخدو سيلفي
اني : هيي سيلفي ف دار الخزين واوو
محمد : عادي عادي سيلفي برعاية مبروك يا عروستنا
محمد خدي سيلفي قنين
محمد : هي هاتي بوسه
اني : مصحوجهك
محمد : شن مصحوجهك هادي مرتتتي
محمد شدني باسني
**
مياس : ‏Ⴢ̤ بناتت شفتلكم ملاك تجري لغرفة الخزين تعرفو
ريان : وعلاش شنفي غادي اكيد محممممد
دنيا : نوضي نوضي
ريان : حيبو عصاة المكنسة وهيا نديرولهم طبه
**
محمد كان شادني ويشوف لعيوني
محمد : هي هي سيلفي تاني
وتخش علينا ريان والبنات
ريان : شديتكممم طبه مليحه اهياا
مياس : ‏Ⴢ̤ بنات بنقول لرواد بنخدم معاك حلوة خدمتهم طبان وحكايه
محمد جي طالعع : شبح وشبحتها صور وتصورنا بوس وبستها ويا مريضة انتي وهي موتتي
اني قعت نغنيلهم ونرقص : ‏Ⴢ̤ مريض موتتتي يا خبيثة روحي روحي روحي روحي
محمد طلع لقي داليا
محمد : منورة ‏Ⴢ̤ كاسحه
طلع محمد شارع وهو يبتسم
دنيا فنصت ف داليا : ‏Ⴢ̤ بناتت عرفتها السوس يلي خلاته يخش ويشوفها هادي يلي مدايرة فيها صاحبتها
ريان ناضت تغني : ما تقولي صاحبتي وما تقولي صاحبتي ؏ المرهون تبيعك وقتي
مياس : وووووه
دنيا : ونشاكي فيها صاحبتي ونشاكي فيها ونشاكي فيها حي علي طلع يبيها
اني : احم احم مش هكي داليا غنو عليها ، اني وصحباتي كلمة وحدة كيف القوات المتحده😂♥️
مر يوم عادي ف اليل كانت سهرية بسيطة للعيلة تاني يوم كسوة جو فيها امالي محمد وجايبين معاهم حاجات وعلاقة وني ف دار محبوسة وتخيلو هما يهيجو  واغاني وني نتصل بمحمد يقولي مش فاضي🌝💔
***
سهى : الغالي درناله دولاب معاش يعلق فوق الباب
سارة : الغالي لابس لبس ربيع إلي ماضاع اليوم يضيع
ريان : احني وادينا وادي شوق يلي يناسبنا يعلى فوق
سند : سكنتي ف عالي القصور خديتي راقصين الثور  ،بين نجوم الليل ضويتي رقاصين الثور خديتي
مياس : تي شن هالجو القديم ؏ اساس عيلة عريس وعيلة عروسه تي حولي انتتي وهي واسمعي الصح ،نحو القيطون حرقتونا خلو الشباب يشوفونا
دنيا : حلاوتها رواد يسمعك تو يوريك الحرق ؏ اوصوله
مياس : اس اس
ريان : بعدين وينه القيطون ف الموضوع
مياس : قولي به وانتم متسايروش بككل
مهم روحو عيلة العريس وف الليل سهرية كبيرة وحنوني فيها تاني يوم ، يوم الصالة فقنا رتبنا امورنا ومشينا المزين عبيناه كله لو تشوفو الزحمة
_____
عند محمد يوتي ف روحه بيرفع العيلة للمزين كيف بيطلع لقي تسابيح وخالته وتهاني
محمد دار الابتسامة الصفراء : مساء السرور وفكونا منن المشاكل بالله
محمد طول هرب
تهاني : شن قصده محمد يلقح علينا
سندس بصوت واطي " هادم شن جابههم قصدي فتكينا منهم توا جايين يفسدو العرس ولا شنو"
______
نسرعو الاحداث شوية
كنت ف حجرة العرائس ف مزين نراجو ف مالك وباقي شباب يجو خشت داليا
داليا : تهبلي ملوكتي طالعة مشاء الله قل هو الله احد وخلاص
اني : مش قادرة نحرك رقبتي فـ‏Ⴢ̤ شيء ف ظهري ولا شنو
داليا : لا لا اس خليك هكي لن يشوفك حميدة ويدوب
جو ريان ومياس ودنيا خاشات
ريان ضحكت : اليوم مش حنقدر نمنع محمد ان يشوفوك ووه بتخليني توا
دنيا : ملاك طالع طرفوشه هلبا
مياس : حولو ناخدو سيلفي
داليا نقالها شرين
داليا : تي اما سيلفي مالك البرا هيااا
جت ام مياس وباقين يجرو
ام مياس : هي بنيتي غطوها غطوها وبشوية ردي بالك
طلعت لمالك مجرد م طلعتت منن الباب عيونه دموع وجي شدني دخلني سيارة وركب منن قدام ومعاه داليا وني جنبي ريان وباقين توزعو ف سيارات
اني كنت نلعب بايديا متوترة ريان شدت يدي وابتسمت
اني : نقالي عندك مشفتش محمد منن سكر شحن
مالك ضحك : محمد كويسس كنت معاه ف الحلاق بهدلوه اليوم خلوه اخر واحد حرقوله اعصابه كل دقيقه يقولوله حيفوتك العرس ‏Ⴢ̤ حميده قريب قتلوه اليوم
اني ضحكت مهم وصلنا الصالة
________
عند محمد خش لامه يلي كانت ف الحوش هي واختها
محمد : اممي هي الاولاد لوطا حيحطوكم ف صالة اني بعدين نلحق
ام محمد : تمام قلتلي طيارتنا غدوا
محمد ابتسم : غدوا طيارتي ني وملاك للوس انجلوس وانتي والبنات حتمشو عمرة بعد غدوا فهمتي وحجزتلكم مفيهاش كيف معاش فـ‏Ⴢ̤ مقاعد للوس انجلوس
ام محمد : شنوو بنغير حوايج البحر بنحط لبس اسلامي
محمد : مفيش داععععيي يا امي اشري ‏ᘓɹ̇ᓄ غادي وهي اطلعي الاولاد لوطا بسرعه
ام محمد طلعت وهي متعفلقه منه وهو ميت ضحك
_______
اني خشيت صالة دخلني مالك نزلو قبلي داليا والبنات يوتو ف الحاجات ريانش بحت تسابيح وعيلتها ف اول طاولة
ريان : دنيا بستت شوفي الباين حنلعبو هلبا اليوم
دنيا ضحكت : هلبا هلبا😂
**
اني كنت ف الغرفة نساوي ف روحي جي مالك باس راسي
مالك : خلاص بتمشي بتبدي حياة جديدة منوصيكش ملاكي ردي بالك ؏ روحك ردي بالك ؏ روحك يا ملاك
اني هزيت براسي حاضر
دخلني مالك وناس عيونهم عليا خلاص موقف يوتر فعلا وجتني جلطة وقت شفت تسابيح مهم طلع مالك يلي هو يجي يبارك بعد كم ساعه دخلوني غرفة منن جديد محمد بيدخلني خش الغرفة لقاني عاطياته بظهري جي وقف قدامي وقعد مصدوم ف شكلي وساكت
اني : شنو محمد خيرك متتكلمش طالعه نرعش ولا
محمد : تي اما ترعشي شن هالجمال تي تقول مش ملاك يلي نعرفها
محمد قرب باسني ‏ᘓɹ̇ᓄ راسي
المصورة : هي يا استاذ اوقف وراها خنصوركم كم لقطه
داليا : هي ملاك
مهم تصورت كم لقطه مع محمد ودخلني لابس بدلة سوداء تهبل عليه ولحيه مرسومه رسم وشعر وكلشيء فيه يهبل دخلني ورقص معاي شوية قصينا تورتة ووكلني منها وبعدين طلع جت تسابيح تسلم عليا وجت ريان تجري
تسابيح : الفف مبروكك
ريان : ومكره ف الحساد خديتههه وتاج على راسي حطيتههه
اني نخصتها
تسابيح : شن قصدك
ريان ابتسمت : حبيبتي اني واقفتلكم كيف الصقر انتي واختك ويا ويلكم ويا سواد ليلكم تفكرو تديرو حاجة
جت تهاني سلمت عليا كذالك ريان لقت داليا تجري جابتها وجت جنبنا وقعدت تبوس فيها
داليا : سلمها مرة خوي الغاليههه التهبل العسل مرة مالك نجيها
تهاني تعفلقت ومشت قعمزت ودموع ف عيونها وتسابيح مشت
اني : ريان اهفتي
ريان : سكري فمك اهمي مش حتفهميهم خليهم عليا
مهم مر عرس وني ؏ اعصابي خايفه تصير مشكلة لن حمدلله جي محمد وخلاص طلعني وكيف وصلنا جنب سيارة بشوية عمكم محمد قامني وركبني سيارة وخش ركب هو وولعها وفتح روشن ودارلهم باي بيده وطار بيا
اني : تي اصبرر ورانا بيجو
محمد : اس اس اما ورانا واما هم توا الفندق طول والفجر طيارتنا يا حلوة
اني ابتسمت
محمد : اليوم مفيش نوم
مهم السيارات جو لاحقينا بسرعه بسرعه وجو يجرو جنبنا ويفتحو ف روشن جت ريان سايقة سيارتها ومعاها دنيا ومياس وميار. وسندس فتحت روشن
ريان : محممممد صلي ؏ نبي شوية
محمد : لا لا خلاص ضمنتها ليا معاش تحلمو بيها
محمد قام يدي وباسها قدامهم
مياس : وووهعليا يا ناسسس
ريان : هيا بنات قيموهها وواحد اتنين تمانيه محمد حاجه تانيهه
مشينا الفندق محمد ركبني غرفتي ونزل للباقين لوطا لقي امه راكبة سيارة وسايقة اخته سارة
محمد ابتسم وباس راسها
ام محمد دموعها نزلو : حمار
محمد : وربي نحبك يا احلى ام ف دنيا متزعليش نوعدك سفرة جايه معانا تو بعد غدوا طيارتكم تو نرتبلكم كلشيء اني وحضور مطار سبعة ونص
سارة : حميدة طيارتكم اليوم ساعه كم انتت وملاك باش نجو
محمد : لا لا منورينن متجوش ولا نبي حد ولا نبيكم برو روحو خلاص اني تاعب بنركب
سارة : ميه ميه ريحتنا اصلا حيوان
محمد : متزوج توا راه تحشمي
محمد ضحك ومشي لمالك سلم عليه وقاله مفيش داعي يجي للمطار طبعا داليا وريان ركبولي ووتروني زياده ؏ اساس بيساعدوني بعدين نزلو وجي محمد لقاني مقعمزة ؏ سرير ونرعش كلني جي قعمز ف الارض وشد يدي وباسها بعدين حط راسه ؏ رجليا ودموعه ينزلو
محمد : ااه يا ملاك مش مصدق توا جنبي انتي نحبك توا بديتي حلالي
اني قعدت نلعب بشعر محمد هو ناض قعمز جنبي ف سرير
محمد : كل هالحشمه علاشش تقول اول مرة نتكلمو شني مني نحصلو الرقم
محمد قعد يساعد فيا ننحي ف تسريحة وفيلو وخش بدل وني بدلت قعدت نهدرزو مرقدناش بدلنا طول لبست سروال واسع ابيض ف الاسود وسورية حنية ووشاح حرير اسود وكعب اسود ومحمد لبس بدلة رسميه سوداء  طول المطار اتصلت بيا داليا وني ف المطار
اني : الو
داليا : شني وين
اني : شوية ونركبو طيارة
داليا : باهي تركبي ديري رنه خلي نرقدو ؏ اعصابنا قاعدين
اني ضحكت : حاضر
شد محمد يدي وقعدنا نراجو شوية نادو ؏ طيارتنا مشينا تونس ومن تونس استنينا شوية ف مطار بعدين رحلتنا لمطار دالاسا ف اشنطن وصلنا واشنطن بعدين ركبنا طيارة لمطار لوس انجلوس الدولي طبعا الطيارة كلها وني شادة يد محمد وراقده ف كتفه وحمدلله وصلنا الفندق لقينا فـ‏Ⴢ̤ سواق يراجي فينا قام امتعتنا ومحمد يتفاهم معاه وني شادة ف يده وعيوني خلاص بيتسكرو طبعا كنا ف فندق " ذا بينسسولا بيفرلي هيلز " the peninsula Beverly hills" فندق خمسة نجوم ف لوس انجلوس مشهور و حلو هلبا كان مجرد م وصلت الغرفة رقدت بالكعب وحوايجي وكل شيء محمد كان يتفاهم مع الرسبشن ووصل حاجاتنا الغرفة بعدين ‏جي لقاني راقده ؏ سرير نحالي كعب نحالي وشاح فتحلي سورية شوية ورقدني زين وغطاني ساعة كانت 12 الليل عندنا ف ليبيا جو عصريات عندهم محمد كان مجهز شفرة وكلشيء خداها كلم مالك وباقين قالللهم وصلت وبدل حوايجه ودوش ورقد
_______