لا مفر فأنت ملكي للأبد (قصة مغربية)

الجزء 9

###نهار جديد - احدات جديدة

شغف(كتفيق ومصدعها تيلي ديالها):شكووون
ناصر:صباح النور
شغف(بدات كتغبن):حشومة عليك ا ناصر هادا غير سبت خليني نعس
ناصر(كيضحك عليها):نوضي وجدي راسك ساعة نلقاك واجدة ...عندي مفاجأة زوينة
شغف:اودي معند الميت ميدير قدام غسالو
ناصر(جمع غوباشتو وهضر بنبرة قاصحة):شغف ....من هنا ساعة غادي ندوز عليك ..وجدي راسك....وحاجة اخرى نلقاك دايرة ليا شي تخربيقة فداك اللبس ولا فداك الوجه ..هدرة اخرى
شغف( قطعات عليه و ناضت كضرب فجلايلها): يخخخ على زهر

ناضت لبسات عليها ودارت عكس دكشي كامل لي گال ليها ...وهو غير قطع معاها لبس عليه ومشا نيشان عندها ...دخل للقصر وتفقد الأمور كاملة من عند المسؤول على الأمن لي حطو فالقصر عاد تم داخل ..طلع نيشان عندها للبيت لقاها متكية فالبالكون جيهة شميسة

ناصر(گلس حداها بلا ميشوف فيها):صباح النور
شغف(طلعات معاها التقفقيفة):صباح النور
ناصر(قرب يبوسها حتا لمح حوايجها ومكياجها ...جمع ليها وجهو بيديه مزير عليها):دويت معاك ..ونتي مصممة تجهلي ديلمي
شغف(كتحاول تبان قوية):شنو فيها آوو ...حياتي هادي نلبس كيف بغيت  عيقتي بزاف
ناصر(بداو يلعبو ليه لقرودة فوق راسو):هاد الحياة لي كدوي عليها ولات ملكي نهار عرفتك ...ديريها فهاد الراس صغيور
شغف(خنزرت فيه):مبقيتش باغا نمشي
ناصر(غوت بجهد):شغغغغغف

اما هي غير سمعاتو طلعات معاها الخلعة ..مشات مسحات دكشي كامل ودارت غير دكشي خفيف.  وبدلات عليها.  وهبطات معاه بلا هدرة ..اصلا مكان فيها لي يهضر معاه الطريق كاملة وهي قاطعة حسها وهو بقوة متعصب كيحس بداك الڤولون قرب يطير من بلاصتو ....حتا وصلو لجيهة كانت فيها طائرة خاصة ديالو..عاد نطقات

شغف:حنا فين غاديين
ناصر:زيدي قدامي ..وكملي على سكاتك
شغف(بقات كتفكر حتا حل عليها الباب وهبطات)

طلعات فالطيارة و گلسات فبلاصة فيها كرسي واحد ودورات وجهها جيهت شرجم ...بلعاني مبغاتش تگلس فلبلاصة لي فيها جوج كراسة ... هو كان معصب وزاد تعصب.....هزها من بلاصتها وگلسها حداه وخا عيات متحاول تفك من يدو ولكن طلع ليها الزعف فراسها هاد التعامل لي كيدير معاها...بقا مدة وهو كيحاول يصالحها حتا نعسات ..فاش قربو يوصلو فيقها وهضرات معاه عادي فحال ايلا مواقع والو ...هو بقا غير حال فمو مفهم والو ....من اينا معدن هاد السيدة

شغف:فين جينا
ناصر(مشابك يديه مع يديها):إسپانيا
شغف(غادة كضحك معاه):وشنو كنديرو هنا
ناصر:غير زيدي بلا قوة الهدرة وغادي تعرفي
شغف( تفكرات شي حاجة و حيدات يديها):بعد مني.
ناصر(دار عندها ):شنو واقع ...مالكي بدلتي السيفة
شغف(بنظرة طفولية):متنساش راه كنت مخاصمة معاك راه غير نسيت
ناصر(غطا وجهو بيدو كيضحك حتا عيا):راه بالله انا هبيل لي داير عقلي فيك
شغف(تمات غادا قدامو ):هي انا باقا صغيرة
ناصر(جرها عنقها):علاش نتي حليلوة هكا....شي نهار غادي تقتليني بهاد الحلاوة
شغف(بعدات عليه):بعد مني مغاديش نساليك ليوم
ناصر(عنقها وتم غادي بيها):مبقات مخاصمة باراك
شغف(بنصف ابتسامة ):بشرط
ناصر(باسها فوق شفايفها):لي هو
شغف(بضحكة انتصار):من بعد ونگولك