لا مفر فأنت ملكي للأبد (قصة مغربية)

الجزء 23

🌹بعدما وصلت شغف لروما كانت مزال عيانة من العملية لي دارت فلندن ..مقدرتش تخرج من الوقت لي وصلات فيه ...بعدما هضرات مع خولة حسات براسها رتاحت حيت هاد الأيام كاملة وهي بحدها ..
خدات دواها ونعسات حتا صبح لحال ...
فاقت معارفاش شحال ديال لوقت نعسات ...لمهم هو انها نعسات مدة طويلة ...
دخلات غسلات حالتها وخرجات لبست عليها تيشيرت فالأبيض قصير حيت فصل الصيف دخل ...مع سروال جينز و سبرديلة ...وهزات ساكها فضهرها لي فيه لوراق ديالها ولفلوس 🌹

شغف(هزات تيلي ):مشفتش لمكالمة ديالك كنت فالدوش
خولة:اه ماشي مشكل ...
شغف:انا خصني شي حوايج ...لقيتيني غادي نخرج ...من لبارح فاش هدرنا و انا ناعسة
خولة:ههه وليتي نعاسة ...انا راجعة من الخدمة دابا
شغف:مم...كيف راه عمي أحمد
خولة:ديما كيسول عليك ....ولكن گتليه راك عندك سفر طويل. .وحتا هو محكرش
شغف :اه صافي مزيان
خولة(شافت أمين قدام الباب):يالله شغف نخليك من بعد ونهضرو (وخبات تيلي فصاكها )

🌹بعد ما جمعات شغف دكشي ديالها دارت صاكها فضهرها و خرجات ..دازت فطرات هو الأول حيت من نهار دخلت لإيطاليا مكلات والو .....من بعد تمشات شوية من حدا ساحة "نافونا"... وهي مزال كتاكل حيت قتلها الجوع ...كتشوف فالناس كيغنيو و كيشطحو ترسمات على وجهها إبتسامة بعد مدة طويلة ..كتمشا وسط الناس ..هادشي لي خلاها تحس بالأمان ولو شوية ....كتبان فحال شي ملاك كيتمشا وسطهم لي كدوز من حداه كيتبعها بعينيه 🌹

دورات عينيها ..لمحات شخص كأنه كتعرفو ...
شغف(طلعات معاها الخلعة بدات كتصوني لخولة):جاوبي دغياااا
خولة(كانت داخلة معصبة مع أمين):شغف ...
شغف:شوفي ليا دابا واش ناصر فالمغرب ولالا ....انا مأكدة شفت لگارد ديالو
خولة:ها كيفاش تسناي (صونات على شخص من المطار )شغف اا...
شغف:دوي دغيااااااا
خولة:كاين فإيطاليا ...
شغف(حسات بحال سطل دلما بارد تخوا عليها ):وجدي الطيارة
خولة:اه واخا(وناضت كتجري وطيح باش تتاصل بالناس لي مكلفين)

🌹شغف كدور عينيها وكتزيد تأكد واخا كانو مفرقين قدرات تميزهم.... قلبها كتحس بيه غيوقف بقوة مكيضرب بالجهد ....فلحظة ختافات بين الناس ..حتا مبقاوش كيلمحوها 🌹

الگارد1:مبقاتش كتبان ....
الگارد 2(لمحها كتجري ):(وبدا كيجري مورها)تبعوني راها ...راها كتهرب منا
ناصر (خرج من لوطو فاش لمحها دازت كتجري من قدام لوطو ):....شغغغغغففف

🌹شغف سمعات صوتو دورات وجهها كيبان ليها موراها ...رجعات كتجري بكل ما فجهدها ....خرجات جيهت الشارع الرئيسي باش تشد طاكسي ...مبان ليها حتا حد و هوما باقيين كيجريو موراها 🌹

ناصر:شغفففف وقفييي

🌹اما هي مزال كتجري ..اخر حل تقدر توصل ليه هو توقف ....كملات كتجري بلا متنقص فسرعتها ....خرجات على قنطرة دايز من تحتها نهر ....حتا خرجو ليها الگارد من اللور ومن القدام ...معرفت ترجع للور ولا لقدام ...حتا خرج قدامها اسوء كوابيسها ...فرانا بلوطو ...وخرج فحال شي ثور قدامها العروق لي فراسو منفوخين 🌹