ويبقى الامل

الحلقة 34

خشت مياس وهي تفنص ف رواد وهو مشبحلهاش بكل وقعمزت
ام مياس : الحمدلله ؏ سلامتك وليدي
رواد شبح لميار : اي ميوره شنجو الكورس
ميار : اهو حمدلله
رواد شبح لام مياس : وانتي عمتي شن مدايره
ام مياس : والله بخير وتوا زدت تحسنت بعد شفتك نوضي ميار وتي صفرة الغداء ورودي خش ارتاح ارقدلك شوية
رواد : لا لا والله ماشي الشباب يراجو فيا
ام مياس : تي كيف جاي انت
رواد : والله يراجو فيا منن بكري يتصلو
ام مياس : باهي بعدين بتجينا تبات اهني ولا ؟
رواد : بنبات عند ولد صاحبي
ام مياس : والله نزعل منك متجيش اهني
رواد : يا امي ماه كلام ناس شن يقولو عارف تعتبري فيا ولدك وني نعتبر فيك امي بس الناس شن بيقولو خطيب بنتها جاي يبات معاهم متجيش بعدين الولد صاحبي شقته اهي فوقكم يعني قراب ؏ بعضنا بنقعد معاه
مياس طلعت ومشت وقفت قدام الباب
ميار : خيرها اهيا
ام مياس : متعدلوش عليها
رواد : هي سلام
ام مياس كيف بتنوض توصله الباب جي شدها منن يدها ورجع قعمزها وباسلها راسها
رواد : مفيش داعي تنوضي مش ضيف اني بعدين نرجع نجي نشوفكم
طلع رواد لقي مياس تراجي فيه ف باب شارع وشاده الشبشب ف يدها ومربعه ايديها
رواد : حولي
مياس بصوت واطي : مش حنحول وخيرك تعامل فيا هكي ليك كمم يوم شني مش خطيبتك اني علاش هالمعامله
رواد شبحلها منن فوق للوطا وقام عيونه للسقف وهي طول حضناته وتبكي
مياس : علاش هكي تدير فيا عارفني نقدرش نعيش بدونك
رواد بعدها شوية عليه ومسحلها دموعها وابتسم وقرص خشمها : هالوجه ميليقش عليه الزعل
مياس مسحت دموعها وضحكت وخبطت رواد بالشبشب
رواد : تي خيركك
مياس : تستاهههل باش نكلمك ترد علياا مش تسكر ف وجههي
رواد : باهي انسه نفيخه ممكن تحولي منن الباب بنمشي
مياس : منهو صاحبك يلي بتقعد عنده ومعاه بنات ولا لا
رواد ‏: اي خمسة بنات
مياس : شنووووووو
رواد ‏: تي نبصر عليك بيتزوج قريب وهادي شقته فوقكم بنبات معاه اهني
مياس : اها بهه ، هي تفضل
مياس حولت لرواد وهو فتح باب وطلع رجع باس خدها ومشي طلع
_____________
عندي اني كنت ف كافتيريا معع محمد وحنان
محمد : ااه وخلاص تعب الخدمه
حنان : حاله
اني لمحت عماد ياشرلي منن بعيد
اني : عندي عملية توا بنوض
حنان : اوكك
نضت مشيت لدكتور عمادد
عماد : هيي ننزلو لوطا دكتور عمر ودارين يراجو فينا
اني تنهدت : هي
عماد : قوي روحك عاد دكتورتنا وعندنا امل كبير فيك
اني ابتسمت
نزلنا لوطا قسم الاشعه
عمر : شنو ملاك شن حاسه توا
اني : كويسه دكتور عمررر
كنت متوترة ونرعش كلني رقدت ؏ سرير ودارين توتي ف جرعة
اني : دكتور عماد شنطتي ونقالي خودهم منن غرفتي
عماد ‏: اوكي
دارين : ارخي روحك دكتورة ملاك
عمر : ههي عماد نطلع اني وانتتت دارين خليه الجرعة بطيئة شوية تمام ؟
دارين : اوكك
طلعو عماد وعمر ، وعماد كان يشبحلي بعيونه بياكلني واني عيوني يدمعو وخلاص ركبتلي دارين الجرعة ونفسالشيء نراقب فيها كيف تخش لجسمي تعبت بعدها وقعدت جنبي دكتوره دارين اننني مشقادرة نوقف ولا حاسه بروحي هي لبستتني عبايه وساوتلي روحي باش نطلع طول مع دكتور عماد
**
عند دكتور عماد
خش غرفتي خدي نقالي وسكره وشنطتي وكان فـ‏Ⴢ̤ شخص يراقب فيه لما خش وطلع
... : خيره خاش غرفتها شن يبي زعما شنفي خدي شنطتها ونقالها انني توا متاكدهه فيي علاقه بيناتهم
__________
عند ريان ♥️
ريان : خيرها لبستي
حسن شبحلها ‏ᘓɹ̇ᓄ فوق للوطا : مشاء الله مستورة هلبا وسروال مش ممزق بكككل
ريان : اي حلو ولا
حسن : معاش نبيه هاللبس
ريان : تي لبسي كله هكي
حسن : غيري منه
ريان : وكيف بنغير منه
حسن : ولعي وشق واضربي راسك ف الحيط خمسة مرات وصلي ركعتين وباذن الله يتغير صدقيني طريقة مضمونه
حسن فنص ف ريان : شن هالسؤال م كتر ربي كان الاسواق
ريان : اوككك
حسن شد ايدين ريان : نحبك
ريان ابتسم وفي حد فتح الباب
سندس : ريان بنقولك الامتحان حيبدا اسفه لو قاطعتكم
حسن : استغفر الله
حسن فنص وشبح يمين
سندس طلعت وقلبها متقطع كانت بتموت ف حسن بس الله غالب
ريان : عيب يلي درته البنت شن ذنبها تنادي فيا للامتحان بس
حسن : باهي بري هههي
ريان : نحبك
حسن ‏: نموت فيك
___________
عند تهاني اتصل بيها عبسي
عبسي : يا حبي وينن
تهاني : وينن يعني. فالحوش
عبسي : انا ف خدمه معع راجلكك العسول
تهاني : شن تبي
عبسي : شاطره تفهمي ؏ طاير😂😂😂
تهاني : اووف
عبسي ابعتيلي صورك ف الحفلات
تهاني : مصحوجهككك
عبسي : ميه ميه شوفي شن بنبعتلك ف واتس توااا
عبسي بعت لتهاني صورها قبل ايام كانو ؏ علاقه صور عارر كانو
عبسي : شوففي شن رايك نبعتهم لمالك توا نقوله شوف مرتك الحلوهه
تهاني : عبسي بالله عليك خليني تربحح شن تبي مننني
عبسي : صصوررك يلي قلت عليهم
تهاني : حاضر حءءاضر تو نبعتهم
تهاني بعتت صورها لعبسي
عبسي : اححي محلاك موليه احلى بعد تزوجتي غير قلبك قاعد اسود وقاعدة خبيثه زي ما انتي يا حبي لاكن طرف م نقدرش ننكر ههه
تهاني : خلاص هكي ارتحت تقدر تسكر توا !
تهاني قعدت تبكي
عبسي : لا لا كلشيء الا دموعك بعدين انني نقرر امتى نسكر مش انتتتي اي توا كلميني مكالمه فيديو يا قلبي نبي نشوف وجهك الحلو لايف هكككي ونرجعو ذكريات وايام قبل
تهاني سكتت شوية
عبسي : شنننننوووو
تهاني : حءءاضر
تهاني كانت خايفه منن عبسي يدير شيء ويخرب بيتها كانت تسمع ف كل كلامه ؏ ساكت
_______
عندي اني بعد مرت كم ساعه هكي وني قاعدة لوطا تاعبه ♥️
محمد لقي حنان وعماد سالهم
محمد : وين ملاك
حنان : مشفتهاش
عماد : قاعدهه ف العمليه
محمد : وين تو نخشلها
عماد : اا ءلا لا محمد انني كانو طالبيني ف قسم الاورام وعندي موضوع ضروري بنطلع حناي تعبت شوية برا انت بدالي
محمد : تمام هييي
محمد مشي قسم الاورام وعماد نزلي لوطا
عماد : دارين شنن واتيه
دارين : اي اي دكتور
عماد : تمام هي ترا حولي
دكتور عماد ودارين وقفوني بالسيف وني سندت روحي ؏ دكتور عماد لن طلعنا سياره ومحد شبحنا ومشينا حوشه نزلني رقدت ف دار عبير ورجع الخدمه جري
________
ريان روحت الحوش ♥️
خشت دارها دوشت وبدلت شدت نقالها ملقتش حسن مكلمها ، خشت ؏ فيس طلبات صداقه لقت حسين توام حسن باعتلها طلب قبلاته وخشت تدور ف صفحته لقاته نزيك ومحترم وشخصيه
_________
ف غرفة الاجتماعات خش دكتور عماد لقي محمد وايهاب وحنان مقعمزين
محمد : وين ملاك مالا
عماد : ااهء ملاك روحت
محمد قربع طاولة : كيف اهيااا روحت مش عندنا اجتماع احننني
عماد : والله م عارف لقيتها كملت حالاتها وقالت راسها صداع بتروح وروحت
محمد : بدون م تكلمني
حنان : اكيد مريضه هلبا باش روحت
محمد : خنبدو اجتماعنا امالا
مهم دارو اجتماعهم ومحمد طارتله منني هلبا
، كملو اجتماعهم وطلعو روحو ودكتور عماد قعد يستقبل ف الحالات محمد اول م طلع قعد يتصل بيا يلقاني مقفل قربع النقال ف كرسي السيارة يلي جنبه وكمل طريقه للحوش
_________
مالك : رياننن ريانننن تعالي جبت عشاء منن برا باش تتعشي
ريان : هي نازلللله
سكرت ريان نقالها ونزلت لقت تهاني ومالك مقعمزين
ريان : مش حنستنو ملوكه
مالك : عندها ديوتي اليوم
ريان : وووه ؏ الديوتي يلي كل يومين اهوا بكل بديت نستاحشها
مالك ضحك : حتني نستاحش فيها
تهاني : تعالي كولي حياتي
ريان : اي بناكل بدون ادنك اصلا
قعمزو ياكلو نقال تهاني شرين وكان عبسي وهي مسجلاته توتو ؏ اختها ؏ اساسا وهو عبسيي
تهاني شرقت ف ماكله وشدت نقالها
تهاني : تسابيح تتصل بيا خنكلمها ونجججي
طلعت تهاني وركبت دارها
ريان : خيرها اهيا
مالك : كولي حولي هي واختها ينظمو امورهم
تهاني : الو خيرك تتصل توا تي معاي مالك وعيله
عبسي : نتصل امتى م نبي شن عندك مشكله
تهاني سكتت
عبسي : نكلمم فيك
تهاني : لا بس مالك موجود
عبسي : ميهمنننيش فاهمههه اني تردي علياا امتى م نكلمك وجربي م ترديش
—————
عندي اني وعيت منن الغيبوبة يلي كنت فيها وقعدتت نتكسل لقيت عبير مقعمزة جنبي شبحتلي وابتسمت
عبير : شن توا احسن
اني : ااي دكتور عماد جي
عبير : لا لا مازال حناي تراجي فيك تفيقي
اني : هي نخش حمام ونشوفها
عبير : تمامم انني ف كوجينه وهاك هادي توتي البسيها
اني : اوكي ♥️
خشيت الحمام بدلت التوتهً وكانت واسعهه هلبا ونحيت طاقية منن شعري نتصرف براحتي ف حوش عماد مجرد م يجي نغطي راسي وخلاص كنت حاسه براحه كبيرة بكونهم يعرفو بمرضي ويدعمو فيا ومتمنيه لو عيلتي يعرفو بس متاكده بدل م يقووني حيزيدو يضعفوني بضعفهم مهم طلعت منن الحمام صليت فتحت نقالي لقيت تسعين الف مكالمهه منن محمد وداليا عاودت لمحمد اتفجر فيا مجرد م فتح الخط
محمد : توا توا تردددي وطالعه بدون م تاخدي اذنن امممممي ماههه وكاله بدون بواب تشبحي ف امها
اني : محمد والله راسي وجعني شوية وتعبت روحت
محمد : تججي تكلميني تقولي مروحههههه
اني : محمد دورتك قالولي ميعرفوش وكتت تاعبه مشقادرة نقاوم
محمد سكت شوية : باهي بهه سكري توا انني كيف وصلت الحوش
اني : اوكك
محمد سكر ف وجهي وني طلعت لجدة عماد حضنتها وهدرزت معاها شوية وخشيت مع عبير كوجينة
عبير : لا لا ارتاححي
اني : والله ماهي صايره ياسر هديكا المرة م درت شيء اني كويسه اهو نوتي معاك العشاء
_________
عند مياس ♥️
جاهم رواد اعطاهم شكاير فيها حاجات وشكالليط وركب لصاحبه قعمز معاه فوق قعدو يلعبو بلستيشن وهو حاذف نقاله
ف الليل مع جو واحد تتصل برواد مباش يرد عليها ، وامها وميار كانو راقدين لبست بدلة الصلاة وركبت فوق شقة صاحبه كانت ترعش بس تشجعت وطقت الباب
رواد : نوض اففتحح
الولد : تي نوض انتت زفت مش وقتك بكل
رواد : استغفر الله نايض
ناض رواد فتح باب لقي مياس قدامه جاته صدمه سكر باب وشدها منن يدها بالقوية
زواد : تتي حي ؏ جد اصلكك شن تديري اهنننني الوقت تاخر والاولاد. معاي تخيلي واحد منهم فتح الباب مش اننني
مياس : شن ندير استاحشتكك نتصل بيك متردش
رواد : تي نقالي صامت وساهر مع شباب تي انزللللي تو نكلمك انزلي احسنن م نفتح قبرك توا وندفنكككككك ونطلع سلاح نفضيه فيككك
مياس : منبيشششش استاحشتك
رواد : والله متبيش شن رايك تخشي تلعبي معانا امالا مياااااس متخلينيش نعلي صوتتي ليلللل ليلل وناس راقدينننننن ، تتتي مياااااس نقتلك راهووو نقتلككك
مياس ؛ باهي حاضر نازلهه
وكيف بتمشي مياس رواد شدلها بدلة الصلاة وردها
رواد : تعاوديها ندفنك
مياس : حاضر كلمني امالا احسن م نكتر الزياراتتتت
رواد : تكترري امكك انزلييي شن بنكلمك قدام الاولاد
مياس : مدخليششش
نزلت مياس ورواد خش وسكر الباب
________
بعد مرور اسبوع ، يلي صار فيه اني ومحمد بعدنا ؏ بعضنا ، نفسالشيء م حد يعرف بمرضي ، تهاني بدت يوميا تكلم ف عبسي ،
كنت ف مستشفى كيف طالعة منن العملية خشيت غرفتي استقبلت شوية حالات بعدين خشلي دكتور عماد ♥️
اني : اهلا
عماد : شن مستعدة اليوم ثالث جرعة مازالو خمسة جرعات ونديرو صورة وانشاء الله خير
اني وقفت مقابل دكتور عماد ودموعي نزلو
اني : ااه وخلاص حسيت الوقت يمشي بشوية هلبااا معاش حاسه بشيء نار كلتني
دكتور عماد ابتسم ومسحلي دموعي وشد يدي
عماد : قوي روحك
كان فـ‏Ⴢ̤ شخص ف الباب يتبع ف دكتور عماد ولما شبحه خش غرفتي لحقه وصورنا معبعضنا ومشي اني ودكتورعماد نزلنا لوطا باش ناخد الجرعة