لا مفر فأنت ملكي للأبد (قصة مغربية)

الجزء 28

##صبح لحال بعد أيام ....وهما فلجزيرة

🌹🌹فاقت شغف هبطات كتقاد فلفطور ....واخا ممولفاش ولكن ليوم فايقة ناشطة ....بدات كتقاد فلفطور وطالقة موسيقى وكتمايل معاها ببطئ ...مقابلة مع البحر ،لي ولات مدمنة عليه فهاد الأيام ..طول گلستهم هنا.....ناصر فاق ملقاهاش ...مولف كيحس بيها فاش كتفيق ..
هبط مخسر سيفتو هز تيشرت ديالو فيديه بلاما يلبسو ....كيسمع صوت لموسيقى وكيشوفها كتمايل معاها مع لإيقاع ...هادي اةل مرة كيشوفها كتشطح مباشرة ..
من بعد ديك لمرة شافها غير فلكاميرا لي كان داير ليها فبيتها...ساهي فجسمها كيف كيتحرك ..
رغم انها مكتعرفش ..ولكن تحركاتها مع جسدها المتناسق جننوه ...بقا واقف حاضيها ...قرب حداها 🌹

ناصر(شحطها ف ط***):صباح لخير ..وقتاش فقتي
شغف(طلعات معاها الخلعة ):من وقتاش ...ونتا هنا
ناصر(كيحك على فمو بطريقة متيرة):معرفتش يمكن منين بدات الأغنية
شغف(دارت وسكتات كتحاول تخفي حرجها)
ناصر(باسها فحنكها):شنوو كيدير حبيبي....وجدتي لينا لفطور
شغف(طلعات معاها السخونية بديك لبوسة):احم....فينهو تيلي ديالي
ناصر(حرك كتافو ):باش غادي نعرف ..شوفي نتي فين درتيه
شغف(خنزرات فيه):انا اصلا مجبتوش معايا
ناصر(جبد تيلي من جيبو ):هاكي ديالي (ورجع گلس فالطبلة برا لي كطل على لپيسين ديال لڤيلا ..وقدامها لبحر..
شغف(لقاتها من جنة والناس بدات كتقلب ليه فتيلي جبدات ليه مصارنو ...دخلات لإنسطا ديالو ....شافت فيه مخنزرة):علاش حطييتي تصويرتنا بزوج
(للعلم :حط تصويرتهم بجوج فاش تصورو مع اليرقات الضوئية)
ناصر(رجع خنزر فيها حتا هو):اه عندك شي مشكل ....مراتي وبغيت نتصور معاها شغل شي حد
شغف(دارت ضحكة إستهزاء ):من فوقاش ا سيدي و أنا مرتك ...
ناصر(حيد ليها تيلي وجبد ليها تصويره ديال عقد الزواج وحط ليها تيل بجهد ):هاكي امدام الزعيم متعي ليا عويناتك (ورجع طلع فحالو و كاتم غضبو بزز)

شغف ...بقات حالة فمها ومفاهما والو...لوراق كاملين قانونيين ..مفيهم حتا شائبة ...وحتا من التوقيع ديالها هو نفسو

شغف(طلعات لبيت ):بغيت غير نفهم ...كيف درتي لهاد لوراق ....منين جبتي التوقيع ديالي ...هادشي ماشي قانوني ...حيت مزور
ناصر(خبط لكاس لي فيده فلحيط لي موراها وتم جاي جيهتها جاعر):واش...مزال ماباغا ديري عقلك ..هااا
شغف(علات فيه عينيها ):من حقي نسولك ....انا مزوجة بيك ومعارفة والو ....وبلا موافقتي
ناصر(لوا ليها يديها مور ضهرها):بموافقتك ...وكلشي قانوني ....وبيديك سنيتي ...ولا معقلتيش
شغف(بدات كتفكر داك النهار بحاجو بحاجة طرات)

🌹🌹🌹🌹##فلاش باك 🌹🌹🌹🌹

أمين:ايوا فوكاش ناويين ديرو لينا شي عرس
شغف(بإستفهام):اينا عرس
أمين:ديالكم
ناصر(ضرب فيها تخنزيرة):قريب قريب
أمين:لمهم انا خارج دابا نتلاقاو فالليل ونكملو الهضرة(موجه كلامو لنصر)
ناصر(دار عند شغف بعدما مشا أمين):كيفاش عرس ديالمن ...
شغف:لا غير حيت عمرك هضرتي معايا فهاد الموضوع
ناصر(حبسها):علاش ..ياكما كنتي كضني غادي نبقاو غير هكا
شغف(كتحك فراسها):حيت نتا عمرك مخطبتيني دكشي لاش مدرتش فبالي
ناصر(جبد ليها يدييها):وهادا شنو هو ...
شغف:ياك غير كادو
ناصر(علاين يبوخ الدم):كيبان ليا ا شغف راك مواخداش الأمور بجدية (وناض وقف جيهت شرجم كبير )
شغف(عرفات راسها قفرتها معاه.ناضت عنقاتو من لور):سمحلي..غير كنحس براسي دايخة بقوة مطرا كلشي بزربة
ناصر(دورها قدامو باسها فوق شفايفها):شنو بان ليك نزربو الأمور كتر ونتزوجو هاد السيمانة
شغف(مصدومة من هدرتو):هاا...بهاد السرعة
ناصر(كيقاد ليها شعرها):وشنو فيها ...محد معاك ناصر متخافي من والو
شغف:ولكن ماشي بهاد السرعة...نخليوها حتا لشهر جاي باش نوجد راسي مزيان
..(ساهية كتفكر)
ناصر:فاش ساهي حبيبي كيفكر
شغف:نقدرو نعيشو فقصري
ناصر(خنزر فيها):واش كتفلاي ولا مالك
شغف(صمت)
ناصر(عاد عرف مالها):عارفك متقديش تبعدي على قصر واليديك...ولكن سوا كانو ولالا كنتي شي نهار غادي تبعدي عليه...اولا
شغف(بتاسمات ليه برضا)
ناصر(قرب ليها):هي نقدر نگول نتي موافقة على هاد الزواج ممم....تقبلي تكوني مدام الزعيم
شغف(دورات يديها على عنقو ):مم مواااافقة
ناصر(مشا جيهت بيروه وجبد شي وراق )
شغف(كضحك):شنو كدير
ناصر(جرها من خصرها كيضحك ):يالله طلقينا لكنتي مزال باغا تخرجي ....وقعي
شغف(عنقاتو بيد و ليد لخرى سنات بيها ):ههههه شنو دابا تزوجتيني
ناصر:ياك گلتي موافقة ....
شغف(كضحك معاه):اه موافقة الله ياودي
ناصر(جرها كيبوس فيها وكيهرها )
شغف:هههههه ولااا ناصر ...كتهرنيي