لا مفر فأنت ملكي للأبد (قصة مغربية)

الجزء 1

اول حاجة و قبل كل شيء ....غادي نعطي تحية لحنان ..صديقة لعمر ❤❤

غادة فطريق قصرها بعد نهار عامر بالخدمة ....غادة فاللوطو ديالها..مصايگاهاش هي..بل الشيفور ديالها لأنها كتخاف بزاف تصوگ ...الجو شتوي..كئيب ...حلات الشرجم مخرجة يديها كتحسس قطرات ديال الشتا بيديها وبعضهم كيجي ليها فوجهها ااملائكي ...وجهها مزنگ بقوة البرد ونيفها حمر... عينيها فالأزرق الفاتح كيبريو . نفس لون عينين ماماها لون لا متيل له ... كتقيس فالشتا وكتفكر ماماها وباباها فاش كانو كيلعبو تحت من شتا وكانت هي عندها16سنة ديك الساعة ..كانو كيضحكو وفرحانين ...للحظة ضلامت الدنيا بين عينيها ..وسدات الشرجم كتشوف فالطريق ...

شغف العمراني ...26سنة بنت عاشت حياتها مختالفة على اي بنت فعمرها ...جمال فتاك كيسحر اي واحد جات قدامو .. ذكية بزاف ..عندها كلشي بلحساب ...ماتو واليديها وهي فعمرها 18. كانت مرحلة صعيبة عليها لأنه مكانوش عندها الخوت ...واليديها خلاو ليها امبراطورية على قدها عارفينها ذكية واخا هي كانت متبعة مجال العلوم ولكن فلحظة لقات راسها هي لي كتسير كلشي ...واخا صغيرة قدرات تحكم فزمام الأمور بل فاتت ناس كبار عليها فالمجال و قدرات تخلق استراتيجيات جداد ...بعدما ماتو واليديها. بقات عايشة فنفس القصر ديال واليديها ...عايشة معاها ..منسقة الملابس ديالها و الخدم لا غير ...وكيعاونها سي احمد ..اليد ليمنا ديال باها الله يرحمو
عايشة بطريقة روتينية ...هكا هي دايرا فوقت الخدمة...تقدر تجيكم غريبة عايشة مع منسقة الملابس ...ولكن والديها كانو ديما كيهتمو بالمظهر قبل كل شيء ..خصوصا انها كانت بنت تابعة قرايتها وعندها حب كبير لمجال العلوم...بعدما تولات الرئاسة على 20 عام بعد عامين من موت واليديها ..عينات خولة ...منسقة الملابس ديالها وكذالك مساعدة ديالها فالخدمة..كيبانو مقاربين فالعمر ..تلاقات هي وشغف فالخيرية لي كانت فيها خولة...كان هاداك اخر نهار عند خولة فالخيرية ...كانت واقفة قدام الباب تالفة عندها شوية ديال الفلوس ..ومعارفة فين تمشي ...كان هاداك النهار هو اول لقاء بيناتهم ومن تم وهي ساكنة مع شغف فالقصر كيخدمو و فنفس الوقت كتقرا الموضة والازياء...خولة بنت زوينة بزاف وبريئة حتا هي فحال شغف معندهاش واليدين ..معارفة عليهم والو ..منين حلات عينيها وهي فالخيرية

ماهي الى دقائق وصلات للقصر ..كتمشى بخطوات تقيلة فإتجاه الباب كان باب كبير ذهبي ...دخلات وتبعتها خولة لي جاية فاللوطو ديالها
خولة:شغف كتباني عيانة
شغف:غير نهار داز طويل دكشي لاش
خولة(كتهضر وهي كتقاد فنضاضرها):شنو بان ليك نتعشاو ومن بعد نطلعو نوجدو على قبل غدا
شغف :واخا انا نطلع ندوش و من هنا 30 دقيقة نتلاقاو
خولة:اوكي

طلعات لبيتها حلات الجناح ديالها ..يمكن نگولو قصر فوسط قصر ...كان كامل باللون الأبيض ...دخلات تخشات فالدوش نيشان وخرجات لبسات بيجامة وهبطات تعشات هي وخولة ..من بعدها مشاو لمكتب