لا مفر فأنت ملكي للأبد (قصة مغربية)

الجزء 17

بعد أيام ..لي دازت غير فالخدمة ...سالات نهارها بعد نهار طويل عامر إجتماعات وكذالك جاتها مع أخر السيمانة وگاع لعيا تجمع عليها ...
دخلات نصلات حوايجها فالباب ودخلات للدوش لي كانت وصاتهم يوجدوه ليها قبل متوصل ...دارو ليها فيه پردويات كيهدئو النفس دخلات نيشان محساتش إيمتا داها النعاس عاد ناضت غسلات شعرها وخرجات بدلات عليها ونشفات شعرها ورجليها مهازينهاش ...ترمات نيشان فوق الفرشة باش تنعس فاقت حتا 10:30دليل على يد شهيدة محطوطة فوق راسها كأنها كتتفقد الحرارة ديالها

شغف(بصوت نعسان):ماما شهيدة
شهيدة(بخوف): بنتي ..حرارتك طالعة
شغف(رجعات حطات راسها على المخدة):لا غير عييت ليوم وصافي
شهيدة:انا نوصيهم يجيبو ليك الماكلة والدوا
شغف(بصوت عيان):لا بلاش انا نعس و نفيق مزيان (ورجعات دغيا غفات)
شهيدة(يالله جات تهضر حتا حبسها شي حد داخل مع الباب ):ولدي
ناصر(دخل بإبتسامة وبكل وسامة كيشوف فيها وهي مباغاش تنوض  وموحشها كتر ... گلس حداها):مبغاتش تفيق هاد النعاسة (جبدها عندو عنقها حتا تخلع من حرارتها)مالها سخونة هكا ....شغف حبيبي فيقي
شهيدة(مشات جابت لما كترش عليها  ): يمكن لحرارة لي دارت ليها هكا

اما ناصر مكيتسنا حد هزها داخل بيها نيشان للدوش حيد ليها حوايجها الفوقانيين..و حل عليها لما بارد باش تهبط ليها لحرارة ..فاقت مخلوعة وكتخشا فيه بقوة لبرودة ديال لما حتا جراتو فزگ كامل

شغف(كترعد ):عافاك...حبسو بارد...بزاف
ناصر(باسها فوق راسها):غير صبر ا حبيبي ...بيما تهبط ليك الحرارة
شغف(زادت عنقاتو ):لا صافي باراك ...مبغيتش
ناصر(حبس لما و رجع عنقها):دابا مزيان
شغف(دارت ليه براسها اه ):وقتاش جيتي
ناصر(باسها فوق شفايفها):رتاحي دابا من بعد ونهضرو

بعدما هبطات ليها حرارتها شوية لبسها پينوار ديالها وخرجها عند ماماه باش تبدل ليها  وهو خرج قدام لبالكون وصاهم باش يطلعو ليه حوايجو حيت كاملين فزگو ...دخل للدوش بدل عليه و خرج لقاهم سالاو وشهيدة كتنشف ليها شعرها ...دغيا زرب عليها وخرجها...وكينشف فشعر شغف لي مدوخة وهو هايم فيها وموحشها ...وصاهم يجيبو ليها لعشا لي بزز داقتو عاد خدات الدوا باش تنعس

شهيدة (كطل من بيتها  حبسات خولة وكتهضر بشوية  ): هييه خولة اجيي
خولة(مشات عندها حدا باب لبيت وكتهضر بنفس النبرة):مالك ...علاش كتهضري هكا ...مشا ليك الصوت
شهيدة(ضربتها على راسها):ههه يا هاد الحمقة ..راه ناصر كاين فلبيت
خولة(حلات عينيها):هااا وشنو كيدير هنا  جااا ...ياك كان غادي يجي بعد يومين
شهيدة:راه رجع ..وراه دابا مع شغف حيت مريضة
خولة(تمات غادة):هاا مال شغف
شهيدة(جراتهت من القب): اجي لهنا ... غير حرارتها طلعات شوية ..ولكن دابا راه مزيان
خولة(حكات راسها):اااه اوكيي.حتا للصباح ونشوفها...اجي ولدك بايت هنا
شهيدة(ضحكات عليها):باينة متحتاجش سؤال
شهيدة(دخلاتها معاها للبيت باش يتوانسو )

أمين(كيهضر فتيلي ):ناصر هاني وصلت
ناصر:واخا هاني هابط (كيحيد يدين شغف لي شادين فيه بقوة ..باسها فوق شفايفها ولبس عليه تيشيرت وهبط عند أمين)
أمين(بتاسم ليه ):اهلاا توحشناك
ناصر(عنقو عناق رجولي )
ناصر:(بتاسم ودغيا رجع لتخنزيرتو كيف العادة)الخدمة كيف غادة
أمين(رجع لور تكا و دار رجل على رجل ):كلشي مزيان هو هداك  كيف خليتيه  ..اسي لعريس
ناصر (مد يديه):ارى دكشي لي وصيتك عليه
أمين(غمزو ):(وحط ليه فيدو)هاهو لقيتو 
ناصر(جمع لوقفة ):يالله تصبح على خير (وتم غادي )
أمين(واقف متردد باش يهضر):سيف الدين راه هنا
ناصر(دار عندو بإبتسامة خبت  ):عارف ...خليه يلعب على راحتو ....كيعجبني نخلي الأعداء ديالي يضنو أن لورقة الرابحة عندهم ....
أمين(ضحك جنب  وغمزو ): تصبح على خير

##صبح صباح جدييد
شغف كتكسل بلاصتها بقات مدة عاد فاقت كتحس براسها باقي شوية دايخة ..شافت حداها
شغف(مخسرة سيفتها):كنت كنحلم  ....
ناصر(خارج من الدوش و نصو الفوقاني معري ):لا مكنتيش كتحلمي
شغف(ناضت جيهتو وعنقاتو ): نااصر ...علاش مگلتيش ليا غادي تجي
ناصر(زاد عنقها وخشا راسو فعنقها):غير ساليت خدمتي جيت (باسها بوسة فعنقها) كيف صبح حبيبي دابا مزيان (وقاس ليها الحرارة )
شغف(بتاسمات ليه  و حركات راسها ب أه بكل طفولية)
ناصر(ضحك عليها وعينيه مرة كيمشيو لعينيها ومرة لشفايفها )
شغف(جراتو من عنقو  وتعلات باستو باستو ):هههه
ناصر(جرها من خصرها ):ممم زعمتييي
شغف(ضحكات بخجل )
ناصر(زاد قربها ليه  كيقبلها بكل لطف وهو موحشها حتا سالا ليها لجهد ): شنو دابا خلليتك غير هاد المدة ...منين كتجيبي هاد لحلاوة كاملة(جبد ليها حنكها)..وجدي راسك نخرجو
شغف(بفضول ):فين
ناصر(جبد ليها نيفها ):لبلاصة غادي تعجبك
شغف (مشات بزربة كتوجد راسها)

دخلات غسلات حالتها ولبسات شوميز حريرية فالأبيض خشاتها فسروال جينز أزرق فاتح مع گاط طالع فلكحل ...خلات شعرها على راحتو وحتا لميكاپ مدارتوش من غير گلوز

شغف(خرجات عندو للبالكون):صافي نمشيو
ناصر(دار عندها ):(قرب ليها سد ليها شوميز حتا للفوق باش ميبانش صدرها )هكا مزيان يالله نتحركو

بعدما خرجو وهوما شادين فإيدين بعضهم حل ليها الباب ديال لوطو وركب حتا هو بعدما عطا إشارة للگارد باش ميتبعوهش ..
خرج غير هو وياها وهو حاط يد كيسوگ بيها و الأخرى شاد ليها بيها فإيديها وهي طالقة لموسيقى وكتمايل معاها وكتغني ...ناصر تعجب منها كيف الأغنية لي تجي كيلقاها حافظاها  ....
حبس لوطو  فبلاصة جات مقابلة مع البحر  وهبطو باش يفطرو ...هي بقات كتاكل حتا كرشها تنفخات وهو كيشرب فلقهوة ديالو وحاضيها ....
بعد مدة خرجو كيتمشاو جيهة لبحر  وفنفس لوقت كيهضرو على العرس ...بقاو مع بعضياتهم حتا ليل ومشاو للقصر ديال ناصر لي حلف ميخليها ...دوزو لبقية ديال الليل وهوما كيتفرجو  ففيلم لي زاد الطين بلة على شغف لي كانت بالخصوص ففترة لحيض ديالها كتكون حساسة كتر من لقياس وناصر عايق بيها حيت لبارح هو لي دوش ليها وعارف هرموناتها مخربقين فهاد الفترة  ...گالس حاضيها وهي كتبكي مع الفيلم و عاجبو لحال يشوفها هكاك  ...كتجننو بكل حالاتها ..

متنساوش خليو معاكم
⭐Vote
💌Comment