لا مفر فأنت ملكي للأبد (قصة مغربية)

الجزء 11

صبح لحال....شهيدة مشات عند شغف للبيت كانت فايقة كتهضر مع خولة
شهيدة (كدق عليها ):بنتي ...حلي لباب.
شغف(حلات ليها):صباح النور 
شهيدة (شافت لحمها لي كامل مطبع):بنتي....نهبطو نفطرو 
شغف(عتاذرات منها):لا منقدش...مقادرا ناكل والو
شهيدة(فهماتها وهبطات)

ناصر (مترأس الطبلة):فين هي شغف علاش مجاتش معاك
شهيدة:غير خليها على خاطرها ...مبغاتش تاكل

ناصر(تم طالع عندها و معصب ):(دخل وزدح لباب):مالنا اش كاين
شغف(قفزات من بلاصتها):ناصر....
ناصر (كيحاول يبرد):علاش مبغيتيش تجي تفطري ....كتحاولي تفادايني
شغف(قالبة وجها ):ها...لا ماشي هكاك غير مفيا لي ياكل
ناصر(قرب ليها كيتحسس دوك الطبايع لي فعنقها): سمحيليا...مكنتش واعي براسي
شغف(طلعات معاها تبوريشة)
ناصر(شد يديها بجوج باسهم):انا خصني ضروري نسافر سيمانة جايا...فاش نرجع خلينا نتزوجو بلا منزيدو نعطلو لأمور
شغف(باقا ساكتة )
ناصر:عااارف درتها قد راسي ...ولكن فهميني حتا نتي منقدرش نشوفك هكا حدايا ومنقربش  ليك ...
شغف(تفكرات شنو لابسة وبدات كتخبي راسها)
ناصر(ضحك عليها ..شاد وجهها بين يديه):ولكن راه الصبر تقادا ا بنت الناس ...وصبري قصير
شغف(مشات دخلات للدوش)
ناصر(كيهضر مورا لباب):شغف انا غادي نتسناك لتحت نفطرو بجوج

بعد مدة كانت شغف لابسة حوايجها ومغطية حتا دوك اطبايع بالمكياج  هبطات لتحت لقاتو كيهضر فتيلي مع امين ..گلسات حداه كتفطر وهي ساكتة وهو حاضيها

ناصر:وجدي راسك ليوم لعشية باش نمشيو
شغف:صافي غادي نمشيو
ناصر(دوز يديه على حناكها):علاش مسخيتيش ...
شغف:الصراحة لا...وماما شهيدة واش كتبقى بحدها هنا
ناصر:اه...بغيتي تبقاي معاها...بيما مشيت لسويسرا ورجعت
شغف:لا منقدرش  خصني نرجع للخدمة ...منقدرش نحط الخدمة كاملة على خولة وسي احمد
ناصر:لي بغيتي....شنو دابا تصالحنا
شغف:ممم شوية
ناصر(بضحكة شيطانية): ولكن مبقا والو....ديك الساعة متسنايش مني نتساهل معاك
شغف(خبات وجهها بيديها وكتسوط):اوووف
ناصر(تفرشخ بالضحك):ههههه
شهيدة(جات گلسات حداهم وساهية قضحكة ناصرا. .لي أول مرة كتشوفو كيضحك بديك الطريقة من مدة طويلة ... عرفاتهم تصالحو  )

وصلات لعشية..كانت شغف بدات كتوجد راسها هبطات لقاتو كيتسناها ومعاه حتا شهيدة
ناصر(كيف ديما جامع غوباشتو وواقف بكل هبة):مشينا
شهيدة(كتعنق فشغف):بقاي مرة مرة تسولي فيا
شغف(زادت عنقتها): متخافيش ..ديما غادي نسول فيك ...
شهيدة:فاش غادي يقرب لعرس غادي نهبط للمغرب
شغف(بإبتسامة دافئة):اه إنشاء الله

ناصر بعدما سلم على ماماه و جر شغف ،مشاو ركبو فلوطو ..وشغف مساخياش ..مشاو نيشان للمطار حيت غاي تهزهم الطائرة الخاصة ديال ناصر ...ماهي إلا مدة قليلة محسوش براسهم مع الهضرة كانو وصلو  للمغرب ...وصلها للقصر ديالها  كان ديك ساعة الليل فلمغرب