لا مفر فأنت ملكي للأبد (قصة مغربية)

الجزء 8

##بعد ايام

خولة(كتفيق شغف):واا شغف فيقي راه عندنا إجتماع مع client مهم
شغف(كتكسل):فيا النعاس ..مفيا لي يفيق
خولة:ايوا شتي لحب كيخلي بلا نعاس
شغف(كتكسل ):مكاين لا حب لا والو ..ناصر مشغول هاد الأيام
خولة:يالاه راه خصنا نمشيو ...قادي حالتك هاني نتسناك
شغف(بقات متكية حتا صونا عليها تيلي)
ناصر(بصوت خشن كيف العادة):صباح النور
شغف(بصوت نعسان):صباح النور
ناصر:كنتي ناعسة
شغف(كتهضر وهي ماشي فوعيها):لا يالله فقت عندي ليوم client مهم خصني ضروري نمشي
ناصر:لعشية نلقاك واجدة
شغف(كتهضر وهي ناعسة):ناصر
ناصر:ممم
شغف(على نفس الوضعية):عمري گلتلك بيلا مكتعرفش شي حاجة سميتها الرومانسية
ناصر(فاجأاتو بهضرتها):علاش كتگولي هاكا
شغف(ضحكات ):حيت الناس العاديين كيگولو حبيبة غادي نتسناك العشية وجدي راسك  ولا توحشتك...ماشي لعشية نلقاك واجدة ...فحال ايلا غادي ضربني
ناصر(عاقد حجبانو):مزال ما شفتي والو...الرومانسية مع الزعيم من نوع اخر ...خصك حتا تجربي عاد تحكمي
شغف(جات خولة كتنوضها)
ناصر(كيضحك):سيري لخدمتك راك تعطلتي
شغف(عاد فاقت):ناصر....غير كنت كنضحك معاك متديش عليا
ناصر:لا متخافيش من ليوم غادي نولي ندي عليك
شغف(قطعات عليه وناضت كتلبس )

ناصر(قطع معاها  كيضحك حتا دار لقا امين موراه):مالنا اش كاين
أمين(كيضحك ):والو غير اول مرة نشوفك كضحك ...والصراحة سعدات شغف لي كتشوف هاد الضحكة
ناصر(جرو من عنقو):ولايني راك كتقلب عليا
أمين:لوالدة راه تاصلات
ناصر:علاش شنو بغات
أمين:بغاتنا نجيو عندها  راه شحال مامشينا
ناصر(گلس كيفطر بلاما يهضر):فالأخر ديال الشهر خصني نمشي لسويسرا ..خصنا ضروري نفرقو الشحنة ديال السلاح على مجموعة من الدول
أمين:شحال غادي تبقا
ناصر:تقريبا جوج سيمانات
أمين:هي نمشي معاك
ناصر(خنزر فيه):لا انا غادي نتكلف ...نتا بقا هنا  وشغف نبغيك تحطها فعينيك
أمين (ومأ ليه براسو)

فبلاصة اخرى كاين شخص گالس وسط قصرو وبالضبط فالبيرو ديالو وكيشوف فتصاور شغف وموراه بنت كتمسد ليه ضهرو ولابسة كسيوة ...كتبان ملابساهاش  كلشي معري
الشخص(كيشرب قهوتو):مبقا والو ونشوفها...محبوبة قلبي(مركز شوفة ففمها) متشوق نعرف مذاقهم
البنت:مفهمتش شنو كيعجبكم فيها...عينيها متلا كتبان عادية جدا
الشخص(جبد گارو كيكمي):صعيب على وحدة ق***فحالك تفهم
البنت(حسات بنقص ولكن مبغاتش تبين):فوكاش غادي نبداو الخطة نتا بنتي ليا باغي تبقا تشوف غير من بعيد ..هادي شهر باش جيتي للمغرب ومزال متحركتيش
الشخص(جبدها من شعرها):مغاديش تجي ق*** فحالك توريني شنو غادي ندير...
البنت(حولات تبرد الوضع):ولكن راه  خصك تفهمني انا باغا غير امتا يولي ناصر ديالي ...وحتا نتا راك باغي شغف
الشخص(بضحكة مستفزة ):بغيت غير نعرف وحدة فحالك شنو غادي تعطي للزعيم حتا من*** دازو ليك عليه نص الكرة الأرضية ....فرق كبير بينك وبينها....الثروة  والجمال والذكاء  .....شنو عندك متلا
البنت(طلعات معاها السخونية ...وعينيها كلهم شر جيهة شغف):بعد اتفاقنا. .نتا ليك شغف وانا ليا ناصر ...وحتا الفلوس لي واعدتيني بيهم غادي ناخدهم ...ديك الساعة مغادي يبقا بيناتنا والو و نسدو الموضوع حيت ايلا عرف الزعيم بيلا بيناتنا شي خطة غادي يقتلنا بجوج
الشخص(ناض  خرج ومشا جيهت بيتو بدل عليه)
البنت(كتسد ليه فالقاميجة):كنتمنا الخطة دوز مزيان ليوم وتسنيو العقد
الشخص(كمل لباسو  وكيقاد راسو فالمرايا):الخطة غادي دوز مزيان خصك غير نتي تحضي راسك...وأفعالك.....(وهبط ركب فلوطو ديالو  ومشا)