ويبقى الامل

الحلقة 27

الولد : ‏Ⴢ̤ ساتر ‏Ⴢ̤ ساتر
الولد جي بيقيم ريان
ريان شبحتله وطول ناضت تجري للكوجينة الولد لم الطواسي المكسرات وحطهم ف سفره يلي طيحتها ريان وحطهم ف طاولة يلي جنبه وخش الحمام
اني : تي شن في نهار احرف جايه تجري
دنيا : تقول حاذفينها برشاده😂😂😂
ريان : اس اس تشقلبت وكسرت كل شيء ومشكلة طحت ؏ رجلين واحد طويلل
دنيا : وووه عليككك درتي فيها دايخهه ونضتي تلمي معاه وشديتو ايدين بعض وجت عينك ف عينه🥺😂!
ريان فنصت فيها : فيلم هندي مليح اهوا تو نعرضه ؏ شاروخان
اني : طاكم الميه الجديد متاعي ووه بننتحر
ريان : بدل م تقولي حمدلله ؏ سلامه
داليا : تي شن درتي ‏Ⴢ̤ ريان
ريان ابتسمت : ولا شيء كيف بيقيمني  هو انني نضت نجري
اني : داليااا صبيلهم ميه تو نمشي اني نرفعها وانتي خليك زي المرعوشهه خنمشي نلم المرش يلي كسراته ست الهانم
اني مشيت لقيت المرش لامينه وحاطينه ف طاولة جبته الكوجينة
اني : ولد كويس شكله لمه
ريان نقالها شرين ابتسمت
ريان : صهيببب
دنيا : اووو البعيص
اني : مش وقته توا ضمي معانا بعدين الهي فهالصهيب بعدين مش اتفقنا ؏ ايهاب احني
ريان : ‏Ⴢ̤ حماره منك ليها صهيب خوووي واكثر
داليا : خليكم زي ميار ساكته وبس مش انتم خمسين عركه
مهم اعطيناهم ميه شوية هك حطينا العشاء وتعشينا جو شباب طالعين طلعو كلهم قعد رواد جي مالك قاللنا حينادي رواد يسلم عليكم
رواد : هي سلاماتت
مالك : خش سلمم عليهم
رواد : اوكك
خش رواد ومالك
رواد : هي سلامات يا امي
باسها ؏ راسها
ام مياس : ربي يحفظك وتردلنا سالم انشاء الله
رواد : اني كلمت شباب مدة جاية يدبرولي حوش ولا شقة مفرشة اهني باش تكونو قراب وتهدرزو
مياس : نجيه يلي يفهم ف الهدرزة😂
رواد فنص فيها : انتتي اسكتي
ميار : روادد اهيا ملاكك
اني ابتسمت : اهلين كيف الحال
رواد : اهلين واخيرا شفناك نفخولي راسي بيك ملاك ملاك ملاك
اني ضحكت
الاولاد قعدو ينادو ؏ رواد
رواد : هي هي طالعع ، تبو اي شيء اتصلو بيا
مالك : عيب ي رواد ف الحفظ والصون
مالك شد رواد ووصله للباب وركب سيارته وطلع هو والاولاد
مهم احني كملنا كل شيء وداليا ودنيا جاهم خوهم روح بيهم قعدنا ف دار وحدة اني ومياس وميار وريان نهدرزو وام مياس ف غرفة بروحها راقده♥️ ومالك مطلعش منن غرفته
اني : غير شوفو مياس مقعمزة وراقدهه
مياس كانت مقعمزة وشادة نقالها تراجي رواد يتصل ومرة مرة تغمض عيونها
مياس : لا لا معاكم معاكم
ريان اتصل بيها صهيب خدت تركينه وقعمزت تهدرز معاه
ريان : استاحشتكك منن وقت مشيت تونس معاش دورتني تفو شنجو عمك توا احسن
صهيب مشي معع عمه لتونس
صهيب : اي الحمدلله والله معاش نفضى بكل توا قلت نكلمك شنمدايره وهالكلب هداكا دار معاك شيء تاني
ريان ابتسمت : محكيتلكش !
صهيب : شنوو
ريان بدت تحكي لصهيب
**
فجاءة نقال مياس شرين كان رواد
مياس : هي بايي بنمشي نرقد
اني : ترقدي ولا احم احم😂🌝
مشت مياس الدار وقعدت تهدرز مع رواد شوية هكي لحقتها ميار
ميار : خيرك تكلميش فيهه
مياس : فكيني منهه مع الشباب قالي قاعد موصلش نزلو ياخدو راحه وراجعين قالي نفضى نكلمك
ميار : معاش تزعلي
مياس : توا فـ‏Ⴢ̤ داعي يرجع يحارب يعني
ميار : شن تبيه يهرب رواد مفيش زيه شوفي كيف واقف معانا مخلاناش بكل
مياس ودموع ف عيونها : تخيلي يمشي ويخليني زي بابا وابراهيم
ميار : اسس بعيد سوء عليه
____________
عند محمد كانو يتعشو جاه اتصال لبس سماعاه بلوتوث وقعد يهدرز
محمد : اي اي واخدها غادي انني جنب محلات وكل شيء الاساس واتي اني اعطيت الخريطة للمهندس وهو يديرهالي ، قصدي مازال مدة ستة شهور هكي ، ماشي ماشي هي سلام
سكر محمد وسهى قعدت تشبحله
سهى : بنحولو حوش جديد ولا شنو
محمد : لا لا بديت نبني ف حوشي خديت فيلا ف )&)&(
ام محمد : شنووووو اقسم باللله ماكك طالععها منن اهني الا ؏ جثتي باهههي وحنعطيك قلة السماحح ومنيش راضيه عليك لا دنيا لا اخرة لو تطلع وتهلينيي حرام عليك انني ف اي لحظه بنموت وانتت تبي تبعدني منكك
محمد : خيرك يا امي شن هالكلام تي يوميا حنجيك
ام محمد : كلهه منن هديكا متبيش تسكن معانا اككيد انني قتلككك حنعطيك قلة السماححح لو طلعت منن اهننني
محمد قربع طاولة وناض خش داره
سندس : استغفر الله لامتى تبيه لاصق فيكك
سارة : كلهه منن هديكا العقرب اكيد هي تعبيله راسه ونبي حوش جديد وتعرفو الاراضي ف منطقة هاديكا غاليهه نار
ام محمد : محمد ولدي ونزبطه رضاي عنده اهم شيء ومش حيطلع ولو طلع والله نقتل روحي ومنيش حاضره عرسه
______
ريان كانت تهدرز مع صهيب وتحكيله شن خدو وتشرحله اني قمت نقالي اتصلت بحميدتي راجلي
اني : الو ‏Ⴢ̤ راجلي. يرروحي ‏Ⴢ̤ عمري انتتت
محمد : انشاء الله خير شن كل هالرومنسية بتطلعي مكان ولا شن
اني : لا لا ضروري لما بنطلع نتغزل فيك هكك
محمد : لا ماه مرات طالعه طلعه عارفتيني ينرفض وتبي تقنعني بالاسلوب هادا
اني : انلاا مش حنطلععع بس استاحشتككك وخيرك متعفلق هكي
محمد : لا متعفلق لا نم ونبي ترا
اني : خيرك زفت
محمد : اممي
اني : خيرها
محمد : ؏ اساس بديت نبني ف حوشنا ‏Ⴢ̤ ملاك توا سمعتني نتكلم مع الراجل تنوض تعيط ومش حترضى عليا لو طلعت منن اهني ونفخ ونممم
اني ابتسمت : وعادي حميدتي شن فيها لو قعدنا معاهم قصدي اني حنبدا وحدة فيكم مش مشككلة ومرات هي تبيكش تبعد منن عليها
محمد : حتى انتي تبي تاخدي راحتك واني نبي ناخد راحتي معاك
اني : لا لا عادي ناخدوها راحتنا شن فيها اهم شيء رضا امك حميدتي هي كبراتك وعلماتك وخلاتك توصل لهالمرحلة
محمد : يعني مستقبلا بوسات الكوجينة يلي نحلم بيها مش حيصير منها
اني : استغفر الله ‏Ⴢ̤ ربي ناس شن تفكر ومحمد شن يفكررر برا ارقد احسن
محمد : نبي نرقد ؏ صوتك اليوم 🌝😂 بالك عندك مانع
اني : لا لا
مهم هدرزت اني ومحمد هك لن رقد هو وني رقدت والخط مفتوح وجت ريان رقدت
__________
ثاني يوم فقت لقيت ريان مبدلة وتدير ف مكياج ؏ مرايا
اني : مشاء الله شن كل هالنشاط
ريان : هيا مش بنمشي معاك المستشفى
اني : وليش
ريان فنصت فيا
اني : ااه اي
طبعا ريان بتمشي معاي باش تشوف ايهاب ويهدرزو وبتشوف حسن
طق باب غرفتي كانت ميار
ميار : صبحخير قلت نفيقكمم
اني : صباح الورد شوفي ريان ماشية بتشوف الحب عاد عيونها عشرة عشرة
ميار : حب شنو
اني : تو تقولك هي
نضت حمام دوشت توضيت طلعت صليت بدلت حوايجي لبست سروال جينز هافت وعليه بلوزة حنيه ووشاح بيج وسبيدرو وشنطة ؏ بيج
اني : بننزل نوتي فطور تعالي
نزلت لوطا لقيت مالك يفطر وكيف طالع باسني ؏ خدي
مالك : انني طالعع بنروح ف الليل ماخر ردي بالك ؏ روحك بيناتنا نقال
اني : اوك
مهم وتيتت فطور جو ريان وميار وام مياس نازلين
اني : وينن مياس
ميار : راقده
ريان : خنمشيي نفيقها
ركبت ريان لمياس
ريان : مياااس فيققيي مياسسسس
مياس كانت تدوي بكلام مش مفهوم وهي راقده
مياس : رود‏Ⴢ̤ انت ليا بس
ريان ضحكت وغلضت صوتها : حبيبتي مياس اني رواد نوضي وتيتلك فطور
مياس عيطت وناضت : روادددد
ريان وهي تضحك : طبعاا رواد تنوض وني الكلبة ننبح ليا ساعه تقول ميته😂 تتتي نوضي الفطور
مياس : باردههههه تو نلحقك هي
مهم شوية هك نزلت مياس فطرنا
اني : هيي اني توا بنمشي مستشفى ومعاي ريان شوية وتروح هي فـ‏Ⴢ̤ حال صار اي شيء كلموني والحوش حوشكم
اني بستهم كلهم وطلعت مشيت اني وريان خشينا مستشفى
اني : وووه جوري متاع رسبشن شوفيها كيف تضحك هالباردة
جوري كانت تهدرز بالنقال وتضحك
ريان : اس اس شوفي شن بنديرلها كملي معاي
مشينا اني وريان للرسبشن وريان لبست النظارات الشمسية وشدت شنطتي وقامت خشمها وقربعت ؏ طاولة لجوري
ريان : شن هاداا احني ف مستشفى مش لعببب معاكك يلي شادة وزاره الصحة وجاي اليومم بنشوف اوضاع هالمستشفى ولقيت البداية متبشرشش بالخيررر ضحك وقلة ادبببب زي هككككي مش مستشفى هادي انتتي ضروري يفصلوكك
جوري وقفت وقعدت تساوي ف روحها وف الاوراق يلي ؏ طاولة
جوري : لا لا ‏Ⴢ̤ ابلة مش هكي القصة غير
ريان : لا غيرر لا غيراتتتتت
اني ضحكت وشبحت لجوري : اعطيني جدول عمليات متاعي
ريان : لا لا يا دكتورهه تجيبهولك لغرفتكككك ليش انتي تاخديه بري غرفتك دكتورة
اني مشيت قدام ريان
ريان شبحت لجورري منن فوق للوطا : رسبشن اخر الزمننن
جت ريان وراي وخشينا غرفتي وني ميته ضحك
اني : يعنشكلككك كيف خلعتيها ووهعليااا
قعدنا نهدرزو شوية ني وريان لن جت جوري اعطتينا الجدول ومدت لريان نسكافيه
جوري : تفضلي ‏Ⴢ̤ ابله جبتلك نسكافيه ‏
ريان : تاخرتي هلبا ‏Ⴢ̤ ماما مفروض اول م دكتور يجي طولل تجيبيله ملفات العمليات وكل شيء وملفات مرضى م تخلي شيء ضروري يفصلوك انتي اني لازم نتكلم مع يلي شاد المستشفى
فجاءة خش محمد
ريان : مش معقولة يا دكتور محمد هالاشكال تخدم عندكم نو نو بوسيبول معليشي
جوري : والله ما قصدي ‏Ⴢ̤ ابله سوء تفاهم
محمد طبس ؏ ريان وفهم يلي صاير مشى معاها المقلب
محمد :  شن فـ‏Ⴢ̤ ابلة ريان فـ‏Ⴢ̤ حد ضايقك
ريان : نو نو دكتور محمد مستحيل قصدي متوقعتش مستشفى متاعك فيها هكي ناس
محمد ابتسم وشبح لجوري : خيرك ‏Ⴢ̤ جوري
جوري : يا دكتور اممم
محمد : خلاص تقدري تطلعي جيبيلي ملفات مرضى حطيهم ف غرفتي
جوري : حاضر
وكيف بتطلع جوري خشت حنان
حنان : ريونتتتي واخيرا ملاك جاباتكك معاها هالكلبة متبيش تجيبك
ريان حضنت حنان وقعدت تقرص فيها : يعنشكلك فضحتينا
جوري فنصت ف محمد وف ريان وطلعت
وريان طقت يد محمد : اقوا عليهم راجل اختي طلعت مبدع ف التمثيل ‏ᘓɹ̇ᓄ زيك ‏Ⴢ̤ ملاك جمال وذكاء وكلشيء بالله
محمد : باش تعرفي بسسس لو مش حنان راه كملنا فضحتنا
حنان : شن فيي وخيرك تقرصي انتي
مهم احني هدرزنا شوية وضحك
محمد مشي غرفته وحنان مشت تشوف الحالات قعددت ف غرفة اني وريان شوية جي دكتور عماد
عماد : صباح الورد دكتورتنا
عماد شبح لريان : اهلين نورتينا
ريان : بوجودك ‏Ⴢ̤ قدر
عماد قعد يشبحلها
اني : متدورهاش اعتبرها مش موجودة ودير روحك م سمعت شيء
عماد ضحك : غير اسمعي ملاك بنوريك حاجة
جي عماد وقف جنبي قعد يوري فيا ف ملف وصور اشعه متاع مريضة كان يدوي واني نشبح مشوش راسي بدي يوجع فيا بطريقة غريبة شديت راسي شوية وفقدت توازني عماد شدني
عماد : هيي ملاكك كويسهه
اشوية هكي اني بديت نعيط الم ف راسي مش طبيععي تقول حد يعصر فيه بقويهه او حد عافس عليه قعدت نعيط وطحت ف الارض لن اغمى عليا جي عماد وريان شدوني. عماد ؏ طول طلع ‏ᘓɹ̇ᓄ درج ابرة بروفين مسكن باش تهديني ورقدني ف سرير لن فقت
عماد : اعطيتك ابرة ارتاحي شوية ف سرير وتوا تبدي احسن
اني كيف بنوض : لا لا كويسه اني م فيا شيء
ريان : يكري فمك هادا كله منن تعب الخدمه
عماد : اني بننزل نشوف الحالات ومتخدميش هلبا اليوم تو نشوف الحالات يلي عليك
ابتسم عماد وطلع
ريان : خيتي نجيه يلي مهتم لصحتك
اني : تمشي لحسن
ريان : اي اي
اني : استني نمشي معاك
ريان : لا لا ارقدي اني تو نمشي بروحي غير قوليلي اما غرفه
اني قلت لريان ؏ الغرفة وهي خدت باقة الوردة ومعاه باكو شكلاطة فيريرو ومشت لحسن
اني : شن جو الاجانب هادا احني ف ليبيا يا اختي مش ف بريطانيا
ريان : مدخلكششش
طلعت ريان ومشت ركبت الاصانصير ساعة تراجي ف الباب مباش يتسكر وكيف بتطلع ‏ᘓɹ̇ᓄ الاصانصير جي واحد لابس طاقية انضرب فيها طاح الورد وشكلاطه منها وتسكر باب الاصانصير
ريان : شني اعمى خوي استغفر الله ‏Ⴢ̤ ربي وردي الجميلل تبعثر كايامي السودد وووه تو شن بنعطيه هي تفضل
الولد نزل يلم مع ريان الورد
ريان : تي حوللل معاش تمسه ‏Ⴢ̤ راجل شن هادا اني نشده بروحي
الولد وقف
ريان : شكلك م صدقت اققل شيء قول اسف قول شيء انزل لم معاي قولي مش صايره اني بنلم
الولد قعد يضحك ؏ ريان وريان شبحتله وجتها صدمه وقفت
_________
عندي اني كنت راقده ف سرير ونشوف للصقف لن خش محمد اني طول قعمزت
محمد : مشاء الله مشاء الله لبسة اليوم ترا اوقفي مشفتهاش
اني وقفتها ومحمد قعد يدور فيا ويشوف ف اللبسه
محمد : مشاء الله مشاء الله شن قلت ؏ سواري القصار انني ولا ضروري ندير قرار ونلبسك خيمار
اني قعمزت ف سرير : محمد
محمد : شن محمد
اني : اسفه معاش نعاودها
جي محمد قعمز جنبي ف سرير
محمد : مفيش شيء اسمه اسفه اني نعاقب بسسس
اني ابتسمت وشفتله : وكيف حيكون عقابي
محمد باسني واني قعدت نشبحله مصدومه فيه ورجع باسني مرة تانيه
اني خبطته : نوض نوض كان عندك خدمه اخدمها
محمد : بنغير مجالي بنخدم عليك توا بس
اني ابتسمت واعطيته تيرو وكيف بنمشي شدني من يدي ورد قعمزني ف سرير
محمد وعيونه ف عيوني : شكلك تاعبه شن فـ‏Ⴢ̤
اني : صداع شوية بس
محمد : باهي ريحي روحك
اني : باهي ممكن تطلق يدي توا مش قبل شوية قلت عندي حالاتت بنمشي نشوفهمم توا ليش جيت
محمد : اهه فكرتيينـ‏Ⴢ̤ جيت نبي ملف المريض &)&:)
اني : دقيقه هي
الملف كان ف دولاب مع باقي الملفات ف رف الفوقي بكل حاولت نوصله مقدرتش
شبحت لمحمد وابتسمت
محمد قعد يضحك جي محمد وراي
محمد : القصر مشكلة والله
محمد بدون م يمد يده كلها او يطول ف روحه مد الملفات
محمد : تفضلي
اني خديتهم منه : شكرا
قعدت ندور ؏ ملف المريض لن لقيته واعطيته لمحمد بدل م يشد الملف شد يدي
محمد : عادي ناخدك انتي
اني : محمدد شن جايك اليومم برا تسقد هي
محمد غمزلي وخدي الملف وطلع اني نزلت لوطا للمختبرات بنشوف تحليل تهاني شنصار فيه نسيته بككل