لا مفر فأنت ملكي للأبد (قصة مغربية)

الجزء 15

صبح صباح ...صباح جديد كيحمل لينا أحدات جديدة
فاقت البطلة ديالنا كتكسل فبلاصتها وكتحك فعويناتها لي أشعة الشمس نعاكسات عليهم فاش حلاتو عليها خولة

                                 🌺🌺🌺

خولة(كتفوه):صباح النور
شغف(ناضت جيهت البالكون تستمتع بداك الهوى النقي لي كيفتح النفس ): صباح الخير ....(طلعات النفس)الله ..لجو صبح زوين بزاف
خولة(وقفات حداها ):زوين بزاف ..اجواء فصل الربيع بداو كيبانو (هبطات عينيها لتحت فالجردة)شنو بان ليك نهبطو نفطرو فالجردة من بعد نمشيو للخدمة بزوج
شغف:اه واخا فكرة زوينة ..ولكن ليوم مغاديش نمشي للشركة فالصباح
خولة(بإستفهام)
شغف(دارت عندها):لبارح جا عندي موسيو سيف الدين ..وطلب مني ندخل معاهم كعضوة فجمعية ديال الأطفال المصابين بالسرطان ...وليوم غادي نمشي نشوفهم
خولة(بتاسمات ليها حيت عارفا قلبها شحال طيب ودكشي لي مخلي خولة معتابرة شغف كتر من ختها بل تقدر تضحي على قبلها ):اه واخا ولكن الفطور نفطرو بزوج
شغف(بضحكة بريئة):اه واخا ا لالة غير خليني حتا نغسل حالتي
                         🌺 🌺🌺🌺

بعدما سالات شغف دخلات للدريسينغ وهي لابسة غير پينوار و منشفة على شعرها ومتحمسة تمشي تشوف دوك الوليدات الصغار  ....دوزات أپيل لشي ناس باش يتكلفو ليها شنو تدي للدراري الصغار ..غير قطعت وهو يصوني ليها ...اييه هاداك لي فبالي وبالكم ههه

شغف(الصمت)
ناصر(عارفها مزال مقلقة ):صباح الخير ...كيف صبح الحب ديالي ممم ..ولا باقي مقلق
شغف(جامعة حجبانها):مغاديش نهضر معاك غير بلاما تحاول
ناصر(حابس الضحكة):ممم وعلاش
شغف:شوف نتا شنو درتي لبارح
ناصر:ممم خليني نفكر ...مدرت والو ..معقلتش فكريني
شغف(بعصبية وبدات كتعاود ليه شنو دار ليها):(بدات كتنهج فاش كملات لهدرة)يالاه واهانتا شنو درتي
ناصر(شبع ضحك عليها)
شغف:علاش كضحك عليا
ناصر(مسح علا وجهو):هههه لا ماشي عليك ..علاه انا نقدر نضحك عليك وايلي حتا لهادي لا ..
شغف(الصمت)
ناصر(جمع ضحكتو):شنو دابا مباغاش تصالحي معايا  ..تبغي نبقاو مخاصمين
شغف(بعفوية):لااااا
ناصر:ههههه
شغف:ولكن أخر مرة تبقا تغوت عليا هكاك
ناصر:واخا ا لالة لي بغيتي هي لي تكون ....ولكن
شغف:ولكن اش
ناصر:لي گارد منقدرش نخليك تمشي بلا بيهم
شغف :وعلاااش ...راه قنطونيي (ضربات رجليها مع الأرض)

بعد مناقشات ومدابزات عاد قنعها تدي معاها لي گارد ..بعدما لبسات عليها لبسة خفيفة باش تخرج مرتاحة بلا طالون ...هبطات فطرات مع خولة ...ومن بعد شدات طريقها بعدما هضرات مع المساعدة ديال سيف لي عطاتها العنوان لي غادي يديها نيشان للمقر ...وصلات و غادين معاها حتا لي گارد وصلات دخلات معا باب كبير كيدي لجردة فيها ألعاب أطفال ...وقفو شوية ودخلات شاحنة كبيرة  حتا خرجات عندها المساعدة ديال سيف الدين

المساعدة :مادموزيل شغف ...شرفتينا بمجيتك
شغف(هزات راسها عندها حيت كانت كتسيفط مساج لخولة):ااا شكرا (كتحقق فيها) ...سمحيلي ماشي نتي هي لبنت ليي
المساعدة:وي هي انا
شغف(حسات بعدم الراحة):اه متشرفين اااا
المساعدة(بضحكة خبت):إيلينا
شغف:ااه متشرفين ا إيلينا
سيف الدين من موراهم:مرحبا بشغف عندنا
شغف(مدات ليه اإيديها وكيف كل مرة كيحرجها كيف كيبقا شاد ليها فإيديها):شكرا ربي يخليك(ورجعات إيديها عندها )
سيف (تمو داخلين ):(دار عندها )تشربي شي حاجة
شغف:هاا لاا بلاش انا بغيت غير نشوف غير لوليدات الصغار 
سيف (قرب حداها):هنا كاين كتر من ست جناحات ...كل واحد مختص بالنوع من سرطان (دخلو لجناح حداهم)كيفما كتشوفي هاد الجناح مختص بالأطفال لي عندهم سرطان الدم و باقي الجناحات غادي تشوفيهم من بعد ....كنوفرو ليهم جميع الإحتياجات ديالهم وكذالك الأطباء لي كيوقفو عليهم على طول النهار

شغف غادا كتسمع ليه ب إهتمام ومعاها جوج ديال لي گارد لي داخلين معاها فينما مشات وسيف ممحيدش عينيه عليها

إيلينا(كتشوف فيه وكتهضر بشوية):واش حماقيتي ....شوف راسك كيف كتشوف فيها. ..واش ساحرة ليك هادي
سيف (زير على يديك): ايلا زدتي كلمة أخرى غادي تقو** من قدامي منبغيش نشوفك كدوري حدايا
إيلينا(سدات فمها)
شغف(جات عندهم ):موسيو سيف نقدر ندخل دكشي لي جبت ياك
سيف(بإبتسامة):اه تصرفي كيف ما بغيتي

                          🌺   🌺🌺🌺

ماهي ايلا مدة قليلة حتا تمو داخلين بالهدايا لي جابت وكل جناح كدوز عليه كيكون فيه بزاف ديال الأطفال لدرجة هبطو ليها دموعها وهي كتشوف كيف أطفال صغار كيعانيو فحال هاكا ....مسحات دموعها  ودخلات تضحك مع هادا وتبوس هادا وتعنق هادا ...وكتلعب معاهم كأنها طفلة صغيرة ..وهوما فرحانين معاها.....وسيف هايم فيها وعينيه كتفحص جسدها كامل ..و أعين أخرى كتشوف فيها بحقد وكره و بغض وحسد كذالك ...بعدما كملات لقات 2 ديال العشية وودعاتهم ومشات جيهت الشركة باش تكمل شغلها  وخرجات هي وخولة تساراو شوية وتعشاو برة ووصل عليهم حتا أمين لي فين مامشات خولة غادي معاها

خولة(كتاكل ):كيف دازت الزيارة ديال ليوم
شغف(بتاسمات):دازت زوينة بزاف
خولة(حبسات الماكلة):شغف
شغف(شافت فيها بإستفهام )
خولة:معرفتش ولكن مكنرتاحش لداك سيف الدين...
شغف:مكنضنش إنسان فحالو غادي يكون ممزيانش .....كون تشوفي كيف مكلف بدوك الأطفال.  وكيفاش مهتم بيهم وموفر ليهم كلشي
خولة(يالاه جات تهضر حتا تم خلعها امين): ياربي سلامة منين كتخرج نتا...داير فحال الجن
أمين(گلس حداها  عنقها ): فينما كانت حبيبتي نتبعها عندك شي مشكل
خولة(بصوت ناقص):الله يعطيك حبوبة فط***
أمين وشغف كيشوفو فيها بمعنى سمعناك
خولة:هيهيهي غير كنضحك
شغف(كتشوف فيهم كيتناگرو وكضحك ):هههه باراك گلسو تعشاو
أمين(خربق لشغف شعرها):الله يخطيك عليا وخلاص ..نتي لي دايرا معايا مزيان امرت خويا
شغف(خنزرات فيه):الله يمسخك انا تزوجت بيه باش نكون مرتو
أمين(بتاسم ليها حتا ضرو فمو ):واخا هكاك كتبقاي مدامتو
شغف:كول كول
خولة:مغاديش تخلي عليك البنت نتا
أمين:كنهضر معاها ونتي اش مشا ليك
خولة(خنزرات فيه)
أمين(جرها باسها فحنكها بزز منها)
شغف(كضحك عليهم ):هههه ...(طاحت عليها فكرة )عموما راه ماما شهيدة قريب تجي خصنا نديرو ليها شي حفلة صغيرة
أمين(وحلات ليه):كيفاش واش ماما جايا
شغف:اه على مفراسكش
أمين(مسح فمو):لا مفراسي والو ....دابا گالتها ليك قبل متگولها ليا ...لا ولهيلا نكرتني
خولة(كتقلي ليه فالسم):مزيان ليك

                                 🌎🌎🌎

بعد مدة خداو التحلية ومشاو كل غير وصلو للدار تفرقو شغف دخلات غسلات حالتها وخرجات نيشان نعسات بلاصتها كتشوف فالتصاور لي تصورات مع لوليدات الصغار حتا صونا ليها ناصر لي كيشوف فيها من لكاميرا لي جات قريبة ليها بزاف وهي مكتشوفهاش  وكيهضر معاها فنفس الوقت ....فكل مكيعطيها شي كلمة زوينة كضحك بخجل وبلطف وهو هايم فيها ومجنناه كيتسنا غير إيمتا يسالي هادشي ويرجع فحالو ..بقا كيهضر معاها حتا بدات كتفغا ونعسات وهو مزال حاضيها حتا فيقو من سهوتو لگارد لي سايگ بيه بمعنى راه وصل للمكان لمحدد

ومتنساوش خليو معاكم
⭐vote
📧comment