لا مفر فأنت ملكي للأبد (قصة مغربية)

الجزء 21

شهيدة:خولة ....يالاه قبل ميعيقو بينا
خولة:واخا
مشات خولة كتجري للوطو ديالها وتبعات شهيدة من لور ...وصلو لفارماسي خداو دوا لشغف ..وتحركو جيهت لمطار فين وجدو الطائرة الخاصة لشغف
شهيدة(كتهبط فيها ):بشوية عليك ابنتي
خولة(كتعاونها باش تهبط):هاكي هاد الصاك
شغف(مقادراش تمشي)
خولة:دوا ديالك ديريه فاش طلعي ..غادي يعاونك باش تولي مزيان
شغف(ومأت ليها براسها):مسحي هاد الرحلة من سجل الرحلات
خولة:متخافيش مغاديش يعرفو عليها والو
شهيدة(واقفة بعيدة وكتبكي)
شغل:ماما ..شهيدة
شهيدة(كتبكي):سمحيلي ابنتي سمحيلي
شغف:نتي مدرتي والو ...بلعكس مغاديش ننسا هادشي لي درتي معايا
شهيدة(عنقاتها بجهد ):خصك تمشي دابا
خولة(عنقات شغف مساخياش بيها):راه درت ليك تيلي فالصاك ...غادي نصوني ليك بنمرة أخرى
شغف (تمات طالعة ):صافي ...غادي نعول عليك

طلعات شغف وهي كلها مكسورة فحال شي طير تهرسو ليه جناحو ..تسد موراها باب الطيارة وهي كتشوف فيهم من النافذة ديال الطيارة وخولة كتحاول تبان قوية ومتنهارش قدامها ...تحركات الطيارة ببطئ باش توقف فلممر لي غادي طير فيه ...ماهي إلا تواني حتا طارت فسما ....

🌹🌹🌹🌹

كان من الممكن أن ألجأ إليك ...لتخفف عني لحظة الخوف التي تجتاحني . . . كان من الممكن أن أرتمي في حضنك لتردد ترتيلتك المعتادة : " لا داعي للخوف ، أنا إلى جانبك ، و لن يصيبك مكروه " . . كان من الممكن أن أبكي بين ذراعيك و أخبرك بأن الخوف قد سلبني طاقة العيش ، و بأن الحياة تستنزف مني كل لحظات سعادتي دون أن أعيشها . . . كان من الممكن أن أجيئك بكل ثقل الدنيا لتزيحه عني ، لكن الأمر أصبح معقدا كإبرة وسط كومة قش . . لأنه و ببساطة ، لا يمكنني أن أشكيك لك . . لا يمكنني أن أشعر في حضنك بالأمان ، و أنت سبب كل هذا الخوف الذي يحتلني ... . لا يمكن !

🌹🌹🌹🌹

خولة(تخشات فشهيدة كتبكي )
شهيدة:خولة ...متنسايش شنو وصاتك شغف ...
خولة(مسحات دموعها ):نتي سيري لقصر دابا متبيني والو انا عندي شي خدمة هنا نكملها
شهيدة:اه واخا(وركبات فلوطو ديالها متاجها للقصر )

اما خولة بقات تما مسحات سجل الرحلات و عيطات على شخص باش يمسح سجل الكاميرات فلمطار لا فدخلة لا فلخرجة ...عاد مشات للقصر ديال شغف لقات الدنيا كاملة مقلوبة ...عرفات ناصر غادي يكون مشا وملقاهاش ..
ولكن حتا شهيدة لعباتها مزيان حيت ناصر فاش خرج سد الباب وهو مكانش عارفها تم وكان عندها ساروت باش سدات من مور مخرجت وخلات لبالكون محلول باش يضن ناصر ان شغف نقزات باش خرجات

خولة(معصبة):شواقع هنا
أمين:فين كنتي
خولة(كتشوف فناصر لي كيقلب لي جات حداه ):كانت عندي شي خدمة ...(شافت فشهيدة)خالتي مال ناصر
شهيدة:معرفتش ...أمين ولدي مغاديش تگولينا شنو واقع هنا
أمين(ربع يديه ):هادا الندم ...الندم لي كياكل فيه ....خلوه حتا يتهدن
شهيدة:واش دابز مع شغف
أمين:سولوه واش باقا شي حاجة سميتها شغف بعدا
خولة(كتشوف كيف رد الصالون كامل مشخشخ)

ناصر(تم جاي قدامهم ويديه كاملين دم وجسمو زاد تنفخ كتر من الأول ):علمهم يبداو يقلبو عليها ...كانت فوق الأرض ولا فسما جيبوها ليا
أمين:واخا

ركب ناصر فلوطو ديالو والندم كياكل فيه علاش متاقش فيها وخا كان عارفها مزيان متقدر دير والو ...ولكن كيفاش حتا متاقش بيها....متاقش بمرتو لي كيبغيها ...
غادي تگولو كيفاش مرتو ...عقلتو على لوراق لي خباهم ناصر فاش دخلات عندو شغف للبيرو ...كان فيهم عقد الزواج ديالو هو وياها كان متشوق وقتاش تولي مراتو ..ولكن القدر كانت عندو هدرة أخرى وكلشي تقلب وهو معارف حتا فين هي شغف ومعندو حتا مجرد فكرة على بلاصتها ....خايف توقع ليها شي حاجة ...ميقدرش يسمح لراسو ...هو سباب باش متاقش فيها ...ولكن تعماو ليه عينيه فلحضة شافها فأحضان رجل أخر من غيرو
الغيرة والغضب والندم والحيرة كياكلو فيه من لداخل ...قلبو شاعلة فيه العافية
وصل للقصر ديالو دخل نيشان لبيتو بانت ليه لاغوب لي ختارت شغف ..زير على يديه ...
ناصر(شاد فلاغوب ولات كاملة دم ):اش درت انا.....اش درتتت....دمرت كلشي ...
دخل للدوش طلق عليه لما بارد لي غير كيتحط على لحمو كيخرج البخار بقوة ما جسمو سخون ...بقا مدة حتا حس براسو برد ...خرج جيهت لمكتب وكل بلاصة كيدوز منها كتفكرو فيها ..ضحكتها وهو تابعها وبتسامتها لي بدلات ليه حياتو ..ولكن صوت ديالها وهو كيعذب فيها طغا على كلشي ..باقي صوتها كيتردد فودنيه

الساعة 1:30ديال الصباح
خولة(گالسة حاطة يديها على ركابيها وكتفكر )
شهيدة:حمد لله كلشي داز مزيان ....مجاكش نعاس
خولة(هزات راسها فيها): مقدرتش ..كنفكر غير فين غادي تكون وصلات شغف
شهيدة:متخافيش ...ياك گلتي غادي تصوني ليها
خولة:اه تفكرت (مشات جبدات تيلي و النمرة لي شرات جداد)
بقات مدة وتيلي كيصوني عاد جاوب
خولة(كتهضر بشوية خايفة لا يسمعها شي حد ):شغف كتسمعيني
شغف(كتهضر وهي مقصحة ):خولة ...كنت كنتسناك
خولة(حابسة دموعها بزز ):وصلتي مزيان ...درتي دوا ..وفين نتي دابا
شغف:اه ...وصلت مزيان...درت دوا
خولة(عاد تنفسات)
شهيدة(خدات تيلي):بنتي نتي مزيان
شغف:كيف غادي نكون بيخيير ..متعاودي حتا حاجة لخولة من دكشي لي طرا
شهيدة:واخا ابنتي متخافيش ...تهلاي فراسك

بعد يومين
صبح صباح ...الساعة/8:30 صباح

ناصر گاع لبلايص قلبو فيهم و والو معندها حتا أتر طاحت عليه فكرة وكيمتنى متكونش بصح ....لبس عليه مشا نيشان للقصر ديال شغف ...طلع لبيتها كيقلب فأي بلاصة ملقاش وراقيها ...هبط صاعر ...كانو شهيدة ،خولة وأمين كيفطرو
ناصر(كارز على سنانو):فين مشاو وراق شغف هااا ....شكون داهم ليها
أمين:اينا وراق ا صحبي شكتخربق علينا فهاد الصباح
ناصر(خبط عليهم طبلة بجهد حتا تخبطو الطباسل):شكون دا ليها الپاسپور ديالها ووراقها لخرين هاااا....شكون عاونها باش تهرب
خولة(كتشوف فشهيدة مخلوعة)
شهيدة(تشجعات حيت هي مو مغادي يقدر يدير حتا حاجة يآذيها بيها):انا لي عاونتها
كلشي دار عندها مصدوم
شهيدة(كملات فكلامها ):كنت فلڤيلا داك النهار باش نجيب لوحات ديالي وانا لي هربتها من تم
ناصر(تصدم ...بدا كيمشي ويجي ودنيا تالفة بيه):(تم جتي عندها حتا مبقا كيفصل بيناتهم والو)فين مشات هااا فين ...
شهيدة:معرفتش
أمين(دفع ناصر بجهد ):دير فراسك هادي راه مك
ناصر(زاد جعر ):فين مشات هاا...فين ....طلق مني نتا ..طلق ابنادم
أمين(كيجر فيه):واش تسطيتي ...راه طبيعي تخاف وتهرب راك نتا معارفش كيف كتولي فاش كتعصب ...فاش غادي تنفعك الندامة دابا
ناصر(عطاه بدقة جابو طايح ):(ضار عندهم):نعرف عندكم علاقة بهادشي متلومو ايلا ريوسكم (وخرج جيهت لقصر ديالو بعد موصاهم يجيبو ليه سجلات ديال الرحلات لجوية ديال هاد الأيام لي فاتو )

⭐ Vote

💌Comment