لا مفر فأنت ملكي للأبد (قصة مغربية)

الجزء 5

صبح صباح .....صباح جديد

شغف(هابطة كتحك عينيها كانت لابسة كسيوة قصيرة ):(شافتو كيصايب لفطور)صباح النور
ناصر(دار وحتا قلبو تهز معا الدورة...):احم ..شغف طلعي بدلي عليك واجي تفطري
شغف(شافت فراسها وطلعات كتجري)
ناصر(كيضحك حتا صونا ليه تيلي):وي امين
امين:سبحان الله الفرحة كنحس بيها خارجة من تيلي
ناصر(حبس الضحكة):مالنا اش كاين
امين:هههه والو غير كون هاني...شوف راه خونا ديال داك النهار طلع كيهضر بصح..ونيت  صدقو كيهددوه..
ناصر(جمع غوباشتو):خليه عندنا واحد المدة والبنت تكلف بيها
امين:دكشي لي درت...ولكن باقي مشكل
ناصر:سربي طلقني
امين:مزال معرفناش شكون لي كان عارفنا دخلنا للمغرب فداك النهار ..يمكن كانو مراقبيننا فاش كنا فنيويورك
ناصر:هاد ز*** لي تجرأ يديرها بيا حسابي معاه من بعد ....
امين:لموهيم راه وصيتهم يبداو من دابا يقلبو عليه
شغف(مصدومة):ناصر ...لبيض كيتحرق
ناصر(دار عندها كيشوف فيها مفاهم والو )
شغف(بدات كتحاول طفي دكشي حتا تحرقات يديها)
امين(كيضحك):هكاك ناصر ولا كيطيب لبيض
ناصر(قطع عليه ومشا كيداوي لشغف يديها):(غوت عليها)اش داك تقيسي شي حاجة
شغف(تخلعات مع الغوتة):لا متقصحتش. راه غير شوية ديال الزيت
ناصر(قاد ليها دهنة ولوا ليها فاصمة على يديها):بقاي تردي بالك شوية
شغف(صوت كرشها تسمع):فيا جوع(بتاسمات ليه)
ناصر(ضحك عليها):ههه زيدي نعاودو نقادو هاد البيض
شغف(ناضت كتعاونو):ممم عندي سؤال
ناصر:سولي مرحبا
شغف:شحال فعمرك
ناصر:34 عام .علاش كتسولي
شغف(هزات كتافها ):غير هكاك
ناصر:ونتي شحال عندك
شغف(فرحات فاش سولها):26 هههه
ناصر:شارفة  قدك راه دارو ولادهم
شغف(خنزرت فيه):وشنو نگولو عليك
ناصر(كيحاول يعصبها):لا مزال ....شنو بان ليك نتي
شغف(كتعوج عليه):بففف....حتا انا مازال الحال عليا اصلا ايلا بغيت نتزوج من غدا نتزوج (قادات شعرها)هادي راه شغف العمراني ..زوينة وذكية و.و و و.
ناصر(بدا كيضحك حتا دراتو كرشو)
شغف(ضرباتو جيهة ضهرو ومشان جيهة لمرايا كتشوف وجهها يصحاب ليها فيه شي حاجة):(رجعات عندو):علاش كضحك...شنو دابا انا خايبة
ناصر(كيحاول يحبس ووالو مقدش بضحك)
شغف(تقلقات منو وتمات طالعة):راني حمقة لي دايرة فيك عقلي
ناصر(جرها قبل مطلع ولصقها على جيهة الحيط):شنو دابا دايرة فيها مقلقة
شغف(مخنزرة فيه)
ناصر(باسها فوق شفايفها):اجمل منك مشافت عيني
شغف(وجهها ولا حمر )
ناصر(كيتفرج فوجهها كيف كيتلون)
شغف:وعلاش كنتي كضحك
ناصر(تفكر الطريقة فاش كانت كتهضر وتعوج):هههه لا ضحكت على حاجة اخرى
شغف(شافتو مقرب ..وهي ناسية راسها وغادا معاه فالخط..وبعدات عليه):احم ...يالله نفطرو باش نمشي
ناصر(شافها كيف دغيا تبدلات ):شنو وقع مالكي بدلتي السيفة
شغف:موسيو ناصر لحد الأن مزال معرفتش شنو باغي مني ..ولكن لكنتي باغي حاجة اخرى راك غالط فطريق
ناصر(جرها حتا خبطها مع الحيط):مال مك واش باغاني نفرعك ولا مالك كنا هانيين شواقع...فاش كتفكري ...دوي شنو عندك فبالك
شغف(علات صوتها):عرفتك هادي 3د سيمانات ودابا انا معاك فدارك وكنطيبو الفطور ودابا نتا قريب ليا لهاد الدرجة والبارح....
ناصر(مخنزر فيها):مال البارح اش وقع..وأش فيها لا عرفتك دابا ولا من بعد ...لي مزال مبغيتي دخليه لراسك ا شغف هو أنكي ديالي سوا بغيتي بالخاطر ولا بزز
شغف:شنو نسمي  هادا حب الإمتلاك متلا
ناصر:سميه كيفما بغيتي ..ودابا اجي فطري حيت ايلا زدت معاك دقيقة وحدة غادي نهرسك من شي قنت
شغف(گلسات معصبة كتاكل وهو حاضيها ومعصب كتر منها)