لا مفر فأنت ملكي للأبد (قصة مغربية)

الجزء 36

شغف ناعسة حدا ناصر بعدما عياو بلهضرة ...داير ليها بلاصة حداه...حاسة براسها عيانة معقلاتش على راسها حتا نعسات  وهي فجنبو كأنه هو مصدر الدفئ ديالها لوحيد ...محاوطاه بيديها كأنها خايفاه لا يهرب ..
كل مرة كيهتز جسمها بقوة دكشي لي عاشتو هاد الصباح  ،من ديما كانت حذرة مع الناس فتصرفاتها و غادة معاهم بسلام..و معمرها فكرات تأذي شي واحد ولا تجبد مشاكل مع شي حد  ...
جابو ليها حوايجها للبيت ...و ناصر مغطيها باش ميشوفها حد

ناصر(فاتح عينو و و كيدوز يديه على ملمس شعرها ...حتا قطعو الطبيب من سهوتو)
الطبيب(كيشوف فيهم و متفاجأ كيفاش گالس و معنقها بكل راحة و هو يالله كان غيموت):احم...سي ناصر خصنا نديرو ليك فحص بسيط..
ناصر(شاف فشغف لي يالله رتاحت فنعاسها و مبقاش جسمها كيتهز):يمكن ليك تجي من بعد...
شغف(كتحك عينيها ):هاا....لا دير لفحص...(و هبطات فوق ناموسية ووقفات)
الطبيب(بتاسم ليها  ):سي ناصر...جسمك قوي بزاف ...الضربة لي جاتك فضهرك قدرتي تخطاها ب سهولة...غير هو غادي يخصك تبع ترويض على حساب يديك الأيسر...مسألة مؤقتة
شغف(شدات فيدين ناصر وعينيها مدمعين):شنو طرا لدراعك...علاش مكتحركش
ناصر(بتاسم ليها  ):غير مسألة مؤقتة
شغف(تفهمات لأمر):اه ...(دارت إبتسامة عريضة)انا غادي نعاونك حتا تولي تقدر تحركها مزيان
الطبيب:غادي نسيفط معاك الطبيبة لي كدير الترويض ...غادي تعتاني بيك ...فمدة قصيرة  غادي ترجع لأمور كيف كيفما كانت ...كيفما سبقليا و گتليك جسمك قوي يقدر يتخطاها...
ناصر(طلع عينيه فيه):جيبو ليا لوراق ديال لخروج غدا خصني نخرج
الطبيب:لااا...سي ناصر خاص هاد لمدة تبقا هنا ...
ناصر(خنزر فيه):جيب ليا لوراق و سيفط ليا لأطباء للقصر
شغف:نااصر...خصك تبرا بعدا
ناصر(جرها من خصرها):غادي نرتاح لهيه كتر ..(وغمزها)
الطبيب(مقدرش يعارضو):اوكي ...انا غادي نتكلف...قبل خصك تعقم لجرح ...انا غادي نخليهم يتكلفو...(وخرج)
ناصر:لبسي عليك راه حوايجك لهيه ...
شغف(خدات حوايجها و دخلات للدوش باش تغسل عليها)

بقا ناصر متكي حتا دخلو عليه لفرمليات باش يتعاونو عليه باش يبدلو ليه لفاصما...وشغف دخلات تبدل عليها باش يمشيو ...غسلات عليها طرافها و لبسات....خرجات لقات لفرمليات كيقادو ليه لفاصما...
شغف(حالا عينيها كتشوفو كيف صدرو معري وهوما كيتلمسو فيه..مشات بزربة):لا صافي غير خليك ...انا غادي نبدلها ليه
الممرضة:سمحيلي...كلفونا باش نجيو نبدلو ليه لفاص...
شغف(قطعتها ....و غطاتو بلغطا باش ميبانش):لا صافي غير سيري انا غادي نتكلف
الممرضة:ولكن....
شغف(خنزرات فيها):دويت معاك (خلاتهم حتا مشاو و دارت عندو عاقدة حجبانها)
ناصر(حابس الضحكة):علاش جريتي عليهم ...
شغف(دارت ضحكة صفرة):انا لي غادي نبدلها ليك
ناصر(حرك ليها عينيها بمعنى بداي )
بقات دايخة معرفات باش تبدا ...كتشوف فدكشي مفاهمة والو ...ندمات حيت جرات عليهم
شغف(حكات راسها ):تسناني هنا (وخررجات برا خلات ناصر كيضحك عليها....عاجباه ديك لغيرة الطفولية لي كدير عليه...حتا دخلات عليه و معاها فرملي )
شغف:يالله ا خويا بداا (بقات واقفة عليه حتا سالا و عاونوه يلبس  )

صبح الصباح غير هاد لمرة شغف نعسات على لفوتاي باش متقصحوش واخا عيا فيها ...خرجو بعدما خلا أمين تكلف بوراق خروجو ...
ركبو و هو باقي مقصح لقاو شيفور كيتسناهم ..مشاو نيشان للقصر ...دخلو لقاو خولة و شهيدة

شهيدة(عنقاتو):ولدي على  سلامتك ...خلعتينا عليك
ناصر(باسها فوق راسها): الله يسلمك الوالدة....كتباني عيانة..
شهيدة:لا اولدي غير مع لخلعة...راك نتوما لي لي عندي مكنبغي حتا حاجة تآذييكم
ناصر(باس ليها يديها):رتاحي شوية ..انا دابا مزيان
خولة(سلمات على ناصر):على سلامتك
ناصر(ضحك معاها):الله يسلمك...
شهيدة(دارت عند شغف عنقتها): الخوافة أجي لهنا
شغف(بتاسمات ليها وبادلاتها لعناق ودارت عند خولة كتبوس و تعنق فيها)
أمين(لعب ليها فشعرها):هادي راه غيبات كتر منو هو لي فغرفة لعمليات
ناصر (حبس الضحكة و رجع شاف شغف لي مخنزرة ):بعد منها لا نصدق مهرسك هنا
شغف(خرجات لسانها لأمين)
ناصر(حنا عندها جر ليها لسانها لي مخرجة بفمو ...محاسش براسو من غير انه ديك لحركة لي دارت بلسانها جذباتو)
شغف(وجهها تزنگ )
أمين(غمز ماماه):مقادش يصبر مسكين
ناصر(زواه بيدو ليمنا):شفتك نتا باقي هنا ...ياك كنتي غادي لإسپانيا دوز شهر لعسل
أمين(شاف فخولة):غادي نمشيو(غمزو) على متقاد لأمور
ناصر(غمزو):غير سير انا قاد بشغلي

كلشي بقا گالس مجموعين ...أمين و خولة مشاو  لدارهم و شهيدة بقات معاهم فلقصر ...ناصر  بعدما مشاو طلع لفوق هو و شغف و شهيدة لي عاونوه ... ريتما غادي يجيبو لي يهتم بيه على أكمل وجه....دخلات غسلات عليها حيت ولات حالتها حالة  بعد دكشي لي وقع .. بدلات و خرجات عندو لقاتو كيتسناها متكي على الناموسية و معلي ضهرو بلمخاد..شير ليها باش تقرب حداه
شغف(گلسات حداه بصمت)
ناصر(هز ليها ذقنها....وطبع قبلة دافية على شفايفها):ممم شفتك ساكتة
شغف(دلات شفايفها):لا غير عييت شوية
ناصر(جرها بيدو ليمنا من خصرها وخشا راسو فعنقها):شنو ندير فيك دابا...
شغف(بدات كتلف ليها لهضرة):مم...ها...اااا
ناصر(بتاسم ):هدشي غير مزال مبديت....
شغف(طلعات معاها السخونية ووجهها غادي يطرطق بلحشمة)
ناصر(رجع ليها شعرها مور وذنيها ):دابا عندك إعفاء ...(كيهضر بنبرة بورشاتها)ولكن بداي توجدي ...مغاديش نتفاك حتا ناكلها
شغف(مستغربة):شنو هي؟
ناصر(قرب لوذنها باسها فوقها):حلوتي....
شغف(حسات براسها قريب طرطق ...دورات راسها مغطياه بلمخدة)
ناصر(ضغط على زر و طفا طو ...جرها من خصرها باش تقرب ليه )

متنساوش تخليو معاكم
⭐ Vote
💌Comment

النهاية مبقا ليها والو ....فهاد لويكاند غادي نكمل لقصة....كونو واجدين 😘