لا مفر فأنت ملكي للأبد (قصة مغربية)

الجزء 19

##يوم الإتنين ##باقي تلات ايام للعرس

صبح صباح وشغف مخشية فبلاصتها فيقها غير صوت لمنبه ..دارت ملقاتش ناصر حداها ..هزات ورقة محطوطة فصينية فيها الفطور حداها"حبيبي عندي شي خدمة ..فطري وهبطي غادي تلقاي الشيفور كيتسناك فالعشية غادي ندوز عندك "ناضت مبتاسمة فطرات ودخلات دوشات حيت سالات منها الدورة حيت عندها 5 ايام وكتقادا ليها ....خرجات قادات حالتها عاد هبطات لقات شيفور كيتسناها كيف مگال ليها ناصر ..وبطبيعة لحال كاينين حتا لي گارد
شيفور (حل ليها لباب ):تفضلي
شغف(وقفات شافت فيه مبتاسمة):خصني نمشي للجمعية هي لولة واخا تديني
شيفور(شاف فيها مصدوم من كمية اللطافة):اه واخا

بعدما ركبات ماهي ايلا بضع دقائق حتا وصلات للوجهة ديالها هبطات كتمشى الجردة بانت ليها إيلينا گالسة تمشات جيهتها ..
شغف:صباح لخير
إيلينا(هزات فيها راسها):صباح الخير
شغف(گلسات حداها):إايلينا مالكي ..علاش كتبكي ..شي واحد دار ليك شي حاجة
إيلينا (كتزيد تعلي فشهقاتها):(ترمات على شغف كتعنقها)
شغف(تخلعات عليها):إيلينا ...عاودي ليا مالكي ....انا غادي نعاونك
إيلينا(هزات فيها راسها):بصح
شغف(بتاسمات ليها ومآت براسها):غير عاودي ليا

إيلينا بتسمات ليها وبدات كتعاود ليها وكتبكي ..بعد مدة شغف خرجات وتوجهات للشركة ديالها وبقات فيها إيلينا ..الطريق كاملة وهي كتفكر فيها
وصلات للشركة بزز باش قدرات تركز مع خدمتها

خولة(دخلات هاجمة عليها ):شغغغغغف
شغف(قفزاااات من بلاصتهااا ):شي نهار غادي تشدني سكتة قلبية بسبابك
خولة(دخلات كتعنق فيها وكتمخض فيها):وا توحشتااااك
شغف(كضحك):وغير بشوية دوختيني
خولة:قرصيني
شغف(حلات عينيها):ها ويلي علاش نقرصك
خولة:وقرصيني حيت كيگولو لعروسة خصها تقرص صحبتها باش نتزوج من موراك
شغف(خبطاتها فضهرها):الله يمسخك
خولة:عندي ليك خبار زوينة
شغف:طلقينا اما هي
خولة(حنات ليها حدا وذنيها):أمين طلبني للزواج لبارح
شغف(غوتات مصدومة):ممتيقاش كيف درتو ليييييها
خولة:ههههه انا براسي معرفتش
شغف(جبداتها عنقاتها ):مبروك عليييكم هي نديرو عرس واحد
خولة:ههه ا بلاتي مزال لحال
شغف( سهات كتفكر )
خولة:هيهووو فين مشيتي
شغف:خولة تقدري تغطي عليا خصني نخرج بلا گارد
خولة(حلات فمها):كييفاش ...علاش
شغف:غير لقاي ليا حل ...فاش نرجع فلعشية نعاود ليك كلشي
خولة:واخا حتا نشوفو هادشي ديالك فين غيوصل

بعد مدة خرجات خولة حادرة راسها باش ميشوفهاش لگارد هبطات مع الدروج لورانين وخرجات من مور الشركة شدات طاكسي
شغف(حيدات دكشي لي كانت لابسة):اااوف تخنقت (دارت إاتصال )خولة راني خرجت
خولة:سربي دكشي ديالك ورجعي ...ناري ويعيقو بينا مشينا فيها
شغف:لالا متخافيش انا دغيا وغادي نرجع

بعد مدة شغف وصلات لعنوان ...كانت عمارة جات فوسط لمدينة طلعات فالأسانسور لأخر طابق دقات فشقة من دوك الشقق