لا مفر فأنت ملكي للأبد (قصة مغربية)

الجزء 29

ناصر(كيهضر فتيلي ):اه غادي نجيو ليوم .....صافي وجد ليا دكشي لي وصيتك عليه....
شغف(كتكسل):غادي نمشيو ليوم
ناصر(قطع تيلي وتكا حداها):علاش مسخيتيش
شغف(جمعات شنايفها ):ممم معرف
ناصر:ههه مرة أخرى ونجيو ...دوزنا مدة طويلة هنا...يالله هبطي باش نفطرو

دخلات للدوش غسلات عليها ...خرجات لقاتو هبط ..لبسات عليها كسيوة فالأصفر صيفية...وهبطات لقاتو حط لفطور....فطرو دغيا فجو مليئ بالصمت  ..
خرجو تاجهو للمطار ..لقاو الطائرة واجدة ...ماهي غير مدة قليلة  ووصلو للمغرب ...مع الدخلة ديال لقصر لقاو أمين واقف ...
أمين(بتاسم):على السلامة
ناصر(باقي معصب):الله يسلمك
أمين(هبط بجسمو عند شغف وخربق ليها شعرها):لاباس عليك ...
شغف(بتاسمات ليه حتا عينيها تسدو):مم...مزيان انا (شافت فيه مخنزرة)علاش مكتسولش فيا
أمين:اناا بلعما....ديما كنسول فيك
شغف(ضحكات ):هههه واخا غادي نتيقك....
ناصر(شافها كيف كتبتاسم ليه ...ورجع مخنزر ...شد أمين من عنقو):زيد قدامي راك كتقلب عليا...
أمين(دار عند شغف): ايوا شتي لي گتليك ...راه راجلك مغيار

بعدما طلعو ....طلعات شغف موراهم دخلات لبيت رتاحت فلجاكوزي....عاد خرجات بدلت عليها وتكات تحيد التعب ديال السفر بعدما هضرات مع خولة...

عند ناصر و أمين لي بعدما طلعو للمكتب ديال ناصر ..بداو كيهضرو ...مرة فلخدمة مرة على سيف ..

ناصر(خبط بالجهد فوق الطبلة ):غادي نوريه شنو هي يقرب من داري ..ومن مراتي....(زير على يدو بقوة)غادي نتحاسب معاه مزيان غير  حتا يجي قدامي ....
أمين:تهدن أ صحبي هاد العصبية دابا معندها باش تفيدك...واش سيف غادي يخلعك ...ميقدر يدير والو..
ناصر(مسح على شعرو بالجهد):كنعرفو مزيااااااان ...واحد خواف ..وجبان ....غادي يجي برجليه حتا لعندنا ...لا داعي نقلبو عليه ...
أمين:تماماااا ...
ناصر(مسح على لحيتو ):لخدمة كيف غادة فالشركة
أمين:مزيان ..كلشي هو هداك ...غير هو  الإفتتاح الرسمي  ديال مشروعنا فنيويورك مع شغف قريب.... ولخدمة غادا تقيلة شوية
ناصر:ماشي مشكل...شغف دابا ماشي فحالة تسمح ليها تخدم ....انا غادي نتكلف
شغف(دخلات عليهم حتا دهشرو ):لا نقدر نخدم شكون گاليك منقدرش
أمين(صغر عينو ):شغغغف ....كنتي كتجسسي علينا
شغف(خنزرات فيه و قربات حاطا يديها على خصرها):غير كنت هابطة ناكل وسمعت هاد الجملة...
رجعات دارت عند ناصر:شكون گالك أنا ماشي فحالة تسمح ليا نخدم ..واصلا نتا....
ناصر(كيشوف فيها بشوفة لقتيلة):أمين ...سالينا لهضرة
أمين(فهم راسو ):يالله تصبحو على خير
ناصر(خلا أمين خرج ):تبعيني ...
شغف(غادا تابعاه و كتنگر ):شرح ليا هدشي لي كدير نتا
ناصر:هاد نتا لي كتدوي عليه راه راجلك
شغف(معصبة):ومن بعد ....انا مقابلاش هاد الزواج..
ناصر(مزير على يديها):شغغغفف ...كتقلبي عليا هاد النهار ...خلينا هانيين قبل متجيبيها فعضامك
شغف(نترات يديها ):طلقق ..منييي ....هادي ..حيااااااتي ونتا ممنحقك تاخد حتا قرار فبلاصتي ...مفهووووم
ناصر(جر ليها شعرها حتا تقصحات):(,غوت بجهد)شغغغغغغف ... صوتك يعلى على صوتي لمرة جاية نقطعو لمك..مفهوم...
شغف:طلق راك كنتقصحني
ناصر(زاد زير عليها):هضرتي مفهومة ولا مزال
شغف(بدات كدمع):اه...صافي
ناصر(طلق منها وتم خارج)
شغف(حبساتو وهي كتبكي):طلقنيييي
ناصر(ضربو الضو على إتر هاد الكلمة .....دار عندها و أعصابو كتغلي ):شكتگولي نتي....هااا
شغف(كتمسح دموعها وكتغوت ):كيفما سمعتي...طلقني ..منقدرش نزيد معاك دقيقة وحدة...معمري غادي نسا شنو درتي فيا ...معمرييييي
ناصر(بلا ميحس صرفقها بضهر يدو ):هاد الدقيقة لي كتهضري عليها غادي تولي ...أعوام ....(جرها حتا لصقات على صدرو )....كلمة الطلاق نسمعها من فمك مرة أخرى نقتلك...كتفهمي ..نقتلك بلاما نحس ا شغف ...
شغف(كضرب فيه لصدرو ):أخر مرة تحط عليا يديك ....متقيصنييش ..متنساااش انني شغف لعمرانييي ...بإتصال واحد  نطلق منك ....بكل سهولة ...
ناصر(خبطها على الحيط حتا حسات بضهرها قرب يتقسم ):سكتي ا شغف ..سكتييي ...سدي داك الفم ...راه غادي تجيبيها فراسك ....سكتييييي
شغف(تقصحات فضهرها ):طلق منيي....واش نتا كلشي عندك بالعنف .....عييت منك  عيييييت
ناصر(خبط بيديه فلحيط كيحاول يكبح غضبو ...خرج وزدح لباب )

اما هي گاع دوك الأعصاب خرجاتهم فلبكا ...وهي كتشوف راسها غير قبل تلاتة اشهر كيف كانت حياتها كأنها اسعد وحدة فالدنيا ...ودابا كلشي تقلب ...
تكات بلاصتها ودموعها باقين دايزين على عينيها ...حتا بدا كيديها النعاس بعد مدة طويلة  ....بعدها بشوية دخل ناصر ..لي بعدما هبط من عندها دخل لمكتب شخشخو كامل ...
كان حابس راسو ما أمكن  باش ميحطش عليها يدو ....دخل لبيت بعد ساعات كان ضو طافي فقط الضو ديال القمر لي منعاكس عليها  ...قرب لجيهتها وتحنى عندها ...كيشوف...فرموشها لي فازگين....و فمها وحناكها حمرين ...وحتا شهقاتها باقين ....عرفها كانت كتبكي ...مسح على وجهو ...دخل بدل حوايجو و رجع تكا حداها ....جرها من خصرها لعندو ...راسو محبسش من التفكير ...

الشخص :دير فبالك بهاد الخطوة لي درتي  ناصر  غادي يديرنا فبالو ...كيبان ليا نتا غادي تخرج علينا
سيف(ضحك):رولاكس ا صحبي ....انا غرضي من هادشي كامل هو نشوفها(تكا على لكرسي وكيفكر فيها) غادي ناخدها من حداه وميقدر  يدير والو ...
الشخص(گلس حداه):شكون يگول الزعيم ..نقطة ضعفو بنت ....هههه الصحافة دايرا الروينة عليهم من بعد محط  ديك التصويرة
سيف(بتاسم ):ماشي اي بنت ....اخخخ شغف...شنو مزال كديري معا واحد فحالو (تفكر ديك الصورة لي شافها وهوما بجوج حدا اليرقات الضوئية )
الشخص(خنزر فيه) :دابا باراك من هاد التخربيق فكر فلي جاي ...حيت مغاديش نرحمك ايلا فشلتي ليا لخطة ....غادي نستغلو نقطة ضعفو ....من بعد منقتلوه دير بهاد شغف لي بغيتي ...ديك الساعة مكيهمنيش

فاقت شغف كتحس براسها كلها مدگدگة ....دخلات للدوش حيدات حوايجها و تخشات فداك لجاكوزي وهي مقلوبة وفيها النعاس ولعيا كلشي مجموع عليها.....وموراها ناصر لي مشافتوش وملاحظاتش حتا  لجاكوزي لي كان عامر وجات دخلات فيه  ...كيشوف فيها ومفاهم والو ....قرب ليها كيلقاها نعسااات....
ناصر...دخل لدوش لي كامل بالزاج وطلق لما حيت عندو شي خدمة خصو يخرج دغيا .....
شغف(كتسمع صوت لما تطلق حداها ):هييييه علاش دخلتي عليا .....هيه كنهضر معاك
ناصر(حبس لما و طل عليها):شنو گلتي ...
شغف:گتليك علاش دخلتي عليا
رجع كيدوش ....عاد خرج لوا عليه فوطة
شغف(كتخنزر فيه)
ناصر(باقي معصب من لبارح):مالنا اش كاين على الصباح.....

شغف سدات فمها حيت بان ليها معصب ....خرجات من لجاكوزي قدامو و لبسات پينوارها خرجات من  الدوش ...بلا متهضر معاه....دخلات لدريسينغ تلبس عليها ..عاد تابعها هو ...ومافيه لي يتصادع معاها....حاضيها غير بنص عين وهي كتبدل حداه هكاك...
لبس عليه دغيا وخرج كيتعرق غير بحدو ...وكاره الوضعية .....خرج بلاما يهضر معاها وهي غير حاضياه ...وكتشوف كيف مشا بلاما يگول حتا كلمة ....گلسات فلبالكون ....وعاد رجع ليها لبلان انه لجاكوزي كان عامر بلما ...يعني هي داخلة عليه وزادتها بلغوات ...نفضات دوك لأفكار من بالها ورجعات صونات على خولة كتهضر معاها وكتحاول تلهي لوقت ...

⭐Vote

غدا غادي نرمي ليكم تلاتة أجزاء.....وسمحولي على التعطيلة ....♥♥♥