لا مفر فأنت ملكي للأبد (قصة مغربية)

الجزء 33

شغف:هههه ايوا مبروك
خولة:تفوو وصلها ليك قبل مني
شغف(عنقتها):هههه مبروك عليكم ...
أمين(كيهضر مع خولة):كملتي ؟؟
خولة(تنفساات بعمق):كملت ...وأخيرا
أمين(غمزها):نمشيو ؟
خولة:اه واخا....شغف ايمتا غادي ترجعي للخدمة ...
شغف(شافت فناصر ):ممم قرييب ...

🌹🌹خرجو و خرج معاهم حتا لمحامي...وناصر و شغف بقاو كيشوفو فبعضياتهم ....طلعات وناصر غادي موراها ...كيشوف فكل شبر منها ...دخلات لبيت حيدات صندالتها حيت ضراتها فرجليها...نصلات لبستها والعقد ديالها لي هداها جوزيف ...و دخلات غسلات عليها ...
ناصر واخا هكاك باقي معصب و كيجي قدامو داك لمشهد ديال جوزييف كيبغي يخرج ليه لعقل .....

شغف(كتنشف فشعرها وكتشوف فيه من لمراية ): هاد السيمانة خصني نرجع للخدمة....هملتها بزااف بما فيه لكفاية
ناصر(دار عندها مخنزر وداير حسابو فراسو  ):ايه رجعي معنديش مشكل....
شغف(طلات ف تيلي لقات أمين مسيفط ليها الصور ديالهم  لي تحطو فلجرائد ..و شي وحدين صورهم هو فاش سكرات تفكرات ليلة لبارح وطلعات معاها سخونية على ديك الهضرة لي گالت ليه ):(بدات كتهضر بشوية)اش داني لشي ڤودكا انا..شوهت راسي
ناصر(جبد مشروب من واحد الرف فيه لمشروبات جا فلقنت ديال لبيت):لإنسان فاش كيكون مواعيش على راسو ...كيگول غير دكشي لي فقلبو ....(خدا رشفة من كاسو) حتا لين غادي تبقاي رافضة  حقيقة انك كتبغيني ...
شغف(دارت مخرجة عينيها):لي گالك هاد لهدرة كذب عليك ...(تمشات جيهتو فين گالس)انا مكنتش فوعيي و..
ناصر(جرها لصقها مع صدرو ): راسك قاصح.ممم
شغف(طلعاات معاها التبوريشة ):ممم اه...اااا..لا
ناصر(دخل يدو مور ضهرها من تحت تيشرت وفمو فعنقها ):دابا ..اه ولا لا
شغف(طلقات تنهيدة خفيفة):...معرفتش
ناصر(جنناتو ..رجع كيبوس عنقها حيت عارفو نقطة ضعفها):حبييبي....توحشتك ....نتي متوحشتينيش
شغف(غارقة فعالم أخر):ممم اه
ناصر(زير عليها ):شنو اه
شغف:توحشتك
ناصر(بتاسم):على سلامتنا منين گلتيها...

🌹🌹شغف بعدات عليه بعدما حسات براسها اش دارت ...شافت فيه ووجهها كامل ولا مزنگ بلحمورية ...خرجات كتجري هبطات  ...اما هو بقا كيضحك عليها ..وعارفها شحال ما قاومات غادي يخليها ترجع ليه سوا طال الزمان ولا قصار....
هبطات لتحت لقات لبنات كيوجدو لعشا ....سلمات عليهم و گلسات حداهم ...و علمات سعاد بيلا راه هضرات مع قسم لحسابات و راه غدا غادي يصونيو عليها....

بعدما تعشاو فصمت شغف باقا حشمانة منو حيت عارفة راسها مشوهة راسها دابا مزيان ...وهو عايق بيها ..كيدور يدور ويضحك عليها .....

🌹🌹دازت كتر من  سيمانة ...شغف رجعات للخدمة و رجعات لنفس داك الروتين لي كانت مولفاه ...واخا دورها ناصر بجيش ديال لي گارد من كل بلاصة باش يكون ضامن انها فأمان .....دوزو كتر سيمانة ما بين لخدمة و لقصر .. كيوصلها فالصباح و كيجيبها معاه فلعشية .... فالشركة كيكونو معاها لي گارد من كل بلاصة ...ولي كيدخل عندها للمكتب ولا الشركة كيتقلب من ساسو لراسو ..وحتا حد ميقدر يعارض حيت راه كيبقا الزعيم ... علاقة ناصر بشغف ..غادا وكتحسن على لأقل ولاو كيقدرو يهضرو بيناتهم بلا غوات ....ولا كيضحكو بجوج ....خولة بدات كتوجد لأول عرض أزياء ديالها لي غادي يكون بعد شهرين  ...لحلم ديالها لي من شحال وهي كتحلم بيه ... وكذالك زواجها ب أمين  لي ما بقا ليه والو..