ويبقى الامل

الحلقة 43

فتحت ريان الباب لقت داليا تبكي وحالتها حالة ودنيا شادتها
ريان : نهار احمر مغبر باهههي خشي خشي
خشت داليا وهي تبكي
ريان : شنفي ادوي انتي وهي فهمونني
دنيا : داليا تبكي منن بكري لن جي خوي توا قتله ارفعني لملاك
ريان : اصلاا منن قاللكم احني ف الحوش
دنيا : وقت ملاك مردتش علينا كلمنا مياس حكتلنا شنصار وان رجعو
ريان : غير شنفي
داليا وهي تبكي : نبي ملاكك
ريان : تعالي تعالي نركبولها فوق
**
اني : نحبك هلبا مالك معاش تخليني
مالك باس راسي : انتي بنتي مستحيل نخليك تاني الا تمشي حوش راجلك وبس
فجاءة خشت ريان وداليا ودنيا
اني : داليااا
نضت حضنت داليا وجبتها قعمزتها ف سرير
مالك : شنفي خيرك تبكي
مالك ركز ان احني موجودين : انءءي انني لوطا لو تبو شيء
داليا حضنتني : ملاك نحبه نحبه وسيبني خلاصصص
اني : منني
دنيا : تي حسام يعني مني
اني : كيف كيف سيبك هادي
داليا وهي تبكي وخانقتها العبرة : ملاك منن مدة فاتت حسام تغير مش قبل كانن منن خدمه للجامع للحوش وبس توا لا بدي يسكر ويخدم مع مليشيات يقتل ويضرب عادي شوه سمعتي قدام صحابه تخيلي جي واحد منن صحابه لخوي قاله اختك داليا تكلم ف حسام وهلبا حاجات عليا واليوم اتصل بيا حسام قالي معاش نقدر نكملو علاش انني شن درتله والله فجاءة تغير نحبه نحبه
اني ؛ اسسس دنيا ريان اطلعو شوية خلونا بروحنا
ريان : اوكككك
نزلو ريان ودنيا للكوجينة
ريان تنهدت : علاش تبكي مفروض تبكيش حتني حبيت حسن وهلبا بس توا منقدرش ضروري نغصب روحي نبعد منن عليه
دنيا : راهو هلبا معبعضهم ودارت هلبا حاجات ؏ خاطره منها مخدمتش وحلمها كانت تبدا دكتور
ريان : غير يعبى نقرا ف نهاية يقولي متخدميش تي امهه
****
اني : داليا
داليا قامت عيونها فيا
اني : تؤمني بربي اكيد
داليا هزت براسها اي
اني : امك تدعيلك ربي يبعد عليك اولاد وبنات الحرام ؟ ف ليش لما شخص يبعد عليك تزعلي ! هادي دعوة امك استجابتت ! بعدين ربي وقت بعد عليك حسام اكيد لانه مش كويس ولانه فـ‏Ⴢ̤ شخص غيره احسن بهلبا يستاهلكك وحتفرحي معاه ؟ يلي كاتبه ربي مفروض نرضو بيه ! متبكيش ؏ خاطر ولد وتخلي الحب يهزمك داليا انتي اقوى منن هكي انتتي دكتورة حسام مش مهم سيبك ولا ! خطي عليههه وتمينا ليش دموعك ؟
داليا : سمعتي تشوهت خلاصصص معاش حنتزوج ولا شيء خوي يشبحلي باستحقار تقول درت غلط
اني : اسس معاش تقولي هكي ربي حيبعتلك النصيب الحلو فاهمه ؟ مفيش شيء ف هالدنيا عبط ! كلشيء فيه دروس وعبر نتعلموها ! وحسام طز فيهه يلي جابه يجيب غيره مش اخر الدنيا لو سييببكك الحياة عبادة وامك وبوك ونقطه احمدي ربك امك وبوك وخوتك جنبك ! اني شنو مكسورة راه مفيش جنبي حد خاطي خوي
داليا : و محمد يحبك ! اني حبيت حسام وشوفي
اني : محمد مش عشت بدونه قريب ستة شهور !! وربي رجعهولي لان فيه خير ليا ويحبني بصدق بس حسام عيل طلع اعطيني ونبي نكلمه نهزبه توا
داليا : لا لا خليه
اني : نوضي نوضي صلي ركعتين ارتاحي شوية
داليا : نحبك ونحب كلامك
اني : هي ابتسممي انتتي مش ضعيفه متخليشي يحس انك محتاجتيله هيجي عاديي
داليا ابتسمت وخشت الحمام
***
مالك : ريونه ماشي مطعم اني نجيب حاجات
ريان :لا لا اهو اني موتيه كلشيء طيبت مقدمكك
مالك : " الله يستر علينا "
دنيا ضحكت باعلى صوت
ريان : شنو
مالك : قتلك مشاء الله فيراري مسرع لحقتي طيبتي
ريان : اي اي حركتي خفيفه حتاكلو صوابعكم وراها😭😂 اهو خنحط الصفرة اني
مالك نقاله شرينه طلعه لقاه محمد
محمد : ايوا بو نسيب اني البرا افتحلي الباب ندخل السيارة
مالك : ههي طالع
سكر مالك
مالك : حميده البرا
ريان : قوله يخش يتعشىى اني مدايره العشاء
مالك بصوت واطي : شن تبي تقتليه عريسنا
ريان : مالك خيرك اليوم تدوي مع روحك هلبا
مالك : الله غالب هبلت شوية مش مشكلة ربي يشفينا
طلع مالك لمحمد واعطاه مفتاح سيارتي وني كنت نشبحلهم منن روشن داري
مالك : خش تعششى يا برو وبعدين نوصلك
محمد : لا لا ميه ميه تو نركب تاكسي العيلة يراجو فيا
مالك : والله ماهي صايرة خش تعشى
طلعت ريان لمحمد
ريان : خش خش مداير فيها متحشم ؏ اساس
محمد : البنت اهيا ضروري تقتلوها
مالك : راهو هي مدايرة العشاء رد بالك تسمم
محمد : وهي فوقها لا لا والله ماهي صايرة امالا ،
ريان : خش حميده انني مطيبههه راهو ونبي شن توشوشو
محمد : لا لا اسمعي ديري صونيتي واحسبينيً ومالك اهو بو نسيب قاعد تو ياكلها بالصحه عليه
مالك : تحشي فيا يا كلب
مالك شد محمد : وعليا الطلاق ، قصدي اني مطلق ، محمد هيا باش تاخد اختي خش عليا طلاقك منن اختي هيي بتخش
محمد : لا يا راجل مالي ومالك تطلق فيا قبل ما نتزوج اهو خاش خنطلب الاسعاف مقدما
خشو مالك ومحمد وجتني ريان جري ومعاها دنيا
ريان : بدلي بدلي حميده بيتعشى عندنا
خش مالك
اني : وووهعليا خاطري ناكلو كلنا ؏ صفرة وحدة
مالك : نسبة ليا معنديش مشكلة شوفي البنات لو ياكلو معانا
طلعت داليا منن الحمام تمسح ف دموعها : انتت زي خوي يا مالك ومحمد كذالك
مالك : خلاص مالا شيف ريان انزل حطلنا اخر وجبة ف حياتنا هي
مالك هرب لمحمد اني قعدت نوتي ف روحي بدلت سروال واسع اسود ثلاثه ارباع وفلينيه نص كم قصيرة لونها احمر ولبست طاقية لونها اسود خش مالك نحالي الطاقية وباسني وداليا طول طلعت للكوجينة للبنات
مالك : خليك هكي ؏ طبيعتك متخبيش شعرك اهو قنين وتو تتعالجي حيرجع ويتضاعف
اني : يوجعني قلبي نتفكر شعري قبل وتوا شوفه كيف خفيف
مالك : احمدي ربك فـ‏Ⴢ̤ ناس يطيح كله اهو انتتي فيه الهون بري شوفي حميدتك ؏ الصفر😂♥️
اني ضحكت : حاضر تو ننزل هك
مالك : طالعه قمر باهي اني بننزل نسبقك
نزل مالك لقاهم يوتو ف العشاء خش لمحمد ف المربوعه ولابس طاقيته السوداء
ريان : هي كلشيء واتي
دنيا : ريان هادا عبارة عن شنو ؟
ريان : خيرك متشبحيش بيتزا
دنيا : مشاء الله تفلق بيها يهودي يسلم
ريان فنصت فيها
داليا نخصت دنيا : ريان متدوريهاش هادي هكي حتى ف الحوش
مهم طلعو الماكله ونادو محمد ومالك
مالك : وينها عروستنا
نزلت اني ومحمد يشبحلي ومبتسم وقعمزت
اني شبحت للماكله وركزت لريان وهي تضحك
ريان : قعمزي قعمزي
اني : تعرفي اني مريضة كانسر ومناكلش اي شيء
محمد : لا لا لا عليا الطلاق ماهي صايرة كلنا بناكلووو
مالك قعمز : موتة جماعيه
ريان كانت واقفه وتبتسم
مالك : قعمزي باش تاكلي
مهم احني بدينا ناكلو بالسيف
ريان : لا لا اني لما نطيب نحبش ناككل
مالك : بتحشينا احني وتطلعي انتي
محمد : خليها خليها ضروري فيي واحد مسؤؤل علينا ويكون واعي وقت يغمى علينا
اني : لا لا ريونه ضروري تقعمزي تاكلي
ريان قعمزت وكيف كلت ملامح وجهها تغيرت بس ما عندها ما تقولي مهم كلينا بالسيف بعدها كملنا ومشي محمد مربوعه ولحقه مالك ، جابوله قهوة
محمد : اني بنوض نروح
مالك : غير زيد قعمز ونروح بيك انني مرات تدوخ ف شارع
محمد :  نبي ملاك شوية ف موضوع
مالك : حاضر
اني كنت مع البنات ف كوجينة جاني مالك
مالك : محمد يبيك
وطلع مالك
داليا : تحشمي البسي شيء
اني : اسس بالله هو شبح كلشيءءء
ريان : تي خليها عادي ف نهاية بيقرا فاتحتها خلاص
دنيا : بري ملاك صاحبتك هادي متعقده
اني مشيت لمحمد شبحني طول وقف وشد ايديا ولودني خلاني نعطيه بظهري وسكرلي فمي بيده
محمد : اسسسس
محمد طلقني وطلع سنسل منن جيبه لبسهولي وطلقني ورجعني مقابلاته وشبح لعيوني
اني قعدت نمس ف السنسل
محمد : مشاء الله نص كم وثلاثه ارباع وشعر راجلك حسيت
اني : اااي راجلي ونص ويلي مش عاجبهه يخبط راسه ف الحيط
محمد باس راسي : ربي يحرمنيش منك
اني : بتروح
محمد : ااي
اني : غدوا نتلاقو امالا
محمد : غدوا حناكك مفيش مشي خدمه حتجي يوم واحد بس يلي حتديري فيه الصورة ولو طلعت سليمهه حنقرا فاتحتي عليكك طووول و حتكملي خدمتك طلعت مش سليمه برضو بنقرا فاتحتي عليك وبنسافروو ندور حل البرا
اني : محممد
محمد : مفيش محمد بالسيف عليك توا
محمد شد وجهي وحط راسه ف راسي وطلع جي مالك وراه وصله بالسياره وعندي اني جي خو داليا روح بيهم
____________
ام محمد : وليدي
محمد : عيوني
سارة : استاحشناك تاخرت
محمد ابتسم وقعمز
سندس : اووو شنصاير قداش لينا مشفناش هالضحكة
محمد : بنقولكم ؏ شيء اني حنخطب ملاك
ام محمد : شنووو
محمد : اسس بدون عياط تو نقولككم
محمد حكالهم ؏ قصتي وحكالهم كذالك ؏ ان تهاني وعيلتها يعرفو
سندس : معقولة خالتي لهدرجه حقد
محمد عيونه دمعو وشبح لامه : انتي تعرفي ان هالبنت حب حياتي ومستحيل نرخي بيها وحنخبطها سواء تعالجت او لاا ،
محمد دموعه نزلو وخش داره خلى عيلته ف صدمه
سندس : امي حرام اول مرة نشوف محمد هكي رضيه ديما يرضي فينا
خشت سندس دارها وبعتت رسالة اعتذار لريان
سهى : حرام ماما بريله صح
خشت ام محمد ليه لقاته مقعمز ف سرير وينحي ف سوريته
ام محمد : وليدي بدي اطول منني قعمز
محمد قعمز وشد يد امه
ام محمد : اني مرتك وحبيبتك توا حنكلمها ونساندها وحنمشي اني نخطبهالك فوقها باهي ؟
محدم : دقيقه هي نعطيك رقمهاا
ام محمد ضحكت : هاته
محمد اعطاها الرقم وهي طلعت خشت دارها واتصلت بـيا وني كنت نبدل ف حوايجي ريان شبحت رقم ردت
ام محمد : ملاكك
ريان : ناس تقول سلام عليكم اول شيء
ام محمد : اني ام محمد
ريان : اااه
ريان حذفتلي نقال : ام محممد
اني قعدت نرعش ورديت : الءءو
ام محمد : اهلين بنيتي شنحالك
اني : حمدلله ‏Ⴢ̤ عمتي شنجوك انتي
ام محمد : حمدلله محمد حكالي ؏ يلي صار معاك واني معاك بنيتي متخافيش وباذن الله حميده ليك متخافيش
اني : اء اءء شكرا عمتي بارك الله فيك
ام محمد : نبوك تتعالجي عاد ونزوزك حميده
ريان كانت تسمع معاي طبعا
ريان : نزوزك
وانفلقت ضحك😂
اني : اسسس
مهم هدرزت مع ام محمد شوية وسكرت وكنت بنطير فرحانه
__________
بعد مرور اسبوع يلي صار فيهم ممشيتش خدمه مع حميدتي ديما كل يوم هدية جديدة ويفرح فيا وملوكي كان احلى اسبوع ف حياتي طبعا ريان وسندس نقلناهم لجامعه تانيه اني قلت لمحمد باش معاش تلاقي حسن يعني وهك جي اليوم يلي حندير فيه الصورة ♥️
فقت لبست سروال واسع اسود وسوريه ذهبي ف اسود ف ابيض وكعب وشنطة ذهبيات متاع طلعات مش مناسبات ووشاح حرير اسود وكيف نزلت ومعاي ريان
مالك : ملاك قعمزي نبيك ف موضوع
ريان : انني بنسخن سيارتي باي
طلعت ريان
مالك : بنسالك ف موضوع
اني : شنوو كان ؏ وراق اللطلاق المحاميه كلمتني امس وقالت واتيات بعدين برا ارفعهولها وتوقع وتمينا حتى جلسة مفيش داعي قتلي صاحبتي ماه
مالك : لا لا مش هالموضوع
اني : امالا شنو
مالك : موضوع ...
اني ابتسامة ٣٢ سن برا
مالك : .....
اني : ....
مالك : خلاص ميه ميهه نووضي توا نمشو نديرو الصورة
طلعنا ركبت مع ريان ومالك جاي بروحه ملقيتش محمد الدراه
حنان : هيا هيا بسرعه خشي ديري صورة
عمر : اي ملاك هي
اني : اوووف منبيشش نراجوه شوية
عمر : لا لا خلاص
ريان : خشي خشي
اني : خيركم مستعجلين هككي اووف
مهم خشيت درت الصورة وطلعت ونشوف هكي جتني صدمهه