لا مفر فأنت ملكي للأبد (قصة مغربية)

الجزء 31

🌹🌹وصلو قدام الفندق لي غادي يكون بيه الحفل ...هبط ناصر و حل لشغف ولكن هاد المرة عكس لي فاتت شدات ليه فإيديه ...دخلو من لباب ...
كانو الصحافة مجمعين على الباب ...غير دازو من قدامهم ..كلها وباغي يسولهم على علاقتهم ...ناصر جر شغف من خصرها داخل بيها وسط أعين الكل ...كأنهم خطفو گاع الأضواء ....وكلشي باغي يرضي فضولو و يعرفو شنو نوع العلاقة بيناتهم .....الضيوف أكترهم أجانب ...كيتعاملو مع ناصر ..

أمين(نغز شغف من اللور ):أهلا بمرت خويا ....شنو هاد الأناقة و الجمال لي كنشوف ....
شغف(بتاسمات ليه):شكرااا....حتا نتا جيتي زوين
أمين(كيعيبها):نينيني
شغف(غمزاتو):فين هي خولة ...
أمين(كيقلب عليها بعينيه):معرف فين مشات ...هاهي شوية وتبان ...
ناصر(خنزر فخوه)
أمين:هااء ناصر نتا هنا مشفتكش....
ناصر(ضربو لرجلو ):شتك كتعنب...وأنا قدامك
أمين:احح ...شغف ...معندكش مشكل بعدا؟
شغف(دارت ليه براسها لا )
أمين(كيضحك. .وكيحاول يصعر ناصر):شتي ...هي ومعندهاش مشكل ..
ناصر(جرها من خصرها ):عاجبك لحال ..نتي...
شغف(دورات عينيها وكتهضر من تحتها مفقوصة ):على لأقل هو گال شي حاجة زوينة ماشي فحالك ...
ناصر(لصقها على صدرو وهضر جيهة ودنيها): انا كندير ...ماشي كنگول ...تبغي تجربي
شغف(وجهها ولا حمر حيت سمعها ):هاا....طلق مني راه كيشوفو فينا
ناصر(كيضحك على وجهها لي من شحال ما شافو كيتلون ):ويشوفو ....
شغف:طلق راه غادي تصبح صورتنا فالصفحة الأولى من الجريدة ...طلق
ناصر(ضحك بالجهد ):الصراحة فكرة زوينة باش كلشي يعرفك ملك الزعيم ....(كيقرب )
شغف(كتشوفو كيقرب):ناااصر ...لالالالالا
ناصر(مكيتسنااش دغيا دخل معاها فقبلة ...كأنه حتا واحد ممعاهم بزز باش فصل لقبلة)
شغف(كتنهج ):واش تسطيتي....
ناصر(حاس بقلبها لي كيضرب بالجهد جيهت صدرو ):مراتي.. مسوق حد
شغف(دورات راسها كتلقا كلشي حاضيهم و لكاميرات كيصورو ):شتي لي گتلك ...هاهوما غادي يديرو لينا فحال حفلة نيويورك
ناصر(كيضحك):أنا لي گتليهم يحطوها ...عمري گلتها ليك
شغف(خرجات عينيها):لا كتكذب ميمكنش
ناصر(باسها فحنها):غير تيقي ....(كيفكر )تسناي بلاتي
شغف:شنوو
ناصر:ياكما لصق فيا هادشي لب دايرا ففمك ...
شغف:هادا سميتو عكر ...و مكيلصقش ...
ناصر (جبد تيلي كيشوف ففمو ملقا فيه والو )

أمين:احم.....
شغف(دارت لقات معاه خولة):خولة....توحشتك
خولة(عنقتها):حتا انااااا هههه

🌹🌹مشا ناصر وأمين خداو مشروب و كل مرة كيوقفو مع واحد من لمعارف ديالهم ...وكذالك شغف حيت حتا هي كتعرف بزاف ديال الناس لي تعاملت معاهم قبل ...

خولة:شغف ...مالكي
شغف(شادا جيهت كرشها بألم):لا غير شوية ديال لوجع
خولة:مجبتيش دوا لي كتاخدي ديما
شغف:لا مجبتوش ...مبقاش عندي
خولة(كتحاول تلقا حل ):تسنايني هنا انا نخرج برا....
شغف:لا بلاش غير خليك معايا
خولة:10 دقايق و انا معاك

🌹🌹مشات خولة ركبات فلوطو ديالها لجيهت أقرب فارماسي حيت عارفة شغف مكتقدرش على لألم بزاف ...اما شغف بقات واقفة كتشوف فناصر كيقدم لكلمة ديالو فلمنصة ... عاد شوية توجهات لجيهة فين كيوزعو لمشروبات كتشوف فناصر وقف مع وحدة كيدويو ...هندساتها من لتحت حتا للفوق ..بلباسها لعاري ....هزات كاس شرباتو كامل ...كتشوفها كيف كتحط ايديها على كتفو...